Оқохони ҷаҳорум. Акс аз бойгонӣ

Шоҳзода Карим Оқохон яке аз пурнуфузтарин шахсиятҳои ҷаҳони ислом шинохта шуд

1022
(Таҷдидшуда 15:49 05.11.2017)
Шоҳзода Карим Оқохон барои чандумин бор аз пурнуфузтарин чеҳраҳои ҷаҳони ислом шинохта шуд

ДУШАНБЕ, 5 ноя — Sputnik.  Шоҳзода Карим Оқохон дар феҳристи 500 мусулмони пурнуфузи дунё дар мақоми 40-ум ҷой гирифтааст.

Феҳристи 500 мусулмони асаргузори ҷаҳонро ҳар сол Пажӯҳишгоҳи таҳқиқоти роҳбурдии исломии Уммон тартиб медиҳад.

Эмомалӣ Раҳмон ҳангоми адои маносики Ҳаҷ
© Официальная страница пресс-службы президента РТ в Facebook

Ҳамчунин дар ин феҳрист раисҷумҳури Тоҷикистон Эмомалӣ Раҳмон ва раиси Шурои уламои Тоҷикистон Саидмукаррам Абдулқодирзода низ номбар шудаанд.

Дар ин радабандӣ дар ҷойи аввал номи яке аз руҳониёни суннии Миср Аҳмад Муҳаммад ал-Тайиб омадааст. Номи подшоҳи Арабистони Саудӣ Салмон ибни Абдулазиз Оли Сауд ва подшоҳи Урдун Абдуллоҳ II ибн Ҳусайнӣ ҳам дарҷ шудаанд. Дар панҷгонаи аввали ин феҳрист номи оятуллоҳ Сайид Алӣ Хоманаӣ — роҳбари Эрон ва раисҷумҳури Туркия Раҷаб Тайиб Эрдуғон ворид шудааст.

Пештар хабар дода шуд, ки Имоми исмоилиёни ҷаҳон шоҳзода Карим ал-Ҳусайнӣ 1 ноябр дар шаҳри Ню-Йорк аз Анҷумани осиёии "Asia Game Changer Awards" ҷоизаи "Дастовардҳо дар зиндагӣ"-ро дарёфт кард.

Шоҳзода Оқохони IV ва тарҳҳои Шабакаи тавсеъаи Оқохон дар Тоҷикистон
© Sputnik / Victoria Lyubavina
Шоҳзода Оқохони IV ва тарҳҳои Шабакаи тавсеъаи Оқохон дар Тоҷикистон
1022
Барчаспҳо:
500 чеҳраи асаргузори Ислом, Шоҳзода Карим Оқохони IV, Ҷаҳон
Мавзуъ
Шоҳзода Карим Оқохон ҷоизаи "Дастовардҳо дар зиндагӣ"-ро дарёфт кард
Шоҳзода Карим Оқохон бо ҷоизаи Созмони милали муттаҳид сарфароз шуд
Шоҳзода Карим ал-Ҳусайнӣ ва тарҳҳои Шабакаи тавсеъаи Оқохон дар Тоҷикистон
Даври ниҳоӣ: "Рӯшон" ё "Ишкошим" - кадом даста барандаи "Ҷоми Оқохон" хоҳад шуд?
Скорая помощь в Афганистане, архивное фото

Таркиши шадид дар бозори Бағдод: ду маргталаб 28 нафарро куштанду 75 касро захмӣ карданд

78
Зӯҳри рӯзи 21 январ дар Бағдод ду таркиши мудҳиш рух дод, ки дар натиҷа теъдоди зиёди куштаву ҷароҳатбардоштаро дарпай дошт

ДУШАНБЕ, 21 янв – Sputnik. Вазорати дохилаи Ироқ ҷузъиёти ду таркиши маргталабонаи зуҳри имрӯз дар маркази Бағдодро мунташир кард, хабар медиҳад Парс тудей бо такя ба ИРНА.

Манбаъ аз қавли Холид Алмуҳанно сухангӯи вазорати умури дохилаи Ироқ дхабар медиҳад, ки аввалин террористи ҳомили камарбанди таркишӣ вонамуд карда, ки бемор аст ва вақте мардум дар атрофаш ҷамъ шуданд,худро мунфаҷир карда аст.

Зимнан, маргталаби дигар низ ба фосилаи андаке вақте мардум барои интиқоли захмиҳо ҷамъ шуданд, камарбанди интиҳории худро мунфаҷир кард.

Бар асари инфиҷор дар бозори марказии Бағдод 28 тан кушта ва 73 нафар захмӣ шуданд.

Инфиҷор дар Кобул 18 куштаю захмӣ барҷой гузошт

Ҳамзамон низ ҳамаи масирҳо ва вурудиҳои мунтаҳӣ ба минтақаи амниятии сабз дар маркази Бағдод, ки дафотири теъдоде аз ниҳодҳои байналмиллалӣ , сафоратхонаҳо ва дастгоҳҳои муҳими ҳукуматӣ дар онҷо қарор дорад, баста шуда аст. Ин минтақа ду километр аз майдони Алтирон фосила дорад.

Ҳанўз ҳеч фард ё гурӯҳе масъулияти ин ду инфиҷори интиҳорӣ дар Бағдодро то кунун бар уҳда нагирифта аст.

