Бритни Спирс выступает на MTV Video Music Awards в Лос-Анджелесе

Бритнӣ Спирс: дӯстписари эрониам маро хушбахттарин духтари ҷаҳон кардааст

378
(Таҷдидшуда 13:27 09.02.2018)
Имрӯзҳо робитаи овозхони номдори амрикоӣ Бритнӣ Спирс бо дӯстписари эрониаш яке аз мавзуъҳои доғи расонаҳо шудааст

ДУШАНБЕ, 9 фев — Sputnik. Бритнӣ Спирс ҳамроҳ бо Сом Асғарӣ – дӯстписари эрониаш дар маҷлисҳои хусусӣ ва маҳфилҳои умумӣ зоҳир мешавад ва аксҳои дунафараашонро дар сафҳааш дар Instagram мунташир мекунад.

 

 

Сом Асғарӣ мураббии парвариши андом ва бадансозӣ аст ва аз чанде пеш модел ва бозигариро ҳам оғоз кардааст. Ӯ дар раванди филмбардории намоҳанги “Slumber Party” бо Бритнӣ Спирс ошно шуд ва робитаашон оғоз ёфт.

Бритнӣ дар солгарди дӯстиаш бо Сом бо интишори аксе дунафара дар сафҳааш навишт: Ин мард ҳар рӯз маро илҳом мебахшад то инсони беҳтаре бошам ва ин маро хушҳолтарин духтари дунё мекунад!

 

Exploring 🇯🇵 with my lioness

Публикация от Sam Asghari (@samasghari) Июн 8, 2017 в 4:13 PDT

 

Ин аксу навиштааш рӯзҳои ахир бозтоби бисёре дар фазои маҷозӣ доштааст ва корбарон бардоштҳои гуногуне аз он доранд. Бархе Сомро хушбахттарин ҷавони дунё медонанд, ки ба воситаи дӯстиаш бо Бритнӣ ба шуҳрат расидааст. Бархе дигар дӯстии Соми 23-сола ва Бритнии 35-соларо, ки ду бор шавҳар кардаву ду писари 10-сола ва 11-сола дорад, “аҷиб” ва “ғайриодӣ” шумурдаанд. Аммо гурӯҳе низ бар ин бовар аст, ки робита миёни Бритнӣ ва Сом басе жарфтар аз дӯстӣ аст ва ба зудӣ ба издивоҷу ташкили хонавода хоҳад кашид. Корбарони бисёре барои ин ҷуфти ҳунарӣ шодиву хушбахтӣ орзӯ кардаанд.

378
Барчаспҳо:
ситраҳои ҳунари ҷаҳон, Сом Асғарӣ, Бритнӣ Спирс
Президент Турции Реджеп Тайип Эрдоган

Эрдуғон маҷаллаи фаронсавиро барои карикатура ба додгоҳ кашид

388
(Таҷдидшуда 18:07 28.10.2020)
Дар ҳошияи муташанниҷ шудани муносибатҳои Фаронса ва Туркия маҷаллаи Charlie Hebdo карикатураеро нашр карда, раисҷумҳури Туркия Раҷаб Таййиб Эрдуғонро масхара кардааст

ДУШАНБЕ, 28 окт — Sputnik. Раисҷумҳури Туркия Раҷаб Таййиб Эрдуғон маҷаллаи адабиву бадеии " Charlie Hebdo"-и фаронсавиро барои карикатураи худ ба додгоҳ кашидааст.

Даъворо ба додситонии Анқара зидди роҳбарияти маҷалла аз номи роҳбари Туркия ҳомии ҳуқуқи вай Ҳусейн Айдин додааст.

Дар аризаи вай гуфта мешавад, ки мавод ба усулҳои ахлоқии рӯзноманигорӣ ва ба мафҳуми "озодии баён" рост намеояд. Афзун бар ин, карикатура иззат ва шарафи роҳбари Туркияро паст мезанад.

Расми таҳқиромези Эрдуғон дар саҳифаи Твиттери Charlie Hebdo дар ҳошияи бад шудани муносибатҳои Туркия ва Фаронса нашр гардидааст.

Дар он роҳбари Туркия нимбараҳна дар мизе нишастааст ва дар як дасташ нӯшокӣ ва бо дасти дигараш пешхизмати ҳиҷобпӯшро луч мекунад.

"Эрдуғон дар зиндагии хусусӣ бисёр бозингар аст" , - гуфта мешавад дар шарҳи карикатура.

