Оқибати селу обхезӣ дар ВМКБ. 20 июли соли 2015

ВАО: кӯли сунъӣ дар Бадахшон ба сокинон хатар эҷод мекунад

19
(Таҷдидшуда 08:42 18.08.2015)
Кӯли то кунун беном дар шохаи рӯдхонаи Ғунд дар 16-километрии шаҳри Хоруғ, маркази вилояти Бадахшони Кӯҳӣ ҷойгир аст ва дар наздикиву атрофи он бештар аз 30 ҳазор нафар зиндагӣ мекунанд.

ДУШАНБЕ, 18 авг — Sputnik. Баъди як моҳи пайдо шудани як моҳ аз пайдоиши кӯли сунъӣ дар яке аз шохобҳои рӯдхонаи Ғунд дар Бадахшон, сатҳи оби он 20 сантиметр боло рафта, хатари рахна шудани кӯл ба вуҷуд омадааст, иттилоъ медиҳад Радиои Озодӣ.

Ба тахмини мутахассисон, дар ин кӯл аз 7 то 20 миллион метри мукааб об ҷамъ шудааст ва дар сурати рахна шудан эҳтимолан ҳазорон манзилро дар хатар гузорад.

Тибқи иттилоъи манбаъ, дар ҳоли ҳозир комиссияи вижаи ҳукуматӣ ҳамроҳ бо созмонҳои байналмилалии кӯмакрасон кӯшиш доранд оқибатҳои эҳтимолии рахна шудани кӯл ва хатари он барои аҳолиро муайян кунад.

Ба қавли сарвари иҷроияи созмони "FOCUS" Шодмон Ҳоҷибеков, ки дар рафъи оқибатҳои селу обхезӣ кӯмак мекунад, мутахассисони рус то охири моҳи август бояд чуқурии кӯл,  сатҳи об ва фишори он ба сарбандро муайян кунанд.

"Дар масъалаи кӯл ҳар кас ҳар фарзия дорад. Баъзеҳо мегӯянд, дар он 7 миллион метри мукааб об аст, баъзеҳо мегӯянд, ки аз 12 то 14 миллион метри мукааб ва баъзеҳо мегӯянд, ки дар дохил 20 миллион метри мукааб об ҷамъ шудааст",- илова кардааст ӯ.

Оқои Ҳоҷибеков афзудааст, аммо ин фарзияҳо, ки олимону мутахассисон бо формулаҳои гуногун сохтаанд, ягон асоси расмӣ ва илмӣ надоранд. "Аз ҳамин лиҳоз, мо бо Донишгоҳи давлатии шаҳри Маскав (МГУ) дар тамос шудем ва дар нақша аст, ки дар ҳафтаҳои ахири моҳи ҷорӣ  мо мутахассисонро ҷалб мекунем ва онҳо ташхиси батиметрии кӯлро мегузаронанд".

Ба гуфтаи ӯ, то замоне, ки ҳаҷми оби кӯли сунъӣ муайян нашавад, миқёси эҳтимолии фалокат дар рустоҳои наздисоҳилиро маълум карда намешавад. Аммо кӯли то кунун беном дар шохаи рӯдхонаи Ғунд дар 16-километрии шаҳри Хоруғ, маркази вилояти Бадахшони Кӯҳӣ ҷойгир аст ва дар наздикиву атрофи он бештар аз 30 ҳазор нафар зиндагӣ мекунанд.

Селу обхезӣ дар вилояти Бадахшони Кӯҳӣ дар миёнаи моҳи июл дар ноҳияҳои Шуғнону Ванҷу Рӯшон, Ишкошим ва Мурғобу Дарвоз даҳҳо хонаро хароб ва 6 нафарро қурбон кард. Дар маҷмӯъ 100 хона, аз ҷумла 78 манзили истиқоматӣ комилан ва 22 хонаи дигар қисман вайрон шуданд. Роҳ ва чандин пул, хатҳои интиқоли нерӯи барқ аз байн рафт ва айни замон аъзои бештар аз 80 хонавода аз ноҳияи Шуғнон дар хаймаҳо зиндагӣ мекунанд ва мақомоти Тоҷикистон гуфтаанд, то моҳи ноябр бояд барои онҳо хонаи истиқоматӣ сохта шавад.

Баъди селу обхезиҳо дар моҳи июл ҳукумати Тоҷикистон вазъи фавқуллода эълон кард ва бо муроҷиат аз ҷомеаи ҷаҳонӣ хост, барои рафъи оқибатҳои фалокат 100 миллион доллар кӯмак кунанд.  

