Ниана- духтарак аз Филиппин

Рақс бикун ҷоно: духтарак оҳанги "Despacito"-ро мешунаваду ба рақс медарояд

672
(Таҷдидшуда 14:27 16.07.2017)
Духтараке аз Филиппин ҳатто ҳангоми хӯрок хӯрдан ҳам ба рақс медарояд

ДУШАНБЕ, 16 июл — Sputnik. Ниана — духтараке аз Филиппин суруди Луиса Фонсе "Despacito"-ро, ки бо шитобе шигифтангез дар ҷаҳони мусиқӣ машҳур шудааст, бисёр писандидааст.

Ӯ ҳар боре, ки оҳанги ин сурудро мешунавад, ба рақс медарояд.

Бародари бузургаш Рантс аз мусиқидӯстии хоҳараш огоҳ аст ва ҳатто ҳангоми хӯрдани хӯрок ҳам хоҳарашро ба рақс медарорад.

Манбаъ меафзояд, ки ҳамакнун Ниана рақиб ҳам дорад. Ин хоҳари хурдиаш аст, ки ҳаракатҳои Нианаро такрор мекунад.

Навори рақсҳои духтарак аз Филиппин дар шабакаҳои иҷтимоъӣ машҳур шудааст. Фақат дар сафҳаи фейсбукиаш ин наворро 63 милюн корбар тамошо кардааст. Навори дувум 4 милюн бинанда доштааст.

672
Барчаспҳо:
рақс, Ниана, Филиппин
Криштиану Роналду

Криштиану Роналду аз коронавирус шифо ёфт

35
(Таҷдидшуда 19:55 31.10.2020)
Криштиану Роналду ба далели бемор будан аз чор бозӣ маҳрум шуд. Ӯ 19 рӯз таҳти табобати табибон қарор дошт

ДУШАНБЕ, 31 окт — Sputnik. Натиҷаи ташхиси Криштиану Роналду аз коронавирус манфӣ баромад, хабар медиҳад хадамоти матбуотии клуби "Ювентус".

Криштиану Роналду гирифтори коронавирус шуд

Посмотреть эту публикацию в Instagram

kaizen philosophy👍

Публикация от Cristiano Ronaldo (@cristiano)

Варзишкор 19 рӯз ба далели бемории коронавирус хонашин шуда буд. Дар бораи гирифтории варзишкори 35-сола, Криштиану Роналду рӯзи 13 октябр маълум шуд. Пас аз даҳ рӯз футболбоз аз ташхис гузашт, кинатиҷаи он мусбат баромад.
Посмотреть эту публикацию в Instagram

Forza Ragazzi! Tutti insieme! 💪🏽👏🏽 Fino Alla Fine!👊🏽

Публикация от Cristiano Ronaldo (@cristiano)

Ҳамлагари Португалия ба далели COVID-19 бозии тими миллии худ бо Шветсия дар Лигаи Миллатҳо, ду бозии Ювентус дар Лигаи Чемпионҳо бо Динамо Киев ва Барселона, инчунин мубориза бо Верона дар чемпионати Италияро аз даст дод.
35
Барчаспҳо:
таманнои шифои комил, футболбозӣ, Криштиану Роналду
Мавзуҳо:
Пайомадҳои COVID-19 дар Тоҷикистон ва ҷаҳон
Актер Шон Коннери, архивное фото

Даргузашти ҳунарманди машҳур Шон Коннери

75
(Таҷдидшуда 19:53 31.10.2020)
Ҳунарманди шотландӣ бо нақши Ҷеймс Бонд машҳур буд. Сабаби фавти ҳунарманд Шон Коннери гуфта нашудааст

ДУШАНБЕ, 31 окт — Sputnik. Ҳунарманди шотландӣ Шон Коннери дар синни 91-солагӣ аз олам чашм пӯшид, хабар медиҳад BBC.

Хабар дар бораи даргузашти ҳунармандро аъзои хонаводааш тасдиқ кардааст. Моҳи август ҳунарманд 90-сола шуд. Сабаби даргузашти ҳунарманд гуфта нашудааст.

Фаъолияти касбии ҳунарманд Шон Коннери даҳсолаҳо давом кард. Ӯ дорандаи мукофотҳои зиёд аз қабили Оскар, ду ҷоизаи Bafta ва се ҷоизаи Глобуси тиллоӣ мебошад.

Моҳи июли соли 2000-ум Шон Коннери аз дасти маликаи Бритониё Елизаветаи II унвони ритсарӣ гирифт.

Даргузашти амири Қувайт дар синни 92-солагӣ

Ҳунарманди шотландӣ пеш аз ҳама бо нақши Ҷеймс Бонд машҳур аст. Ӯ нахустин шуда ин нақшро дар ҳафт триллер бозӣ кард.

Сафири Тоҷикистон дар Эрон даргузашти Исмоили Саодатро таслият гуфт

Филмҳои дигари намоёни Шон аз ҷумла "Шикори Октябри Сурх", "Индиана Ҷонс ва Салиби охирин", "Кӯҳистонӣ", "Лигаи ҷанобони мӯҳтарам", "Дили аждаҳо" ва "Шах" мебошанд.

75
Барчаспҳо:
ҳунарманд, даргузашт, Бритония

Путин пешниҳоди Лукашенкоро барои тағйири Конститутсия шарҳ дод-видео

0
(Таҷдидшуда 20:49 31.10.2020)
Владимир Путин, раисиҷумҳури Русия, пешниҳоди Александр Лукашенко, раисиҷумҳури Белорусро барои тағйири Конститутсияи кишвар шарҳ дод

Путин пешниҳоди Лукашенко барои вуруди тағйирот ба Конститутсияи Белорусияро қадам ба истиқболи мухолифини сиёсияш хонд.

“Ин қадам сӯи мухолифини сиёсӣ мебошад”, - изҳор дошт Путин зимни тавзеҳи иқдоми Лукашенко барои тағйири Сарқонун. Ӯ ин нуктаро зимни суханронӣ дар анҷумани сармоягузорӣ, ки ВТБ Капитал зери унвони "Россия зовет!" дар Маскав ташкил карда буд, изҳор дошт.

Ба гуфтаи раисиҷумҳури Русия, дуруст мебуд, агар нерӯҳои сиёсии Белорус ба ин раванд шомил мешуданду дар муътадил сохтани вазъ ширкат мекарданд. Ӯ таъкид намуд, ки ба ин восита метавонанд ба тасмимҳое, ки қабул карда мешаванд, таъсир расонанд.

Раисиҷумҳури Русия ин тарзи амалро беҳтар аз муттаҳамсозии Лукашенко дар ҳилагарӣ хонд.

Ин дар ҳолест, ки вазъ дар Белорус баъди интихоботи президентии 9 август шиддат ёфт.

Тибқи иттилои расмии Комиссияи марказии интихобот Лукашенко пирӯз шуд, аммо мухолифон бо ин натиҷа норозӣ буда, даст ба тазоҳурот заданд.

0
Барчаспҳо:
Конститутсия, Белорус, Русия