Амали ҷарроҳӣ. Акс аз бойгонӣ

Барои бори нахуст сари инсон ба нафари дигар насб мешавад

8
(Таҷдидшуда 14:13 09.04.2015)
Ҷарроҳи итолиёвӣ қасд дорад сари Валерий Спиридонови 30 соларо, ки мушкили мушакҳои тахтапуш дорад, ба тани солими як бемори дигар кӯч диҳад ва ин амал дар таърих бори аввал хоҳад буд.

ДУШАНБЕ, 9 апр — Sputnik. Барномасози компютерии рус Валерий Спиридонов, ки аз бекоршавии мушакҳои тахтапушташ азият мекашад, ба кӯч додани сараш ризоият дод ва ин амалро ҷарроҳи итолиёвӣ Серҷио Канаверо анҷом медиҳад, хабар медиҳад РИА Новости.

"Оё ман ҳарос дорам? Бале, ҳатман. Вале ин амал танҳо даҳшатангез нест, балки ҷолиб ҳам мебошад", — аз эҳсосоти худ қисса кард барномасоз.

Сари Спиридонови 30 сола ба унвони ҷузъи солим ба тани сиҳати як бемори дигар насб мешавад ва ин амал барои бори нахуст дар таърих сурат хоҳад гирифт.

Дар соли 1970 амали кӯч додани сар ба тани маймуни дигаре анҷом дода шуд. Вале ин маймун бо сари нав танҳо даҳ рӯз умр дид, зеро низоми ҳифзи ин маймун ҷисми бегонаро радд кард.

Амал бо сари инсонро ҷарроҳи итолиёвӣ, ба навиштаи расонаҳо, қасд дорад то соли 2017 анҷом бидиҳад. Ин амал ҳудуди 36 соат идома дошта онро 150 пизишк ва ҳамшираҳо бояд анҷом бидиҳанд. Ҳазинаи ин амал метавонад ҳудуди 11 миллион доллар арзиш дошта бошад.

Ин тасмими Канаверо интиқодоти шадидеро дар миёни уламо ва пизишкон ба дунбол дорад.

8
Барчаспҳо:
150 пизишк, соли 2017, арзиш, 11 миллион доллар, 36 соат, табибон, ҷарроҳӣ, тасмими кӯч додани сари инсон ба тани солим, Серҷио Канаверо, Валерий Спиридонов, Итолиё, Русия
Президент Турции Реджеп Тайип Эрдоган

Эрдуғон маҷаллаи фаронсавиро барои карикатура ба додгоҳ кашид

426
(Таҷдидшуда 18:07 28.10.2020)
Дар ҳошияи муташанниҷ шудани муносибатҳои Фаронса ва Туркия маҷаллаи Charlie Hebdo карикатураеро нашр карда, раисҷумҳури Туркия Раҷаб Таййиб Эрдуғонро масхара кардааст

ДУШАНБЕ, 28 окт — Sputnik. Раисҷумҳури Туркия Раҷаб Таййиб Эрдуғон маҷаллаи адабиву бадеии " Charlie Hebdo"-и фаронсавиро барои карикатураи худ ба додгоҳ кашидааст.

Даъворо ба додситонии Анқара зидди роҳбарияти маҷалла аз номи роҳбари Туркия ҳомии ҳуқуқи вай Ҳусейн Айдин додааст.

Дар аризаи вай гуфта мешавад, ки мавод ба усулҳои ахлоқии рӯзноманигорӣ ва ба мафҳуми "озодии баён" рост намеояд. Афзун бар ин, карикатура иззат ва шарафи роҳбари Туркияро паст мезанад.

Расми таҳқиромези Эрдуғон дар саҳифаи Твиттери Charlie Hebdo дар ҳошияи бад шудани муносибатҳои Туркия ва Фаронса нашр гардидааст.

Дар он роҳбари Туркия нимбараҳна дар мизе нишастааст ва дар як дасташ нӯшокӣ ва бо дасти дигараш пешхизмати ҳиҷобпӯшро луч мекунад.

"Эрдуғон дар зиндагии хусусӣ бисёр бозингар аст" , - гуфта мешавад дар шарҳи карикатура.

Маҷалла расмро дар пайи муташанниҷ шудани муносибатҳои Туркияву Фаронса нашр кард. 

