Гуфтушуниди Теҳрон бо шашгона дар Лозанна

Тавофуқи “шашгона” бо Эрон дар масъалаи барномаи ҳастаӣ

29
Созиш дар ҳоле ҳосил шуд, ки баъди ноил нашудан ба созиш дар рӯзи таъйиншуда, яъне 31-уми март музокирот дар бораи барномаҳои атомии Эрон дар шаҳри Лозанни Швейтсария идома ёфт. Дар ин музокирот масъалаи маҳдуд кардани фаъолиятҳои атомии Эрон дар ивази бардоштани таҳримоти дардноки иқтисодӣ баррасӣ мешавад.

ДУШАНБЕ, 3 апр — Sputnik. Эрон ва "шаш қудрати ҷаҳонӣ" (панҷ кишвари узви доимии ША СММ) дар мавриди андозаҳои калидии созишномаи фарогири ҳастаӣ, ки бояд то 30 июн ниҳоӣ шавад, ба тавофуқ расиданд, иттилоъ медиҳад РИА Новости.

Сарвари сиёсати берунаи Иттиҳоди Аврупо Федерика Могеринӣ бо қироати эъломияи якҷояи шашгона ва Эрон дар нишасти хабарӣ дар Лозани Швейтсария гуфт, рӯзи 2 апрел тарафҳо ба созише расиданд, ки "қадами ҳалкунанда" дар гуфтушуниди тӯлонии расидагӣ ба барномаи ҳастаии Эрон дар ивази сабук кардани таҳримҳои иқтисодист.

"Тавонмандии Эрон дар ғанисозии уран коҳиш хоҳад ёфт ва дар қарордоди оянда, дар миёни шартҳои дигар маркази Фардо ба пажӯҳишгоҳи физикаи ҳастаӣ табдил дода хоҳад шуд"- афзуд дипломати аврупоӣ.

Тавофуқ осон ба даст наомад

Натоиҷи ин созишро аксари коршиносон таърихӣ унвон мекунанд. "Ман мӯътақидам ва бояд бо ин ҷаҳониён нишон бидиҳем, ки ин тавофуқ ба нафъи амнияти дунё ва ИМА аст",- иброз дошт президенти ИМА Барак Обама.  

Созиш дар ҳоле ҳосил шуд, ки баъди ноил нашудан ба созиш дар рӯзи таъйиншуда, яъне 31-уми март музокирот дар бораи барномаҳои атомии Эрон дар шаҳри Лозанни Швейтсария идома ёфт. Дар ин музокирот масъалаи маҳдуд кардани фаъолиятҳои атомии Эрон дар ивази бардоштани таҳримоти дардноки иқтисодӣ баррасӣ мешавад.

Мувофиқат бар сари чаҳорчӯби умумии тавофуқнома роҳро барои имзои созиши ниҳоӣ то охири моҳи июн ҳамвор мекунад. Дар сурати ба даст омадани созиш, баҳси 12-сола бар сари барномаҳои баҳсбарангези атомии Эрон хотима меёбад.

Кишварҳои ғарбӣ ва Исроил мегӯянд, Эрон мехоҳад, пинҳонӣ силоҳи атомӣ бисозад, вале Теҳрон ин иддаоро рад мекунад. Ҷон Керрӣ, вазири умури хориҷии Амрико ва Муҳаммад Ҷавод Зариф, ҳамтои эронии ӯ рӯзи 1-уми апрел мулоқот карданд, зеро ба гуфтаи дипломатҳо пеш аз ҳаргуна эълон дар бораи музокирот кори зиёде боқӣ мондааст, ки бояд анҷом шавад.

Аббос Арақчӣ, раиси ҳайати музокиракунандагони Эрон гуфт, ки баъзе аз "масъалаҳо" боқӣ мондааст. Аз ин пеш Сергей Лавров, вазири умури хориҷии Русия, гуфт "тарафҳо дар робита ба тамоми ҷанбаҳои созиши ниҳоӣ ба мувофиқа расидаанд." Филип Ҳаммонд, вазири умури хориҷии Бритониё гуфт, ки "масоили калидӣ" бояд ҳал шавад, вале дар маҷмӯъ ҳамдигарфаҳмии васеъ вуҷуд дорад.

