Эмомалӣ Раҳмон бо дабири кулли САҲА мулоқот кард

© Пресс-служба президента Республики ТаджикистанВстреча Эмомали Рахмона с генеральным секретарем ОБСЕ в Душанбе. архивное фото
Встреча Эмомали Рахмона с генеральным секретарем ОБСЕ в Душанбе. архивное фото - Sputnik Тоҷикистон
Обуна шудан
Дар ҷараёни мулоқот ҳамчунин оид ба фазои бонизоми сиёсӣ дар Тоҷикистон, озодбаёнӣ, фаъолияти муназзами иттиҳодияҳои ҷамъиятӣ, ақаллиятҳои миллӣ ва иттифоқҳои касаба табодули андеша сурат гирифт

ДУШАНБЕ, 4 май — Sputnik. Кишвардори Тоҷикистон Эмомалӣ Раҳмон бо дабири кулли Созмони Амният ва Ҳамкориҳои Аврупо Томас Гремингер мулоқот кард, хабар медиҳад дафтари матбуотии раисҷумҳури Тоҷикистон.

Бино бар иттилои манбаъ, дидори раисҷумҳур бо дабири кулли САҲА дар ҳошияи кори Конфронси байналмилалии сатҳи баланд таҳти унвони "Муқовимат бо терроризм ва ифротгароии хушунатомез" сурат гирифтааст.

Гуфта мешавад, дар мулоқот масъалаҳои ҳамкории дуҷониба баррасӣ карда шуд.

Эмомалӣ Раҳмон омодагии Тоҷикистонро дар ҷодаи таҳкими ҳамкории муштарак ва таъмини сулҳу субот, амният ва рафоҳати фарогир иброз доштааст.

"Ҷонибҳо зимни мулоқот маҷмуъи масъалаҳои мубрами ҷомеа, аз қабили таъмини амнияти минтақа ва ҷаҳон, ҳифзи сарҳадот, хатарҳои глобалии ҷаҳони муосир, ки дар сархаташон терроризму экстремизм, тундгароии хушунатомез ва дигар ҷиноятҳои муташаккили фаромиллӣ меистанд, инчунин муборизаи муштарак бар зидди дигар зуҳуроти номатлуби ҷомеаро баррасӣ карданд",- меафзояд дафтари матбуотӣ.

Сироҷиддин Аслов бо дабири кулли САҲА мулоқот кард - Sputnik Тоҷикистон
Мулоқоти Сироҷиддин Аслов бо дабири кулли САҲА

Таъкид гардид, ки Тоҷикистон мутобиқ ба принсипҳои САҲА ҷиҳати решакан кардани терроризми байналмилалӣ ва ифротгароӣ хоҳони ҳамкорӣ мебошад ва мавқеи кишвари мо дар ин масъала кушоду равшан ва орӣ аз "меъёрҳои дугона" аст.

Изҳори умед карда шуд, ки дар доираи ҳамкории мутақобилан судманд САҲА дар самти ҳифзи сарҳадоти давлатии Тоҷикистон, татбиқи Стратегияи миллии ҳифзи сарҳадоти мо, таҳкими ҳамкориҳо дар ченакҳои иқтисодию муҳити зист ва инсонӣ, таъмини рушди устувори иқтисодиву иҷтимоӣ, аз ҷумла рафъи камбизоатӣ, мусоидати фаъол менамояд.

Дар ҷараёни мулоқот ҳамчунин оид ба фазои бонизоми сиёсӣ дар Тоҷикистон, озодбаёнӣ, фаъолияти муназзами иттиҳодияҳои ҷамъиятӣ, ақаллиятҳои миллӣ ва иттифоқҳои касаба табодули андеша сурат гирифт.

Лентаи хабарҳо
0