9 июли 2015. Президенти ҶТ Эмомалӣ Раҳмон дар ҷаласаи БРИКС

Иқтисоди "сабз" ва нақлиётро Раҳмон асоси рушди устувор медонад

43
(Таҷдидшуда 15:36 10.07.2015)
Эмомалӣ Раҳмон бунёди манбаъҳои энергияи таҷдидшаванда, аз ҷумла иншооти гидроэнергетикӣ, рушди иқтисоди аз ҷиҳати экологӣ бехатар, ки маъмулан иқтисоди сабзаш меноманд ва ҳамчунин фаъолияти бемонеаи шабакаҳои нақлиётӣ ва ҳамлу нақли миллию минтақавиро аз шартҳои асосии рушди устувори ҷаҳонӣ номид.

ДУШАНБЕ, 10 июл — Sputnik. Президенти Тоҷикистон Эмомалӣ Раҳмон дар мулоқоти ғайрирасмии сарони давлатҳои аъзои БРИКС (Бразилия, Русия, Ҳиндустон, Чин ва Африқои Ҷанубӣ), СҲШ ва Иттиҳоди иқтисодии Авруосиё дар Уфа иштирок ва суханронӣ намуд, менависад сомонаи райисҷумҳур.

"Бунёди манбаъҳои энергияи таҷдидшаванда, аз ҷумла иншооти гидроэнергетикӣ, рушди иқтисоди аз ҷиҳати экологӣ бехатар, ки маъмулан иқтисоди сабзаш меноманд  аз шартҳои асосии рушди устувори ҷаҳонӣ мебошанд",- иброз дошт Раҳмон.

Президенти Тоҷикистон таваҷҷӯҳи ҳозиринро ба мушкилу монеаҳои глобалӣ, ки садди роҳи рушди иҷтимоию иқтисодӣ ва таъмини зиндагии мардум мегарданд, ҷалб намуда, аз ҷумла таъкид дошт, ки  монеаъи асосӣ дар ин роҳ амиқ рафтани бӯҳрони озуқаворӣ, энергетикӣ, молиявию иқтисодӣ ва ҳамчунин гармшавии иқлими сайёра мебошад.

Имрӯз, 10 июл дар Уфа ҳамоиши навбатии сарони давлатҳои аъзои Созмони ҳамкории Шанхай  баргузор мегардад. Дар анҷоми нишаст қабули чанд санад дар назар аст: 11 ҳуҷҷати имзошаванда ва ду санади дигар.

Дар ҳоли ҳозир кишварҳои Русия Чин, Қазоқистон, Қирғизистон, Тоҷикистон ва Ӯзбакистон узвияти СҲШ-ро соҳиб буда, Афғонистон, Ҳиндустон, Эрон ва Покистону Муғулистон мақоми нозири ин ташкилоти байналмилалиро доранд.   

43
Барчаспҳо:
ҷаласаи роҳбарони кишварҳои СҲШ, аъзоёни созмон, иқтисоди "сабз", СҲШ, БРИКС, Эмомалӣ Раҳмон, Русия, Бошқирдистон, Уфа
Новорожденный ребенок.

Дар Ҳиндустон навзод дар маросими дафнаш ба гиря даромад

334
(Таҷдидшуда 13:05 14.07.2020)
Хонаводаи навзод пизишкони зоишгоҳро муттаҳам мекунанд, ки ба кори худ саҳлангорӣ намуданд, ки оқибат ба фавти кудаки навзоди онҳо анҷомид

ДУШАНБЕ, 13 июл — Sputnik. Навзодеро, ки пизишкони яке аз зоишгоҳҳои Ҳиндустон мурда пиндоштанд, дар маросими дафнаш ба гиря омад, хабар медиҳад Times of India.

Ҳодисаи мазкур дар шаҳри Гогунда рух додааст. Зани ҳомила рӯзи 9 - уми июл духтарчаеро таваллуд кард, аммо ҳамшираи шавқат иштибоҳан ба далели мурда будани кӯдак ӯро барои дафн намудан ба хешовандонаш супурд.

Аснои омодагӣ ба маросими дафни навзод ӯ ба гиря омадааст.

Манбаъ меафзояд, падари навзод фавран мошини Ёрии таъҷилиро даъват кард, аммо пизишкон бо гузашти як соат ба макони ҳодиса расиданд, ки духтарча аллакай ҷон дода буд.

Даҳшат: дар Қазоқистон бинобар дарёфти ҷасади навзод аз яхдон, дари зоишгоҳро бастанд

Акнун пайвандони навзод духтуронро дар марги фарзанди худ муттаҳам мекунанд. Ба изҳори онҳо, кӯдак дар асл зинда таваллуд шуд, аммо ба далели хунукназарии табибон ӯ ҷон бохт.

Дар ҳамин ҳол, духтурон гуноҳи худро рад карда, изҳор доштанд, ки хешовандон ҷасади навзодро бидуни расман эълон кардани марги ӯ гирифтаанд.

334
Барчаспҳо:
навзод, Ҳиндустон
Гробы с умершими от заражения вирусом

Омори нави коронавирус дар як рӯз: 195 000 сироят шуда, беш аз 3 000 кас фавтиданд

94
(Таҷдидшуда 12:29 14.07.2020)
Созмони ҷаҳонии беҳдошт омори тозаи сироят, фавт ва шифоёбӣ аз коронавирус дар ҷаҳонро нашр намудааст

 ДУШАНБЕ, 14 июл — Sputnik. СҶБ мегӯяд, шабонарӯзи гузашта дар ҷаҳон беш аз 195 ҳазор нафар ба маризии коронавирус гирифторшудаанд, ки ҳамакнун теъдоди умумии сироятёфтагон ба 13,2 миллион нафар баробаршуд.

