Гузарномаи тоҷикӣ. Акс аз бойгонӣ

Бе раводид: шаҳрвандони ҶТ ба кадом кишварҳо рафта метавонанд

2456
(Таҷдидшуда 16:03 09.01.2018)
Озодтарин кишвари ҷаҳон Олмон шинохта шуд, мақоми дуюмро дар феҳрист Сингапур гирифту дар сатри сеюм Шветсия, Бритониё, Дания, Итолиё, Норвегия, Финляндия, Фаронса ва Ҷопон ҷой гирифтаанд

ДУШАНБЕ, 9 янв — Sputnik. Ширкати Henley & Partners феҳристи ҷадиди "қувваи" гузарномаҳои дунёро мунташир кардааст.

Тоҷикистон дар ин феҳрист дар мақоми 81-юм ҷой гирифтааст. Шаҳрвандони Тоҷикистон метавонанд бидуни раводид бо гузарнома аз 54 кишвари дунё боздид кунанд.

Миёни давлатҳое, ки тоҷикон метавонанд бе раводид сафар кунанд — Антигуа, Барбуда, Барбадос, Кабо Верде, Зимбабве ва Мавритания номбар шудаанд

Узбакистон ҳам дар бари Тоҷикистон дар сатри 81-ум қарор гирифтааст.

Қазоқистон дар мақоми 65-ум бо Белорус ҷойгир шуда, Қирғизистон дар сатри 76-ум ҷой гирифтааст.

Русия дар ин феҳрист дар сатри 49-ум ҷой гирифтааст. Шаҳрвандони ин кишвар бидуни раводиди метавонанд аз 11 кишвари дунё боздид кунанд.

Озодтарин кишвари ҷаҳон Олмон шинохта шуд, мақоми дуюмро  дар феҳрист Сингапур гирифту дар сатри сеюм Шветсия, Бритониё, Дания, Итолиё, Норвегия, Финляндия, Фаронса ва Ҷопон ҷой гирифтаанд.

2456
Барчаспҳо:
қувваи гузарнома, Тоҷикистон