Вохӯрӣ оид ба Сурия дар Остона

Русия, Туркия ва Эрон дар бораи сулҳ дар Сурия гуфтушунид намуданд

58
(Таҷдидшуда 17:08 24.01.2017)
Дар рафти гуфтушунид дар Остона ваколатномаи бунёди механизми сеҷониба дар бораи оташбас дар Сурия ба имзо расонид

ДУШАНБЕ, 24 янв — Sputnik.Намояндагони Русия, Туркия ва Эрон дар бораи механизми назорат аз болои риояи созиш дар Сурия гуфтушунид намуданд.

Дар гуфтушунидҳо дар Остона дар бораи ташкил намудани механизми сеҷонибаи мониторинги оташбас дар Сурия  созиш карда шуд, хабар медиҳад РИА новости бо истинод ба Anadolu.

Чуноне ки котиби матбуоти президенти ФР Дмитрий Песков хабар дод, Кремл рафти гуфтушунидҳоро дар Остона пайгирӣ мекунад, аммо шарҳ додани онҳоро ҳоло лозим намешуморад.

"Рафти гуфтушунидҳоро шарҳ доданро ҳоло нодуруст ва ғайримкон мешуморем. Гуфтушунидҳо айни замон давом доранд",- қайд кард Песков.

Рӯзи душанбе дар пойтахти Қазоқистон гуфтушунидҳо оид ба масъалаи танзими вазъияти Сурия оғоз ёфт. Ёдовар мешавем, ки дар гуфтушунид намояндагони ҳукумати Сурия, мухолифин, Русия, Туркия ва Эрон ба ҳайси зомин иштирок мекунанд.

Мувофиқи ахбори пештара дар Остона пас аз ба хотима расидани гуфтушунид ҳуҷҷати омодашуда аз ҷониби намояндагои мухолифини ҳукумати Сурия ба имзо намерасад.

58
Барчаспҳо:
Сурия, мухолифин, гуфтушунид, Дмитрий Песков, Остона, Қазоқистон
Генеральный секретарь Организации Объединенных Наций Антониу Гутерриш

Дабири кулли СММ: ҷаҳон бо сангинтарин буҳрон дар 100 соли охир рӯ ба рӯ шуд

12
Дабири куллии СММ мегӯяд, ҳамагирӣ чунин мушкилоти ҷаҳон, ба монанди нобаробарӣ дар ҷомеа ва кишварҳо, ноустуворӣ "буҳрони иқлим ва биологӣ" -ро ошкор кард

ДУШАНБЕ, 26 январ - Sputnik. Ҷаҳон дар паи пандемияи коронавирус ба бадтарин буҳрони иқтисодӣ дар сад соли охир рӯ ба рӯ шуд. Дар ин бора дабири кулли СММ Антонио Гутерриш дар чорабинии "Рӯзномаи Давос" изҳор дошт.

Роҳбари СММ таъкид кард, ки ҷаҳони имрӯзро бо сабаби ҳамагирӣ метавон бо як калима - "осебпазир" тасвир кард.

"Беш аз 2 миллион нафар ҳалок шуданд ва мо дар бадтарин буҳрони иқтисодии аср қарор дорем" - гуфт Гутерриш.

Вай бовар дорад, ки пандемия чунин мушкилоти ҷаҳон, ба монанди нобаробарӣ дар ҷомеа ва кишварҳо, ноустуворӣ "буҳрони иқлим ва биологӣ" -ро ошкор кардааст.

Ба гуфтаи ӯ, "ҷанг бо табиат" ба он оварда мерасонад, ки "табиат ҷавоб мегардонад". Гутерриш ҷаҳонро ба муколама ва ҳамкорӣ даъват мекунад.

"Ҳукуматҳо, созмонҳои байналмилалӣ, бахши хусусӣ ва ҷомеаи шаҳрвандӣ - ҳама бояд якҷоя кор кунанд" - гуфт раиси СММ.

Гутерриш қайд кард, ки дар соли 2021 ҷаҳон имконияти беназири истифодаи барқароршавӣ аз пандемияро барои "гузаштан аз осебпазирӣ ба устуворӣ", дорад.

Ёдрас мешавем, ки президенти Тоҷикистон Эмомалӣ Раҳмон низ имрӯз зимни ироаи паёми худ ба парлумони кишвар аз буҳрони бесобиқа гуфт.

Ба гуфти президент, имрӯз дар дунё амалан давлат ва соҳае нест, ки аз таъсири буҳрон эмин монда бошад.

12
Барчаспҳо:
Ҷаҳон, иқтисод, бӯҳрон, Антониу Гуттериш, Дабири кулли СММ
Выборы президента Узбекистана

Санаи интихоботи президентӣ дар Ӯзбекистон эълон шуд

879
(Таҷдидшуда 12:57 26.01.2021)
Мақомоти Ӯзбекистон санаи пешбинишудаи интихоботи президентӣ дар ин кишварро эълон карданд

ДУШАНБЕ, 26 январ - Sputnik. Интихоботи навбатии президентӣ дар Ӯзбекистон моҳи октябри соли равон баргузор хоҳад шуд, менависад Sputnik Ӯзбекистон.

"Интихоботи президентӣ дар Ӯзбекистон метавонад рӯзи якшанбеи даҳаи сеюми октябр баргузор шавад", - менависад агентӣ.

Таъкид шудааст, ки санаи интихобот дар ҷаласаи фраксияҳои ҳизбҳои сиёсӣ дар палатаи поёнӣ муҳокима карда шуд.

Ба иттилои манбаъ, як рӯз пеш дар Ӯзбекистон ҷаласаи Комиссияи марказии интихоботи ҷумҳурӣ баргузор гардид ва дар он қайд карда шуд, ки ҳайати САҲА ва Бюро оид ба институтҳои демократӣ ва ҳуқуқи инсон, ки интихоботи парлумониро мушоҳида кард, як қатор тағйироти мусбатро дар системаи миллии интихоботии кишвар эътироф кардааст.

Норозигии вазири тоҷиктабори навтаъйин дар Ӯзбекистон аз коғазу маҷлисбозӣ ва беташаббусӣ

Бояд қайд кард, ки дар Ӯзбекистон номзадҳои президентиро танҳо аз ҷониби ҳизбҳои сиёсӣ пешбарӣ кардан мумкин аст. Айни замон, дар кишвар панҷ ҳизби сиёсӣ сабти ном шудаанд.

Интихоботи президентӣ дар Ӯзбекистон ҳар панҷ сол як маротиба баргузор мешавад.

Натоиҷи интихоботи такрории Узбакистон эълон гардид: се вакил тоҷиктабор ҳастанд

4 декабри соли 2016 дар Ӯзбекистон интихоботи пеш аз муҳлат баргузор шуд ва Мирзиёев, ки но замон сарвазир буд, пирӯз шуд. Ба ҷонибдорӣ аз ӯ 88,61% интихобкунандагон раъй доданд.

Президент Ислом Каримов, ки аз соли 1989 инҷониб кишварро идора мекард, 2 сентябри соли 2016 дар синни 78-солагӣ бар асари сактаи мағзӣ даргузашт.

879
Барчаспҳо:
парлумон, номзад, Шавкат Мирзиёев, Санаи интихоботи президентӣ дар Ӯзбакистон муайян шуд