Киштии низомии НАТО. Акс аз бойгонӣ

Тахайюлоти Русия дар бораи НАТО чандон тахайюл набудааст?

24
(Таҷдидшуда 14:58 16.04.2015)
НАТО низомиёни украиниро бо таҷҳизот ва кормандон дар қалби Украина, ки табадуллотро паси сар кард, пуштибонӣ мекунад. Ва дар ҳамин ҳол Русия ҳамчунон хатар аст? Хабарнигори Sputnik News изҳороти НАТО-ро ба баррасӣ гирифт.

ДУШАНБЕ, 16 апр — Sputnik. НАТО Русияро бо дарназардошти куллияи аъмоли ин эътилоф набояд манбаъи хатар арзёбӣ кунад, менависад Sputnik News.

Хабарнигор матлаби дар авохири соли гузашта мунташиркардаи НАТО дар бораи бепоя будани тахаюллоти Русия дар бораи ин созмонро пажӯҳиш кардааст.

Тибқи як банди он НАТО қавл дода буд, ки ба самти шарқ тавсеъа намеёбад. Эътилоф иддаъо дошт, ки гӯиё чунин қавле надодааст. Муаллифи матлаб аз суханони Михаил Горбачёв иқтибос овардааст, ки гуфта буд: "Дар ҷараёни музокирот барои ба ҳам омадани ду Олмон онҳо замонат доданд, ки НАТО ба самти шарқ фаъол намешавад".

Дар ҳамин ҳол Sputnik News изофа мекунад, ки воқеъан Горбачёв замонати хаттӣ нагирифтааст.

Ҳамчунин НАТО қаблан изҳор дошта буд, ки иддаъои Русия дар бораи он, ки замонати саддарсадӣ мабнӣ бар он, ки Украина ба НАТО намепайвандад низ тахайюл аст.

Эътилоф аз созишномаи соли 1975 Хелсинки иқтибос овардааст, ки тибқи он кишварҳои зери ин санад имзо гузошта аз ҳаққи пайвастан ба созмонҳои дигар бархурдоранд.

Sputnik News зикр мекунад, ки худи Русия ин таъаҳуддотро нақз накардааст ва ба вижа мухолифи пайвастани Украина ё кишвари дигаре ба ҳар гуна созмон набудааст. Вале ин таъаҳуддот ба мавориде рабт надоранд, ки бо кӯмаки ИМА миллатгароён дар пайи табаддулоти давлатӣ сари қудрат меоянд.

Аммо НАТО идома медиҳад Sputnik чандин бор тавофуқоти Хелсинкиро нақз карданд, бавижа дар замони амалиёти худ дар Югославия.
Як мавриди дигари "тахаюлли русӣ" дар бораи НАТО аз он бобат аст, ки гӯиё эътилоф аз наҳваи фикрронии замони ҷанги сард истифода мекунад.

Ба эътиқоди онҳо, ин иддаъо бепоя аст, зеро ҷанги сард мухолифати ду ақоид буд ва Русия феълан "ақоиди қобили эътимод ва шарикони мӯътамад дар арсаи ҷаҳонӣ надорад".

Ба эътиқоди хабарнигори Sputnik News ин иддаъо низ бепоя аст. Дар Русия аллакай коммунизм нест ва ин кишвар ақоиди онро таблиғ намекунад, вале НАТО бо вуҷуди замонатҳои додааш ҳамчунон ба гунаи замони чанги сард фаъол аст. Гузашта аз он вай талош мекунад тавсеъа ёбад.

Sputnik News зикр мекунад, ки Русия ба тавсеъаи НАТО нахуст ба далели кутоҳдастии худ ва сипас ба хотири эҳтиром вокуниш намекард. "Ва ҳамакнун НАТО аз низомиёни украинӣ бо таҷҳизот ва кормандон дар қалби Украина, ки табаддулоти давлатиро паси сар кард, пуштибонӣ мекунад. Ва ҳамчунон таҳдиди амният Русия боқӣ мемонад?" — хулоса кард хабарнигор.

24
Барчаспҳо:
таъаҳудот, пажӯҳиш, ҷанг дар Украина, НАТО, Михаил Горбачёв, Хелсинки, Киев, Русия
Мавзуъ
НАТО то тирамоҳ дар Гурҷистон маркази тамринот ифтитоҳ мекунад
НАТО аз Қирғизистон хост, Созишномаи транзити колоро тамдид кунад
Президенти Афғонистон ҷонибдори тамдиди ҳузури неруҳои НАТО аст
Японские граждане в масках

Олимони Ҷопон нишон доданд, ки коронавирус чӣ гуна паҳн мешавад - навор

1441
(Таҷдидшуда 15:41 25.10.2020)
Олимони Ҷопон нишон доданд, ки дар сурати напӯшидани ниқоби тиббӣ, коронавирус чӣ гуна паҳн мешавад ва одамони солимро сироят мекунад

ДУШАНБЕ, 25 окт — Sputnik. Ниқоби тиббӣ муассиртарин "силоҳ" барои пешгирӣ аз паҳншавии коронавирус мебошад. Инро бори дигар олимони ҷопонӣ собит намуданд.