19
Барчаспҳо:
хисороти молӣ, хатари кӯл ба аҳолӣ, кули сунъӣ дар рудхонаи Ғунд, селу обхезӣ дар Бадахшон, оқибати офатҳои табиӣ, созмони “FOCUS, Ҳукумати Тоҷикистон, Шодмон Ҳоҷибеков, Ванҷ, Дарвоз, Шуғнон, Ишкошим, Мурғоб, Бадахшон, Тоҷикистон
Бывший президент Франции Николя Саркози

Николя Саркозӣ ба се соли ҳабс маҳкум шуд

165
(Таҷдидшуда 19:38 01.03.2021)
Додгоҳи Порис Николя Саркозиро дар фасод гунаҳкор донист ва кишвардори собиқро ба мӯҳлати се сол маҳкум ба зиндон намуд

ДУШАНБЕ, 1 март - Sputnik. Додгоҳи Порис президенти пешини Фаронса Николя Саркозиро дар фасод ва тиҷорати нуфуз гунаҳгор донист ва ӯро ба се соли зиндон маҳкум кард, ки ду соли он шартан аст.

Худи президенти собиқ ҳамаи иттиҳомотро комилан рад кард ва дар мурофиа ҳам ҳузур надошт. 

Додситонӣ инчунин изҳор дошт, ки Николя Саркозӣ кӯшиш кардааст, ки ба корманди суди кассатсионӣ Гилберт Азиберт ришва диҳад ва аз ӯ дар бораи тафтишоти маблағгузории ғайриқонунии маъракаи президентӣ аз ҷониби духтари бунёдгузори L'Oreal Лилиан Беттанкурт маълумот гирад.

Тахмин зада мешуд, ки тавассути вакили шахсии худ Саркозӣ ваъда додааст, ки ба кормандони суд дар гирифтани мақоми бонуфуз дар Монако кӯмак хоҳад кард.

Ҳамчун, сабтҳоии гуфтугуи телефонии боздоштшудаҳо пешниҳод гардид, ки дар он иштирокчиёни сӯҳбатҳо ҳеҷ гоҳ якдигарро бо номи воқеии худ намегирифтанд ва худи собиқ сарвари кишвар тахаллуси Пол Бисмутро истифода мебурд.

Ташхис муайян кард, ки дар сабтҳои телефонӣ худи Саркозӣ суҳбат кардааст.

Ҳимоятгар изҳор дошт, ки прокуратура барои баровардани хулоса ҳеҷ асосе надорад. Адвокат Жаклин Лаффонт тавзеҳ додааст, ки "ин танҳо як сӯҳбати дӯстона буд".

Додгоҳ Гулнора Каримоваро барои 13 солу 4 моҳ равонаи зиндон кард

Аммо Саркозӣ бар ин назар аст, ки ҳамаи парвандаҳо як навъ интиқом гирифтани додрасҳо аз ӯст, ки замони раисҷумҳур будан ваколатҳои онҳоро маҳдуд мекард.

Зимнан, прокуратураи молиявӣ хоҳиш кард, ки ба ӯ 4 соли зиндон, аз ҷумла ду сол шартӣ дода шавад.

Ба ҳамин минвол, Саркозӣ аввалин президенти собиқи Фаронса мебошад, ки ҳукми воқеии зиндонро гирифт.

Ҳанӯз соли 2011, раҳбари пешини Фаронса Жак Ширак барои ташкили ҷойҳои бардурӯғи кори дар шаҳрдории Порис ба 2 соли ҳабси шартӣ маҳкум шуд.

165
Барчаспҳо:
Николя Саркози, Фаронса
Премьер-министр Никол Пашинян

Пашинян гуфт, ки дар бораи "Искандар" ба ӯ маълумоти нодуруст додаанд

218
(Таҷдидшуда 17:08 01.03.2021)
Никол Пашинян, изҳороташ дар бораи бесамарии ҷангии силоҳҳои Русия аз ҷумла "Искандар" тағйир дод

ДУШАНБЕ, 1 мар — Sputnik. Сарвазири Арманистон Никол Пашинян пас аз сӯҳбат бо Владимир Путин ба хулосае омад, ки ба ӯ дар бораи вазъи системаҳои мушакии Русия, ки ба ҷумҳурӣ интиқол дода шудаанд, маълумоти нодуруст додаанд.

Дар ин бора Sputnik Арманистон бо такя ба гуфтаҳои котиби матбуоти ҳукумат Мане Геворгян хабар додааст.

"Гузашта аз ин, изҳороти сарвазир ба мундариҷа ва сифати муносибатҳои иттифоқии Арманистон ва Русия дар соҳаи ҳамкориҳои ҳарбӣ ва ҳарбӣ-саноатӣ ҳеҷ иртибот надорад. Шубҳае нест, ки силоҳи Русия яке аз беҳтаринҳо дар ҷаҳон аст",- омадааст дар варақаи иттилоотӣ.

Жириновский гуфт Пашинян сабаби шикасти Арманистон хоҳад шуд - видео

Ба гуфтаи котиби матбуотии президенти Русия Дмитрий Песков, изҳороти Пашинян дар ин масъала "ҳақиқатро барқарор кард".