Шаби ҷумъа дар Теҳрон…

Ҳамзамон, шаби гузашта ҳазорон шаҳрванди Эрон ба хиёбонҳои Теҳрон баромада, тавофуқи бадастомадаро таҷлил мекарданд.

Иранцы празднуют соглашение, подписанное шестеркой и Тегераном
© AP / Ebrahim Noroozi
Иранцы празднуют соглашение, подписанное "шестеркой" и Тегераном
29
Барчаспҳо:
созиш ба даст омад, музокироти ҳастаии Эрон, тавофуқ, барномаи ҳастаии Эрон, шашгона, Иттиҳоди Аврупо, ИА, Федерика Могеринӣ, Барак Обама, Аббоси Арақчӣ, Русия, Лозанна, ИМА, Эрон
Ожирение, архивное фото

Олимон: чарби шикам ҳатто дар вазни муқаррарӣ, хатари марги бармаҳалро зиёд мекунад

135
(Таҷдидшуда 14:29 27.09.2020)
Олимон пас аз анҷоми таҳқиқоти илмияшон ба чунин хулоса омаданд, ки чарби шикам одамро ба марги бармаҳал наздик меорад

ДУШАНБЕ, 27 сен — Sputnik. Чарби шикам ҳатто дар сурати доштани вазни муқаррарӣ, одамро ба марги бармаҳал "тела" мекунад, менависад MedicalXpress бо такя ба маълумоти одимони эрониву канадагӣ.

Мутахассисони ин ду кишвар дасти кам 72 кори илмиро омӯхтанд, ки муносибати фарбеҳии шикам (вақте ки чарб маҳз дар минтақаи шикам пайдо мешавад) ва фавт аз сабабҳои гуногунро тафтиш карданд. Онҳо инчунин нишондиҳандаҳои солимии зиёда аз 2,5 миллион ихтиёриёнро дар тӯли аз се то 24 сол тафтиш карданд.

ВКД Тоҷикистон аз кормандон талаб кард, ки аз фарбеҳӣ халос шаванд

Коршиносон ба даври камар ва миён, таносуби онҳо, фоизи равғани бадан ва параметрҳои дигар таваҷҷӯҳ зоҳир карданд.

Маълум шуд, одамоне, ки чарб на дар миён, балки маҳз дар шикам доранд, эҳтимолан барвақтар мемиранд.

Гуфта мешавад, ҳар 10 сантиметр чарбе, ки дар шикам ҷамъ меояд, хавфи наздикшавӣ ба маргро ба андозаи 11 дарсад зиёд мекунад.

135
Барчаспҳо:
марг, фарбеҳӣ, олимон
Клуб самбо Рико

Қаҳрамонии самбо бидуни тамошобин дар Сербия баргузор мешавад

15
(Таҷдидшуда 13:05 27.09.2020)
Туркманистон ба далели пандемияи коронавирус аз мизбонӣ намудани ин мусобиқаи ҷаҳонӣ даст кашид. Акнун ба ҳайси мизбон шаҳри Нови Сади Сербия пазируфта шуд

ДУШАНБЕ, 27 сен — Sputnik. Қаҳрамонии ҷаҳон оид ба самбо дар шаҳри Нови Сад (Сербия) доир мешавад. Дар ин бора қарори Федератсияи байналмилалии самбо ба тасвиб расид.

Ба иттилои сомонаи расмии федератсияи байналмилалии самбо, чорабинӣ ҳамроҳ бо Қаҳрамонии ҷаҳон миёни ҷавонон, ки қаблан ба нақша гирифта шуда буд, сурат мегирад ва давоми 4 рӯз – 5-8 ноябр идома меёбад.

Донишҷӯи тоҷик дар мусобиқаи осиёӣ оид ба самбо соҳиби медали тилло гашт

Ин мусобиқа мебоист дар шаҳри Ашқобод баргузор мешуд, вале бо сабаби пандемияи коронавирус Федератсияи самбои Туркманистон аз мизбонӣ кардани мусобиқа даст кашид.

