BBC, архивное фото

Баёнияи 180 тан аз аҳли қалами кишварҳои форсизабон дар эътироз ба форсизудоии ВВС

183
(Таҷдидшуда 19:24 15.11.2017)
Фарҳангмадорони форсизабон дар номае эътирозӣ ба ВВС аз мудирони ин бунгоҳи хабарпарокании бритониёӣ хостанд барои кишваре, ки гаҳвораи забони форсӣ аст ва силсилае заррин аз шоъирони форсизабонро аз Саноӣ то Мавлавӣ дар худ парвариш дода, ҳувияттарошӣ накунад

ДУШАНБЕ, 15 ноя — Sputnik. Чанде пеш ин хабаргузорӣ номи сафҳаи афғонистониашро дар Фейсбук аз "BBC Afghanistan" ба "BBC Dari" тағйир дода буд, ки эътирози густардаи мухотабони он расонаро дар пай дошт. Мина Бектош, мудири ин бахш дар ВВС, дар баёнияе кӯтоҳ посух дод, ки ин раванд идома хоҳад ёфт ва қарор аст дарӣ ҷои форсиро дар ин бахш бигирад.

Дар эътироз ба ин иқдом беш аз 180 тан аз чеҳраҳои фарҳангӣ, адабӣ, донишгоҳӣ ва расонаии Эрону Афғонистону Тоҷикистон номае саркушода навишта ва аз мудирони ин бунгоҳи хабарпарокании бритониёӣ хостанд эътибори худро бо нақзи асли бетарафӣ ба хатар наандозад.

Дар ин нома гуфта мешавад, ки ВВС барои кишваре, ки гаҳвораи забони форсӣ аст ва бахше муҳим аз Хуросони Бузург будаву силсилае заррин аз шоъирони форсизабонро аз Саноӣ то Мавлавӣ дар худ парвариш дода, номи "форсӣ"-ро намеписандад ва ҳазф мекунад.

Имзокунандагони ин нома ёдоварӣ кардаанд, ки забони форсӣ дар Афғонистон то 50 сол пеш расман "форсӣ" номида мешуд, вале гурӯҳҳое ба манзури ҷудосозии гӯишварони форсии Афғонистон аз пайкараи форсизабонони ҷаҳон талош кардаанд номи расмии ин забонро ба "дарӣ" тағйир диҳанд, ки дар воқеъ номи дигари ҳамин забон аст.

Дар ин баёния таъкид шуда, ки баҳс дар ин бора, ки ин забон дарӣ бояд хонда шавад ё форсӣ мабҳасе илмӣ аст ва ВВС ҳамчун созмони хабарӣ марҷаъияти илмии лозим барои ҳаллу фасли ин мавзуъро надорад.

Онҳо таъкид кардаанд, ки вуруди ВВС ба ин ҷанҷоли забонӣ ва саркӯби ҳувиятӣ, на танҳо нақзи бетарафии ин созмон аст, балки ба ташдиди ихтилофҳо хоҳад анҷомид. Аз ин рӯ, ин созмон бояд аз иқдомоте, ки мумкин аст заминасози сар задани ихтилоф дар миёни мухотабон шавад, парҳез кунад.

Дар ин баёния тафовутҳои забони форсии роиҷ дар Эрону Афғонистон бо тафовутҳо миёни инглисии конодоӣ, устролиёӣ ва амрикоӣ ва тавофутҳо миёни гӯишҳои забонҳои арабӣ ва испониёӣ қиёс шуда ва гуфта шуда, ки агар ВВС ниёзе намебинад, ки барои ҳар як аз гӯишҳои гуногуни инглисӣ ва арабӣ ва испониёӣ бахше ҷудогона эҷод кунад, бадеҳист, ки эҷоди "ВВС Дарӣ" аз чашми гӯишварони забони форсӣ дар Эрону Афғонистону Тоҷикистон иқдоме машкук ва тафриқаандозона дониста шавад.

Дар ин нома аз сервиси ҷаҳонии ВВС хоста шуда, ки фавран ва қатъан талошҳо барои тағйири номи бахши Афғонистон ба "BBC Dari"-ро боз дошта ва ангезаҳои воқеъии ин иқдомро пажӯҳиш кунад.