Онҳо зимни як таҳқиқот муайян намуданд, ки нафари мубтало бо коронавирус, дар сурати напӯшидани ниқоби тиббӣ чӣ гуна вирусро паҳн мекунад. Вирус аснои сӯҳбат кардан ва ё суруд хондану сулфидан, зуд ба атроф паҳн мешавад.

Чун паҳншавии ин вирус бо чашм ноайн аст, аз ин рӯ аксар одамон пӯшидани ниқоби тиббиро, роҳи ҳалли пешгирӣ аз ин дард намебинанд. Онҳо бехабар аз онанд, ки вирус дар сурати напӯшидани ниқоб, бо чӣ гуна суръат паҳн мешавад.

Як фавт ва 40 маризи нав: омори коронавирус дар Тоҷикистон барои имрӯз

Бо мақсади ба таври равшан нишон додани шиддати паҳншавии COVID-19, олимони Ҷопон рӯ оварданд ба технологияҳои навин. Барои ин, муҳаққиқон ба имкониятҳои суперкомпютери Fugaku, ки намоиши ҳаракати зарраҳои вирусиро дар лаҳзаи сухан гуфтан, суруд хондан ва ё сулфа кардани одам нишон медиҳад, рӯ оварданд.

"Агар мо нишон диҳем, ки чӣ гуна вирус метавонад паҳн шавад ва онро бо тамоми ҷаҳон мубодила кунем, пас шояд одамон ҷиддияти таҳдидро мустақилона тасаввур кунанд ва аз нуқтаи назари илмӣ андешанд, ки чӣ гуна чораҳо пешгирикунандаро андешид", - гуфт роҳбари гурӯҳи тадқиқотӣ, профессор Kobe University & RIKEN Макото Субокуро.

Гузашта аз ин, олимон риоя кардани фосилаи иҷтимоиро низ зарур медонанд. Ба изҳори онҳо, вирус аснои суҳбат ва сулфа кардан, дар сурати риоя кардани фосилаи иҷтимоӣ ба замин меафтад ва қобилияти аз замин боло шуданро надорад.

1441
Барчаспҳо:
навор, маризӣ, олимон, Ҷопон
Мавзуҳо:
Пайомадҳои COVID-19 дар Тоҷикистон ва ҷаҳон

Ӯ то охири дунё қаҳрамон хоҳад монд: тоҷикон дар бораи пирӯзии Ҳабиб

238
(Таҷдидшуда 15:33 25.10.2020)
Муҳорибаи Ҳабиб Нурмуҳаммадовро дар саросари ҷаҳон аз ҷумла Тоҷикистон миллионҳо нафар тамошо кардаву ба он вокунишҳо карданд

ДУШАНБЕ, 25 октябр - Sputnik. Размикори доғистони шоми гузашта ҳарифи амрикоияш Ҷастин Гетҷиро бо як маҳорити зебои ба худ хос шикаст дод.

Ин рақобатро дар баробари миллионҳом мухлисони сайёра дар тоҷикистон низ тамошо карданд.

Сафҳаҳои расонаҳои иҷтимоӣ то оғози рақобат пур аз таманниёти пирӯзӣ бар размикори доғистонӣ буду баъдан табрикборон шуд.

Яке офаринаш мехонду дигаре аз маҳорат ва сеюми табрикаш мекарду шери майдон мегуфт.

Ҷонӣ Сафарзода аз корбарони фаъоли фейсбук аз одамият ва шахсияти размкиор ситоиш карда, навиштааст: “Суҳробе, ки бе падар дигар мубориза намебарад!

Шояд манро ҳам ба Ҳабибпарастӣ гунаҳгор кунед. Аммо шахсияте, ки миллати манро, расму ойни манро, забони манро эҳтиром мегузорад чаро эҳтиромаш накунам. Рафтору гуфтори Исломияш худ як инсоният аст. Охирон муҳориба ва ғалабааш ба кулли мухлисонаш муборак! Ӯ то охири дунё вуҷуд дорад қаҳрамон хоҳад монд!".

Аъзам Акбаров, журналит ва фаъоли ҷомеаи шаҳрвандӣ навиштааст, ки Ҳабиб Нурмуҳаммадов ба таърихи варзиши ҷаҳонӣ абадӣ ҳамчун муборизи боинтизом, боодобтарин ва мағлубнашавандаи UFC дохил шуд!

Ҳолати ғайриинтизор барои ҳама мухлисон ин эълони хотимаи корномаи варзишгар буд.

Ӯ гуфт, ба модараш ваъда додааст, ки ин охирин набардаш аст ва бо ҳамин тарки майдон мекунад

Сорбон Амонуллозода бошад навиштааст: “Бо сари баланд тарки майдон кардан ба мисли оне аст, ки ҳамеша қаҳрамони майдон боқӣ мемонӣ. Ҳабиб ту ҳамеша барои мо қаҳрамон будӣ, ҳастӣ ва хоҳӣ монд!”.

