Раҷаб Таййиб Эрдуғон, акс аз бойгонӣ

Изҳороти тунди Эрдуғон алайҳи ҳамапурсии ҷудоӣ дар Курдистони Ироқ

129
(Таҷдидшуда 10:03 29.09.2017)
Раисҷумҳури Туркия дар вокуниш ба баргузории ҳамапурсии ҷудоии минтақаи Курдистон аз Ироқ тасреҳ кард: Кишвараш иҷозаи интиқоли нафти ин минтақаро аз хоки Туркия намедиҳад

ДУШАНБЕ, 28 сен — Sputnik. Раҷаб Тайиб Эрдуғон баргузории ҳамапурсии ҷудоии минтақаи Курдистон аз Ироқро "ғайриқонунӣ" хонду гуфт: Туркия ин ҳамапурсиро номашруъ медонад ва ба ҳеч ваҷҳ онро ба расмият нахоҳад шинохт. Раисҷумҳури Туркия афзуд, аз назари Анкара, ҳифзи тамомияти арзии Ироқ бисёр муҳим аст.

Эрдуғон Курдистонро бо "иқдомоти танбеҳӣ" бим дод ва гуфт: "Мехоҳем бидонед, Туркия дар сатҳи сиёсӣ, тиҷорӣ ва амниятӣ ҳар иқдоме лозим бошад, иттихоз хоҳад кард. Ҳамин ҳоло ҳам нерӯҳои низомии мо дар марзҳои шимоли Ироқ мустақар ҳастанд. Нерӯи ҳавоии Туркия ҳам дар ҳоли ҳозир дар омодабоши комил аст. Анкара ҳаргиз иҷозаи идомаи содироти нафти минтақаи Курдистони Ироқро аз тариқи қаламраваш намедиҳад ва имкони мудохилаи низомӣ низ вуҷуд дорад".

Изҳороти Эрдуғон дар ҳолест, ки ҳамапурсии ҷудоии минтақаи Курдистони Ироқ бо вуҷуди мухолифати ҷаҳонӣ ва вокуниши тунди давлати Ироқ, рӯзи душанбе ба исрори Масъуд Борзонӣ, раиси минтақаи Курдистони Ироқ баргузор шуд. Ин иқдоми Борзонӣ, муҷиби нигаронии ҳамсоягони Ироқ ва ҷомеаи ҷаҳонӣ аз натоиҷи бесуботкунандаи ин ҳамапурсӣ дар сатҳи минтақа шудааст.

Туркия дар ин байн, шадидтарин вокунишро нишон додааст.

Ҳамапурсии ҷудоии минтақаи Курдистон аз Ироқ ба унвони як иқдоми якҷониба, таъсире бесуботкунанда бар Туркия бар ҷо хоҳад гузошт. Туркия бо доштани беш аз 900 килуметр марзи муштарак бо манотиқи курднишини Сурия ва Ироқ, нигарони таҳдидҳои густардаи дохилӣ дар манотиқи курднишини худ аст.
Ба вижа онки мушкилоти Туркия дар тули соли гузашта, бо поён ёфтани оташбас миёни давлати Туркия ва Ҳизби коргарони Курдистон (ПКК) ва дастгирии намояндагони курди парлумони ин кишвар ба авҷи худ расидааст.

Акнун Туркия бо ин масъала рӯ ба рӯст, ки муваффақияти эҳтимолии мақомоти минтақаи Курдистони Ироқ дар дастёбӣ ба ҷудоӣ аз давлати марказии Ироқ, муҷиби сирояти ин масъала ба ҷудоихоҳони курди ҳозир дар хоки Туркия хоҳад шуд. Ҷудоихоҳон курде, ки бо аз даст додани намояндагони худ дар парлумон ба далели иттиҳоми ҳамкорӣ бо гурӯҳи ПКК, акнун роҳҳои маданиро барои эътирозоти худ ғайримумкин медонанд.

Аз ин рӯ зарурӣ аст, ки давлати Туркия хатароти нуҳуфта дар иқдоми минтақаи Курдистони Ироқро дар назар дошта бошад ва бо дар пеш гирифтани рафторе мантиқӣ, монеъ аз шакл гирифтани ҳаракатҳое ин чунин дар хоки худ шавад.

129
Барчаспҳо:
раисҷумҳур, изҳорот, Раҷаб Тайиб Урдуғон, Дар ҷаҳон

Марги марди амрикоӣ пас аз чанд соати гирифтани ваксина

105
(Таҷдидшуда 15:28 24.01.2021)
То ҳол маълум нест, ин мард бо кадом навъи ваксина - Moderna ё Pfizer эм карда шудааст. Феълан дар сатҳи маҳаллӣ ва федеролӣ ин қазия тафтиш мешавад

ДУШАНБЕ, 24 январ - Sputnik. Дар ИМА як мард пас аз чанд соати гирифтани ваксина алайҳи коронавирус вафот кард, хабар медиҳад РИА Новости.