Аз ҷумлаи касоне, ки ин номаро имзо кардаанд, Дориюш Ошурӣ, Комрон Фонӣ, Маҳмуд Давлатободӣ, Баҳоуддин Хуррамшоҳӣ, Алӣ Деҳбошӣ, Ҳасан Анӯша, Ҳумоюн Котузиён, Тураҷ Дарёӣ, Мужда Дақиқӣ ва Муҳсин Махмалбоф аз Эрон, Додфар Сипанто, Восиф Бохтарӣ, Раҳнавард Зарёб, Наҷиб Моил Ҳиравӣ, Козим Козимӣ, Ҳумайро Накҳат, Абутолиб Музаффарӣ аз Афғонистон ва Сафар Абдуллоҳ ва Шаҳзода Самарқандӣ аз Тоҷикистону Узбакистон ҳастанд.

183
Барчаспҳо:
забони форсӣ, ВВС, Тоҷикистон-Афғонистон-Эрон
Мавзуъ
Фарҳанги "Ҳазорвожаи чаҳорзабонаи пизишкӣ (форсӣ - инглисӣ - русӣ - тоҷикӣ)" мунташир шуд
Истилоҳоти Фарҳангистони забону адаби форсӣ ҷаҳонӣ мешаванд
Нашри романи “Сармаддеҳ” бо ҳуруфи форсӣ
“Масъуди сипаҳсолор” бо хати форсӣ дар Кобул ба чоп расид

Трамп дар феҳристи номаҳбубтарин раисони ҷумҳӯрӣ дар таърихи Амрико

21
Бинобар назарсанҷӣ ҳатто дар байни ҷумҳурихоҳон низ маҳбубияти Трамп коҳиш ёфтааст ва танҳо 60 дарсади онҳо амалкарди уро мусбат арзёбӣ кардаанд

 ДУШАНБЕ, 18 январ - Sputnik. Норизоятӣ аз Трамп ӯро ба яке аз номаҳбубтарин раисони ҷумҳӯрии ҳамаи давронҳои Амрико табдил карда аст.

Иқдоми Трамп дар напазируфтани шикаст дар интихобот, ки ҳаводиси хушунатбори Конгрессро ба бор овард, мизони ризоят аз амалкарди ӯро ба 29 дарсад коҳиш додааст.

Ба гузориши хабаргузории "Парс тудей" ба нақл аз "Дейли мил", натиҷаҳои назарсанҷии "Пив", ки рӯзи ҷумъа мунташир шуд, нишон дод мизони ризоят аз Доналд Трамп ба 29 дарсад кам шуд, ки поинтарин мизон дар давраи раёсати ҷумҳурии ӯ ба шумор меравад.

Норизоятӣ аз Трамп ӯро ба яке аз номаҳбубтарин раисони ҷумҳӯрии ҳамаи давронҳои Амрико табдил карда аст.

Ин мизони ризоят 9 дарсад камтар аз августи  2020 баровард шудааст.

Бинобар ин назарсанҷӣ ҳатто дар байни ҷумҳурихоҳон низ маҳбубияти Трамп коҳиш дошта аст ва танҳо 60 дарсади онҳо амалкарди уро мусбат арзёбӣ кардаанд.

 Ин дар ҳоле аст, ки дар моҳи августи 77 дарсади ҷумҳурихоҳон чунин назаре доштанд.

Тибқи ин гузориш ба назар мерасад худдории Трамп аз пазириши шикаст дар интихобот ва шуриши хушунатбори Конгресс дар рӯзи шашуми январ аз далилҳои аслии ин коҳиш бошад.

Назарсанҷии "Пив" нишон дод, ки 54 дарсади амрикоиҳо фикр мекунанд,Трамп бояд аз қудрат барканор шавад ва 45 дарсад муътақиданд ӯ бояд давраи худро ба поён бирасонад.

21
Барчаспҳо:
назарсанҷӣ, Доналд Трамп, ИМА
Первая в мире вакцина от коронавируса

Расонаҳо мушкилот ва тафсилоти тасдиқи ваксинаи Pfizer - ро ошкор карданд

58
(Таҷдидшуда 10:47 18.01.2021)
Дар интернет мукотибае паҳн шуд, ки дар он тафсилоти тасдиқи ваксинае, ки комиссия аз он норизо буд, дида мешавад

ДУШАНБЕ, 18 январ - Sputnik. Агентии доруҳои урупоӣ (EMA) ба фишор рӯ ба рӯ шуд, то ваксини Pfizer-BioNTech -ро пеш аз соли нав эътироф кунад, гарчанде ки ин дору мушкилот дошт, менависад Le Monde.

