Духтарони ҳиҷобпӯш. Акс аз бойгонӣ

Девони додгустарии Урупо: корфармоён ҳаққ доранд пӯшидани ҳиҷобро манъ кунанд

51
ин нахустин борест ки Девони додгустарии Урупо дар бораи ҳиҷоб ҳукм медиҳад

ДУШАНБЕ, 14 мар — Sputnik. Девони додгустарии Урупо ҳукм додааст ки корфармоён дар кишварҳои ҳамванди Иттиҳодияи Урупо ҳаққ доранд кормандонашонро аз "пӯшидани ҳаргуна намоди сиёсӣ, фалсафӣ ё динии ошкор", аз ҷумла ҳиҷоб, манъ кунанд.

Олитарин ниҳоди додгустарии Иттиҳодияи Урупо гуфтааст чунин манъе бояд бар пояи муқаррароти дохилии ширкатҳо ва дар сурате иҷро шавад, ки корфармоён риояти бандҳои "пӯшиши хунсо"-ро иҷборӣ карда бошанд. Манзур аз "пӯшиши хунсо" пӯшокест ки ҳам мардону ҳам занон битавонанд онро бипӯшанд.

Бар пояи ин ҳукм, корфармо наметавонад ба хости муштариҳо ҳар пӯшише, аз ҷумла ҳиҷобро манъ кунад, вале агар ширкат муқаррароти дохилии "пӯшиши хунсо" дошта бошад, манъи ҳиҷобро наметавон табъизомез донист.

Хабаргузории "Рейтер" гузориш медиҳад, ки ин нахустин боре аст ки Девони додгустарии Урупо дар бораи ҳиҷоб ҳукм медиҳад.

Девони додгустарии Урупо баррасии ин масъаларо пас аз он оғоз кард ки яке аз кормандони ширкати амниятии G4S дар Белжик барои ба сар кардани рӯсарӣ аз кор ронда шуд ва Додгоҳи олии Белжик расидагӣ ба ин парвандаро ба он вогузор кард.

51
Барчаспҳо:
Иттиҳодияи Урупо, ҳиҷоб, манъи ҳиҷобпӯшӣ, Девони додгустарии Урупо, Урупо
Мавзуъ
Манъи ҳиҷоб дар Тоҷикистон ғайриқонунист ё бояд аз фарҳанги бегона даст кашид?
Баҳси Рамзан Қодиров дар бораи ҳиҷоб: оё маориф дигар мушкилӣ надорад, ҷуз рӯймол?
Ҳиҷоб: воситаи пӯшонидани нуқсонҳо на пӯшонидани ҷисми инсон
День 15 июля

Ҷашнҳои рӯзи 15 июл дар Тоҷикистон ва ҷаҳон

57
(Таҷдидшуда 20:05 14.07.2020)
Рӯзи понздаҳуми июл Рӯзи байналмилалии малакаи ҷавонон буда, дар Ботсвана – Рӯзи президент ва дар Бруней  – Рӯзи султон мебошад

Рӯзи 15 июл дар ҷаҳон чӣ рух дод

Соли 1888 аввалин маротиба дар таърихи 1000-солаи Ҷопон вулқони Бандай фаввора зад.

День 14 июля
© Sputnik / Стас Этвеш / Вишнякова Мария

Соли 1922 Ҳизби коммунистии Ҷопон таъсис дода шуд.

Соли 1923 Парлумони Италия Конститутсияи нав қабул кард.

Соли 1933 аввалин маротиба яккапарвозӣ бо ҳавопаймо дар гирди кураи Замин оғоз гардид.

Соли 1965 Конгресси ИМА қонунеро қабул намуд, ки талаб мекард дар қуттиҳои сигор ба саломатӣ зиён доштани он навишта шавад.

Соли 1992 миёни Ҷумҳурии Тоҷикистон ва Ҷумҳурии Исломии Афғонистон муносиботи дипломатӣ барқарор гардиданд.

Рӯзи 15 июл дар Тоҷикистон чӣ рух дод

Соли 2009 Сарвари давлат Эмомалӣ Раҳмон дар Миср дар маросими муаррифии китоби «Тоҷикон дар оинаи таърих» бо тарҷума ба забони арабӣ иштирок ва суханронӣ намуд.

День 13 июля
© Sputnik / Стас Этвеш / Вишнякова Мария

Соли 2009 дар Миср зимни вохӯрии Эмомалӣ Раҳмон ва Президенти вақти Филиппин хонум Глория Макапагал Арройо масоили ташкил ва густариши ҳамкории судманд миёни ду кишвар баррасӣ шуд.