Маҷалла расмро дар пайи муташанниҷ шудани муносибатҳои Туркияву Фаронса нашр кард. 

Таконе ба он изҳороти президенти Фаронса Эмманюэл Макрон пас аз куштори як муаллим дар наздики шаҳри Париж пас аз нишон додани карикатураи пайғамбар Муҳаммад гардид. Ин карикатура низ ба маҷаллаи Charlie Hebdo тааллуқ доштааст.

Қодиров дар бораи карикатураи паёмбар, гунаҳкорони қатли омӯзгор ва оқибати амали Макрон

Дар баромади худ роҳбари Фаронса ҳодисаро "теракти исломӣ" номида, ба мубориза бо исломи сиёсӣ дар мактабҳо, муассисаҳои давлатӣ ва масҷидҳо даъват мекунад. Ӯ ҳамчунини пешниҳод кардааст, ки дар кишвар ташкилоте ташкил карда шавад, ки "тавонад исломро бидуни таъсири беруна бисозад".

Дар посух ба Макрон Эрдуғон аз Макрон даъват кардааст, ки ҳолати равониашро бисанҷад. Пас аз ин қазия ҳамон маҷалла Эрдуғонро низ ба масхара кашидааст.

388
Дети в защитных масках

Таъсир ба наслҳо: табиб оқибатҳои хатарноки коронавирус дар кӯдаконро гуфт

386
(Таҷдидшуда 18:15 27.10.2020)
Мутахассисон кӯдакони гирифтори коронавирусро муоина карда, оқибатҳои хатарнокро муайян кардаанд

ДУШАНБЕ, 27 окт - Sputnik. Кӯдаконе, ки гирифтори коронавируси нав ҳастанд, метавонанд ба оқибатҳои вазнин дучор оянд, мегӯяд Лайло Намозова-Баранова, раиси кумитаи иҷроияи Иттиҳоди педиатрҳои Русия.

Ба гуфтаи вай, ташхиси кӯдаконе, ки сироят ёфтаанд, таҳдиди камборвариро нишон дод.

"Назорати кӯдаконе, ки ба ягон намуди сирояти коронавирус гирифтор шудаанд, ҳатмист" гуфт коршинос.

Тибқи натиҷаҳои пурсиш, пас аз коронавирус дар беморони хурдсол, 30% коҳиш ёфтани функсияҳои маърифатӣ ба қайд гирифта шудааст.

Чунин нишондиҳандаҳо ҳатто дар кӯдаконе ёфт шудаанд, ки бемории бе аломат доштанд.

Олимон гуфтанд, кадом омил хавфи марг аз коронавирусро дучанд мекунад

"Пас аз гирифторӣ ба сирояти коронавирус, писарон тағироти ҷиддии сперматогенезро аз сар мегузаронанд. Дар оянда ин моро бо мушкилоти камборварии наслҳои оянда таҳдид мекунад", - хулоса кард мутахассис.

386
День 29 октября

Ҷашнҳои рӯзи 29 октябр дар Тоҷикистон ва ҷаҳон

0
(Таҷдидшуда 20:28 28.10.2020)
Рӯзи 29 октябри соли 2019 рӯзи ҷаҳонии мубориза бар зидди бемории сактаи майна, рӯзи байналмилалии псориаз (бемории пӯст) ва рӯзи кормандони низоми ҳифзи иҷтимоӣ дар Қазоқистон мебошад

Рӯзи 29 октябр дар ҷаҳон чӣ рух дод

Соли 1898 дар Русия нахустин киштии яхшикан дар ҷаҳон - "Ермак" ба истифода дода шуд.

День 28 октября
© Sputnik / Стас Этвеш / Вишнякова Мария

Соли 1945 дар Ню-Йорк аввалин маротиба ручкаи саққодор ба фурӯш бароварда шуд.

Соли 1947 аввалин маротиба ба хотири ба вуҷуд овардани борон аз яхи хушк истифода бурда шуд.

Соли 1969 аввалин доду гирифт миёни ду компютер дар доираи лоиҳаи ARPANET сурат гирифт, ки ин ҳодисаро дар таърих тавлиди Интернет меноманд.

Пользователь смотрит товары в интернет магазине, архивное фото
Пользователь смотрит товары в интернет магазине, архивное фото

Соли 2016 дзюдочии тоҷик Хушбахт Қурбонмамадов дар мусобиқаи The Big Apple Judo Classic-2016 дар Ню-Йорк медали тилло ба даст овард.

