Бинои Капитолий дар Вашингтоне, акс аз бойгонӣ

Амрико интизор дорд, ки нуфузи Русия дар Осиёи Марказӣ бештар мешавад

139
(Таҷдидшуда 20:04 07.03.2018)
Нигаронӣ аз ДИ дар Афғонистон Маскавро барои мустаҳкам кардани мавқеи худ дар минтақаи Осиёи Марказӣ таконе медиҳад, изҳор намуд мудири хадамоти иктишофии ИМА Дэниел Коутс

ДУШАНБЕ, 8 мар — Sputnik. Иктишофи ИМА таҳкими мавқеъҳои Русияро дар кишварҳои Осиёи Марказӣ бо далели таҳдиде, ки аз ҷониби гурӯҳҳои ифротгарои "Давлати исломӣ", ки фаъолияташ дар қаламрави Русия, ИМА ва дигар давлатҳо мамнӯъ аст, меояд, мунтазир аст, мегӯяд мудири хадамоти иктишофии ИМА Дэниел Коутс.

"Русия ба роҳбарони Осиёи Марказӣ фишор хоҳад овард, то онҳо робитаҳояшонро бо Вашингтон коҳиш диҳанду ташаббусҳои Русияро дар соҳаи иқтисод ва амният дастгирӣ намоянд. Дар айни замон, нигаронии ДИ дар Афғонистон таконеро ба Маскав барои мустаҳкам кардани мавқеҳояш дар ин минтақа хоҳад дод", — омадааст дар баёнияи катбии Коутс ба конгресс.

"Бад идора кардани давлат ва мавҷудияти иқтисодҳои заиф хавфи ифротгароиро бештар афзоиш медиҳад, махсусан дар байни сокинони зиёди кишварҳои Осиёи Марказӣ, ки ба Русия ё дигар давлатҳо барои кор мераванд. Ин таҳдид ҳам ба Осиёи Марказӣ ва ҳам ба Русияву Ғарб равона шудааст", — зикр гардидааст дар санад.

Ба андешаи Коутс, Чин ҳамчунин таъсирои худро дар минтақа густариш хоҳад дод, гарчанд дар соҳаи амният ва сиёсат бо Маскав мухолифат нахоҳад кард.

Пештар мудири Департаменти сеюми ИДМ ВКХ ФР Александр Стерник изҳор дошт, ки Вашингтон асосан дар рушди ҳамкориҳои низомӣ бо кишварҳои Осиёи Марказӣ манфиатдор аст, самти иҷтимоӣ-иқтисодии ин тарҳ нақши дуюмдараҷаро мебозад.

"Чӣ тавре ки аз стратегияи нави амнияти ИМА бармеояд, амрикоиҳо асосан алоқаманди густариши ҳамкориҳои низомӣ бо кишварҳои Осиёи Марказӣ ҳастанд. Тарҳи иҷтимоӣ-иқтисодӣ, моҳиятан "яксу" гузошта мешавад, ба истиснои мавзӯи дастрасӣ ба маводи хоми минтақа. Баъид аст, ки чунин муносибат, масалан, Қазоқистонро қаноат кунад, ҳол он ки ҷумҳурӣ ба ҷодаи ҷаҳиши навсозӣ баромадааст. Инро ҳамчунин метавон дар бораи иштирокчиёни дигари гурӯҳи амрикоии "C5 + 1" гуфт", — эълом кард Стерник.

139
Барчаспҳо:
нуфуз, хатар, ДОИШ, Амрико, Русия
Ожирение, архивное фото

Олимон: чарби шикам ҳатто дар вазни муқаррарӣ, хатари марги бармаҳалро зиёд мекунад

208
(Таҷдидшуда 15:58 27.09.2020)
Олимон пас аз анҷоми таҳқиқоти илмияшон ба чунин хулоса омаданд, ки чарби шикам одамро ба марги бармаҳал наздик меорад

ДУШАНБЕ, 27 сен — Sputnik. Чарби шикам ҳатто дар сурати доштани вазни муқаррарӣ, одамро ба марги бармаҳал "тела" мекунад, менависад MedicalXpress бо такя ба маълумоти олимони эрониву канадагӣ.

Мутахассисони ин ду кишвар дасти кам 72 кори илмиро омӯхтанд, ки муносибати фарбеҳии шикам (вақте ки чарб маҳз дар шикам пайдо мешавад) ва фавт аз сабабҳои гуногунро тафтиш карданд. Онҳо инчунин нишондиҳандаҳои солимии зиёда аз 2,5 миллион ихтиёриёнро дар тӯли аз се то 24 сол санҷиданд.

ВКД Тоҷикистон аз кормандон талаб кард, ки аз фарбеҳӣ халос шаванд

Коршиносон ба даври камар ва миён, таносуби онҳо, фоизи равғани бадан ва параметрҳои дигар таваҷҷӯҳ зоҳир карданд.

Маълум шуд, одамоне, ки чарб на дар миён, балки маҳз дар шикам доранд, эҳтимолан барвақтар мемиранд.

Гуфта мешавад, ҳар 10 сантиметр чарбе, ки дар шикам ҷамъ меояд, хавфи наздикшавӣ ба маргро ба андозаи 11 дарсад зиёд мекунад.