Азиз Нақибзод, рӯзноманигори тоҷик тарки майдон кардани размикорро қаҳрамонӣ хондааст. 

"Қаҳрамонии Ҳабиб дар айни шуҳрат тарки майдон карданаш аст! Бо сари боло ва обурӯ.
Бузургтарин ғалабааш ҳам ғалаба бар нафс ва васваса аст",- навиштааст Нақибзод.


Алӣ Ализод корбари дигар бошад навиштааст, ӯ меравад, меравад шикстнопазир. Ташаккур барои ҳама чиз, қаҳрамон!

Ёдовар мешавем ин нахустин рақобат ва пирӯзии Ҳабиб бидуни падараш буд, ки чанд моҳ меш фавтид.

Размикор пас аз пирӯзӣ дар майдон барои набуди падараш гирифт ва пирӯзияшро ба ӯ бахшид.

Завқибек Сайидаминӣ, фаъоли шабакаҳои иҷтимоӣ навиштааст дар ин ҳолат бо ӯ гирист.

"ОҲҲҲ БЕПАДАРӢ.... Дишаб вақти дидани ин лаҳзаҳо дар баробри Ҳабиб сахт гиристам Ин ҳолатро фақат инсоне дарк мекунад, ки аз сояву дасти Дуои Падар маҳррум аст Сахти сахт аст, вақте ба мушкилие рӯ ба рӯ мешавиву ба насиҳату ҳидояти Падар зор, вале Ӯ канорат нест Ё дар коре муваффақ мешаву Ӯ нест, то дар канорат шодиву фахр кунад. Ҳамин аст, ки набуданаш лаззати ҳар муваффақиятро берангу беарзиш мекунад".

Ҳабиб Нурмуҳаммадов рақиби амрикоии худ Ҷастин Гетҷиро аз роҳи буғӣ кардан шикаст дод. Аз 29 муҳорибае, ки Ҳабиб анҷом додааст, ягон маротиба ба шикаст мувоҷеҳ нашуд ва акнун бидуни мағлубият дар ин намуди варзиш, ба фаъолияти худ нуқта гузошт.

Ёдовар мешавем, соли 2019 дар Душанбе низ пирӯзии Ҳабиб Нурмуҳаммадов бар Дастин Пуареро таҷлил мекарданд. Шабе, ки рақобати ин ду размикор ба ғалабаи Ҳабиб анҷом ёфт, сокинони зиёд дар пойтахт ба хиёбонҳо баромада, ғалабаи Нурмуҳаммадовро якҷо қайд мекарданд.

238
Марзбони тоҷик, акс аз бойгонӣ

КДАМ Тоҷикистон моҷаро дар марз ва тирпаронии марзбонҳои қирғизро шарҳ дод

391
(Таҷдидшуда 22:44 25.10.2020)
Қӯшунҳои сарҳадии Кумитаи давлатии амнияти миллии Тоҷикистон моҷарои 25 октябр дар марз ва тирпаронии сарҳадбонҳои қирғизро шарҳ доданд

ДУШАНБЕ, 25 окт — Sputnik. Тибқи иттилои нерӯҳои марзбонии КДАМ, рӯзи 25-уми октябри соли 2020, соати 15:30 дақиқа, сокинони деҳаи Хоҷаи Аълои ноҳияи Исфара дар дохили деҳа қубури обгузарро, ки кӯҳнаву афсурда шудааст, иваз мекарданд.

"Дар ин вақт 25-30 нафар сарҳадбонони мусаллаҳи Ҷумҳурии Қирғизистон ба назди деҳаи мазкур ҳозир шуда, аз сокинон талаб мекунанд, ки корро қатъ созанд.  Онҳо даъво пеш меоранд, ки маҳали кори шаҳрвандони Тоҷикистон минтақаи баҳсӣ дониста мешавад ва аз силоҳи оташфишон ҷониби сокинони Хоҷаи Аъло тир мекушоянд", - омадааст дар изҳороти КДАМ.

КДАМ таъкид кардааст, ки ин қитъа қаламрави Ҷумҳурии Тоҷикистон буда, иғвогарии навбатии марзбонони қирғиз ба мураккаб намудани вазъият дар хатти сарҳади ду давлат равона гардидааст.

Манбаъ афзуд, хушбахтона, аз тирпаронии марзбонони қирғиз сокинони Хоҷаи Аъло осеб надидаанд. Корҳо дар маҳали муноқиша муваққатан қатъ карда шуданд.

Байни сарҳадбонони Ҷумҳурии Тоҷикистон ва Ҷумҳурии Қирғизистон, бо иштироки намояндагони мақомоти иҷроияи ҳокимияти давлатии ду кишвар  гуфтушунид идома дорад.

Хадамоти марзбонии Қирғизистон қаблан бо нашри як изҳорот гуфт, марзбонҳои қирғиз барои ҳифзи ҳаёту саломатӣ ва ҷилавгирӣ аз шиддати вазъ ба ҳаво тир холӣ карданд.

391
Барчаспҳо:
тирпаронӣ, марз, Тоҷикистон