Покистон. Акс аз бойгонӣ

Исломобод: Тоҷикистон шарики асосии Покистон дар минтақа мебошад

27
(Таҷдидшуда 12:10 18.03.2016)
Раиси палатаи поёнии парлумони Тоҷикистон аснои сафараш ба Покистон иброз доштааст, ки ҳамкориҳои дуҷониба дар самти мубориза алайҳи терроризму экстремизм бояд мустаҳкам мегарданд.

ДУШАНБЕ, 18 мар — Sputnik. Ёвари сарвазири Покистон дар умури сиёсати хориҷӣ Ториқ Фотимӣ аснои мулоқот бо раиси Маҷлиси намояндагони Тоҷикистон Шукурҷон Зуҳуров, ки дар Исломобод қарор дорад, гуфтааст, кишвараш Тоҷикистонро шарики асосии худ дар минтақа мешуморад.

Ба иттилоъи сухангӯи парлумони ҶТ Муҳаммадато Султонов, зимни нишаст қайд гардид, ки Покистон ҳамеша талош менамояд, қитъаи Осиё ба минтақаи амну субот мубаддал гардад, зеро оромии он таъминкунандаи зиндагии осоишта барои мардумони ҳамаи кишварҳо мебошад.

Эмомалӣ Раҳмон Фармондеҳи Артиши Покистон Раҳил Шарифро ба ҳузур пазируфт. 1 марти соли 2016
© Официальная страница пресс-службы президента РТ в Facebook

Ҳамзамон, Шукурҷон Зуҳуров дар навбати худ таъкид кардааст, ки дар робита ба ҳамкориҳо дар соҳаи мудофиа бо мусоидат ва дастури нахуствазири Покистон, Навоз Шариф ба Тоҷикистон кумаки низомӣ ироа мешавад.

Раиси Маҷлиси намояндагони Тоҷикистон афзудааст, ки ҳамкориҳои дуҷониба дар самти мубориза алайҳи терроризму экстремизм бояд мустаҳкам гарданд ва ин заминаи оромиву субот дар минтақа хоҳад буд.

"Дар ин самт масоили марбут ба соҳаи мудофиа ва амният зимни сафари раиси ситоди муштараки Покистон Раҳил Шариф ба Тоҷикистон баррасӣ гардиданд. Қайд шуд, ки гуруҳи кории муштарак оид ба мубориза бо терроризм, ки ба наздикӣ таъсис ёфтааст ва баргузории аввалин ҷаласаи он дар назар аст, дар самти мубориза алайҳи таҳдидҳои муосир ва ҳамкориҳои дуҷониба дар ин масир нақши меҳварӣ хоҳад дошт".

27
Барчаспҳо:
стратегия, кумаки низомӣ, шарики асосӣ, ҳамкорӣ, мулоқот, Вазорати умури хориҷаи Покистон, нахуствазири Покистон, парлумони Тоҷикистон, Маҷлиси намояндагон, Ториқ Фотимӣ, Шукурҷон Зуҳуров, Навоз Шариф, Исломобод, Покистон, Душанбе, Тоҷикистон
Выборы президента Узбекистана

Санаи интихоботи президентӣ дар Ӯзбекистон эълон шуд

600
Мақомоти Узбакистон санаи пешбинишудаи интихоботи президентӣ дар ин кишварро эълон карданд

ДУШАНБЕ, 26 январ - Sputnik. Интихоботи навбатии президентӣ дар Узбакистон дар назар аст моҳи октябри соли равон баргузор шавад, менависад Sputnik Ӯзбекистон.

"Интихоботи президентӣ дар Ӯзбекистон метавонад рӯзи якшанбеи даҳаи сеюми октябр баргузор шавад",-менависад, агентӣ.

Таъкид шудааст, ки санаи интихобот дар ҷаласаи фраксияҳои ҳизбҳои сиёсӣ дар палатаи поёнӣ муҳокима карда шуд.

Ба иттилои манбаъ, як рӯз пеш дар Ӯзбекистон ҷаласаи Комиссияи марказии интихоботи ҷумҳурӣ баргузор гардид, ки дар он қайд карда шуд, ки ҳайати САҲА ва Бюро оид ба институтҳои демократӣ ва ҳуқуқи инсон, ки интихоботи парлумониро мушоҳида кард, як қатор тағйироти мусбатро дар системаи миллии интихоботии кишвар эътироф кардааст.

Бояд қайд кард, ки дар Узбакистон номзадҳои президентиро танҳо аз ҷониби ҳизбҳои сиёсӣ пешбарӣ кардан мумкин аст. Айни замон, дар кишвар панҷ ҳизби сиёсӣ сабти ном шудаанд.

Интихоботи президентӣ дар Ӯзбекистон ҳар панҷ сол як маротиба баргузор мешавад.

Натоиҷи интихоботи такрории Узбакистон эълон гардид: се вакил тоҷиктабор ҳастанд

4 декабри соли 2016 дар Ӯзбекистон интихоботи пеш аз муҳлат баргузор шуд, ки дар он Мирзиёев, ки сарвазир буд, пирӯз шуд. 88,61% интихобкунандагон ба ӯ овоз доданд.

Президент Ислом Каримов, ки аз соли 1989 инҷониб кишварро идора мекунад, 2 сентябри соли 2016 дар синни 78-солагӣ бар асари сактаи мағзӣ даргузашт.