Соли 2010 Эмомалӣ Раҳмон ва  муовини ёвари Президенти вақти Иёлоти Муттаҳидаи Америка Майкл Макфол масоили ҳамкории гуногунҷанбаи Тоҷикистону Америкаро баррасӣ намуданд.

Соли 2015 Сарвари давлат Эмомалӣ Раҳмон баҳри шиносоӣ бо ҷараёни корҳои барқарорсозӣ ва суҳбат бо бинокорони Неругоҳи барқи обии «Роғун» ба мавзеи бунёди ин иншоот ба шаҳри Роғун сафар карда, дар он ҷо аз тамоми қитъаҳои сохташавандаи рӯизаминӣ ва иншооти асосии зеризаминӣ боздид намуд.

Соли 2016 дар шаҳри Душанбе иҷлосияи ҳафтуми палатаи болоии Парлумони Тоҷикистон, даъвати панҷум баргузор гардид, ки дар он қариб 40 масъала баррасӣ карда шуд.

Ҷашнҳои рӯзи 15 июл

  • Рӯзи байналмилалии малакаи ҷавонон.
  • Дар Ботсвана – Рӯзи президент.
  • Дар Бруней  – Рӯзи султон.

Рӯзи 15 июл кӣ ба дунё омадааст

1606 — Рембрандт Харменс ван Рейн (соли даргузашт 1669), яке аз рассомони машҳури ҳолландӣ.

1870 — Леонид Красин (соли даргузашт1926), револютсионери русиягӣ, корманди ҳизбӣ.

1905 — Александр Хвиля (фавт 1976), ҳунарманди русиягӣ ва украинӣ, ҳунарманди халқии ИҶШС.

1939 - Алӣ Ҳоманаӣ, сиёсатшиноси эронӣ, президенти Эрон (1981—1989), раҳбари давлат  (аз соли 1989).

Рӯзи 15 июл дар Тоҷикистон кӣ ба дунё омадааст

1922 – ҳунарманди шоистаи Тоҷикистон Ҳалима Насибулина.

1941 – журналист Нур Табаров.

1948 – журналист Саидқул Шопалангзода.

1953 – журналист ва нависанда Раҳмон Остон.

1954 – нависанда  Баҳманёр.

Рӯзи 15 июл кӣ даргузашт

1904 — Антон Чехов (соли таваллуд 1860), драматург ва нависандаи рус.

Рӯзи 15 июл дар Тоҷикистон кӣ даргузашт

1954 — Садриддин Айни (соли таваллуд 1878), шоир ва нависандаи тоҷик, асосгузори адабиёти муосири тоҷик.

57
Барчаспҳо:
Тоҷикистон, ҷашн, Ҷаҳон
Мавзуъ
Ҷашнҳои рӯзи 8 июл дар Тоҷикистон ва ҷаҳон
Ҷашнҳои рӯзи 7 июл дар Тоҷикистон ва ҷаҳон
Ҷашнҳои рӯзи 9 июл дар Тоҷикистон ва ҷаҳон
Ҷашнҳои рӯзи 10 июл дар Тоҷикистон ва ҷаҳон
Ҷашнҳои рӯзи 11 июл дар Тоҷикистон ва ҷаҳон
Ҷашнҳои рӯзи 13 июл дар Тоҷикистон ва ҷаҳон
Ҷашнҳои рӯзи 14 июл дар Тоҷикистон ва ҷаҳон
Ҷашнҳои рӯзи 12 июл дар Тоҷикистон ва ҷаҳон
Портфель с документами

Номаи бози миллионерҳо ба мақомдорон: андози моро ба хотири кумак ба мардум бештар кунед

426
(Таҷдидшуда 19:08 14.07.2020)
Як номаи кушодаро гурӯҳе иборат аз 83 нафар таҳия кардаанд. Дар байни онҳо актёр Стивен Сигал, сенариянавис Ричард Кертис, сармоягузор Ҷон О'Фарелл ва вориси Уолт Дисней Эбигейл Дисней қарор доштанд

ДУШАНБЕ, 14 июл – Sputnik. Зиёда аз 80 миллионер аз Иёлоти Муттаҳида ва шаш кишвари дигар аз мақомоти давлатҳои худ даъват карданд, ки андозҳои шахсони сарватмандро бештар кунанд, то иқтисодиётро дар шароити пандемия аз коронавирус барқарор кунанд, менависад Bloomberg.

Бахти баланд: мард барои ҳамсари бемораш лотерея харид ва миллионер шуд

Гурӯҳи 83 нафар мактуби кушодро унвонии якчанд ҳукуматҳо таҳия карданд. Дар он қайд мешавад, ки одамони сарватманд метавонанд дар "шифои ҷаҳони мо" нақши ҳалкунанда дошта бошанд.