Ба гузориши созмони мазкур, аз ин маризӣ дар ҷаҳон 575 540 нафар вафот карда, 7 698 371 кас шифо ёфтаанд. Шумораи гирифторон дар як шабонарӯз 195 878 нафар ва теъдоди фавтидагон 3 731  кас зиёд шуд.

Омори СҶБ танҳо маълумоти расмӣ тасдиқшудаи ҳолатҳои сироят ва фавтро, ки аз ҷониби давлатҳо пешниҳод шудаанд, ба назар мегирад. Як рӯз пеш дар як шабонарӯз 198 197 ҳолати сироятёбӣ ва 4 122 фавт ошкор гардида буд.

Омори ҷадиди як рӯз: фавти 5 000 ва сироятшавии 237 ҳазор нафар ба коронавирус дар ҷаҳон

Ёдовар мешавем, ки 11 март СҶБ хуруҷи COVID-19-ро пандемия эълон карда, имрӯз дар бораи беш аз 210 давлату ҳудуд ва ду киштии саёҳатии байналмилалии "Diamond Princess" ва "MS Zaandam", ки дар онҳо ҳолатҳои сироятёбӣ ба қайд гирифта шудаанд, гузориш медиҳад.

Ба даҳгонаи кишварҳое, ки дар онҳо теъдоди зиёди гирифторони коронавирус ба қайд гирифта шудааст, ИМА (3 479 483 нафар), Бразилия (1 887 959), Ҳиндустон (907 645), Русия (733 699), Перу (330 123), Чили (317 657), Мексика (304 435), Испания (303 033), Британияи Кабир (290 133) ва Африқои Ҷанубӣ (287 796) дохил мешаванд.

94
Барчаспҳо:
маризӣ, омор, ҷаҳон
Мавзуҳо:
Пайомадҳои COVID-19 дар Тоҷикистон ва ҷаҳон
Молоток судьи, архивное фото

132 нафар: парвандаи “ихвониҳои тоҷик” ба суд рафт

0
Прокуратаи генералии Тоҷикистон парвандаи як гуруҳи бузурги муттаҳамон барои узвият дар созмони “Бародарони мусулмон” – ро ба суд фиристодааст

 ДУШАНБЕ, 14 июл — Sputnik. Абдуғаффор Ҳикматуллозода, муовини аввали Прокурори генералии Тоҷикистон, имрӯз, 14 июл зимни нишасти матбуотии ин ниҳод эълон кард, ки парвандаи 132 узви созмони “Бародарони мусулмон” (“Ихвон – ул – муслимин”, мамнӯъ дар Тоҷикистон ва Русия) ба додгоҳ ирсол шудааст.

“Тафтиши парвандаи як гуруҳи калони аъзои созмони экстремистӣ – террористии “Бародарони мусулмон” дар Прокуратури генералии Тоҷикистон такмил шуда, тасдиқи фикри айбдоркунӣ ба Суди олӣ ирсол карда шуд. Нисбати 73 нафари дигар, ки аз тафтишот пинҳон шудаанд, кофтуков эълон шудааст”, - гуфт Абдуғаффор Ҳикматуллозода.

Бори аввал Прокуратураи генералии Тоҷикистон моҳи январ таъйид карда буд, ки 113 нафарро бо гумони узвият дар созмони "Бародарони мусулмон" боздошт ва алайҳи онҳо парвандаи ҷиноӣ боз намудааст.

Он замон Юсуф Раҳмон, прокурори генералии Тоҷикистон, боздошти “садҳо нафар” – ро рад карда, дар шарҳи теъдоди боздоштшудаҳо гуфт, дар миёни онҳо як корманди мақомоти иҷроияи шаҳри Исфара, зиёда аз 20 нафар аз донишгоҳҳои олӣ, намояндагони дигар мақомоти ҳукуматӣ низ ҳузур доранд.

19 март Прокурори генералӣ дар ҷаласаи Маҷлиси миллӣ, палатаи болоии парлумони Тоҷикистон эълон кард, ки аз аввали сол 314 муттаҳам дар узвият ба “Бародарони мусулмон” ошкор шуда, беш аз 150 нафарашон боздошт гардидаанд ва амалиёти ошкорсозиву боздошти аъзои дигари созмон идома дорад.

“Бародарони мусулмон” ё “Ихвон-ул-муслимин” ҳанӯз соли 2006 аз сӯи Суди олии Тоҷикистон ба рӯйхати созмонҳои мамнуъи экстремистӣ-террористӣ ворид карда шудааст. Соли 2016 20 имомхатиби масҷидҳои вилояти Суғд бо ҷурми узвият дар ин созмони мамнуъ аз 3 то 4 – солӣ равонаи зиндони низомаш шадид шуда буданд.

Таъйид: боздошти 113 нафар бо гумони узвият дар "Бародарони мусулмон"

"Ихвон-ул-муслимин" як созмони мазҳабву сиёсист, ки соли 1928 дар Миср таъсис ёфта, фаъолияташ ба тамоми кишварҳои арабӣ густариш ёфт. Ин созмон дар Миср соли 2011 аксарияти курсиҳои парлумонро ба даст овард. Як сол пас Муҳаммад Мурсӣ, намояндаи ин созмон дар интихоботи президентӣ пирӯз омад. Аммо соли 2013 ӯ аз сӯи низомиёни он кишвар боздошт, ҳамзамон “Ихвон-ул-муслимин” дар Миср созмони террористӣ эълон шуд. Мурсӣ соли 2019 дар толори додгоҳ аз сактаи қалб ҷон дод.

0