Барак Обама. Акс аз бойгонӣ

Барак Обама: терроризм бо дини ислом рабте надорад

56
(Таҷдидшуда 12:36 25.07.2016)
Президенти Иёлоти Муттаҳидаи Амрико Барак Обама дар мусоҳиба бо шабакаи CBS изҳор доштааст, ки терроризм бо ислом рабте надорад.

ДУШАНБЕ, 25 июл — Sputnik. Истилоҳи "террроризми радикалӣ" ба дини мусулмонон, ягон пайвандӣ надорад, изҳор дошт Барак Обама дар мусоҳиба бо шабакаи CBS.

Бино ба иттилои РИА Новости бо такя ба шабакаи CBS Барак Обама ҳамчунин зимни мусоҳиба гуфтааст, ки "ман ислоҳои "исломи радикалӣ"-ро истифода намебарам, зеро ҳангоми сӯҳбат бо дӯстонамон аз ҷаҳони ислом ва намояндагони диаспораи мусулмонон дар ИМА шунидаам, ки агар гурӯҳҳои муташаккили ҷиноии "Давлати Исломӣ" ва "Ал-Қоида" (ҳардуҳам мамнӯъ дар Тоҷикистон)-ро ба ин дин рабт диҳем-ин таҳрифи моҳияти он хоҳад буд".

"Ташвиши ман аз он бештар аст, ки бо кадом роҳ ифротгароёнро аз терроризм  боздорем, то моро ба ҳалокат нарасонанд",-гуфт ӯ зимни мусобиҳа.

56
Барчаспҳо:
ислом, Давлати Исломӣ, Ал-Қоида, Барак Обама, ИМА
Мавзуъ
Караганов: авҷи терроризм дар ҷаҳон пешгӯишаванда буд
Раҳмон: алайҳи терроризм бояд дастаҷамъона чора андешид
Боевики ИГ (террористическая организация, запрещена в РФ) и движения Талибан в полицейском отделении в Афганистане

Боздошти "бабри ДОИШ" дар ғарби Бағдод

20
(Таҷдидшуда 14:05 26.02.2021)
Панҷ рӯз қабл низ нерӯҳои артиши Ироқ волии худхонда ва муфтии гурӯҳи террористии ДОИШ дар шаҳри Алтормия дар устони Салоҳуддинро боздошт карданд

ДУШАНБЕ, 26 фев — Sputnik. Як саркардаи ДОИШ (гурӯҳи террористӣ, мамнӯъ дар Тоҷикистон ва Русия - идора) дар Бағдод боздошт шудааст.

Манобеи ироқӣ аз боздошти саркардаи ДОИШ, мавсум ба “бабри Бағдод” дар ғарби пойтахти ин кишвар хабар доданд.

Гуфта мешавад, ӯ масъули бомбагузории гурӯҳи террористии ДОИШ будааст.

Ба гузориши "Парс тудей", созмони иттилооти Ироқ эълом кардааст, ки Нимири Бағдод ( бабри Бағдод )-ро дар як амалиёти ғофилгирона дар минтақаи Абӯғурайб дар ғарби Бағдод дастгир карданд.

"Дар ин баёнияи Созмони иттилооти Ироқ омадааст, ки ин террорист набераи  Аҳмад Абдулло Суед, яке аз саркардаҳои ДОИШ ва масъули бомбгузорӣ дар минтақае аст, ки ДОИШ онро "вилояти ҷануб" мехондаст", - менависад манбаъ.

Панҷ рӯз қабл низ нерӯҳои артиши Ироқ волии худхонда ва муфтии гурӯҳи террористии ДОИШ дар шаҳри Алтормия дар устони Салоҳуддинро боздошт карданд.

Пештар, Созмони Милали Муттаҳид аз ҳузури гурӯҳи террористии ДОИШ дар Афғонистон ибрози нигаронӣ ва эълом кард, ки аъзои гурӯҳи такфирии ДОИШ эҳтимолан дар ояндаи наздик марокизи шаҳрҳои бузурги Афғонистон, аз ҷумла Кобулро ҳадаф қарор медиҳанд.