"Мо беморонро дар шӯъбаҳои эҳёгарӣ нигоҳубин намекунем, мошини ёрии таъҷилиро намеронем, то беморонро ба беморхонаҳо интиқол диҳем, рафҳои мағозаҳои хӯроквориро пур намекунем, хӯрокро барои нафарони ниёзманд хона ба хона тақсим намекунем, аммо мо пул дорем, пули бисёр",  - изҳор доштанд муалифони мактуб.

Дар нома гуфта мешавад, оқибатҳои бӯҳроне, ки аз пандемия ба вуҷуд омадааст, тӯли даҳсолаҳо эҳсос хоҳад шуд, аз ин рӯ, ним миллиард одамон метавонанд ба сафи камбизоатон ҳамроҳ шаванд. Гузашта аз ин, садҳо миллион одамон ба далели баста шудани корхонаҳо, ҷойи корашонро аз даст медиҳанд.

"Баръакси миллионҳо одамон дар саросари ҷаҳон, мо аз талафоти эҳтимолии кор, хона ё қобилияти таъмини оилаи худ дар ташвиш нестем. Мо дар сафи пеши муборизон алайҳи ин маризӣ қарор надорем. Имконияти қурбон шудани мо ҳам аз ин маризӣ ночиз аст. Аз ин рӯ, хоҳиш мекунем, ки андози моро афзунтар кунед. Ин ягона интихоби дуруст аст. Инсоният аз пул муҳимтар аст", - гуфта мешавад дар идомаи нома.

Миёни нафароне, ки зери ин нома имзо гузоштанд, ҳунарманд Стивен Сигал, сенариянавис Ричард Кертис, сармоягузор Ҷон О'Фарелл ва вориси Уолт Дисней Эбигейл Дисней мебошанд.

426
Барчаспҳо:
андоз, мардум, кумак, миллионер, нома
Золото

Геологияи тоҷик гуфт, сокининон дар чанд минтақа метавонанд тилло шӯянд

54
(Таҷдидшуда 10:51 15.07.2020)
Саридораи геологияи Тоҷикистон мегӯяд, бо дастури ҳукумат минтақаҳои тиллошӯиро барои фаъолияти фардӣ дар кишвар қитъабандӣ кардаанд

ДУШАНБЕ, 15 июл – Sputnik. Оймаҳмадзода Илҳомҷон, роҳбари Саридораи геологияи тоҷик имрӯз зимни як нишасти хабарӣ  гуфт, то имрӯз дар кишвар 145 қитъаро муаян кардаанд, ки сокинон метавонанд дар он ҷой тилло шӯянд.

Ба иттилои манбаъ,  ин минтақаҳоро  дар ҳудуди 900 киллометир дар шаҳру навоҳии Айнӣ, Бохтар, Ванҷ, Дарвоз, Дӯстӣ, Лахш, Масчоҳи кӯҳӣ, Муминобод ва Мурғоб ҷудо кардаанд.

Манбаъ водии Зарафшонро мисол оварда гуфт,  дар ин минтақа 31 қитқи тиллошӯӣ муаян шудааст, ки 8 то дар Масҷоҳи кӯҳӣ, 13 то дар Айнӣ ва 8 қитъа дар Панҷакент мебошад.

Номбурда гуфт, шаҳрвандон баъди иҷозатномаи Вазорати молия метавонанд озодона ба тиллошӯйӣ дар ин минтақаҳо машғул шаванд.

Ӯ гуфт, барои фаъолияти фардии тиллошӯйӣ баъзе талаботҳо ҳаст, ки яке аз он техникаи истифодашаван набояд аз 50 қувваи асп зиёд набошад.

Қаблан Файзиддин Қаҳҳорзода, вазири молияи Тоҷикистон дар нишасти расонаӣ гуфт, ки тарҳи ироаи иҷоза ба шаҳрвандон бобати истихроҷи тилло ва дигар фулӯзоти қиматбаҳо бо ибтикори раисҷумҳури кишвар таҳия шуда, ба шаҳрвандон ҳуқуқи истихроҷи мустақилли тиллоро хоҳад дод. Барои ин шаҳрвандонро мебояд танҳо аз вазорати молия иҷоза дарёфт кунанд.

Номбурда гуфт, бар асоси ин тарҳ, шаҳрвандон дар ҷойҳое, ки дар ихтиёри ягон ширкат нест, тилло истихроҷ хоҳанд кард.

Шаҳрвандон тиллои тавлидшударо озодона ба ниҳодҳои молии кишвар хоҳанд фурӯхт ва ин ниҳодҳо нархи хариди тилло аз шаҳрвандонро таъин хоҳанд кард.

 

 

 

54