208
Барчаспҳо:
марг, фарбеҳӣ, олимон
Клуб самбо Рико

Қаҳрамонии самбо бидуни тамошобин дар Сербия баргузор мешавад

19
(Таҷдидшуда 13:05 27.09.2020)
Туркманистон ба далели пандемияи коронавирус аз мизбонӣ намудани ин мусобиқаи ҷаҳонӣ даст кашид. Акнун ба ҳайси мизбон шаҳри Нови Сади Сербия пазируфта шуд

ДУШАНБЕ, 27 сен — Sputnik. Қаҳрамонии ҷаҳон оид ба самбо дар шаҳри Нови Сад (Сербия) доир мешавад. Дар ин бора қарори Федератсияи байналмилалии самбо ба тасвиб расид.

Ба иттилои сомонаи расмии федератсияи байналмилалии самбо, чорабинӣ ҳамроҳ бо Қаҳрамонии ҷаҳон миёни ҷавонон, ки қаблан ба нақша гирифта шуда буд, сурат мегирад ва давоми 4 рӯз – 5-8 ноябр идома меёбад.

Донишҷӯи тоҷик дар мусобиқаи осиёӣ оид ба самбо соҳиби медали тилло гашт

Ин мусобиқа мебоист дар шаҳри Ашқобод баргузор мешуд, вале бо сабаби пандемияи коронавирус Федератсияи самбои Туркманистон аз мизбонӣ кардани мусобиқа даст кашид.

Зимнан, президенти Федератсияи байналмилалии самбо Василий Шестаков гуфт, мусобиқот тибқи "Дастурамали Федератсияи самбо ҷиҳати таъмини бехатарӣ ва профилактикаи баъд аз пандемияи COVID-19" доир мегардад.

"Аз гашту гузори варзишгарон дар шаҳр ҷилавгирӣ шуда, ҳамчунин дар толори варзишӣ риояи фосилаи иҷтимоӣ ҳатман риоя мешавад", - изҳор дошт Шестаков.

Ба гуфтаи ӯ, мухлисон имкон доранд қувваозмоиҳоро ба таври мустақим дар сомонаи расмии Федератсияи байналмилалии самбо тамошо кунанд. Қисмати финалии қаҳрамонӣ дар шабакаи телевизионии "Eurosport" ва шабакаҳои телевизионии кишварҳои гуногун намоиш дода хоҳад шуд.

19
Барчаспҳо:
самбо, қаҳрамонӣ, Сербия
Мэр города Душанбе Рустам Эмомали

Дастури Рустам ба масъулини пойтахт аз танзими нарх то захираи ғизо ва омодагӣ ба зимистон

0
(Таҷдидшуда 15:54 27.09.2020)
Рустами Эмомалӣ, шаҳрдори Душанбе ба масъулини пойтахт дастур додааст, ки ба мавсими тирамоҳу зимистон омодагии ҷидди бигиранд

ДУШАНБЕ, 27 сен — Sputnik. Тибқи иттилои дафтари матбуотии раиси шаҳр, зимни баргузории иҷлосияи сеюми Маҷлиси вакилони халқи шаҳри Душанбе, Рустами эмомалӣ ба раисони ноҳияҳои пойтахт, дастур додааст, ки дар ҳама соҳаҳо омодагии ҷидди гирифта, фаъолияти сохторҳоро дар ин самт зери назорати қатъӣ қарор диҳанд.

Ҳамзамон роҳбарони соҳаҳои маорифу тандурустӣ ва ҳифзи иҷтимоии аҳолӣ вазифадор шудаанд, ки ҷиҳати захираи маводи озуқаворӣ, сӯзишворӣ, ангишт ва ҳезум, омодагии генераторҳои барқӣ, бехатарии зиддисӯхтор дар мавсими тирамоҳу зимистон ва омода намудани бинои иншоотҳои соҳа барои қабули гармӣ чораҳои бетаъхир андешанд.

Рустами Эмомалӣ барои бо нархҳои дастрас таъмин намудани сокинони пойтахт бо маҳсулоти ниёзи аввалия, захира ва ғанӣ гардонидани бозори истеъмолӣ, иҷрои аз меъёри асосӣ зиёди нақшаҳои захираи картошка, пиёз, сабзӣ, орд, равған, шакар, мониторинги нарху наво ба масъули пойтахт супоришҳо додааст.

Масъулини соҳаҳои дахлдори шаҳриву ноҳиявӣ уҳдадор гардиданд, ки кори муътадили марказҳои барқу гармидиҳӣ захираи ангишту мазутро таъмин намуда, оид ба пайвастшавии бинову иншоот ба шабакаи гармидиҳӣ, таъмир ва сохтмони истгоҳҳои трансформаторӣ, пешгирии худсаронаи пайвасти ноқилҳо ба симчӯбҳо ва қонунвайронкуниҳо дар истифодаи қувваи барқ,  тадбирҳои мушаххасро амалӣ намоянд.

0
Барчаспҳо:
дастур, Рустами Эмомалӣ, Душанбе, Тоҷикистон