Хушбахт Курбонмахмадов, архивное фото
Хушбахт Курбонмахмадов, архивное фото

Рӯзи 29 октябр дар Тоҷикистон чӣ рух дод

Cоли 2006 пешвои исмоилиёни ҷаҳон Шоҳ Карим ал-Ҳусайнӣ Оқохони IV аз Тоҷикистон боздид кард.

Принц Карим Ага-хан IV, архивное фото
Принц Карим Ага-хан IV, архивное фото

Соли 2012 дар шаҳри Хуҷанд бо ширкати Президент Эмомалӣ Раҳмон ду коргоҳи нави истеҳсолӣ  мавриди баҳрабардорӣ қарор гирифтанд.

День 27 октября
© Sputnik / Стас Этвеш / Вишнякова Мария

Соли 2013 дар шаҳри Кӯлоб 6 корхонаи нави истеҳсолӣ ба кор дароварда шуданд.

Соли 2014 Эмомалӣ Раҳмон ба ифтихори 20 — солагии қабули Конститутсияи Ҷумҳурии Тоҷикистон Қонуни Ҷумҳурии Тоҷикистон "Дар бораи авф"-ро, ки бо пешниҳоди Роҳбари давлат аз тарафи Маҷлиси намояндагон қабул гардида буд, имзо кард.

Соли 2015 дар шаҳри Душанбе масоили ҳамкории дуҷонибаи Тоҷикистону Фаронса баррасӣ шуданд.

Соли 2016 дар шаҳри Роғун бо ширкати Эмомалӣ Раҳмон дар соҳили дарёи Вахш маросими оғози бунёди сарбанди Неругоҳи барқи обии "Роғун" барпо шуд.

Президент Республики Таджикистана Эмомали Рахмон
© Sputnik / Амир Исаев
Президент Республики Таджикистана Эмомали Рахмон

Соли 2019 беш аз 400 маҳбус аз муассисаи ислоҳии 3/5 воқеъ дар шаҳри Хуҷанд ба озодӣ баромаданд.

Пайвандони афвшудагон дар шаҳрии Хуҷанд
акс аз Sputnik Тоҷикистон
Пайвандони афвшудагон дар шаҳрии Хуҷанд

Соли 2019 Sputnik Тоҷикистон хабар дод, ки Ҳукумати Тоҷикистон аз ҷаҳонпаҳлавон Сомон Маҳмадбеков қадрдонӣ кард.

Встреча чемпиона мира Сомона Махмадбекова
© Sputnik / Амир Исаев
Встреча чемпиона мира Сомона Махмадбекова

Соли 2019 Sputnik Тоҷикистон хабар дод, ки бо пешниҳоди раисҷумҳури Тоҷикистон Эмомалӣ Раҳмон, муовини раиси вилояти Хатлон Махфират Хидирова узви Маркази интихот ва раъйпурсии Тоҷикистон интихоб гардид.

Махфират Хидирзода
© Sputnik Махпора Киромова
Махфират Хидирзода

Ҷашнҳои рӯзи 29 октябр

  • Рӯзи ҷаҳонии мубориза бар зидди бемории сактаи майна.
  • Рӯзи байналмилалии псориаз (бемории пӯст).
  • Рӯзи кормандони низоми ҳифзи иҷтимоӣ дар Қазоқистон.

Рӯзи 29 октябр дар Тоҷикистон кӣ ба дунё омадааст

Соли 1929-1993 нависанда Қулмуҳаммад Абдулҳусейнов.

Соли 1950 Алӣ Муҳаммадии Хуросонӣ.

Соли 1958 доктори илмҳои иқтисодӣ Ихтиёр Ашуров.

Соли 1963 сароянда Раъно Абдуллоева.

0
Барчаспҳо:
ҷашн, Ҷаҳон, Тоҷикистон
Мавзуъ
Ҷашнҳои рӯзи 24 октябр дар Тоҷикистон ва ҷаҳон
Ҷашнҳои рӯзи 25 октябр дар Тоҷикистон ва ҷаҳон
Ҷашнҳои рӯзи 26 октябр дар Тоҷикистон ва ҷаҳон
Ҷашнҳои рӯзи 27 октябр дар Тоҷикистон ва ҷаҳон
Ҷашнҳои рӯзи 28 октябр дар Тоҷикистон ва ҷаҳон