Сергей Бакулин. Акс аз бойгонӣ

Чанд варзишгари рус аз медалҳои олимпӣ маҳрум шуданд

21
(Таҷдидшуда 16:16 25.03.2016)
Ҳамин тавр, аз медалҳои тиллои Бозиҳои Олимпии соли 2012 бо қарори CAS Сергей Кирдяпкин (давидан ба масофаи 50км) ва Олга Канискина (давидан ба масофаи 20км) маҳрум карда шуданд.

ДУШАНБЕ, 24 мар — Sputnik. Шаш варзишгари рус аз медалҳои олимпӣ бо қарори додгоҳи ҳакамии варзишӣ, мақарраш дар Лозан (CAS) маҳрум  шуданд.

Аз ҷумла, натиҷаҳои қаҳрамони олимпӣ аз рӯи давидан Олга Канискина аз 15 августи соли 2009 то  15 октябри соли 2012 бекор карда шуд. Ба доираи ин мӯҳлат рақобатҳои варзишгар дар Олимпиадаи Лондон, ки ӯро соҳиби медали нуқра карда буд, дохил шуд. Ғайр аз ин Канискинаро аз медали тиллои чемпионати ҷаҳони соли 2009 ва 2011, медали тиллои Аврупо-2010 ва нишони нуқраи Ҷоми ҷаҳон дар Саранск соли 2012 маҳрум намуданд.

Ҳамчунин, дигар варзишгарони Русия дар намуди давидан: чемпиони Лондон Сергей Кирдяпкин аз медали тилло, дар масофаи 50 км, Сергей Бакулин-нишони тиллои БО-2011 ва Владимир Канайкин аз медали нуқраи Бозиҳои Олимпии соли 2011 маҳрум шуданд.

Дар қатори онҳо варзишгари дигар дар намуди давидан Юлия Зарипова ба таҳрим афтод. Ӯ аз рӯи давидан ба масофаи 3000 метр бо монеъаҳо аз нишони тиллои дар чемпионати ҷаҳони соли 2011 ба даст овардааш маҳрум гашт.

Дар баробари ин суди ҳакамии варзишӣ дар Лозан варзишгари дигари рус, Валерия Борчинаро аз медали дар чемпионати соли 2008 дар Пекин гирифтааш маҳрум накард, танҳо натиҷаҳояшро шурӯъ аз августи соли 2009 то октябри соли 2012 бекор кард. Ва ҳамин тавр нишонҳои тиллои Бозиҳои ҷаҳонии солҳои 2009 ва 2011-ро аз даст дод.

Оҷонсии антидоппингии Русия 20 январи соли 2015 дар бораи бо сабаби истифодаи допинг бекор кардани натиҷаҳои баъзе аз варзишгарон ба мӯҳлати шурӯъ аз соли 2009 то 2012 эълон дошт.

Ассотсиатсияи байналмиллалии варзишӣ бо чунин қарор розӣ нашуд ва ба суди ҳакамии варзишии Лозан шикоят кард. Рӯзи панҷшанбе CAS қарори худр баровард.

Ҳукми додгоҳи ҳакамии варзиширо вазири спорти Русия Виталий Мутко шарҳ дод. Ба гуфти ӯ, парванда алайҳи намояндагони варзиши ФР дар намуди варзиши сабук "махфӣ" аст.

21
Барчаспҳо:
давандаҳо, варзишгарони рус, маҳрум, допинг, мелдонӣ, мелдоний, Олимпиада-2016, додгоҳи ҳакамии варзишӣ, Олга Канискина, Сергей Кирдяпкин, Виталий Мутко, Валерия Борчина, Сергей Бакулин, Швейтсария, Лозанна

Пеш аз рақобат бо Поре: Макгрегор дар рейтинги UFC мавқеашро аз даст дод

161
(Таҷдидшуда 20:28 20.01.2021)
Дорандаи ду камарбанди қаҳрамониро дар рейтинги навшудаи UFC муборизи австралиягӣ Роберт Уиттакер пеш гузашт

ДУШАНБЕ, 20 янв — Sputnik. Ситораи ирландӣ Конор Макгрегор дар рейтинги ҷанговарони беҳтарини UFC (новобаста аз вазн) мавқеашро аз даст дод, гуфта мешавад дар торномаи расмии ин ширкат.

Ин пеш аз задухурди Макгрегор бо Дастин Пореи амрикоӣ, ки шаби 23 ба 24 январ дар Файт Айленд дар Абу-Дабӣ баргузор мешавад, рух дод.

Макгрегор ҷои Нурмуҳаммадовро дар рейтинги беҳтарин муборизони UFC гирифт

Дорандаи собиқи камарбанди UFC дар вазни сабук тибқи рейтинги навшуда аз ҷои 12-ум ба 13-ум фаромадааст. Ӯро дар ин феҳрист, варзишкори австралиягӣ Роберт Уиттакер пеш гузашт.

Ҳабиб Нурмуҳаммадов, қаҳрамони феълӣ дар вазни сабук, дар рейтинги ҷанговарони беҳтарини UFC ҳамоно дар мақоми аввал аст.