Таконе ба он изҳороти президенти Фаронса Эмманюэл Макрон пас аз куштори як муаллим дар наздики шаҳри Париж пас аз нишон додани карикатураи пайғамбар Муҳаммад гардид. Ин карикатура низ ба маҷаллаи Charlie Hebdo тааллуқ доштааст.

Қодиров дар бораи карикатураи паёмбар, гунаҳкорони қатли омӯзгор ва оқибати амали Макрон

Дар баромади худ роҳбари Фаронса ҳодисаро "теракти исломӣ" номида, ба мубориза бо исломи сиёсӣ дар мактабҳо, муассисаҳои давлатӣ ва масҷидҳо даъват мекунад. Ӯ ҳамчунини пешниҳод кардааст, ки дар кишвар ташкилоте ташкил карда шавад, ки "тавонад исломро бидуни таъсири беруна бисозад".

Дар посух ба Макрон Эрдуғон аз Макрон даъват кардааст, ки ҳолати равониашро бисанҷад. Пас аз ин қазия ҳамон маҷалла Эрдуғонро низ ба масхара кашидааст.

426
Дети в защитных масках

Таъсир ба наслҳо: табиб оқибатҳои хатарноки коронавирус дар кӯдаконро гуфт

389
(Таҷдидшуда 18:15 27.10.2020)
Мутахассисон кӯдакони гирифтори коронавирусро муоина карда, оқибатҳои хатарнокро муайян кардаанд

ДУШАНБЕ, 27 окт - Sputnik. Кӯдаконе, ки гирифтори коронавируси нав ҳастанд, метавонанд ба оқибатҳои вазнин дучор оянд, мегӯяд Лайло Намозова-Баранова, раиси кумитаи иҷроияи Иттиҳоди педиатрҳои Русия.

Ба гуфтаи вай, ташхиси кӯдаконе, ки сироят ёфтаанд, таҳдиди камборвариро нишон дод.

"Назорати кӯдаконе, ки ба ягон намуди сирояти коронавирус гирифтор шудаанд, ҳатмист" гуфт коршинос.

Тибқи натиҷаҳои пурсиш, пас аз коронавирус дар беморони хурдсол, 30% коҳиш ёфтани функсияҳои маърифатӣ ба қайд гирифта шудааст.

Чунин нишондиҳандаҳо ҳатто дар кӯдаконе ёфт шудаанд, ки бемории бе аломат доштанд.

Олимон гуфтанд, кадом омил хавфи марг аз коронавирусро дучанд мекунад

"Пас аз гирифторӣ ба сирояти коронавирус, писарон тағироти ҷиддии сперматогенезро аз сар мегузаронанд. Дар оянда ин моро бо мушкилоти камборварии наслҳои оянда таҳдид мекунад", - хулоса кард мутахассис.

389
День 29 октября

Ҷашнҳои рӯзи 29 октябр дар Тоҷикистон ва ҷаҳон

0
(Таҷдидшуда 20:28 28.10.2020)
Рӯзи 29 октябри соли 2019 рӯзи ҷаҳонии мубориза бар зидди бемории сактаи майна, рӯзи байналмилалии псориаз (бемории пӯст) ва рӯзи кормандони низоми ҳифзи иҷтимоӣ дар Қазоқистон мебошад

Рӯзи 29 октябр дар ҷаҳон чӣ рух дод

Соли 1898 дар Русия нахустин киштии яхшикан дар ҷаҳон - "Ермак" ба истифода дода шуд.

День 28 октября
© Sputnik / Стас Этвеш / Вишнякова Мария

Соли 1945 дар Ню-Йорк аввалин маротиба ручкаи саққодор ба фурӯш бароварда шуд.

Соли 1947 аввалин маротиба ба хотири ба вуҷуд овардани борон аз яхи хушк истифода бурда шуд.

Соли 1969 аввалин доду гирифт миёни ду компютер дар доираи лоиҳаи ARPANET сурат гирифт, ки ин ҳодисаро дар таърих тавлиди Интернет меноманд.

Пользователь смотрит товары в интернет магазине, архивное фото
Пользователь смотрит товары в интернет магазине, архивное фото

Соли 2016 дзюдочии тоҷик Хушбахт Қурбонмамадов дар мусобиқаи The Big Apple Judo Classic-2016 дар Ню-Йорк медали тилло ба даст овард.

