Виталий Мутко, вазири варзиши Русия. Акс аз бойгонӣ

Мутко: додситонӣ дар гузориши WADA далел наёфт

28
(Таҷдидшуда 13:01 08.04.2016)
Прокуратураи генералӣ дар гузориши комиссияи WADA оид ба қонунвайронкунии зиддидопингӣ барои барои боз кардани парвандаи ҷиноӣ ягон далели асоснок дарёфт накард, изҳор дошт вазири варзиш Виталий Мутко.

ДУШАНБЕ, 8 апр — Sputnik. Додситонии кулли Русия гузориши комиссияи Оҷонсии ҷаҳонии зиддидопингиро дар бораи қонунвайронкунӣ аз ҷониби варзишгарони Русия омӯхт ва ягон далели асоснок барои боз кардани парвандаи ҷиноӣ дарёфт накард, менависад РИА Новости бо истинод ба изҳороти вазири варзиши ФР Виталий Мутко.

Рӯзи 9 ноябри соли 2015 дар Женева нишасти матбуотии созмони мавсум ба WADA доир гардид. Дар нишасти хабарӣ комиссияи мустақим Русияро дар вайрон кардани бархе аз бандҳои қонуни зиддидопингӣ мутаҳҳам намуда, ба Ассотсиатсияи байналмиллалии федератсияи варзиши сабук (IAAF) пешниҳод кард, то варзишгарони рус аз бозиҳои минбаъда ва ҳаққи ширкат дар Олимпиада-2016 маҳрум карда шаванд.

Шӯрои IAAF узвияти Федератсияи варзиши сабуки Русияро аз ин созмон барҳам дод, ки маънои аз бозиҳои байналмиллалӣ маҳрум гардидани онҳоро дорад.

Дар баробари ин, фаъолияти ташхисгоҳи зиддидопингии Маскав манъ гардида, қарор дар бораи ба кодекси WADA ҷавобгӯ набудани оҷонсии зиддидопингии Русия тасвиб шуд. Моҳи декабр роҳбарияти ин оҷонсӣ ба истеъфо рафт.

"Ман танҳо гуфта метавонам, ки Прокуратураи генералӣ дар гузориши комиссияи WADA оид ба қонунвайронкунии зиддидопингӣ барои боз карадни парвандаи ҷиноӣ ягон далели асоснок дарёфт накард",-иброз доштааст Виталий Мутко.

28
Барчаспҳо:
зиддидопинг, варзишгарони рус, мелдоний, допинг, мелдонӣ, манъ, WADA, Оҷонсии ҷаҳонии зиддидопингӣ, Вазорати варзиши ФР, Виталий Мутко, Русия, Маскав
Скорая помощь в Афганистане, архивное фото

Таркиши шадид дар бозори Бағдод: ду маргталаб 28 нафарро куштанду 75 касро захмӣ карданд

78
Зӯҳри рӯзи 21 январ дар Бағдод ду таркиши мудҳиш рух дод, ки дар натиҷа теъдоди зиёди куштаву ҷароҳатбардоштаро дарпай дошт

ДУШАНБЕ, 21 янв – Sputnik. Вазорати дохилаи Ироқ ҷузъиёти ду таркиши маргталабонаи зуҳри имрӯз дар маркази Бағдодро мунташир кард, хабар медиҳад Парс тудей бо такя ба ИРНА.

Манбаъ аз қавли Холид Алмуҳанно сухангӯи вазорати умури дохилаи Ироқ дхабар медиҳад, ки аввалин террористи ҳомили камарбанди таркишӣ вонамуд карда, ки бемор аст ва вақте мардум дар атрофаш ҷамъ шуданд,худро мунфаҷир карда аст.

Зимнан, маргталаби дигар низ ба фосилаи андаке вақте мардум барои интиқоли захмиҳо ҷамъ шуданд, камарбанди интиҳории худро мунфаҷир кард.

Бар асари инфиҷор дар бозори марказии Бағдод 28 тан кушта ва 73 нафар захмӣ шуданд.

Инфиҷор дар Кобул 18 куштаю захмӣ барҷой гузошт

Ҳамзамон низ ҳамаи масирҳо ва вурудиҳои мунтаҳӣ ба минтақаи амниятии сабз дар маркази Бағдод, ки дафотири теъдоде аз ниҳодҳои байналмиллалӣ , сафоратхонаҳо ва дастгоҳҳои муҳими ҳукуматӣ дар онҷо қарор дорад, баста шуда аст. Ин минтақа ду километр аз майдони Алтирон фосила дорад.

Ҳанўз ҳеч фард ё гурӯҳе масъулияти ин ду инфиҷори интиҳорӣ дар Бағдодро то кунун бар уҳда нагирифта аст.