Нашрияи фаронсавӣ мукотиботи фошшударо тафтиш кард, ки дар он тафсилоти тасдиқи ваксинаи COVID-19 оварда шудааст. Ин ҳуҷҷат аз 20 қисм иборат аст, ки асосан ба  тасдиқи ваксинаи Pfizer-BioNTech марбутанд. Дар ин миён 19 мактубе ҳаст, ки аз 10 то 25 ноябр аз ҷониби кормандони масъули гуногуни агентӣ фиристода шудааст.

Аз ҷумла, яке аз мансабдорони воломақоми EMA дар мукотиба аз як конфронс бо Комиссияи Урупо ёдовар мешавад, ки дар "фазои нисбатан пуршиддат, баъзан ҳатто нохуш баргузор шудааст. 

Рӯзи дигар, худи ҳамон мансабдор дар мукотиба иқрор мешавад, ки аз изҳороти Президенти Комиссияи Урупо Урсула фон дер Лайен ҳайрон шуд, чун ӯ гуфт ду ваксинаро - Pfizer-BioNTech ва Moderna ба таври возеҳ номбар кард, ки то охири сол тасдиқ карда мекунанд.

"Ҳанӯз ҳам ҳарду дору мушкилот доранд", таъкид кардааст мансабдор дар нома.

Ин мушкилот минбаъд дар ҳуҷҷатҳои боқимонда баррасӣ карда мешаванд. Дар натиҷа, моҳи ноябр Агентии Урупо се "мушкили асосӣ" -ро нисбати ваксинаи Pfizer ба миён гузошт: набудани тасдиқ барои баъзе ҷойҳои истеҳсолӣ; норасоии маълумот дар бораи ваксинаҳои тиҷоратӣ; ва муҳимтар аз ҳама, фарқиятҳои сифатӣ байни доруҳои тиҷорӣ ва онҳое, ки дар озмоишҳои клиникӣ истифода мешаванд.

Монеа

Ҳангоми гузариш аз озмоишҳои клиникӣ ба истеҳсолоти тиҷорӣ, раванди истеҳсолот, инчунин сармоягузорӣ ба корхонаҳои нав ва иншоотҳои дигар тағйир ёфтанд. Тамомияти РНК дар ваксинаҳое, ки дар озмоишҳои клиникӣ истифода мешаванд, 69-81 фоизро ташкил дод, яъне маҳз занҷири комил ба пайдоиши сафедаи хӯшаҳо имкон дод. Маълумотҳое, ки аз гурӯҳҳои хатҳои нави истеҳсолӣ ба даст оварда шудаанд, камтарро нишон доданд: ба ҳисоби миёна 59 фоиз. Дар баъзе ҷойҳо, мундариҷаи он то 51-52 фоиз коҳиш ёфт.

Саволе ба миён меояд, ки оё сатҳи пасти РНК метавонад натанҳо ба самаранокии ваксина, балки ба бехатарии он низ таъсир расонад. Тавре ки мансабдор дар номааш қайд кард, масъалаи таркиби РНК аз ҷониби Маъмурияти озуқавории ИМА "ҳамчун мушкилоти ҷиддӣ баррасӣ нашудааст".

Мушкили асосӣ

Баъдтар BioNTech ва Pfizer ба эътирозҳои EMA посух доданд. Онҳо пешниҳод карданд, ки сатҳи ҳадди аққали РНК дар марҳилаҳои аввали истеҳсолот ба 60 фоиз расонда шавад, то дар маҳсулоти ниҳоӣ ба 50 фоиз нарасад. 

Дар як гузориш, истеҳсолкунандагони ваксинаи Comirnaty мегӯянд, ки ки фарқияти миқдори РНК ба самаранокӣ ва бехатарии маҳсулоти онҳо "набояд таъсир расонад".

Аммо, ин маълумот Агентии Урупоро қоил накард, зеро ҳуҷҷатҳои охирин ва гузоришҳои мавҷуда имкон намедиҳанд, ки "эътирози асосӣ" нодида гирифта шавад.

