Маросими кушодашавии Бозиҳои олимпӣ дар Рио

Маросими ифтитоҳи Бозиҳои олимпӣ дар Рио-де-Жанейро

49
(Таҷдидшуда 12:38 06.08.2016)
Оташи олимпиро варзишгари бразилӣ Вардерлей Кордейро гузошт. Маросими рангинро бетартибиҳо дар назди майдон тира карданд. Гурӯҳи одамон бар зидди хароҷоти зиёди давлат дар арафаи олимпиада норозигӣ баён намуданд.

ДУШАНБЕ, 6 авг — Sputnik. Дар Бразилия дар майдони "Маракана" маросими кушодашавии Бозиҳои олимпии тобистона анҷом ёфт.

Бино ба нақшаи ташкилкунандагон маросими ифтитоҳ таҷассумгари моҳияти кишвари мизбон-табиати зебо, гуногунрангӣ ва шодию фараҳ буд.

Шарафи гузоштани шӯълаи олимпӣ ба дорандаи ҷоизаи биринҷии Бозиҳои олимпии 2004 дар Афина, варзишгари бразилиягӣ Вандерлей Кордейро насиб шуд.

"Олимпиадаи  XXXI  кушода эълон мешавад",-изҳор дошт иҷрокунандаи муваққатии вазифаи президенти Бразилия Мишел Темер.

Баъди анҷоми намоиш ва гузашти варзишгарони 207 давлати дунё ба саҳнаи майдони "Маракана" роҳбари кумитаи тадорукоти Бозиҳо Карлос Нузман ва раиси Кумитаи байналмиллалии олимпӣ Томас Бах баромаданд.

Церемония открытия XXXI летних Олимпийских игр в Рио-де-Жанейро
Алексей Куденко
Маросими кушодашавии Бозиҳои олимпӣ дар Рио-де-Жанейро

"Ин ҷо таърих аз ҷониби варзишгарон, ихтиёриён ва ҷавонон навишта мешавад. Бразилия ҷаҳонро бо оғӯши кушод пешвоз мегирад. Мо орзуҳоямонро барбод намедиҳем ва ҳеҷ гоҳ аз роҳамон намегардем. Мо ҷонибдори ягонагии ҷаҳон ва варзиш ҳастем. Рио барои сабт намудани ҳодисаи таърихӣ омода аст",-изҳор дошт Нузман.

Бах аз омодагии Бразилия, ки сарфи назар аз мушкилиҳои ҷойдошта дар сатҳи баланд қарор дорад, изҳори хурсандӣ кард.

"Мо дар ҷаҳони бӯҳрон ва нобоварӣ зиндагӣ дорем ва Олимпиада-ҷавоби мо ба носозгориҳои ҳаёти имрӯза аст. Варзишгарон бо ҳам рақобат мекунанд. Мо ҳамаи шуморо барои ҳурмати рӯҳияи варзишӣ даъват менамоем",-"Дар ҷаҳони олимпӣ мо гуногуниро намепазирем ва гурӯҳи гурезагон-мисоли ягонагии мост",-гуфт ӯ.

© RUPTLY.
Ҳазорон одамон маросими ифтитоҳи Бозиҳои олимпиро дар Рио тариқи экранҳои калон тамошо карданд

Аз Тоҷикистон дар Бозиҳои олимпӣ ҳафт варзишгар иштирок мекунанд.

 Тақвими мусобиқоти варзишгарони тоҷик дар Рио-2016

 6-16 август — Анвар ЮНУСОВ (бокс, дар вазни то 56 кг)

10 август - Комроншоҳ УСТОПИРИЁН (дзюдо, дар вазни то 90 кг)

12 август- Муҳаммадмурод АБДУРАҲМОНОВ (дзюдо, дар вазни +100 кг)

11-12 август — Олим ҚУРБОНОВ (шиноварӣ бо тарзи озод ба масофаи 50 метр миёни мардон)

12-13 август- Анастасия ТЮРИНА (шиноварӣ бо тарзи озод ба масофаи 50 метр миёни занон)

15-17 август — Кристина ПРОНЖЕНКО (давидан ба масофаи 200 метр миёни занон)

17, 19 август — Дилшод НАЗАРОВ (гурзандозӣ)