78
Барчаспҳо:
маргталаб, таркиш, Бағдод
Вакцина

Тасмими ширкатҳои эронӣ барои тавлиди 25,5 миллион воя воксинаи зидди вируси корона

110
(Таҷдидшуда 15:15 21.01.2021)
Раиси Кумитаи илмии Ситоди миллии муқобила бо корона дар Эрон гуфт, ки ин кишвар барномаи тавлиди 25,5 миллион воя воксинаи зидди вируси коронаро дар ширкатҳои воксинасозии дохилӣ иҷро мекунад

ДУШАНБЕ, 21 янв— Sputnik.  Мустафо Қонеӣ, раиси Кумитаи илмии Ситоди миллии муқобила бо корона дар Эрон ахиран афзуд, ки дар пойгоҳи ЮНИСЕФ Эрон ба унвони яке аз кишварҳои тавлидкунандаи воксинаи корона муаррифӣ шудааст, иттилоъ додааст хабаргузории “Парстудей”.

Қонеӣ изҳор дошт, ки аз 9 ширкати эронии дар ҳоли тавлиди ваксинаи корона, се воксина дар марҳалаи болинӣ қарор дорад ва ҳамчунин сохти ваксинаи муштараки Куба ва Институти Пастери Эрон низ дар дастури кор аст.

Раиси Кумитаи илмии Ситоди миллии муқобила бо корона дар Эрон дар бораи далели ҳамкории Эрон бо Куба барои тавлиди воксинаи корона низ изофа кард: Низоми саломати Куба аз ҷиҳати адолат рутбаи аввали ҷаҳонро дорост ва ин кишвар дар ҳавзаи пизишкӣ яке аз кишварҳои матраҳи ҷаҳон ба шумор меравад.

Ҳамчунин Қонеӣ гуфт, ки дар гузашта низ Куба бо Эрон барои тавлиди ваксинаи "Гипатити Б" ҳамкорӣ доштааст.

110
Барчаспҳо:
вируси корона, вирус, барнома, Эрон
Рустами Эмомалӣ, раиси Маҷлиси миллии Тоҷикистон

Қарори нави Рустами Эмомалӣ дар бораи ярмаркаҳои кишоварзӣ дар соли 2021

0
(Таҷдидшуда 10:33 22.01.2021)
Шаҳрдори Душанбе Рустами Эмомалӣ дар бораи ташкили ярмаркаҳои фурӯши маҳсулоти кишоварзию агросаноатӣ дар соли 2021 қарор баровард

ДУШАНБЕ, 22 янв — Sputnik. Бино бар қарори раиси шаҳри Душанбе ин ярмаркаҳо бо мақсади бо мақсади таъмини сокинону меҳмонони шаҳр бо маҳсулоти хушсифати кишоварзӣ баргузор хоҳанд шуд.

Дар ин росто, Раёсати рушди иқтисод ва савдои шаҳри Душанбе, Корхонаи воҳиди давлатии "Оид ба истеҳсол, харид, захира ва фурӯши маҳсулоти ниёзи аввалияи шаҳри Душанбе" дар ҳамкорӣ бо Вазорати кишоварзӣ, Агентии захираҳои моддии давлатӣ ва Иттифоқи "Тоҷикматлубот" вазифадор шудаанд, ҷиҳати ташкил ва гузаронидани ярмаркаҳо ва ширкати корхонаю хоҷагиҳои кишоварзии ҷумҳурӣ тадбирҳо андешанд.

Раисони ноҳияҳои Исмоили Сомонӣ, Шоҳмансур, Сино ва Фирдавсӣ муваззаф шуданд, барои дар сатҳи баланди ташкилию фарҳангӣ гузаронидани чорабиниҳои мазкур, ҷойгир кардани ғурфа ва растаҳои савдо, ки ба талаботи муосир ҷавобгӯй мебошанд, тадбирҳои зарурӣ андешанд.

Қоидаҳои савдо, тартиботи ҷамъиятӣ ва зиддисӯхторӣ, сифат, нархи маҳсулотҳо ва талаботи санитарию гигиениро бояд Раёсати рушди иқтисод ва савдои шаҳри Душанбе якҷо бо Вазорати корҳои дохилӣ дар шаҳри Душанбе, Хадамоти давлатии оташнишонӣ, Маркази назорати давлатии санитарию ва раёсати Кумитаи бехатарии озуқаворӣ назорат кунанд.

Ҳамчунин тибқи қарори мазкур, Раёсати Кумитаи бехатарии озуқаворӣ дар шаҳри Душанбе ва шаҳру ноҳияҳои тобеи ҷумҳурӣ хизматрасонии ташхиси маҳсулотҳои гӯштию шириро ҳангоми баргузории ярмаркаҳо бояд тариқи ройгон амалӣ намоянд.

0
Барчаспҳо:
нарх, баргузор, назорат, кишоварзӣ, Душанбе