Забти бинои пулис дар Ереван. Акс аз бойгонӣ

Табибонро ба гарав гирифтанд. Дар Ереван

15
Ҷинояткороне, ки нуқтаи назоратии пулисро дар Ереван таҳти назорати худ қарор додаанд духтуронро, ка барои ёрӣ додан ба захмиён омада буданд гаравгон гирифтанд.

ДУШАНБЕ, 27 июл — Sputnik. Дар Ереван аъзоёни гурӯҳи ҷиноятпеша кормандони тибро ба гаравгон гирифтанд, иттилоъ медиҳад Sputnik Арманистон.

Табибон ба бинои забтшуда барои кумак кардан ба  нафароне, ки дар пайи задурӯрхи шадид ва тирпарронӣ захмӣ гардида буданд, ҳозир шуданд.

"Имшаб маълум гардид, ки дар ҷои забтшуда боз ду нафар ҷароҳат бардоштаанд. Мақомоти ҳифзи ҳуқуқ даъват намуданд, то ба онҳо ёрии тиббӣ дода шавад. Бо талаби ба бемористон бурдани захмишудагон ҳамчунин хешу табори ҷароҳатдидагон низ муроҷиат карда буданд. Кормандони мақомот ҳамаи шароитро барои ин муҳайё карданд. Вале ҳангоме, ки табибон ба ҷои ҳодиса ҳозир шуданд, ҷинояткорон онҳоро ба гарав гирифтанд",-иттилоъ дод мудири шӯъбаи иттилоотӣ ва алоқа бо ҷамъияти пулиси Арманистон Ашот Агаронян.

Мақомоти ҳифзи ҳуқуқ айни замон барои озод намудани табибон бо ҷинояткорон гуфтугӣ менамоянд.

Шаби 26 июл миёни гурӯҳи мусаллаҳона ва кормандони пулис тирпаронӣ ба вуқӯъ пайваст. Дар пайи тирпарронӣ се кас захмӣ гардиданд-роҳбари гурӯҳи "Сасна стрер" (Сасна црер) Павел Манукян, писараш Арам ва ҳамчунин корманди ҳифзи ҳуқуқ.

Рӯзи якшанбе, 17 июл гурӯҳи мусаллаҳ ба нуқтаи назоратии пуис ворид шуда, таҳти таҳдид мардумро дар он ҷо нигоҳ медоштанд. Бино би иттилои кормандони пулис як корманди мақомоти ҳифзи ҳуқуқ ба ҳалокат расида се каси дигар захмӣ шуданд. Баъдан дар пайи амалиёти вижа ҳамаи гаравгонон озод карда шуданд.

15
Барчаспҳо:
забт кард, табибон, пулис, Ашот Агаронян, Арманистон
Мавзуъ
Шумораи гаравгонон дар Ереван ба 5 нафар расид
В ночном клубе, архивное фото

Шабнишинии блогери тоҷикистонӣ бо ситораҳои Русия дар замони авҷи COVID - 19 - видео

820
(Таҷдидшуда 16:28 03.06.2020)
Блогери тоҷикистонӣ Мадина Басаева ба маҳдудиятҳои замони авҷи коронавирус нигоҳ накарда шабнишинӣ доир кард

ДУШАНБЕ, 3 июн - Sputnik. Блоги машҳури Русия Мадина Басаева (Дина Исаева) қоидаҳои ҷоришудаи карантиниро нақз карда шабнишинӣ доир кардааст ва ситораҳои санъати Русияро ба он даъват намудааст, хабар медиҳад шабакаи "360".

Дискотекаро блогер ба муносибати рӯзи барояш бисёр муҳим - бештар шудани шумораи ҳамвандонаш дар TikTok, ки аз 10 миллион нафар гузаштааст, барпо намуд.

Ӯ ба қоиҳаои карантинӣ дар кишвар нигоҳ накарда ин шабнишиниро барпо кардааст.

Аз наворе, ки Мадина дар саҳифааш дар инстаграм нашр кардааст, дида мешавад, ки барои муборакбодии ӯ Дима Билан ва Клава Кока омадаанд.

Дар шабнишинии блогер ҳамчунин ҳамкори дигараш блогери тоҷикистонӣ - Sasha Masskva низ ҳузур дошт.

Аз афташ дар ин шабнишинӣ касе хавфи гирифторӣ ба коронавирусро надоштааст, чун аз видео дида мешавад, чигуна меҳмонон биидуни ниқоб, дастпӯш ва риояи масофаи иҷтимоӣ ҳамдигарро ба оғӯш мекашанд ва рақс мекунанд.

