Ҳиҷоб, акс аз бойгонӣ

Дар Арабистони Саудӣ ба занҳо иҷоза доданд, ки дар артиш хидмат кунанд

76
(Таҷдидшуда 20:39 28.02.2018)
Дар Арабистони Саудӣ ба занҳо иҷоза доданд, ки дар сафи артиш хидмат кунанд. Онҳо метавонанд барои ҷойҳои холии корӣ дар мақомотҳои амниятӣ ва қувваҳои мусаллаҳ ариза диҳанд ва соҳиби кор шаванд

ДУШАНБЕ, 28 фев — Sputnik. Дар Арабистони Саудӣ ба занҳо иҷоза доданд, ки сарбоз шаванд. Ин имкониятро акнун сокинони шаҳри Мадина, Арриёз ва Алқосим доранд.

Довталабон  бояд ба 12 меъёр ҷавобгӯ бошанд. Аз ҷумла зан бояд аз 25 то 35 сола бошад ва маълумоти миёна дошта бошад.

Афзун бар ин онҳо бояд мардеро ба ҳайси пуштибон дошта бошанд. Пуштибон метавонад падар, бародар, шавҳар ва ё писари зан бошад.   Занҳо бояд ҳамроҳи пуштибонҳояшон дар ҳамон вилояте зиндагӣ кунанд, ки дар он кор мекунанд.

Ёдрас мешавем, аз сентябри соли 2017 ҳукумти Арабистони Саудӣ иҷоза дода буд, ки занҳо низ мошин ронанд.

Арабистони Сауди давлати подишоҳист. Дар он ҳуқуқи занон бо  шариати ислом муайян карда мешавад. Дар ба занҳои ин давлат мамнӯъ аст, ки дар интихобот ширкат кунанд ва дар сиёсат даст зананд. Ҳамчунин тӯли солиёни зиёд Арабистон ягона кишваре буд, ки занҳояш ҳуқуқи рондани мошинро надоштанд. Ҳамчунин занҳо муваззаф шуданд, ки ҳиҷоб ба бар кунанд.  Ҳамагӣ 17 дарсади қувваи кории Арабистонро  занҳо ташкил медиҳанд.

76
Барчаспҳо:
ҳуқуқ, артиш, зан, Арабистони Саудӣ

Шаҳри Вуҳан- макони густариши вируси корона ба пурбоздидтарин шаҳри Чин табдил ёфт

286
(Таҷдидшуда 21:05 29.11.2020)
Шаҳри Вуҳан, ки макони густариши вируси корона дар ҷаҳон буд, акнун ба пурбоздидтарин шаҳри Чин табдил шудааст

ДУШАНБЕ, 29 ноя — Sputnik. Ба гузориши ИРНА, Вуҳан, ҷое, ки ҳудуди як соли пеш нахустин бор вируси корона дар онҷо пайдо шуд, акнун дар канори иштиёқи мардум бо тадобире, ки мақомоти Чин бакор гирифтаанд ба пурбоздидтарин шаҳри ин кишвар табдил шудааст.

Вуҳан ҳангоми карантин, акс аз бойгонӣ
© REUTERS / Instagram / Emilia

Одди шудани вазъияти зиндагӣ дар бештари шаҳрҳои Чин аз ҷумла Вуҳан ба унвони конуни аввалияи шуюи корона дар ҳоле аст, ки саросари дунё даргири мавҷи дувуми Ковид-19 шудааст ва ин мавҷ дар баъзе аз кишварҳо сахттар аз мавҷи аввал будааст.

Оморҳо ҳокист, устони Ҳубей ҳам, ки шаҳри Вуҳан маркази он аст аз замони иҷрои сиёсати тарвиҷи гардишгарӣ аз нимаи тобистони имсол то кунун беш аз 53 миллион гардишгарро ҷазб кардааст.

Як сол пеш буд, ки давлати Чин шиносоии нахустин бемори мубтало ба коронаро дар ин шаҳр расман таъйид ва шаҳри 11 миллионнафарии Вуҳанро 60 рӯзи баъд, ҳудӯди 11 ҳафта ба таври комил карантин кард.

Ба дунболи дунболи ин иқдоми Чин, Созмони ҷаҳонии беҳдошт аз амалкарди ин кишвар ташаккур кард ва онро беш аз ҳадди стандарт ва дар таърих бесобиқа тавсиф кард.