Созмони милал дар гузориши ҷадиде эълом кард, ки ҳудуди ҳазор то 2 ҳазору 200 узви гурӯҳи террористии ДОИШ дар Афғонистон ҳузур доранд, ки хатари бузург барои ин кишвар ба шумор мераванд ва то кунун низ масъуляти бархе аз ҳамалоту инфиҷорҳои ин кишварро бар ӯҳда гирифтаанд.

Додгоҳи Рашт "Ҷулайбӣ"-ро барои таблиғи "ДОИШ" ҷазо дод

Ин дар ҳолест, ки давлати Афғонистон моҳи гузашта эълом карда буд, нерӯҳои амниятии ин кишвар дар амалиёти  "Аслам Форуқӣ" аз саркардагони гурӯҳи ДОИШ (гурӯҳи мамнӯъ дар қаламрави Русия) дар Афғонистон ва 19 тани дигар аз аъзоии ин гурӯҳро дастгир кардаанд.

20
Барчаспҳо:
ДОИШ, Бағдод, Дар ҷаҳон

Ҳамлаи ҳавоии ИМА ба Сурия бо фармони Байден: талафот ҳаст

279
(Таҷдидшуда 12:46 26.02.2021)
Президенти ИМА, Ҷо Байден дар посух ба се ҳамлаи ҷангиён ба иншооти истифодашавандаи ИМА амр дод ба ҳадафҳои гурӯҳҳои тарафдори Эрон дар Сурия зарбаи мушакӣ занад

ДУШАНБЕ, 26 фев - Sputnik. Амрико ба Сурия ҳамлаи ҳавоӣ ба як бинои марбут ба низомиёни тарафдори эрониро, ки аз Димишқ пуштибонӣ мекунад, оғоз кард, навиштааст Politico бо такя ба сухангӯи Вазорати дифои ин кишвар.

Маълум шудааст, ки фармони партоби мушакро худи президент Ҷозеф Байден додааст.

Рӯзномаи Washington Post бо такя ба як манбааш дар маъмурияти Амрико хабар медиҳад, ки дар натиҷаи ҳамлаи ҳавоӣ чанд нафар кушта шуданд.

Вазири мудофиаи ИМА Ллойд Остин гуфт, ки низомиёни ИМА ба маълумоти иктишофии ҷониби Ироқ такя мекунанд ва ба дурустии зарба эътимод доранд.

Манбаъ қайд кард, ки ин зарба характери мудофиавӣ дошт ва посух ба се ҳамла ба артиши ИМА аз ҷониби ҷангиён дар моҳи феврали соли 2021 буд.

Гуфта мешавад, амалиёти низомӣ ба пешгирии ҳамлаҳои оянда ба пойгоҳи ИМА равона шуда, он бидуни ширкати шарикони Вашингтон дар эътилофи низомӣ гузашт.

"Мо онҳоро нодида гирифтем": Ғарб комёбии низомии Русияро дар Сурия эътироф кард

Дар навбати худ, сухангӯи Пентагон Ҷон Кирби гуфт, ки ҳадафи ҳамлаи амрикоиҳо объектҳои гузаргоҳи марзӣ дар шарқи Сурия буд, ки онро гурӯҳҳои мусаллаҳ истифода кардаанд.

"Ҳамла паёми возеҳе медиҳад, ки президент Байден барои ҳимояи контингенти амрикоӣ ва шарикони эътилофи мо амал хоҳад кард",-гуфт Кирби.

Дар ҷараёни амалиёт ҷангҷӯёни амрикоӣ ба ҳафт ҳадаф бомбаи дақиқи 500-фунтӣ партофтаанд.

279
Барчаспҳо:
фармон, Ҷо Байден, ҳамла, ИМА, Сурия