Оқохони чаҳорум. Акс аз бойгонӣ

Пешвои исмоилиёни ҷаҳон Оқохони IV соҳиби ҷоизаи “Шаҳрванди ҷаҳон”-2016 шуд

407
(Таҷдидшуда 17:35 21.09.2016)
Оқохони IV пешвои исмоилиёни ҷаҳон ҷоизаи “Шаҳрванди ҷаҳон”-и Адриенна Кларксонро дар соли 2016 гирифт.

ДУШАНБЕ, 21 сен — Sputnik. Пешвои исмоилиёни ҷаҳон Оқохони IV  соҳиби ҷоизаи "Шаҳрванди ҷаҳон"-2016 гардид, иттилоъ медиҳад  thestar.

Ҷоизаи мазкур аз ҷониби Адриенна Кларксон, собиқ генерал губернатори Канада, супорида мешавад ва бино ба иттилои манбаъ ӯ барои ин ҷоиза дунболи шахсияте будааст, ки намунаи дигарон буда, барои пешрафти зиндагии мардум кӯшиш кардааст.

"Мо дар вазъияте қарор дорем, ки шоҳиди ҳаракатҳои гуногуни ҷаҳонӣ ҳастем ва бояд дар куҷое, ки набошем хусусиятҳои хуби шаҳрвандони намунаро бигирем",-мегӯяд Кларксон.

Ӯ ҳамчунин иброз доштааст, ки  истиқболи хуш кардан аз муҳоҷирони дигар кишварҳо, ки мирӯзҳо яке аз тамоюли ҷаҳонист, хеле муҳим аст.

Ҳамин тавр Кларксон муҳоҷирати исмоилиён дар солҳои 70-уми асри гузашта аз Африқои шарқӣ ба Канадаро ба ёд оварда гуфтааст: "Оқохон исмоилиёнро омӯзиш додааст, ки ба кадом минтақае, ки сафар кардед, шумо шаҳрвандони ҳамон кишвар ҳастед. Шумо натанҳо ба гурӯҳи худ дахл доред, балки худро дар як ҷамъияти  нав дармеёбед".

Оқохони IV барои дарёфти ин ҷоиза аз ҷониби Андриенна Кларксон ва Институти шаҳрвандии Канада интихоб шудааст.

Кларксон хизмати Оқохонро  дар соҳаи маориф бузург арзёбӣ карда, ҷоизаи "Шаҳрванди ҷаҳон"-ро натиҷаи меҳнати якумраи ҷоизагиранда арзёбӣ кардааст. Зикр мегардад, ки ҷоизаи навбатии "Шаҳрванди ҷаҳон" моҳи сентябри соли 2017 супорида мешавад.

Оқохони чаҳорум, Шоҳ Карим ал-Ҳусайнӣ, 13 декабри соли 1936 дар шаҳри Женеваи Швейтсария дар хонаводаи Шоҳзода Алӣ Салмонхон ва бону Тоҷуддавла Алихон ба дунё омадааст. Аълоҳазрат Шоҳ Карим хатмкардаи факултаи таърихи исломи Донишгоҳи Ҳарвард буда, муассис, бунёнгузор ва сарвари "Шабакаи Рушди Оқохон" (AKDN) аст. Ӯ пас аз бобояш Султон Муҳаммадшоҳ Оқохони саввум, дар рӯзи 11 июли соли 1957, дар синни 20-солагӣ пешвои рӯҳонии исмоилиёни ҷаҳон шудааст.

407
Барчаспҳо:
ҷоизаи "Шаҳрванди ҷаҳон", Адриенна Кларксон, Оқохони IV, Канада
Разработка экспресс-тестов на коронавирус учеными из центра Сколково

Молекулаи зидди уфунӣ: Олимҷон Юсупов роҳи "куштан"-и коронавирусро ёфт

2018
(Таҷдидшуда 14:54 26.05.2020)
Ихтироъкори номии ӯзбек таҷҳизотеро сохтааст, ки коронавирус, микробҳо ва бактерияҳои ҳаво ва болои ашёҳоро безарар мегардонад

ДУШАНБЕ, 26 мая — Sputnik. Ихтироъкори номии ӯзбек Олимҷон Юсупов таҷҳизотеро барои безараргардонии коронавирус ва дигар уфунатҳои дохили бино ихтироъ кардааст, гузориш медиҳанд расонаҳои Ӯзбекистон.

 Юсупов "генератори молекулаҳо"-ро барои безарар гардонидани ҳамагуна бактерия, микроб ва вирусҳо истифода мебурдааст, ки худ сохтааст.

Ин таҷҳизоти олими ӯзбек на танҳо коронавирус, балки микроорганизмҳои сироятиро нобуд сохта, барои саломатӣ бехатар аст.

Дар Ӯзбекистон нақша доранд, ки рӯзҳои наздик ин таҷҳизотро дар истеҳсолот татбиқ намоянд.

"Асосӣ ин технологияи замонавӣ дар молекулаҳост. Онҳо вирус ва бактерияҳоро дар ҳаво ва дохили бино ё дар ҳудуди муайян ва ё дар ашё ва дохили онҳо, ҳатто бадани одамон безарар мегардонанд", - мегӯяд Олимҷон.

Ҳамин тавр, ба гуфтаи муаллифи таҷҳизот, ин молекулаҳо қодиранд, ки вируси дохили роҳҳои нафаскаширо ҳам безарар гардонанд.

