Авиабаза, архивное фото

Нерӯҳои ҳавоии Русия дар Сурия як бунгоҳи фармондеҳии ДОИШ-ро нобуд карданд

43
(Таҷдидшуда 17:31 10.10.2017)
Гурӯҳи теруристии "Давлати теруристӣ" дар паи ҳамлаҳои Нерӯҳои ҳавоии Русия дар вилояти Дайр уз-Зур як бунгоҳи фармондеҳӣ ва се гурӯҳ аз ҷангҷӯёнашро аз даст дод

ДУШАНБЕ, 10 окт — Sputnik. Нерӯҳои ҳавоии Русия як бунгоҳи фармондеҳӣ ва се гурӯҳ аз ҷангиёни ДОИШ-ро дар вилояти Дайр уз-Зур дар шарқи Сурия нобуд кардаанд.

Дар ин бора намояндаи расмии Вазорати дифоъи Русия сарлашкар Игор Конашенков хабар дод.

"Дар вилояти Дайр уз-Зур як бунгоҳи фармондеҳӣ ҳамроҳ бо 34 ҷангҷӯ нобуд шуд. Ин ҷангҷӯён аз қаламрави Ироқ ба ёрии ҳамдастонашон расида буданд", — тавзеҳ дод сарлашкар Конашенков.

Дар ин ҳамалаҳои ҳавоӣ ҳамчунин 5 худрави муҷаҳҳаз ба силоҳҳои дурзан ва 2 худрави бумбгузоришуда низ нобуд карда шудаанд.

Чанд рӯз пеш низ Нерӯҳои ҳавоии Русия дар ноҳияи Абукомил бунгоҳи фармондеҳии ДОИШ-ро ҳамроҳ бо 40 ҷангҷӯ ва 7 худрав нобуд карда буданд. Дар миёни онҳо ҷангҷӯёне аз Тоҷикистон ва ҷумҳуриҳои Қафқози Шимолии Русия низ буданд.

Дар 10 рӯзи гузашта гурӯҳи теруристии "Давлати исломӣ" без аш 400 ҷангҷӯ, 5 бунгоҳи фармондеҳӣ, 11 пойгоҳ, 8 танк, 5 тӯпхона, 33 худрави ҷангафзордор ва беш аз 15 анбори ҷангафзорашро дар Сурия аз даст додааст.

Аммо нерӯҳои ҳавоии Русия низ имрӯз як фарванд ҳавопаймои ҷангандаи Су-24-ро аз даст доданд.

Ба иттилоъи Вазорати дифоъ, ин ҷанганда ҳангоми бархостан аз пойгоҳии низомии Хмеймим дучори осеб ва сарнагун шуд. халабони ҳавопаймо натавонист зуд аз хориҷ шавад ва кушта шуд.

43
Барчаспҳо:
Хмеймим, ДОИШ, сарнагунии ҷангандаи Су-24, Вазорати дифоъи Русия, Игор Конашенков, Русия-Сурия-ДОИШ
Мавзуъ
Толибон: ҳаргиз бо ДОИШ ҳамсӯ намешавем
Сурия Амрикоро муттаҳам ба ҳамдастӣ бо ДОИШ кард
ДОИШ дар Сурия 7 фармондеҳу беш аз 300 ҷангҷӯяшро аз даст дод
ДОИШ масъулияти тирандозӣ дар Лас-Вегасро бар уҳда гирифт
Ҳамсари як ҷангҷӯи тоҷики ДОИШ бо 5 кӯдак дар Ироқ дар мондааст
Муҳиддин Фахриддинов ба ҷурми ҳамдастӣ ба ДОИШ маҳбусӣ шуд
Посольство Таджикистана в Москве, архивное фото

Чор корманди Сафорати Тоҷикистон дар Русия олудаи коронавирус шуданд

272
Ташхиси чор корманди Сафорати Тоҷикистон дар Русия аз коронавирус мусбат баромад. Феълан ҳамаи нафароне, ки бо онҳо дар тамос буданд, аз ташхис гузаронда мешаванд

ДУШАНБЕ, 15 июл — Sputnik. Дасти кам чор нафар аз намояндагони Сафорати Тоҷикистон дар Русия ба маризии коронавирус гирифтор шудаанд, иттилоъ дод ба Sputnik Тоҷикистон як манбаъ аз сафорат.

Ба изҳори ин манбаъ, ташхиси чор корманди сафорат аз коронавирус мусбат баромадааст. Ҳамакнун, ҳамаи нафароне, ки бо онҳо дар тамос буданд аз ташхиси коронавирус гузаронда мешаванд.

"Бо вуҷуди ин боқимонда кормандони сафорат бардам ҳастанд ва ҳеҷ нишоне аз ин маризӣ дар онҳо дида намешавад", - таъкид намуд манбаъ.