49
Барчаспҳо:
Рио-2016, Кумитаи байналмиллалии олимпӣ, Карлос Нузман, Томас Бах, Бразилия
Мавзуҳо:
Олимпиадаи Рио-де-Жанейро: ба пеш барои ғолибият (26)
Разработка экспресс-тестов на коронавирус учеными из центра Сколково

Молекулаи зидди уфунӣ: Олимҷон Юсупов роҳи "куштан"-и коронавирусро ёфт

2049
(Таҷдидшуда 14:54 26.05.2020)
Ихтироъкори номии ӯзбек таҷҳизотеро сохтааст, ки коронавирус, микробҳо ва бактерияҳои ҳаво ва болои ашёҳоро безарар мегардонад

ДУШАНБЕ, 26 мая — Sputnik. Ихтироъкори номии ӯзбек Олимҷон Юсупов таҷҳизотеро барои безараргардонии коронавирус ва дигар уфунатҳои дохили бино ихтироъ кардааст, гузориш медиҳанд расонаҳои Ӯзбекистон.

 Юсупов "генератори молекулаҳо"-ро барои безарар гардонидани ҳамагуна бактерия, микроб ва вирусҳо истифода мебурдааст, ки худ сохтааст.

Ин таҷҳизоти олими ӯзбек на танҳо коронавирус, балки микроорганизмҳои сироятиро нобуд сохта, барои саломатӣ бехатар аст.

Дар Ӯзбекистон нақша доранд, ки рӯзҳои наздик ин таҷҳизотро дар истеҳсолот татбиқ намоянд.

"Асосӣ ин технологияи замонавӣ дар молекулаҳост. Онҳо вирус ва бактерияҳоро дар ҳаво ва дохили бино ё дар ҳудуди муайян ва ё дар ашё ва дохили онҳо, ҳатто бадани одамон безарар мегардонанд", - мегӯяд Олимҷон.

Ҳамин тавр, ба гуфтаи муаллифи таҷҳизот, ин молекулаҳо қодиранд, ки вируси дохили роҳҳои нафаскаширо ҳам безарар гардонанд.

Асосаш таҷҳизот тезкор аст. Он бинои андозааш 30 метри квадратиро дар 15 дақиқа дезинфексия мекунад.

Олимони рус як шарти пирӯзӣ бар коронавирусро гуфтанд

Олимҷон Юсупов бо ихтирооти кардааш дар Ӯзбекистон машҳур аст. Пештар ӯ технологияи борони сунъиро ихтироъ карда, гуфта буд, мақсадаш барқарор кардани баҳри Арал аст.

Лоиҳаҳояшро Академияи улуми Ӯзбекистон тасдиқ кардааст.

2049
Вакцинация, архивное фото

Русия замони эмгузаронии сартосарӣ аз маризии коронавирусро эълон кард

2454
(Таҷдидшуда 19:49 25.05.2020)
Русия сар аз авоили тирамоҳи соли равон ба эмгузаронии сокинон аз маризии сироятии коронавирус шурӯъ мекунад

ДУШАНБЕ, 25 май – Sputnik. Эмгузаронӣ алайҳи маризии коронавирус авоили тирамоҳ шурӯъ хоҳад шуд ва анқариб 6 - 9 моҳро дарбар хоҳад гирифт.

Дар Русия озмоиши ваксина бар зидди коронавирусро оғоз карданд

Дар ин бора мудири Маркази илмь - тадқиқотии ба номи Гамалея оид ба эпидемиология ва микробиологияи Вазорати тандурустӣ Александр Гинтсбург дар барномаи "Зиндагии солим" дар шабакаи аввали телевизиони Русия ибрози назар дошт.

"Табиист, ки ба якборагӣ ҳамаро эмгузарондан ғайриимкон аст. Аз ин рӯ мӯҳлати эмкунии сартосарӣ аз 6 то 9 моҳро дарбар мегирад", афзудааст ӯ.

Вай илова намуд, ки организми инсон пас аз маротибаи дуюм рӯбарӯ шудан бо вирус ва ҳамзамон ду маротиба эм гирифтан, нисбати он масуният пайдо мекунад.

Қаблан мудири марказ изҳор дошта буд, ки аз авохири тобистон дар Русия ба маъракаи эмгузаронӣ аз коронавирус шурӯъ мекунанд. Вале ҳоло ба гуфтаи ӯ талошҳои ҳамаҷониба ба харҷ дода шудааст, ки ин маърака ҳар чӣ зудтар баргузор гардад.