286
Барчаспҳо:
густариш, вируси корона, боздид, Чин
Карантинный центр в Коммунарке

Мурда зинда шуд: пирамарде пас аз "марг" аз коронавирус ба манзилаш баргашт

732
(Таҷдидшуда 16:38 29.11.2020)
Ҳангоми сӯзонидани мурда наздиконаш рӯйи майитро ба сабаби он, ки дар масофаи дуртар қарор доштааст, надидаанд. Маълум гардидааст, ки "мурда"-ро бо нафари дигаре иштибоҳ кардаанд

ДУШАНБЕ, 29 ноя — Sputnik. Як сокини Ҳиндустон пас аз ҳафт рӯзи расидани хабари маргаш аз бемористон ва сӯзонидани "ҷасадаш" ба манзилаш баргаштааст. Аммо ин ҳодиса мӯъҷизае набуда, танҳо табибон ҷасадро иштибоҳ кардаанд.

Тавре телевизионҳои Ҳиндустон хабар медиҳанд, мард ба бемории коронавирус гирифтор шудаву ба бемористони Барасат бистарӣ гардида будааст.

Пас аз чанд рӯз ба хонаводаи ӯ хабар додаанд, ки пирамард ҳалок шудааст.

Қайд карда мешавад, ки ҷасадро, мувофиқи талаботи беҳдоштии коронавирус дар халтаи полиэтиленӣ нигоҳ медоштанд. Дар ҳамин ҳол, рӯйи мурдаро танҳо аз масофаи дур дидан мумкин буду халос.

"Мо ҷасадро сӯзонидем ва омода будем, ки маросими Шраддха (маросими мурда дар дини ҳиндуӣ) баргузор кунем. Аммо ба мо аз бемористон занг заданд ва гуфтанд, ки падарам сиҳат шудаасту барои овардани вай бояд Ёри таъҷилӣ даъват кунем. Мо ҳайрон ва шигифтзада шудем. Намедонам, ки мурдаи киро сӯзонида будем", - гуфтааст писари мард.

Вақте қазияро тафтиш кардаанд, маълум гардидааст, ки як марди солхурдаи дигаре низ аз коронавирус ҳалок шуда будааст. 

Дар Ҳиндустон роботҳо дар мубориза алайҳи коронавирус ба табибон кумак мерасонанд - навор

Феълан, ҳодисаро Вазорати тандурустии Ҳиндустон таҳқиқ мекунад.

732
Барчаспҳо:
пирамард, зинда, мурда

Бадтар аз коронавирус: пизишки рус эмидемияи нави мудҳишеро пешбинӣ мекунад

0
(Таҷдидшуда 21:08 29.11.2020)
Доктор Александр Мясников, пизишки номии рус эпидемияи мудҳишеро, ки бадтар аз коронавирус хоҳад буду ҷони нафарони зиёдеро хоҳад бурд, пешбинӣ мекунад

ДУШАНБЕ, 29 ноя — Sputnik. Ба ҷаҳон хатари эпидемияи нави ҷиддие, ки қурбониёни зиёде хоҳад дошт, таҳдид мекунад, пешбинӣ мекунад пизишк Александр Мясников, хабар медиҳад РИА Новости.

Ба гуфтаи вай, ҳамагирии навбатӣ бадтар аз коронавирус хоҳад буд.

Дар робита бо ин, ӯ даъват кардааст, ки як васкини универсалӣ таҳия шавад.

"Масъалан, ваксинаи универсалӣ аз зуком - ба мо маҳз он (эпидемияи зуком - идора) - зукоми хук ё парранда таҳдид мекунад. Тавре вирусшиносҳо менависанд: эпидемияи ҷиддӣ бо мутатсия шудани вирусҳои мову ҳайвон таҳдид мекнунад", - гуфтааст доктор Мясников.

Ба гуфтаи вай, мутатсияи аввал ин гузаштани вирус аз ҳайвон ба инсон ва сипас аз инсон ба инсон мебошад.

Вай афзуд, ки барои коркарди ваксин вақти зиёде талаб мешавад.

Агар ин вирус зуҳур кунад, марг аз он то 40 дарсадро ташкил хоҳад дод, ки то пайдо шудани ваксина аз он даҳҳо миллион нафар мемиранд.

Мясников: дар Маскав аз COVID -19 бештар қафқозҳо ва осиёиҳо азият кашиданд

Ӯ даъват кардааст, ки тамоми олимони ҷаҳон қувваашонро сарф намудаву маблағи зиёде сармоя карда, ин ваксинро бояд сохт.

0
Мавзуҳо:
Пайомадҳои COVID-19 дар Тоҷикистон ва ҷаҳон