Бӯҳрони сиёсӣ дар Арманистон

Пас аз изҳороти сарвазири Арманистон дар бораи мушаки "Искандар"-и Русия дар Ереван иқдомҳои муназзами эътирозӣ баргузор шуданд.
Вай изҳор дошт, ки таҷҳизот ҳангоми ҷанг дар Қарабоғи Кӯҳӣ аз кор мондаанд.

Тибқи иттилои расонаҳо, муовини сардори Ситоди Генералии Арманистон сарвазирро масхара кардааст, ки Пашинян барои он ӯро аз кор озод карданӣ шуд.

Вай инчунин фармонро дар бораи истеъфои раиси Ситоди Генералӣ Оник Гаспарян омода кард, аммо президент Армен Саркиссян аз имзо даст кашид.

Сарвазир ба маъмурияти президент муроҷиати дуввум фиристод. Фраксияи ҳукмрони парлумонии "Қадами ман" Саркисянро бо импичмент таҳдид кард. Шӯрои Амният бошад ба президент тавсия додааст, ки Гаспарянро аз вазифа сабукдӯш кунад.

Нерӯҳои мусаллаҳи Арманистон, дар посух, рафтани худи Пашинянро талаб карданд. Сарвазир инро ҳамчун кӯшиши табаддулот дониста, тарафдоронашро ба кӯчаҳо даъват кард.

Пашинян мегӯяд, ба ҳеҷ ваҷҳ тарки Арманистонро намекунад

Дар ҳамин ҳол, мухолифин дар наздикии парлумон хайма зада, хостори гуфтугӯ нестанд ва истеъфои сарвазирро талаб мекунанд.

218
Барчаспҳо:
муносибот, силоҳ, Никол Пашинян, Русия, Арманистон
День 2 марта

Тоҷикистон ба узвияти СММ пайваст: имрӯзи таърих

0
(Таҷдидшуда 19:06 01.03.2021)
Соли 1992 дар ҷаласаи 46-уми Ассамблеяи Генералии Созмони Милали Муттаҳид Ҷумҳурии Тоҷикистон ба ин созмони бонуфузи ҷаҳонӣ аъзо шуд

Рӯзи 2 март дар ҷаҳон чӣ рух дод

Соли 1993 Шӯрои байниҳукуматии ИДМ оид ба нафту газ ташкил карда шуд.

Соли 1923 дар ИМА аввалин шумораи маҷаллаи "Time" нашр шуд.

Соли 2010 дар Париж дар қароргоҳи ЮНЕСКО маросими ботантанаи ифтитоҳи Соли байналмилалии наздикшавии фарҳангҳо доир гардид.

Рӯзи 2 март дар Тоҷикистон чӣ рух дод

Соли 1992 ҷумҳуриҳои Тоҷикистон, Қазоқистон, Озарбойҷон, Арманистон, Қирғизистон, Молдава, Туркманистон ва Ӯзбекистон  ҳамчун давлати соҳибистиқлол узви Созмони Милали Муттаҳид шуданд.

Соли 1992 дар ҷаласаи 46-уми Ассамблеяи Генералии Созмони Милали Муттаҳид Ҷумҳурии Тоҷикистон ба ин созмони бонуфузи ҷаҳонӣ аъзо шуд.

День 27 февраля нац
© Sputnik/ Стас Этвеш/ Мария Вишнякова

Соли 2011 дар Тоҷикистон Шӯрои рушди тарбияи ҷисмонӣ таъсис дода шуд.

Соли 2012 дар шаҳри Душанбе вазъи вақт ва дурнамои ҳамкории Тоҷикистону Британияи Кабир баррасӣ гардид.

Соли 2016 аз ҷониби кишвардори Тоҷикистон Эмомалӣ Раҳмон ангораи ҷашни Наврӯз тасдиқ карда шуд.

Соли 2017 Эмомалӣ Раҳмон ба муносибати 25-солагии барпо намудани робитаҳои дипломатӣ байни Ҷумҳурии Тоҷикистон ва Ҷумҳурии Финляндия ба Президенти Ҷумҳурии Финляндия Саули Вяйнямё Нийнистё барқияи табрикӣ ирсол намуданд.

Ҷашнҳои рӯзи 2 март

  • Рӯзи байналмилалии гӯгирд.
  • Дар Ливия – Рӯзи тахлия.

Рӯзи 2 март дар Тоҷикистон кӣ таваллуд шуд

Соли 1946 - журналист Мухиддин Олимпур. 

Соли 1950 – ҳунарманди халқии Тоҷикистон Даврон Алиматов.

Соли 1959 – ҳунарманди хизматнишондодаи Тоҷикистон Акбар Мирраҷабов.

0
Барчаспҳо:
ҷашн, ҷаҳон, Тоҷикистон