Аз миёни занон то ҳол варзишкори бразилиягӣ Аманда Нунес дар ҷои аввал меистад. Ӯ қаҳраомни UFC дар вазни сабук мебошад. Валентина Шевченко, размикори қирғизистонӣ, дар рейтинг (новобаста аз категорияҳои вазн) ҷои дуюмро ишғол мекунад.

161
Барчаспҳо:
қаҳрамони UFC, рейтинг, мавқеъ, мавқеъ, Макгрегор
Дональд Трамп и его жена Мелания Трамп

Мелания Трамп пеш аз тарки Қасри Сафед анъанаи 70-соларо вайрон кард

338
(Таҷдидшуда 19:41 20.01.2021)
Ҳамсари президенти собиқи Иёлоти Муттаҳида дафтари хонуми аввалро бо рейтинги 47 дарсадӣ тарк хоҳад кард, ки ин нисбат ба пешгузаштагони ӯ камтар аст

ДУШАНБЕ, 20 январ - Sputnik. Мелания Трамп як анъанаи 70-соларо вайрон карда, аз даъвати хонуми аввали кунунии ИМА Ҷилл Байден барои сайёҳат дар Кохи Сафед саркашӣ кард, хабар медиҳад портали LADbible.

Тибқи анъана, хонуми якум дар рӯзҳои охирини раёсати шавҳараш барои ҷойгузини худ дар манзилҳои истиқоматии Кохи Сафед, дар қабатҳои дуюм ва сеюм сайёҳат мегузаронад.

Дар тӯли 70 сол занони президентҳои Амрико ҷойгузинони худро бо чой меҳмондорӣ карда, ба онҳо "хоҷаги" -и Кохи Сафедро месупурданд. Чор сол пеш худи Мелания Трамп ҳамроҳи хонуми аввал Мишел Обама чой нӯшид ва ӯро дар сайри қароргоҳи президент ҳамроҳӣ кард.

Таъкид мешавад, ки Мелания бо рейтинги 47 дарсадӣ аз дафтари бонуи аввал хориҷ хоҳад шуд, ки ин нисбат ба пешгузаштагони ӯ  камтар аст.

Анъанаи чойнӯшӣ дар соли 1952 замоне оғоз ёфт, ки бонуи аввал Бесс Труман, ҳамсари президент Гарри Труман Мэми Эйзенхауэр, ҳамсари Дуайт Д. Эйзенхауэрро ба сайри Кохи Сафед даъват кард.

Ҷасуру ҷаззоб: образҳои чашмраси Мелания Трамп-акс

Маросими савгандёдкунии президенти нави ИМА 20 январ баргузор мешавад. Доналд Трамп қаблан гуфта буд, ки ӯ дар ин маросим ширкат карданӣ нест.

Тибқи иттилои Кохи Сафед, Трамп чор соат пеш аз маросими савгандёдкунӣ Вашингтонро тарк мекунад.

338
Барчаспҳо:
президент, маросими савгандёдкунӣ, савгандёдкунӣ, ИМА, Мелания Трамп
Тими наврасони Тоҷикистон (U-17)

Рақибони тими наврасони тоҷик дар "Ҷоми Иттиҳод" муайян шуданд

0
(Таҷдидшуда 20:41 20.01.2021)
Кумитаи миллии олимпии Тоҷикистон рақибони дастаи мунтахаби наврасони ҷумҳурӣ оид ба футбол – “U-17”-ро дар мусобиқаи байналмилалии “Ҷоми рушд-2021” номбар кард

ДУШАНБЕ, 20 янв — Sputnik. Тибқи иттилои Кумитаи миллии олимпӣ, футболбозони то 17-солаи тоҷик дар “Ҷоми рушд-2021” бо тимҳои мунтахаби наврасони Белорус, Қазоқистон ва Молдова рақобат мекунад.

“Тими мунтахаби наврасони Тоҷикистон (U-17) бо роҳбарии сармураббӣ Аҳлиддин Турдиев дар 17-ум мусобиқаи байналмилалии “Ҷоми рушд-2021”, ки аз 31 январ то 6 феврал дар пойтахти Белорус – шаҳри Минск доир мегардад, иштирок мекунад”,  - омадааст дар иттилоия.

Манбаъ афзуд, барои пирӯзӣ дар ин мусобиқа 4 дастаи мунтахаби наврасони соли таваллудашон на бештар аз 2004 талош мекунанд. Дар “Ҷоми рушд-2021” дар Минск футболбозони навраси тоҷик бо ҳамсолонашон аз Қазоқистон (31 январ), Молдова (3 феврал) ва Белорус (6 феврал) бозӣ хоҳанд кард.

Футбол: бозиҳои ниҳоии Ҷоми Тоҷикистон-2020 маълум шуд

Мусобиқаи анъанавии зимистона дар толори футболи Минск тибқи системаи даврӣ дар як давр баргузор мешавад. Ғолиб аз рӯи холҳои бадастоварда муайян мегардад, тавзещ дод Кумитаи олимпӣ.

0
Барчаспҳо:
Ҷом, Футбол, Тоҷикистон