Мардум дар хиёбонҳои шаҳри Саноъ (Яман) 13 апрели соли 2015

Шонздаҳ нафар сокини Тоҷикистон аз Яман бо роҳи заминӣ ихроҷ шуданд

11
(Таҷдидшуда 15:57 14.04.2015)
Ба иттилоъи ВКХ Тоҷикистон дар маҷмӯъ аз Яман 170 шаҳрванди ҷумҳурии мо берун оварда шуданд ва ҳудуди сӣ нафари дигар тасмим гирифтаанд ин кишварро тарк накунанд.

ДУШАНБЕ, 14 апр — Sputnik. Гурӯҳи атбоъи тоҷик иборат аз 16 нафар аз Яман бо роҳи заминӣ ихроҷ шуданд, хабар медиҳад сомонаи ВКХ Тоҷикистон рӯзи душанбе.

"16 нафар шаҳрвандони Тоҷикистон тарки Яман карда аз марзи Оммон убур карданд ва интизор меравад 13 апрел (соъати 17:00 ба вақти маҳаллӣ) онҳо бояд вориди қаламрави Аморати Муттаҳидаи Арабӣ шаванд", — омадааст дар хабари сомонаи ВКХ.

Ҳамзамон гузориш шудааст, ки ба иттилоъи сафорати Тоҷикистон дар Қатар 12 апрел бо ҳавопаймои Русия аз Яман 19 нафар атбоъи тоҷик ихроҷ шудаанд.

Сухангӯйи ВКХ Тоҷикистон Абдулфайз Атоев дар мусоҳиба бо Радиои Озодӣ хабар додааст, ки дар маҷмӯъ аз Яман беш аз 170 ҳамватани мо ихроҷ шудаанд. Ба гуфтаи вай, феълан дар ин кишвар 30 нафар тоҷикистонӣ боқӣ мондаанд, ки намехоҳанд Яманро тарк кунанд.

Дар авохири моҳи март эътилофи байналмиллалӣ ба раҳбари Арабистони Саудӣ алайҳи муътаризон дар Яман амалиёти низомӣ оғоз кард. Ин амр ба дунболи дархости кӯмаки низомӣ аз сӯйи раиси ҷумҳури ин кишвар Абд Раббу Мансур Хади сурат гирифтааст.

Муътаризон ахиран шаҳри Саноъ — пойтахти Яманро таҳти тасарруфи худ дароварда водор карданд, ки раиси ҷумҳур кишварро тарк кунад.

Кишварҳои хориҷӣ ва созмонҳои байналмиллалӣ, бо шумули СММ, шаҳрвандон ва кормандони худро дар пайи ташаннуҷи авзоъ аз Яман ихроҷ мекунанд.

11
Барчаспҳо:
ихроҷи шаҳрвандони тоҷик аз Яман, сафорати Тоҷикистон, ВКХ, Абд Раббу Мансур Ҳодӣ, Абдулфайз Атоев, Саноъ, Яман, Тоҷикистон
Мавзуъ
Ҳавопаймои навбатии ҳомили шаҳрвандони Тоҷикистон аз Яман баргашт
ВУХ: аз Яман то имрӯз 130 тоҷикистонӣ берун оварда шудааст
Ил-62 мусофиронро аз Яман ба Маскав овард. Навор аз фурудгоҳ
Ҳавопаймо аз Яман бо мусофиронаш ба Русия расид
Ҳавопаймои дуввум бо шаҳрвандони ҶТ аз Яман ба Подмоскове омад
17 тоҷикистонӣ аз Яман берун бароварда шуданд
15 шаҳрванди Тоҷикистон дар навбати аввал аз Яман берун оварда мешавад
44 пизишки тоҷик барои берун омадан аз Яман сабти ном шуданд
ВКХ: гуфтушунид барои аз Яман берун кардани тоҷикон идома дорад
Тоҷикон дар Яман: моро берун баред!