Зимнан, президенти Федератсияи байналмилалии самбо Василий Шестаков гуфт, мусобиқот тибқи "Дастурамали Федератсияи самбо ҷиҳати таъмини бехатарӣ ва профилактикаи баъд аз пандемияи COVID-19" доир мегардад.

"Аз гашту гузори варзишгарон дар шаҳр ҷилавгирӣ шуда, ҳамчунин дар толори варзишӣ риояи фосилаи иҷтимоӣ ҳатман риоя мешавад", - изҳор дошт Шестаков.

Ба гуфтаи ӯ, мухлисон имкон доранд қувваозмоиҳоро ба таври мустақим дар сомонаи расмии Федератсияи байналмилалии самбо тамошо кунанд. Қисмати финалии қаҳрамонӣ дар шабакаи телевизионии "Eurosport" ва шабакаҳои телевизионии кишварҳои гуногун намоиш дода хоҳад шуд.

15
Барчаспҳо:
самбо, қаҳрамонӣ, Сербия
Доктор экономических наук, экс-замминистра сельского хозяйства и продовольствия России Леонид Холод

Холод хатари коҳиши ҳосили картошкаро дар Тоҷикистон шарҳ дод

0
Коҳиши ҳосили картошка дар Тоҷикистонро доктори илмҳои иқтисодӣ, собиқ муовини вазири кишоварзӣ ва хӯроквории Федератсияи Русия Леонид Холод шарҳ дод

ДУШАНБЕ, 27 сен — Sputnik. Кишоварзони Тоҷикистон зиёда аз 227 ҳазор тонна картошка ҷамъ оварданд, ки ин нисбат ба ҳамин давраи соли гузашта тақрибан 78 ҳазор тонна (ё 25%) камтар аст, хабар медиҳад Вазорати кишоварзии ҷумҳурӣ.

Коҳиш ёфтани ҳосили картошка дар Тоҷикистонро, доктори илмҳои иқтисодӣ, собиқ муовини вазири кишоварзӣ ва хӯроквории Федератсияи Русия Леонид Холод инро хабари бад номида гуфт, ҷумҳурӣ ба ин сабзавот вобастагии зиёд дорад.

Иқтисодшинос гуфт, ки чунин вазъ метавонад дар дигар кишварҳои минтақаи Осиёи Марказӣ низ ба амал ояд, зеро шароити табиӣ тақрибан якхела буд, сатҳи кишоварзӣ низ ба ҳамин монанд аст. Дар чунин шароит, нархҳо ва имкониятҳои содиротии ҷумҳуриҳои ҳамсоя низ маҳдуд хоҳанд шуд.

"Тибқи қонунҳои муқаррарии бозор, коҳиш ёфтани истеҳсоли ватанӣ ва бад шудани шароити беруна бевосита ба болоравии нархҳо дар бозор оварда мерасонад. Зеро ҳаҷми истеъмоли маҳсулот, ки яке аз маҳсулоти асосӣ мебошад ва маҳсули талаботи сершумор аст, наметавонад хеле кам шавад”, гуфт коршинос ба Sputnik Тоҷикистон.

Тибқи гуфтаи иқтисодшинос, коҳиши ҷиддии ҳосилнокӣ, метавонад ба бемуботии нарх дар бозор ва ҳамзамон ба воҳима оварда расонад, ки чунин ҳолат хавфнок хоҳад буд.

Ба таъкиди ӯ мақомоти давлатиро лозим аст, ки бозор ва динамикаро аз наздик назорат кунанд ва дар сурати болоравии шадиди нархҳо, диққат диҳанд ва тафтишот гузаронанд.

Илченко: Истеҳсоли картошка барои кишвар вазифаи стратегӣ аст

Номбурда гуфт, бо вуҷуди вазъи мавҷуда, мардум набояд ба вохима афтанд ва харидори зиёд кунанд, зеро дар бозор картошкаи нав пайдо мешавад, ки бояд нархҳоро устувор созад.

0
Барчаспҳо:
истеҳсол, бозор, нарх, картошка, Тоҷикистон