Баъдтар, шахсе, ки бевосита дар таҳияи ваксинаҳои Pfizer иштирок кардааст, гуфт, ки мушкилот бартараф карда шудааст, аммо барои таҳвили мавод вақти кофӣ набудааст. Агентии Урупо тасдиқ кард, ки баъдтар ин мушкили сифат ҳал шуд. Агентӣ инчунин тасдиқ мекунад, ки мушаххасоти ҳозираи РНК "аз ҷиҳати илмӣ асоснок ва қобили қабул дониста мешавад.".

Ҳамлаи хакерӣ

Тавре ки Le Monde қайд кардааст, илова бар фишор, агентӣ ба ҳамлаи хакерӣ дучор шудааст, ки натиҷааш ҳуҷҷатҳои паҳншуда дар шабакаҳо мебошад.  Қайд карда мешавад, ки версияи ҷосусии саноатии кибериро истисно кардан душвор аст, алахусус бо назардошти он, ки ҳангоми интихоби ҳуҷҷатҳо ҷинояткорон мазҳз Pfizer - ро интихоб карданд.

Новобаста аз он, ки ҳуҷҷатҳо хонда намешаванд, далелҳо чунинанд: Ваксинаи Pfizer-BioNTech дар ниҳоят аз ҷониби EAL 21 декабри соли 2020, се ҳафта пас аз тасдиқи Бритониё ва ду ҳафта пас аз Иёлоти Муттаҳида тасдиқ карда мешавад. Ин аз он шаҳодат медиҳад, ки Агентии Урупо сарфи назар аз ҳама чиз, барои ҳалли мушкилоти сифат пеш аз тасдиқ чанд вақтро талаб кардааст. Ин таъхир ҳамчун "аз ҷониби Комиссияи Урупо чандон қобили қабул нест" дониста шуд.

Пештар, Русия аллакай ба манипулясияҳо бо сертификатсияи ваксини Pfizer эътибор дода буд. Намояндаи доимии Русия дар ИА Владимир Чижов қайд кард, ки Агентии доруҳои Аврупо "дастҳояшро печутоб дод", то ин дору рӯзи 21 декабр тасдиқ карда шавад.

58
Барчаспҳо:
фишор, Иттиҳоди Аврупо

Ройгон ва худхоҳишӣ: дар Русия эмгузаронии оммавӣ шурӯъ шуд

0
Дар Русия сар аз имрӯз эмгузаронии оммавӣ шурӯъ шуд. Чунин супоришро ҳафтаи гузашта Владимир Путин ба мақомотҳои марбута дода буд

ДУШАНБЕ, 18 янв — Sputnik. Шурӯъ аз рӯзи душанбеи 18 январ дар Русия бо супориши Владимир Путин маъракаи эмгузаронии оммавӣ шурӯъ шуд, хабар медиҳад РИА Новости.

Ба иттилои манбаъ, шаҳрвандони Русия метавонанд бевосита аз миёни ду ваксинае, ки дар Русия раман сабти ном шудаанд якеро интихоб карда, эм гиранд.

Бори нахуст: мубталошавии 20 000 нафар дар Русия ба коронавирус давоми як рӯз

Гуфта мешавад,  маъракаи эмгузаронӣ комилан ройгон аст.

Ҳукумати Русия ҳанӯз моҳи декабри соли гузашта эълон намуд, ки нахуст пизишкону муаллимон, кормандони хизматрасонии иҷтимоӣ ва ҳамчунин нафароне, ки маризи қанду дил ва фарбеҳӣ доранд, эм мешаванд.

Рӯзҳои истироҳатӣ ҳам: идомаи эмкунии сартосарӣ аз коронавирус дар Русия - навор

Зимнан, рӯзи 13 январ кишвардори Русия Владимир Путин супориш дод, ки дар минтақаҳо шумораи нуқтаҳои эмгузаронӣ афзун карда шавад.

Бояд таъкид намуд, ки дар Русия расман ваксинаи "Спутник V" аз маркази  Гамалея ва “ЭпиВакКорона"- и ”Вектор” расман сабти ном шуданд.

0
Барчаспҳо:
эмгузаронӣ, Русия