Эмомалӣ Раҳмон. Акс аз бойгонӣ

Эмомалӣ Раҳмон аз минбари Ассамблеяи Генералии СММ суханронӣ мекунад

71
(Таҷдидшуда 18:06 14.09.2016)
Ҳафтаи оянда рӯзи 20 сентябр президенти ҶТ Эмомалӣ Раҳмон дар нимаи дуюми рӯз якумин шуда, бо суханронӣ ҷаласаро ифтитоҳ мекунад.

ДУШАНБЕ, 14 сен — Sputnik. Президенти Ҷумҳурии Тоҷикистон барои иштирок ва баромад дар ҷаласаи Ассамблеяи генералии СММ ба Ню-Йорк сафар кард, иттилоъ медиҳад маркази хабарии созмон.

Дирӯз, 13 сентябри соли равон кушодашавии расмии ҷаласаи 71-умини Ассамблеяи Генералии СММ баргузор гардид. Нишасти умумӣ ҳамасола аз 20 сентябр оғоз гардида то 26-уми ҳамин моҳ давом мекунад.

Ҳафтаи оянда санаи 20 сентябр баррасии ҷаласаи умумӣ шурӯъ мешавад. Чун анъана аввин шуда, аз минбари Ассамблеяи генералии СММ роҳбарони ИМА ва Бразилия баромад мекунанд. Қабл аз оғози баррасии умумии Ассамблея, Дабири кулли СММ ба кишварҳои аъзо гузориши солонаи ташкилотро пешниҳод мекунад.

Дар нимаи дуюми рӯз бошад аввалин шуда, президенти Ҷумҳурии Тоҷикистон Эмомалӣ Раҳмон баромад хоҳад кард.

Ҳайати Русияро вазири вазорати умури хориҷии ин кишвар намояндагӣ мекунад. Суханронии ӯ рӯзи 23 сентябр дар назар аст.

Қаблан хабар дода шуд, ки дар Душанбе Маркази захиравии иттилоотии СММ кушода шуд. Моҳи июн бошад Тоҷикистон аъзои нави Шӯрои иқтисодӣ ва иҷтимоии СММ гардид.

71
Барчаспҳо:
суханронӣ, ҷаласа, Ассамблеяи генералии СММ, Эмомали Раҳмон, Тоҷикистон
Город Лондон. Великобритания

Мавҷи дуюми коронавирус дар Британия: сарвазир маҳдудиятҳои нав ҷорӣ кард

234
(Таҷдидшуда 20:05 23.09.2020)
Сарвазири Британия дар робита ба авҷ гирифтани мавҷи дуюми маризии коронавирус, маҳдудиятҳои нав ҷорӣ кард

ДУШАНБЕ, 23 сен - Sputnik. Британияро мавҷи дуюми маризи коронавирус фаро гирифтааст, хабар медиҳад РИА Новости.

Дар ин робита, сарвазири ин кишвар Борис Ҷонсон рӯзи сешанбе аснои баромади худ дар парлумон, маҳдудиятҳои нав барои ним соли оянда ҷорӣ кард.

"Коронавирус дар баробари гузариш аз фасли тирамоҳ ба зимистон зудтар паҳн мешавад. Аз ин рӯ, мо бояд аз ҳозир омодагӣ гирем", - таъкид намудаст Ҷонсон.

Бар тибқи қарори сарвазири Британия, коргарҳо бояд аз фосилаи дур кор кунанд, кори тарабхонаю майкадаҳо на дертар аз соати 10 - и бегоҳ тӯл кашад.

Ҳамчунин, Ҷонсон аз тамоми сокинон даъват намуд, ки маросимҳои хурсандӣ, аз ҷумла тӯю маъракаҳо танҳо бо иштироки 15 меҳмон баргузор шаванд. Дар маросими азодорӣ, ҳамоно на беш аз 30 нафар бояд иштирок кунанд.

Қазоқистон ҳам ваксинаи алайҳи коронавирусро сохт: СҶБ онро қабул кард

Қобили зикр аст, ки шабонарӯзи ахир дар Британия 4368 ҳолати ҷадиди гирифторшавӣ ба коронавирус сабт гардид. Инчунин давоми як рӯз аз ин беморӣ дар Британия 11 нафар ҷон бохт.

Дар умум, аз замони авҷ гирифтани коронавирус дар Британия 398 625 нафар мубтало шуда, 41 788 мариз ба ҳалокат расиданд.

234
Барчаспҳо:
маҳдудият, маризӣ, сарвазир, Британия
Полицейские возле места взрыва в Кабуле, Афганистан, 17 сентября

Дар Қундуз аз дасти ҷангиёни Толибон 7 низомӣ кушта шуд

53
(Таҷдидшуда 18:26 23.09.2020)
Низмиёни Афғонистон тавонистанд 4 ҷангии толибро маҳв кунанд ва ҳамзамон 4тани дигарро сахт маҷрӯҳ намуданд

ДУШАНБЕ, 23 сен — Sputnik. Бар асари ҳамалоти ҷангиёни гурӯҳи террористии Толибон ба ду музофот, дасти кам 7 низомии афғон кушта шуданд, хабар медиҳад агентии Синхуа.