78
Барчаспҳо:
маргталаб, таркиш, Бағдод
Вакцина

Тасмими ширкатҳои эронӣ барои тавлиди 25,5 миллион воя воксинаи зидди вируси корона

110
(Таҷдидшуда 15:15 21.01.2021)
Раиси Кумитаи илмии Ситоди миллии муқобила бо корона дар Эрон гуфт, ки ин кишвар барномаи тавлиди 25,5 миллион воя воксинаи зидди вируси коронаро дар ширкатҳои воксинасозии дохилӣ иҷро мекунад

ДУШАНБЕ, 21 янв— Sputnik.  Мустафо Қонеӣ, раиси Кумитаи илмии Ситоди миллии муқобила бо корона дар Эрон ахиран афзуд, ки дар пойгоҳи ЮНИСЕФ Эрон ба унвони яке аз кишварҳои тавлидкунандаи воксинаи корона муаррифӣ шудааст, иттилоъ додааст хабаргузории “Парстудей”.

Қонеӣ изҳор дошт, ки аз 9 ширкати эронии дар ҳоли тавлиди ваксинаи корона, се воксина дар марҳалаи болинӣ қарор дорад ва ҳамчунин сохти ваксинаи муштараки Куба ва Институти Пастери Эрон низ дар дастури кор аст.

Раиси Кумитаи илмии Ситоди миллии муқобила бо корона дар Эрон дар бораи далели ҳамкории Эрон бо Куба барои тавлиди воксинаи корона низ изофа кард: Низоми саломати Куба аз ҷиҳати адолат рутбаи аввали ҷаҳонро дорост ва ин кишвар дар ҳавзаи пизишкӣ яке аз кишварҳои матраҳи ҷаҳон ба шумор меравад.

Ҳамчунин Қонеӣ гуфт, ки дар гузашта низ Куба бо Эрон барои тавлиди ваксинаи "Гипатити Б" ҳамкорӣ доштааст.

110
Барчаспҳо:
вируси корона, вирус, барнома, Эрон

Чордаҳ ҳайвони нодири Боғи ваҳши Маскав - гузориши аксӣ

0
(Таҷдидшуда 11:35 22.01.2021)
Боғи ҳайвоноти Маскав - яке аз даҳ боғи ҳайвоноти машҳури ҷаҳон аст, ки аз он ҳамасола миллионҳо сайёҳ дидан мекунанд (то 3,8 миллион нафар дар як сол).

Боғи ҳайвоноти Маскав - яке аз қадимтарин боғи ҳайвонот (1864) дар Аврупо ва панҷумин боғи ҳайвонот дар Русия пас аз боғҳои ҳайвоноти Ярославл, Ростови лаби Дон, Новосибирск ва Красноярск аст. Яке аз даҳ боғи ҳайвоноти машҳури ҷаҳон, ки ҳамасола миллионҳо сайёҳ аз он дидан мекунанд (то 3,8 миллион нафар дар як сол).

Боғ дорои 1267 намуди ҳайвонот аст ва шумораи онҳо ба 10531 ҳайвон баробар аст.

Дар давраи аз соли 2017 то 2019, дар қаламрави Боғи ҳайвонот таҷдиди ҳамаҷониба гузаронида шуд, ки дар натиҷа кори муассиса ба стандартҳои байналмилалии ҳифзи ҳайвонот мутобиқ карда шуд.

Аз ҷумла, дар минтақаи тамос паноҳгоҳҳои махсус сохта шуданд, ки дар онҳо ҳайвонҳо метавонанд то вақте ки мехоҳанд бимонанд ва бар хилофи иродаи худ ба назди меҳмонон нараванд.

24 майи соли 2019, дар доираи барномаи аврупоии ҳифзи саршумори гургон як гурги нодир, ки ба Китоби Сурх шомил шудааст, аз Олмон ба Боғи ҳайвоноти Маскав оварда шуд.

Дар бораи дигар ҳайвонотҳои нодири ин боғ аз гузори аксии Sputnik Тоҷикистон тамошо кунед.

0
  • © Sputnik / Maksim Blinov

    Пандаи азим дар Боғи ҳайвоноти Маскав

  • © Sputnik / Maksim Blinov

    Сиёҳгӯши авруосиёӣ дар қафас дар Боғи ваҳши Маскав

  • © Sputnik / Maksim Blinov

    Макаки ҷопонӣ дар Боғи ваҳши Маскав

  • © Sputnik / Maksim Blinov

    Гурбаи даштӣ дар қафар. Боғи ваҳши Маскав

  • © Sputnik / Maksim Blinov

    Саги обии оддӣ дар қафар. Боғи ваҳши Маскав

  • © Sputnik / Maksim Blinov

    Сиёҳгӯши авруосиёӣ дар қафас. Боғи ваҳши Маскав

  • © Sputnik / Maksim Blinov

    Уштури бохтарӣ дар рӯзи сарди зимистон дар боғи ваҳши Маскав

  • © Sputnik / Maksim Blinov

    Хуки обии шимолӣ дар боғи ваҳши Маскав

  • © Sputnik / Maksim Blinov

    Горги ёлдор дар қафаси Боғи ваҳши Маскав

  • © Sputnik / Maksim Blinov

    Қӯтоси хонагӣ бо гӯсолааш дар қафаси Боғи ваҳши Маскав

  • © Sputnik / Maksim Blinov

    Шери мода дар Боғи ваҳши Маскав

  • © Sputnik / Maksim Blinov

    Пандаи азим дар Боғи ваҳши Маскав

  • © Sputnik / Maksim Blinov

    Гурги қутбӣ. Боғи ваҳши Маскав дар зимистон

  • © Sputnik / Maksim Blinov

    Гурбаи анбӯӣ дар қафаси Боғи ваҳши Маскав