Ба гуфтаи вай, озмоишҳои клиникии ваксинҳо натиҷаҳои хуб доданд ва  интизор меравад, эмгузаронӣ сар аз 15 - уми июн пас аз гирифтани иҷозатномаи Вазорати тандурустӣ ба роҳ монда шавад.

2454
Барчаспҳо:
эмгузаронӣ, Русия
Мавзуҳо:
Пайомадҳои COVID-19 дар Тоҷикистон ва ҷаҳон
Похороны в Таджикистане, архивное фото

Тӯраҷонзода дар бораи фавтидагон ва маризони “вируси корона”

0
(Таҷдидшуда 01:46 27.05.2020)
Ҳоҷӣ Маҳмудҷон Тӯраҷонзода, руҳонии саршиноси тоҷик, мегӯяд, ҳадисҳои саҳеҳ аз Паёмбари ислом (с) мавҷуданд, ки фавтидагони замони эпидемияро шаҳид хондааст

ДУШАНБЕ, 27 май — Sputnik. Ҳоҷӣ Маҳмудҷон Тӯраҷонзода гуфт, дини ислом дар боби қурбониён, гирифторон ва қонуни қавоиди беҳдоштии замони густариши маризиҳои вогир ё эпидемия ҳанӯз 1400 сол пеш бар асоси ҳадисҳои Паёмбар Муҳаммад (с) ҳукмҳои худро ҷорӣ кардааст.

Тураҷонзода дар суҳбат бо Sputnik Тоҷикистон изҳор дошт, ки “вируси корона” ҳам ба қатори вабову тоун маризии фарогир ё вогир буда, дар замонаҳои Паёмбар (с) шуюъ мекарданд.

Вай дар боби фавтидагон ду ҳадисеро мисол овард, ки саҳеҳ буда, аз сӯи Имом Бухориву Имом Муслим ривоят шудаанд: яке, “Шаҳодату уммати фи тоун” – “Шаҳодати уммати ман дар тоун аст” ва дигарӣ, “Дуъия ал-матъуну шаҳидан” - “Касе ки ба маризии тоун мемирад, ӯ дараҷаи шаҳодат мебарад”.

Азоби Худост ё раҳмат? шарҳи Тӯраҷонзода

“Паёмбар (с) мегуфтанд, ин як навъ азоби Худост, барои ҳар уммате, ки Худо хоҳад, мефиристад, аммо барои бандагони муъмин раҳмат аст. Манзур ин буд, ки худро қарантина карда, амали савоб анҷом диҳед, агар Худованд ба мо тақдир карда бошад, ба ҳамин беморӣ ҳалок мешавем, аммо агар тақдир накарда бошад, қазояш нарафта бошад, сад “вируси корона” – ву тоуну ҳар вабои дигар бошад, дар комаш ҳам ки бошем, ҳалок намешавем. Бояд ба ҳамин чӣ эътиқод дошта бошем. Ҳамин эътиқодро дошта бошеду мариз шаведу намиреду зинда ҳам монед, шумо савобу аҷри шаҳидро мегиред. Дар сурати фавтидан аз ин беморӣ, он гоҳ бандаи Худо шаҳид мешавад, фармудаанд Паёмбари ислом (с)”, - гуфт Ҳоҷӣ Маҳмудҷон Тӯраҷонзода.

Дар боби қарантина руҳонии саршиноси тоҷик мегӯяд, дар асри Паёмбари Ислом (с) дар Мадинаи мунаввара вабо ё табларза, ки ҳуммо мегуфтанд, иттифоқ афтода буд ва аз он айём ин ҳадис аз эшон дар “Саҳеҳайн” – и Имом Бухорӣ ва Имом Муслим нақл шудааст:

“Чун аз маризии вабо дар як сарзамин хабар ёфтед, агар дохил бошед, хориҷ ва агар хориҷ бошед, дохил нашавед”.

Ҳоҷӣ Маҳмудҷон Тӯраҷонзода дар такя ба манобеъи таърихӣ ин қиссаро меорад, ки як маризии вогир ё эпидемияи тоун низ дар замони хилофати Умар ибни Хаттоб (634 — 644) дар Шом (Сурияи имрӯз) иттифоқ афтода, мӯҷиби фавти 17 ҳазор нафар, ба шумули саҳобагони Паёмбар (с) шудааст.