Асосаш таҷҳизот тезкор аст. Он бинои андозааш 30 метри квадратиро дар 15 дақиқа дезинфексия мекунад.

Олимони рус як шарти пирӯзӣ бар коронавирусро гуфтанд

Олимҷон Юсупов бо ихтирооти кардааш дар Ӯзбекистон машҳур аст. Пештар ӯ технологияи борони сунъиро ихтироъ карда, гуфта буд, мақсадаш барқарор кардани баҳри Арал аст.

Лоиҳаҳояшро Академияи улуми Ӯзбекистон тасдиқ кардааст.

2018
Вакцинация, архивное фото

Русия замони эмгузаронии сартосарӣ аз маризии коронавирусро эълон кард

2450
(Таҷдидшуда 19:49 25.05.2020)
Русия сар аз авоили тирамоҳи соли равон ба эмгузаронии сокинон аз маризии сироятии коронавирус шурӯъ мекунад

ДУШАНБЕ, 25 май – Sputnik. Эмгузаронӣ алайҳи маризии коронавирус авоили тирамоҳ шурӯъ хоҳад шуд ва анқариб 6 - 9 моҳро дарбар хоҳад гирифт.

Дар Русия озмоиши ваксина бар зидди коронавирусро оғоз карданд

Дар ин бора мудири Маркази илмь - тадқиқотии ба номи Гамалея оид ба эпидемиология ва микробиологияи Вазорати тандурустӣ Александр Гинтсбург дар барномаи "Зиндагии солим" дар шабакаи аввали телевизиони Русия ибрози назар дошт.

"Табиист, ки ба якборагӣ ҳамаро эмгузарондан ғайриимкон аст. Аз ин рӯ мӯҳлати эмкунии сартосарӣ аз 6 то 9 моҳро дарбар мегирад", афзудааст ӯ.

Вай илова намуд, ки организми инсон пас аз маротибаи дуюм рӯбарӯ шудан бо вирус ва ҳамзамон ду маротиба эм гирифтан, нисбати он масуният пайдо мекунад.

Қаблан мудири марказ изҳор дошта буд, ки аз авохири тобистон дар Русия ба маъракаи эмгузаронӣ аз коронавирус шурӯъ мекунанд. Вале ҳоло ба гуфтаи ӯ талошҳои ҳамаҷониба ба харҷ дода шудааст, ки ин маърака ҳар чӣ зудтар баргузор гардад.

Ба гуфтаи вай, озмоишҳои клиникии ваксинҳо натиҷаҳои хуб доданд ва  интизор меравад, эмгузаронӣ сар аз 15 - уми июн пас аз гирифтани иҷозатномаи Вазорати тандурустӣ ба роҳ монда шавад.

2450
Барчаспҳо:
эмгузаронӣ, Русия
Мавзуҳо:
Пайомадҳои COVID-19 дар Тоҷикистон ва ҷаҳон
Министр иностранных дел РФ Сергей Лавров

Лавров дар бораи танишҳо дар марзи Тоҷикистону Қиғизистон: Русия омодаи кӯмак аст

0
(Таҷдидшуда 19:58 26.05.2020)
Вазири умури хориҷаи Русия Сергей Лавров аз Тоҷикистону Қирғизистон даъват кардааст, ки дар марз аз истифодаи нерӯ худдорӣ кунанд

ДУШАНБЕ, 26 мая — Sputnik. Ҷониби Русия аз Тоҷикистон ва Қирғизистон даъват меорад, ки дар марз аз истифодаи силоҳ даст кашанд ва омода аст, ки ҳамчун миёнрав хизмат кунад. Дар ин боравазири умури хориҷии Русия Сергей Лавров баъди нишасти вазирони умумири хориҷа дар ҷаласаи СПАД гуфтааст.

 "Ин вазъ дар марзи Тоҷикистону Қирғизистон, мутаассифона бори аввал нест. Мо аз шариконамон даъват меорем, ки онҳо роҳи маслиҳатомезро пеш гиранд ва ҳарчи тавонанд аз истифодаи қувва худдорӣ кунанд. Мо омодаем ҳамчун миёнрав хизмат кунем. Ҳарчи зудтар вазъият ба эътидол ояд, ҳарчи беҳтар аст. Дар ин бора имрӯз ба дӯстонамон ҳам гуфем", - таъкид кардааст Лавров.

Ёдрас мешавем, 24 май бар марзи Тоҷикистону Қирғизистон таниши навбатӣ ба миён омад. Марбонони ҳарду кишвар тир кушоданд.

Марзбонии ду давлат ҳодисаро гуногун тавзеҳ доданд.

Фаврӣ: тирандозӣ дар марзи Тоҷикистону Қирғизистон дар рӯзи ид

Қирғизистон сокинони Ворухро дар гузаштан ба минтақаи қирғизҳо барои чарронидани чорво муттаҳам кард, аммо ба иттилои КДАМ Тоҷикистон баръакс, чӯпонҳои қирғиз дар ҳудуди деҳаи Пули Офтобрӯяи ҷамоати деҳоти Ворухи шаҳри Исфара, ки бо деҳаи қирғизнишини Мойнок ҳамсарҳад мебошад, вориди қаламрави Тоҷикистон гардида, ба муноқишаи навбатӣ бо сокинони наздимарзии ҶТ даст заданд.

0