Пиряхи Федченко дар Помир. Акс аз бойгонӣ

National Geographic помирро шомили сегонаи беҳтарин гушаҳои дунё кард

16
(Таҷдидшуда 16:46 01.05.2015)
Ҳайати эҷодии маҷалла бар ин ақида ҳаст, ки Помир дар зумраи Қрим ва Қафқоз аз беҳтарин ҷойҳои собиқ Иттиҳоди Шӯравӣ буда, дар оянда метавонад ҷойгузини дигар самтҳои ҷаҳонии истироҳат ва ҷаҳонгардӣ шавад.

ДУШАНБЕ, 1 май — Sputnik. Помир аз тарафи маҷаллаи National Geographic Traveler беҳтарин ҷой барои истироҳат ва ҷаҳонгардӣ дар қаламрави собиқ Иттиҳоди Шӯравӣ шинохта шуд, ки муҳаррирони он "Боми ҷаҳон"-ро дар даҳгонаи беҳтарин ҷойҳои сайру саёҳат дар радифи сеюм гузоштаанд.

Сайру гашт дар Русия в собиқ давлатҳои пасошӯравӣ аз мавзӯъҳои аслии шумораи тозаи ин маҷалла интихоб гардидааст. Ҳайати таҳририяи он 10 самтеро, ки метавонанд ҷойгузини самтҳои ҷаҳонгардии хориҷӣ шаванд, тартиб додааст.

Ба ин даҳгона соҳили ҷанубии Қрим; кӯҳҳои Қафқоз; Помир; Обҳои маъданӣ; Самарқанду Бухоро; Санкт-Питербург ва ғайра шомил гардидаанд.

Помир, ки дар дунё ҳамчун "Боми ҷаҳон" машҳур аст аз дӯстдоштатарин маконҳои ҷаҳонгардон дар Тоҷикистон ба шумор меравад. Ин минтақа на танҳо дорои олами наботот ва ҳайвоноти нодир мебошад, балкӣ дорои ёдгориҳои таърихи куҳани тоҷикон низ ҳаст.

Маҷаллаи National Geographic Traveler ба забони русӣ ба теъдоди 110 ҳазор нусха интишор шуда, дар қаламрави Иттиҳоди давлатҳои муштаракулманофеъ пахш мегардад.

16
Барчаспҳо:
"Боми ҷаҳон", 10-гона, ҷойҳои диданӣ, туристӣ, ҷаҳонгардӣ, National Geographic Traveler, Бухоро, Қрим, Самарқанд, Помир, Санкт-Петербург
Жители Узбекистана в защитных масках

Афзоиши мубталоёни коронавирус дар Ӯзбекистон: ба чор ҳазо наздик шуд

28
Айни замон дар Ӯзбекистон 862 беморони гирифтори COVID-19 табобат мегиранд, нӯҳ нафари онҳо дар ҳолати вазнин ва як нафар дар ҳолати ниҳоят вазнин қарор дорад

ДУШАНБЕ, 5  июн — Sputnik. Дар ин кишвар давоми шабонарӯзи гузашта боз 26 ҳолати ҷадиди мубталошавӣ ба ин маризӣ сабт гардид, хабар медиҳад ситоди фаврии назди ҳукумати Ӯзбекистон.

Бо илова шудани 26 мавориди ҷадид, шумораи умуми дардмандон ба 3 965 нафар баробар шуд.

Гуфта  мешавад, ба қарибӣ дар ҷумҳурӣ 96 ҳолати нави COVID-19 ва снаи 3 июн - 83 нафар бо нишонаҳои ин беморӣ ба қайд гирифта шудааст.

Тибқи иттилои вазорати тандурустӣ, ҳоло дар Ӯзбекистон 862 беморони гирифтори COVID-19 табобат мегиранд, нӯҳ нафари онҳо дар ҳолати вазнин ва як нафар дар ҳолати ниҳоят вазнин қарор дорад

Ёдовар мешавем, ки аввалин ҳолати сироятёбӣ дар Узбакистон 15 март дар зане, ки аз Фаронса ба ватанаш баргашт, расман сабт шуд.

Ҳукумати Ӯзбекистон сар аз пайдоиши ин беморӣ дар ин кишвар чораҳи қатъӣ аз ҷумла қарантинаро роҳандозӣ кард.

Мубориза бо КОВИД-19: дар Бӯстон маҳлули хлор тақсим мекунанд

Ба наздикӣ мақомоти Узбакистон қарантинро дар ҷумҳурӣ то 15 июн тамдид карданд, аммо дар минтақаҳое шуюи коронавирус паст гаштанд аз 1 июн ба нуқтаҳои маишӣ ва гузаронидани тую маъракаҳо иҷозат дода шуд.

Ҳамчунин, аз 18 май инҷониб равуои нақлиёти мусофирбар байни Тошканд ва дигар минтақаҳои Узбакистон барқарор карда шуданд.

Аз 8 июн, дари мосоҷид ва дигар ибодатгоҳҳо ба рӯйи сокинон кушода хоҳад шуд.

28
Солдаты спецназа США (зеленые береты) в Афганистане. Архивное фото

Коронавирус низомиёни Олмонро аз хоки Афғонистон берун кашид

161
(Таҷдидшуда 03:37 05.06.2020)
Шуморе аз низомиёни олмонии мустақар дар Афғонистон ба далели гирифторӣ ба коронавирус, хоки ин кишварро тарк карданд

ДУШАНБЕ, 5 июн – Sputnik.  Чаҳор низомии олмоние, ки дар фурудгоҳи Кобул карантин буданд шаҳри Мазори Шариф- маркази вилояти Балх  дар шимоли Афғонистонро ба мақсади Колон (Cologne) тарк карданд, радиои Садои Хуросон.

Дар ҳоле теъдоде аз низомиёни олмонӣ ба далели гирифторӣ ба корона аз хоки Афғонистон хориҷ шуданд, ки пеш аз ин неруи ҳавоии ин кишвар аз гирифтории бархе аз низомиёнаш ба корона хабар дода буд.

Пештар гуфта шуда буд, ки садҳо нафар аз низомиёни хориҷӣ ба фармондеҳии Амрико мустақар дар Афғонистон ба корона мубтало шуданд, ки ҳамин масъала боиси нигаронии мардум, мақомот ва низомиёни ин кишвар шуда буд.

Ёдрас мешавем, ки ахиран созмони ҷаҳонии беҳдошт мегӯяд, вазъи паҳншавии коронавирус дар ҷаҳон то ҳол дар ҳамон сатҳест, ки аввали сол буд.

Ханс Клюге, мудири бахши аврупоии Созмони ҷаҳонии тандурустӣ мегӯяд, бурузи дубораи коронавируси навъи нав ба тамоми ҷаҳон таҳдид мекунад.

Ба гуфтаи вай, мавҷи дувум агар пешгирӣ нашавад, мудҳиштар хоҳад буд.

Коронавируси навъи нав бори нахуст моҳи декабри соли 2019 дар Вуҳани Чин ошкор шуд. Уфунат зуд аз шаҳр ва кишвар паҳн гардид. 

То имрӯз дар ҷаҳон шумораи гирифторони навъи нави коронавируси COVID-19 ба бештар аз 6 миллиону 263 ҳазор расид.

Ҳамзамон, аз ин теъдод то имрӯз 2 миллиону 846 ҳазору 813 кас шифо ёфтаанд ва 373 ҳазору 899 тан вафот кардаанд.

161
Барчаспҳо:
мустақар, тарк, Олмон, вирус, Афғонистон