Бояд гуфт, Мадина дар пойтахти Тоҷикистон шаҳри Душанбе ба дунё омадааст. Ӯ ҳамроҳи хонаводааш аввал ба шаҳри Екатеринбург ва баъдтар ба Маскав кӯчиданд.

Дар аввал ӯ бо фонаграмма суруд мехонд ва ҳаргуна видеоҳоро дар саҳифааш нашр мекард. Баъдтар ӯ ба TikTok гуфзашту акнун Мадинаро маликаи TikTok дар Русия унвон кардаанд.

Ахиран ӯ дар намоҳанги сарояндаи рус Егор Крид нақш офарид ва бо ширкатҳои бонуфузи Coca-Cola ва Dolce & Gabbana шартномаи ҳамкорӣ баст.

820
Барчаспҳо:
шабнишинӣ, тоҷикистонӣ, Русия
Мавзуҳо:
Пайомадҳои COVID-19 дар Тоҷикистон ва ҷаҳон
Мужчина в защитной маске в городе Душанбе

СУТ аз ҷаҳиши дубораи "мудҳиш"-и коронавирус дар ҷаҳон ҳушдор дод

557
(Таҷдидшуда 14:26 03.06.2020)
Созмони ҷаҳонии беҳдошт мегӯяд, вазъи паҳншавии коронавирус дар ҷаҳон то ҳол дар ҳамон сатҳест, ки аввали сол буд

ДУШАНБЕ, 3 июн — Sputnik. Ханс Клюге, мудири бахши аврупоии Созмони ҷаҳонии тандурустӣ мегӯяд, бурузи дубораи коронавируси навъи нав ба тамоми ҷаҳон таҳдид мекунад.

Ба гуфтаи вай, мавҷи дувум агар пешгирӣ нашавад, мудҳиштар хоҳад буд.

"Мавҷи дувум ногузир нест. Аммо бештари кишварҳо аллакай маҳдудиятҳоро мебардоранд, ки таҳдиди ҷаҳиши дубораи КОВИД-19-ро бештар мекунад. Агар пешгирӣ накунем, мавҷи дувум мудҳиштар хоҳад шуд", - таъкид кардааст намояндани СУТ.

Коронавирус ба буҷаи шаҳри Хуҷанд таъсир кард: шаҳр ба мушкилоти муваққатӣ рӯ ба рӯ шуд

Ханс Клюге афзудааст, ки вазъи паҳншавии коронавирус, то ҳол дар ҳамон сатҳест, ки аввали сол буд.

"Ҳоло низ на ваксин дорему ва роҳи муайни табобати коронавирус", - қайд кардааст ӯ.

Пандемияи коронавирус

Коронавируси навъи нав бори нахуст моҳи декабри соли 2019 дар Вуҳани Чин ошкор шуд. Уфунат зуд аз шаҳр ва кишвар паҳн гардид. 

То имрӯз дар ҷаҳон шумораи гирифторони навъи нави коронавируси COVID-19 ба бештар аз 6 миллиону 263 ҳазор расид.

Ҳамзамон, аз ин теъдод то имрӯз 2 миллиону 846 ҳазору 813 кас шифо ёфтаанд ва 373 ҳазору 899 тан вафот кардаанд.

557
Абдулло Рахнамо, политолог

“Хеле сахту ногувор буд”: набарди Абдуллоҳи Раҳнамо бо “вируси корона” поён ёфт

0
(Таҷдидшуда 02:44 04.06.2020)
Сиёсатшиноси тоҷик пас аз 33 рӯзи дастбагиребонӣ бо “вируси корона” аз шифохона рухсат шуд ва ба хона баргашт

ДУШАНБЕ, 13 май — Sputnik. Абдуллоҳи Раҳнамо, донишманди хушном ва мушовири Маркази таҳқиқоти стратегии назди президенти Тоҷикистон ба Sputnik Тоҷикистон гуфт, имрӯз, 3 июн аз Шифохонаи маризиҳои сироятии шаҳри Душанбе рухсат шуд.

“Ҳафтае қабл таҳлилҳоямро барои вуҷуд доштан ё надоштани “вируси корона” гирифта буданд. Рӯзи 1 июн аз озмоишгоҳи “Диамед” – и шаҳри Душанбе санад фиристоданд, ки ҳамин гуна як маризӣ нест ва натиҷа манфӣ аст. Имрӯз духтури муолиҷ табрик гуфт, ки аз марҳилаи аслии беморӣ раҳо шудаам”, - гуфт Абдуллоҳи Раҳнамо.