600
Барчаспҳо:
парлумон, номзад, Шавкат Мирзиёев, Санаи интихоботи президентӣ дар Ӯзбакистон муайян шуд
Экс-глава ГКНБ Кыргызстан Абдиль Сегизбаев

Барои фасодкорию сӯистифодаи мансаб: собиқ роҳбари Кумитаи амнияти Қирғизистон боздошт шуд

187
(Таҷдидшуда 00:47 26.01.2021)
Қаблан дар бораи як парвандаи ҷиноӣ алайҳи собиқ мақомдор Абдил Сегизбоев бо моддаи "Коррупсия" хабар дода шуда буд. Ҳоло ӯ инчунин дар сӯиистифода аз мақом ҳангоми роҳбарии хадамоти махсус гумонбар дониста мешавад

ДУШАНБЕ, 26 январ - Sputnik. Собиқ роҳбари Кумитаи давлатии амнияти миллӣ Абдил Сегизбоев боздошт шудааст, хабар медиҳад хадамоти матбуоти Прокуратураи генералии Қирғизистон.

Гуфта мешавад, ки рӯзи 14 январ аз собиқ вакили парлумон Алмамбет Шикмаматов ва шахсони дигар дар бораи амалҳои ғайриқонунии собиқ роҳбари Кумитаи давлатии амнияти миллӣ дар ин вазифа муроҷиатнома қабул карда шуд.

Дар иттилоияи Прокуратураи генералӣ қайд карда мешавад, ки амалҳои ғайриқонунӣ дар бадномкунии барқасдонаи вакилон Алмамбет Шикмаматов, Омурбек Текебаев ва Аида Салянова дар назди аҳолӣ ва дидаву дониста айбдор кардани онҳо ба содир кардани ҷиноят, аз ҷумла, дар бораи суиистифода аз мансаб ифода ёфта, дигар амалҳои ғайриқонунии Сегизбоев ба истилоҳ "Белизгейт" будааст, қайд кардааст, ин ниҳод.

Кумитаи давлатии амнияти миллӣ ва Прокуратураи ҳарбӣ далелҳои ҷиноятҳои содиркардаи Сегизбоевро дарёфт карда, пас аз он вай боздошт ва дар боздоштгоҳи муваққатии Раёсати корҳои дохилии Бишкек овардаанд, гуфт мақомоти асосии назорат.

Пеш аз он хабар дода мешуд, ки ӯро барои бозпурсӣ даъват кардаанд.

Қаблан Додситонии кулл Сегизбоевро ба фасод дар табдили замин муттаҳам кард. Худи сиёсатмадор даст доштани худ дар ин парвандаро рад кард.

Сегизбоев дар интихоботи гузашта номзад ба мақоми президенти Қирғизистон буд. Ӯ 20 ҳазору 335 овоз гирифт, ки ин 1,46 фоизи интихобкунандагон буд.

Пас аз интихобот, Сегизбоев эълон кард, ки ба оппозисиюни ҳукумати нав меравад.

Вай аз соли 2015 то 2018 Кумитаи давлатии амнияти миллиро роҳбарӣ кардааст.

14 ноябри соли 2016 сардори Кумитаи давлатии амнияти миллӣ Абдил Сегизбоев ба президенти вақти он кишвар Алмосбек Отамбоев дар бораи гирифтани санадҳои боэътимод аз Белиз хабар дод.

Онҳо гӯё дар бораи манфиати се мансабдори собиқи баландпоя, вакилони собиқи парлумон Омурбек Текебоев, Аида Салянова ва вакили парлумон Алмамбет Шыкмаматов ба Southfield Management Inc шаҳодат медиҳанд, ки аз нисфи фурӯши саҳмияҳои ЗАО "Альфа Телеком" (бренди MegaCom) 50 миллион доллар ба даст овардаанд.

Соҳиби ин ширкат, эҳтимол дорад, Максим Боқиев бошад. Ин ҷанҷол "Белизгейт" ном гирифт.

Моҳи сентябри соли 2018 маълум шуд, ки КДАМ ин ҳуҷҷатҳоро нагирифтааст ва парванда ба қайд гирифта нашудааст.

Соли 2016 бо сабаби набудани ҳуҷҷатҳои зарурӣ парвандаи ҷиноӣ оғоз нашудааст, қайд кардааст прокуратура. Баъдтар маълум шуд, ки ҳуҷҷатҳо дар Кумитаи давлатӣ бо тамғаи "Тамоман махфӣ" гузошта шудаанд.

187
Барчаспҳо:
сӯистифода аз вазифа, фасодкорӣ, КДАМ Қирғизистон, боздошт
Президент Республики Таджикистан Эмомали Рахмон

Дастури Раҳмон: то моҳи март кодекси нави андоз омода шавад

0
(Таҷдидшуда 11:26 26.01.2021)
Эмомалӣ Раҳмон дастур дод, ки соҳибкорони кишвар дастгирӣ карда шаванд, монеаҳо аз роҳи онҳо бардошта шавад

ДУШАНБЕ, 26 янв — Sputnik. Эмомалӣ Раҳмон, раисҷумҳури Тоҷикистон имрӯз ҳангоми ироаи паёми солана дастур дод, ки Кодекси андози Тоҷикистон такмил дода шавад.

Президент мӯҳлат дод, ки то моҳи март Кодекси нави андоз омода гардад.

Дар Тоҷикистон андоз аз истифодабарандагони роҳҳои мошингард бекор карда мешавад

Вай афзуд, ки дар кодекси нав ба дастгирии соҳибкорон диққати бештар дода шавад.

Ба соҳибкорон, хусусан соҳибкорони истеҳсолӣ сабукиҳо дода шавад, таъкид кард Эмомалӣ Раҳмон.

Эмомалӣ Раҳмон аз зиёд будани саҳми бахши хусусӣ дар ММД тавсиф карда гуфт, ки саҳми бахши хусусӣ дар маҷмуи маҳсулоти дохилӣ 70%, ташкил кардани ҷойҳои корӣ 68%  ва даромадҳои андозӣ ба буҷаи давлат 80% аст.

0