Фаврӣ: 13 парвози дигар аз Русия ба Тоҷикистон дар моҳи июл - ҷадвали парвозҳо

Олудагии чор корманди сафорат дар ҳолест, ки вақтҳои ахир хоҳишмандони сафар ба ватан назди сафорати Тоҷикистон дар Маскав ҷамъ омада бо намояндагони он вохӯрӣ менамуданд.

Гузашта аз ин, дар сафорат феҳрасти хоҳишмандони сафар ба Тоҷикистон омода мешуд, ва муҳоҷирони тоҷик асноди лозимаро бевосита ба сафорат бурда, ба кормандони он таслим мекарданд.

Зикр гардид, ки бо вуҷуди мубтало шудани чор корманди сафорат, дафтар баста намешавад ва ҳамаи кормандон чун ҳарвақта сари кор хоҳанд буд.

272
Мавзуҳо:
Пайомадҳои COVID-19 дар Тоҷикистон ва ҷаҳон
Верующий молится, архивное фото

Ҷарима ва ихроҷи шаҳрванди Тоҷикистон аз Русия барои ташкили намоз дар хобгоҳ

309
(Таҷдидшуда 13:19 15.07.2020)
Дар шаҳри Тулаи Русия як муҳоҷири тоҷикро барои ташкили намоз дар хобгоҳи муҳоҷирон ба пардохти 30 ҳазор рубл ҷарима муваззаф намуданд. Ҳамчунин ин шаҳрванди Тоҷикистонро аз қаламрави Русия депорт мекунанд

ДУШАНБЕ, 15 июл – Sputnik. Маркази ҳомии ҳуқуқи инсон ба номи "Сова" аз ҷарима шудан ва ихроҷи як муҳоҷири тоҷик ба далели барпо кардани намози ҷамоат дар хобгоҳи коргарони муҳоҷири тоҷикистонӣ дар Русия хабар дод.

Хабаргузории "Парс тудей" бо такя ба маълумоти маркази ҳомии ҳуқуқи инсони Сова хабар медиҳад, ки мақомоти қудратӣ муддаӣ шудаанд, ки ин шаҳрванди Тоҷикистон дар утоқи хеш дар хобгоҳи коргарони муҳоҷири тоҷикстонӣ дар шаҳри Тулаи Русия барои 15 нафар намоз ташкил мекард, дар ҳоле, ки иҷозатномаи расмии идораи муфтиёти ин минтақаро надоштааст.

То 116 сомонӣ ҷарима: ҳушдори мақомот ба намозгузорон дар рӯзҳои ҷумъа

Додгоҳи маҳаллӣ ин шаҳрванди Тоҷикистонро ба иттиҳоми фаъолитҳои ғайримуҷози таблиғотӣ ва ҳамоҳанг накардани хондани намози ҷамоат бо идораи муфтиёти шаҳри Тула ба пардохти ҷаримаи молӣ ба маблағи 30 ҳазор рубли русӣ ва ихроҷ аз қаламрави Русия маҳкум кардааст.

Ёдовар мешавем, Русия ба мисли дигар кишварҳо дар замони авҷи маризии коронавирус баргузор намудани намози оммаро манъ карда буд.

Анқариб муддати ду моҳ масоҷид дар Русия барои намозгузор баста буд.

309
Барчаспҳо:
намоз, хобгоҳ, ҷарима, истихроҷ, Тоҷикистон, Русия
Национальный банк Таджикистана

Бонки миллӣ иҷозатномаи Фонди қарзии хурди “Шаби Меъроҷ”-ро бозхонд кард

0
Дар ин бора қарори раиси Бонки миллии Тоҷикистон Ҷамшед Нурмаҳмадзода рӯзи гузашта ба тасвиб расидааст

ДУШАНБЕ, 15 июл — Sputnik. Бонки миллии Тоҷикистон аз бозхонди иҷозатномаи Фонди қарзии хурди “Шаби Меъроҷ” хабар дод.

Тибқи иттилои дафтари матбуотии ин ниҳоди молии кишвар, қарор дар бораи бозхонди иҷозатномаи  Фонди қарзии хурди “Шаби Меъроҷ” рӯзи 14 июл аз ҷониби Раёсати Бонки миллии Тоҷикистон содир шудааст.

“Бо қарори навбатии Раёсати Бонки миллии Тоҷикистон аз 14 июли соли 2020, таҳти №93 мутобиқи моддаи 26 Қонуни Ҷумҳурии Тоҷикистон “Дар бораи ташкилотҳои маблағгузории хурд” ва моддаҳои 8,9 ва 12 Қонуни Ҷумҳурии Тоҷикистон “Дар бораи барҳамдиҳии ташкилотҳои қарзӣ” иҷозатномаи Фонди қарзии хурди “Шаби Меъроҷ” бозхонд карда шуд”,-афзудааст манбаъ.

Гуфта мешавад, ҷанбаҳои дигари фаъолияти ФҚХ “Шаби Меъроҷ” дар асоси қарори қабулгардида ва дар доираи қонунгузории амалкунанда баррасӣ карда мешаванд. 

0