Як милисаи минтақаи Плейсер дар саҳифааш дар Facebook хабар дод, ки мард моҳи пеш гирифтори коронавирус шуда буд.

"Хадамоти тандурустии Плейсер округ ва шӯъбаи коронавируси дафтари округи Шериф дар бораи марг огоҳнома дарёфт карданд. Дар авохири моҳи декабр дар бадани ин мард бемории COVID-19 дарёфт шуд... Рӯзи 21 январ ин мард алайҳи коронавирус эм карда шуд ва пас аз чанд соат даргузашт", - омадааст дар хабарнома.

Қайд карда мешавад, ки фавтида, на дар идораи тандурустии шаҳр, балки дар дигар ҷой эм карда шудааст. Тафтишот дар чанд сатҳ -  маҳаллӣ ва федеролӣ гузаронида мешаванд.

Марги 55 нафар дар Амрико пас аз гирифтани ваксина

Ҳанӯз маълум нест, ки шахси фавтида кадом ваксинаро гирифтааст - Moderna ё Pfizer.

105
Барчаспҳо:
мард, марг, эмгузаронӣ, вируси корона, ИМА

Сарфи назар аз бохт: Конор аз Поре дида бештар маблағ мегирад

679
(Таҷдидшуда 14:28 24.01.2021)
Дар рақобати асосӣ дар доираи мусобиқаи UFC 257 Дастин Поре ғайриинтизор рақиби арландиаш Конор Макгрегорро аз пой афтонд

ДУШАНБЕ, 24 январ - Sputnik. Қаҳрамони собиқи UFC Конор Макгрегор сарфи назар аз бохт аз Дастин Поре  бештар маблағ мегирад.

Бино ба ҳисоботи нашриёти бритонии The Independent Конор Макгрегор барои ин рақобати худ 5 миллион доллар мегирад. Бо назардошти пахшҳо (pay-per-view) гонарари ӯ метавонад то 30 миллион расад.

Дар баробари ин ба пирӯзӣ нигоҳ накарда Дастин Поре дар ин рақобати худ ҳамагӣ 1 миллион доллар кор кард. Ин бузургтарин гонорар дар фаъолияти варзишии Поре мебошад.

Қайд мешавад, ки ин ҳисоботи тахминии нашриёт аст, чун расман пуле, ки варзишкорон дар ин сабқатҳо ба даст меоранд, ошкор карда намешавад.

Мубориза байни ду ситораи UFC имрӯз, 24 январ дар "Fight Island" дар Абу-Даби баргузор шуд. Ҷанговари амрикоӣ дар даври дуввум рақиби ирландиашро аз пой афтонда, пирӯзиро аз худ кард.

Нурмуҳаммадов гуфт, барои рақобат бо Поре боз мегардад ё не?

Макгрегор бори аввал дар карйераи худ ба нокаут фиристода шуд. Ин мубориза реванш буд. Аз рӯи натиҷаҳои набарди аввал, ки соли 2014 баргузор шуда буд, Поре бо нокаути техникӣ мағлуб шуда буд.

679
Барчаспҳо:
Макгрегор, маблағ, рақобат, АМА
Сотрудницы в физико-химической лаборатории, архивное фото

Эълони омори фавт, гирифторӣ ва шифо аз COVID - 19 дар Русия

0
(Таҷдидшуда 16:07 24.01.2021)
Дар давоми шабонарӯзи гузашта дар қаламрави Федератсияи Русия 21 127 ҳолати нави гирифторӣ ба коронавирус сабт шудааст

ДУШАНБЕ, 24 январ - Sputnik. Бино ба гузориши ситоди фаврӣ дар 24 соати гузашта дар қаламрави Федератсияи Русия 21 127 ҳолати нави гирифторӣ ба COVID - 19 ба қайд гирифта шудааст.

Қариб дар ҳамаи манотиқи кишвар ҳолатҳои нави гирифторӣ ба қайд гирифта шудааст. 10,9 дарсад бидуни нишона аст.

Ҳамин тавр, шумораи умумии гирифторони коронавирус дар Русия ба 3 719 400 расид.

Манбаъ афзуда, ки дар давоми шабонарӯзи гузашта дар Русия 22 445 мариз шифо ёфта, теъдоди умумии шифоёфтагон ба 3 131 760 баробар шуд.

Туркия ба истеҳсоли ваксинаи "Спутник V" шурӯъ мекунад

Дар давоми 24 соати гузашта дар кишвар 491 кас қурбони COVID-19 шуд. Ин нишондод дар Маскав — 74, Санкт-Петербург — 61, вилояти Маскав — 37 кас.

Аз аввали ҳамагирии коронавирус то кунун дар Русия 69 462 кас аз ин беморӣ ҷон аз даст дод.

0
Барчаспҳо:
гирифторони беморӣ, омор, Русия, вируси корона
Мавзуҳо:
Пайомадҳои COVID-19 дар Тоҷикистон ва ҷаҳон