Шумо аз қазои Худо мегурезед? Суол аз Умар, ки вориди минтақаи эпидемия нашуд

Бино ба ин манобеъ, он замон нерӯҳои хилофат барои забти Сурия, ки таҳти султаи Императории Византия буд, меҷангиданд ва халифа Умар соли 635 барои ошноӣ бо ҷабҳаи ҷанг аз Мадина озими Шом мешавад, аммо дар марз ба ӯ маслиҳат медиҳанд, ки аз роҳаш баргардад.

“Амирони лашкар ба истиқболи он кас баромаданд ва дар марзи Шом ба он кас хабар доданд, ки дар ин мулк тоун омадаву ҷони хеле аз мардумро рабудааст. Ҳазрат саҳобаҳоро ҷамъ карда, ба маслиҳат нишастанд, ки ворид шаванд, ё на. Ихтилофи назар шуд, чун ҳадиси Паёмбар (с)-ро бархе саҳобаҳо нашунида будаанд. Мегуфтанд, ки чун аз ҳамин қадар роҳ омадед, вориди Шом нашавед, кори хубе намешавад. Бархе гуфтанд, на, ҳаёти Шумо барои ҳифзи хилофат муҳим аст, агар гирифтор ва шаҳид шавед, хилофат нуқсон мебинад. Ба як хулоса намерасанд. Фардои он рӯз яке аз саҳобаҳо Абдураҳмон ибни Авф, ки дар он машварат набуд, ҳозир шуд ва гуфт, ки шахсан аз Расули Акрам (с) ин ҳадисро шунидааст. Ҳазрат гуфтанд, чун Паёмбар (с) гуфта бошанд, мо ҳам аз роҳ гаштем. Яке аз саҳобаҳо гуфт, ё амиралмуъминин, Шумо аз қазои Худо мегурезед? Ҳазрат гуфтанд, ки бале, мо аз қазои Худо ба сӯи қазои Худо мегурезем. Он тараф ҳам қазои Худост. Ҳар чӣ муқаддар карда бошад, ҳамон ба сарамон меояд”, - қисса мекунад руҳонии тоҷик.

Тӯраҷонзода дар бораи қарантина ва фосилаи иҷтимоӣ

Ҳоҷӣ Маҳмудҷон Тӯраҷонзода мегӯяд, азбаски эпидемия ё маризиҳои вогир дар таърихи башар зиёд иттифоқ меуфтоданд ва рушди илми тиб ба дараҷае, ки дар замони муосир аст, набуд, воқеиятҳо собит месозанд, ки асли ҳама гуна тадобири беҳдоштӣ дар он замонҳо вуҷуд дошт.

“Қарантинае, ки ҳоло дар дунё ҳаст, 1400 сол пеш олами ислом ҷорӣ карда буд. Агар мардум аз кишваре, ки “вируси корона” сар зада буд, хориҷ ва ё он ҷо дохил намешуданд, ҳоло мо шоҳиди чунин фоҷиаҳо набудем. Паёмбари ислом (с) як ҳадиси дигар ҳам доранд: “Фирр мин ал-ҷузом, фирорака мин ал – асад” – “Аз касе, ки бемории ҷузом (бодхӯра, ки гӯшти баданро мехӯрад) дорад, мисле ки аз шер бошад, гурезед!” Ин ҳам далели фосилаи иҷтимоӣ! Ҳоло он чӣ дар бораи фосилаи иҷтимоиву қарантинаи хонагӣ аст ё кишварӣ, назофату беҳдоштиву гигиена, дасту биниро шӯеду тозагиро риоят кунед, мегӯянд, ҳама асли исломӣ доранд”, - гуфт руҳонии саршиноси тоҷик.

Ҳоҷӣ Маҳмудҷон Тӯраҷонзода аз хонаводаи маъруфи Тӯраҷонзодаҳо, руҳониёни маъруфи тоҷик ва устоди улуми динӣ аст. Эшони Нуриддинҷон ва Ҳоҷӣ Акбари Тӯраҷонзода, собиқ қозии мусалмонони Тоҷикистон, намояндагони дигари маъруфи ин хонавода ҳастанд

0
Барчаспҳо:
Муҳаммад, ҳадис, беморӣ, Ҳоҷӣ Акбар Тураҷонзода, вируси нав, Тоҷикистон