Хушбахт Курбонмахмадов, архивное фото
Хушбахт Курбонмахмадов, архивное фото

Рӯзи 29 октябр дар Тоҷикистон чӣ рух дод

Cоли 2006 пешвои исмоилиёни ҷаҳон Шоҳ Карим ал-Ҳусайнӣ Оқохони IV аз Тоҷикистон боздид кард.

Принц Карим Ага-хан IV, архивное фото
Принц Карим Ага-хан IV, архивное фото

Соли 2012 дар шаҳри Хуҷанд бо ширкати Президент Эмомалӣ Раҳмон ду коргоҳи нави истеҳсолӣ  мавриди баҳрабардорӣ қарор гирифтанд.

День 27 октября
© Sputnik / Стас Этвеш / Вишнякова Мария

Соли 2013 дар шаҳри Кӯлоб 6 корхонаи нави истеҳсолӣ ба кор дароварда шуданд.

Соли 2014 Эмомалӣ Раҳмон ба ифтихори 20 — солагии қабули Конститутсияи Ҷумҳурии Тоҷикистон Қонуни Ҷумҳурии Тоҷикистон "Дар бораи авф"-ро, ки бо пешниҳоди Роҳбари давлат аз тарафи Маҷлиси намояндагон қабул гардида буд, имзо кард.

Соли 2015 дар шаҳри Душанбе масоили ҳамкории дуҷонибаи Тоҷикистону Фаронса баррасӣ шуданд.

Соли 2016 дар шаҳри Роғун бо ширкати Эмомалӣ Раҳмон дар соҳили дарёи Вахш маросими оғози бунёди сарбанди Неругоҳи барқи обии "Роғун" барпо шуд.

Президент Республики Таджикистана Эмомали Рахмон
© Sputnik / Амир Исаев
Президент Республики Таджикистана Эмомали Рахмон

Соли 2019 беш аз 400 маҳбус аз муассисаи ислоҳии 3/5 воқеъ дар шаҳри Хуҷанд ба озодӣ баромаданд.

Пайвандони афвшудагон дар шаҳрии Хуҷанд
акс аз Sputnik Тоҷикистон
Пайвандони афвшудагон дар шаҳрии Хуҷанд

Соли 2019 Sputnik Тоҷикистон хабар дод, ки Ҳукумати Тоҷикистон аз ҷаҳонпаҳлавон Сомон Маҳмадбеков қадрдонӣ кард.

Встреча чемпиона мира Сомона Махмадбекова
© Sputnik / Амир Исаев
Встреча чемпиона мира Сомона Махмадбекова

Соли 2019 Sputnik Тоҷикистон хабар дод, ки бо пешниҳоди раисҷумҳури Тоҷикистон Эмомалӣ Раҳмон, муовини раиси вилояти Хатлон Махфират Хидирова узви Маркази интихот ва раъйпурсии Тоҷикистон интихоб гардид.

Махфират Хидирзода
© Sputnik Махпора Киромова
Махфират Хидирзода

Ҷашнҳои рӯзи 29 октябр

  • Рӯзи ҷаҳонии мубориза бар зидди бемории сактаи майна.
  • Рӯзи байналмилалии псориаз (бемории пӯст).
  • Рӯзи кормандони низоми ҳифзи иҷтимоӣ дар Қазоқистон.

Рӯзи 29 октябр дар Тоҷикистон кӣ ба дунё омадааст

Соли 1929-1993 нависанда Қулмуҳаммад Абдулҳусейнов.

Соли 1950 Алӣ Муҳаммадии Хуросонӣ.

Соли 1958 доктори илмҳои иқтисодӣ Ихтиёр Ашуров.

Соли 1963 сароянда Раъно Абдуллоева.

0
Барчаспҳо:
ҷашн, Ҷаҳон, Тоҷикистон
Мавзуъ
Ҷашнҳои рӯзи 24 октябр дар Тоҷикистон ва ҷаҳон
Ҷашнҳои рӯзи 25 октябр дар Тоҷикистон ва ҷаҳон
Ҷашнҳои рӯзи 26 октябр дар Тоҷикистон ва ҷаҳон
Ҷашнҳои рӯзи 27 октябр дар Тоҷикистон ва ҷаҳон
Ҷашнҳои рӯзи 28 октябр дар Тоҷикистон ва ҷаҳон