Бар хабари волии Имом Соҳиб дар наздикии марз бо Тоҷикистон, ҷангиён нимашаб  ду гузаргоҳ дар музофоти Қундузро мавриди ҳамла қарор доданд. Дар натиҷаи задухӯрди шадид миёни ҷангиён ва мақомоти ҳифзи ҳуқуқи Афғонистон, 5 низомӣ кушта шуда, 8 нафари дигар ҷароҳатҳои ҷисмонӣ бардоштанд.

Зимнан,мақомоти қудратии Афғонистон 4 ҷангиро маҳв карда, чаҳор тани дигарро ҷароҳатдор намуданд.

Вокуниши давлати Афғонистон ба суханони Доналд Трамп дар бораи Толибон

Бар хабари сокинони маҳаллӣ, ҷангиёни Толибон як гузаргоҳро забт намуданд.

Дар ҳамин ҳол, як ҳамлаи дигарро ҷангиёни Ҷунбиши ҳаракати толибон дар музофоти Ҳирот гузаронданд. дар ин ҳамла ду корманди пулис кушта шуданд ва чандн нафари дигар ҷароҳат бардоштанд.

 

53
Барчаспҳо:
Толибон, даргирӣ, Афғонистон
Открытие первого гидроагрегата на Рогунской ГЭС в Таджикистане

"Мо ду агрегати НБО “Роғун”-ро ба кор даровардем": шахси бовариноки Раҳмон чӣ ваъда дод?

0
(Таҷдидшуда 14:45 24.09.2020)
Ахиран шахси бовариноки Эмомалӣ Раҳмон зимни вохурӣ бо интихобкунандагони вилояти Хатлон дар шаҳри Бохтар таъкид дошт, ки президент кишварро аз бунбасти коммуникатсионӣ то дараҷае раҳо кард

ДУШАНБЕ, 24 сен — Sputnik. Абдуҷаббор Азизӣ, муовини Раиси Ҳизби Халқии Демократии Тоҷикистон, шахси бовариноки номзад ба мансаби Президенти Тоҷикистон Эмомалӣ Раҳмон, аз ҳадафҳои барномавии ҳафт соли минбаъдаи ҲХДТ ба ҳозирин иттилоъ дода, таъкид кардааст, ки Раиси ҲХД Тоҷикистон тайи ин солҳо ба дастовардҳои зиёд ноил гардид.

“Ду агрегати НБО “Роғун”-ро ба кор даровардем ва он дар сурати бо иқтидори пурра ба кор даромадан моро ба яке аз ҳадафҳои асосӣ – даст ёфтан ба истиқлолияти энергетикӣ мерасонад. Ҳамчунин, дар ин давра тавонистем, ки мамлакатро аз бунбасти коммуникатсионӣ то дараҷае раҳо бахшем”, – қайд кард номбурда.

Дар ҳамин ҳол,  номзад аз Ҳизби ислоҳоти иқтисодии Тоҷикистон ваъда дод, ки дар оянда дар кишвар бояд бозори коғазҳои қиматнок таъсис ёбад, то маблағҳо дар дохили кишвар ба гардиш дароянд.

“Ҳамзамон, миқдори хоҷагиҳои деҳқониро дар ҷумҳурӣ зиёд карда, шумораи гирандагони субвенсияро коҳиш диҳем. Барои ин ифтитоҳи корхонаҳои нави истеҳсолӣ лозим аст, – иброз дошт Рустам Раҳматзода, номзад аз Ҳизби ислоҳоти иқтисодии Тоҷикистон.

Ин дар ҳолест, ки Зарагул Мирҳасанова, котиби марказии Ҳизби коммунисти Тоҷикистон, аз номи Меъроҷ Абдуллоев, раиси ин ҳизб, барномаи пешазинтихобии ӯро ироа намуд.

Вай афзуд, ҳадафи асосии ҳизб ҳифзи ҳуқуқҳои меҳнаткашон,  пойдор гардондани адолати иҷтимоӣ ва таъмини шароити арзанда барои мардум мебошад, – гуфт ӯ.

Дар охири ҷамъомад номзадҳо аз интихобкунандагон хоҳиш карданд, ки санаи 11-уми октябр ба участкаҳои интихоботӣ биёянд ва барои ояндаи дурахшони кишвар ба номзадҳо овоз диҳанд.

0
Барчаспҳо:
бунбаст, Роғун, Бохтар, Хатлон, Эмомалӣ Раҳмон, Тоҷикистон