Донишманди тоҷик 12 май пас аз душвор шудани нафаскашӣ ба корпуси 4 – уми Макази тиббии “Шифобахш”, ё Шифохонаи Қарияи Боло ва ду рӯз пас бо дастури ҳукумати Тоҷикистон ба Шифохонаи маризиҳои сироятии шаҳри Душанбе интиқол ёфта буд.

“Хеле сахту ногувор буд. Чун дар гуруҳи осебпазир будам, сахту тӯлонӣ азиятам дод. Гоҳо нафас пурра мегирифт. Чанд шабонарӯз аслан нашуд мижа ба ҳам занам. Соатҳо бо оксигенератор - дастгоҳи нафасдиҳӣ кор мекардам. Ташхис ҳама узви баданро хуб нишон медод, аммо нафастангӣ раҳоям намекард. 33 рўз дар ин мушкила тапидам, ки бахше аз он, хоса миёнаи моҳ, дар тангии нафас ва марзи хатар гузашт. Шукр, ки инак, вориди марҳилаи барқарорӣ мешавам”, - гуфт Абдуллоҳи Раҳнамо.

Нигарониҳо аз вазъи сиҳии Абдуллоҳи Раҳнамо пас аз он ба вуҷуд омад, ки шаби 11 май дар як пости фейсбукиш навишт: “Ҳамин лаҳза бо хости Худованд зери дастгоҳи нафас меравам. Руҳ қавӣ аст, ҷисм номардӣ накунад. Агар баргаштам, бо Шумоям, бо ин Ватан, бо ин миллат, бо ҳар яки Шумо”.

Раҳнамо пас аз гирифтории ҳамсар, сипас, духтару ду писараш, ки аз дардҳои сабук ва мушобеҳ шикоят доштанд, мариз шуд. Ҳамсари худро дар шифохонаи “Якум Советски” бистарӣ карду худ низ ба Қарияи Боло интиқол ёфт.

Баъдтар ҳарду ба Шифохонаи маризиҳои сироятии шаҳри Душанбе гузаронда шуданд.

 “Ҳамсарам низ акнун ба хона омадаву фарзандонам низ пурра шифо ёфтаанд. Хулоса, Худованд иноят, давлат ҳимоят ва миллат табобат кард. Хонаводаи ман дигарбора сари як дастурхон ҷамъ омад”, - гуфт донишманди тоҷик.

Абдуллоҳи Раҳнамо дар “таваллуди дубора” – и худ ба ҳукумат, роҳбарияти вазорати тандурустӣ, пизишкони шифохонаҳои Қарияи боло ва маризиҳои сироятӣ ва дар умум онҳоеро, ки барояш дуо карданд, изҳори миннатдорӣ кард.

Абдуллоҳи Раҳнамо, номзади илмҳои сиёсӣ, мушовири кунунӣ ва қаблан сардори Раёсати таҳлил ва ояндабинии сиёсати хориҷии Маркази таҳқиқоти стратегии назди раисҷмҳури Тоҷикистон буда, яке аз коршиносони муътабар ва аршади умури дину сиёсат дар кишвару минтақа ба ҳисоб меравад.  Муаллифи китобҳои “Ҳизби динӣ ва давлати дунявӣ” (2008), “Уламои исломӣ дар Тоҷикистон” (Душанбе), “Ислом ва амнияти миллӣ” (2011), “Мавқеъи ҳизбӣ ва мавқеъи миллӣ” (2011), "Афғонистон ва Осиёи Марказӣ: хусусиятҳо ва дурнамои таъсирпазирӣ" (2014) ва беш аз 100 мақолаи илмӣ аст.

Ӯ поягузори литсейи хусусии “Раҳнамо” дар соли 2010 аст, ки ҳоло яке аз макотиби муваффақи кишвар ба ҳисоб меравад. Соли равон се фарзанди Абдуллоҳи Раҳнамо, ки шогирди ин мактаб мебошанд, дар озмуни ҷумҳуриявии “Фурӯғи субҳи доноӣ …” пирӯз омада, писари бузургаш Бунёд Раҳнамо Шоҳҷоизаи ин озмунро ба даст овард.

Абдулло Раҳнамо ин дастоварди фарзандонашро натиҷаи заҳмати ҳамсараш хонда буд.

0
Барчаспҳо:
Абдулло Раҳнамо, рухсат, вирус, тоҷик, Тоҷикистон