Мирзиёев ва Трамп

Мирзиёев дар Қасри сафед аз Трамп ба забони русӣ сипосгузорӣ кард. Навор

315
Дар шаҳри вашингтон дидору мулоқоти кишвардори ИМА Доналд Трамп ва раисҷумҳури Узбакистон Шавкат Мирзиёев баргузор шуд

ДУШАНБЕ, 17 май — Sputnik. Раисҷумҳури ИМА Доналд Трамп аз дохили Қасри сафед ба пешвози Шавкат Мирзиёев баромад, хабар медиҳад Sputnik Узбакистон.

Раҳбарони Амрико ва Узбакистон муддати чанд сония дасти ҳамдигарро фишурданд.

Сиёсатмадорон қайд карданд, ки дидор дар Қасри сафед марҳилаи нави ҳамкориро миёни ду кишвар боз мекунад.

"Амрико аз рӯзҳои аввали истиқлоламон доимо мустақилияти моро дастгирӣ мекард. Пас аз интихоботи раисҷумҳури ИМА муносиботи мо ба сатҳи нав баромад. Дар ин росто натиҷаҳои бузурге ба даст омадаанд", — гуфт Шавкат Мирзиёев ба забони русӣ.

Трамп ислоҳоти иқтисодию иҷтимоии Узбакистонро баланд арзёбӣ карду ваъда дод, ки барои роҳандозии онҳо кӯмак мекунад.

315
Барчаспҳо:
ба забони русӣ, дидору мулоқот, Шавкат Мирзиёев, Доналд Трамп, Ӯзбекистон, Амрико

Марги марди амрикоӣ пас аз чанд соати гирифтани ваксина

117
(Таҷдидшуда 15:28 24.01.2021)
То ҳол маълум нест, ин мард бо кадом навъи ваксина - Moderna ё Pfizer эм карда шудааст. Феълан дар сатҳи маҳаллӣ ва федеролӣ ин қазия тафтиш мешавад

ДУШАНБЕ, 24 январ - Sputnik. Дар ИМА як мард пас аз чанд соати гирифтани ваксина алайҳи коронавирус вафот кард, хабар медиҳад РИА Новости.

Як милисаи минтақаи Плейсер дар саҳифааш дар Facebook хабар дод, ки мард моҳи пеш гирифтори коронавирус шуда буд.

"Хадамоти тандурустии Плейсер округ ва шӯъбаи коронавируси дафтари округи Шериф дар бораи марг огоҳнома дарёфт карданд. Дар авохири моҳи декабр дар бадани ин мард бемории COVID-19 дарёфт шуд... Рӯзи 21 январ ин мард алайҳи коронавирус эм карда шуд ва пас аз чанд соат даргузашт", - омадааст дар хабарнома.

Қайд карда мешавад, ки фавтида, на дар идораи тандурустии шаҳр, балки дар дигар ҷой эм карда шудааст. Тафтишот дар чанд сатҳ -  маҳаллӣ ва федеролӣ гузаронида мешаванд.

Марги 55 нафар дар Амрико пас аз гирифтани ваксина

Ҳанӯз маълум нест, ки шахси фавтида кадом ваксинаро гирифтааст - Moderna ё Pfizer.

117
Барчаспҳо:
мард, марг, эмгузаронӣ, вируси корона, ИМА

Сарфи назар аз бохт: Конор аз Поре дида бештар маблағ мегирад

731
(Таҷдидшуда 14:28 24.01.2021)
Дар рақобати асосӣ дар доираи мусобиқаи UFC 257 Дастин Поре ғайриинтизор рақиби арландиаш Конор Макгрегорро аз пой афтонд

ДУШАНБЕ, 24 январ - Sputnik. Қаҳрамони собиқи UFC Конор Макгрегор сарфи назар аз бохт аз Дастин Поре  бештар маблағ мегирад.

Бино ба ҳисоботи нашриёти бритонии The Independent Конор Макгрегор барои ин рақобати худ 5 миллион доллар мегирад. Бо назардошти пахшҳо (pay-per-view) гонарари ӯ метавонад то 30 миллион расад.

Дар баробари ин ба пирӯзӣ нигоҳ накарда Дастин Поре дар ин рақобати худ ҳамагӣ 1 миллион доллар кор кард. Ин бузургтарин гонорар дар фаъолияти варзишии Поре мебошад.

Қайд мешавад, ки ин ҳисоботи тахминии нашриёт аст, чун расман пуле, ки варзишкорон дар ин сабқатҳо ба даст меоранд, ошкор карда намешавад.

Мубориза байни ду ситораи UFC имрӯз, 24 январ дар "Fight Island" дар Абу-Даби баргузор шуд. Ҷанговари амрикоӣ дар даври дуввум рақиби ирландиашро аз пой афтонда, пирӯзиро аз худ кард.

Нурмуҳаммадов гуфт, барои рақобат бо Поре боз мегардад ё не?

Макгрегор бори аввал дар карйераи худ ба нокаут фиристода шуд. Ин мубориза реванш буд. Аз рӯи натиҷаҳои набарди аввал, ки соли 2014 баргузор шуда буд, Поре бо нокаути техникӣ мағлуб шуда буд.

731
Барчаспҳо:
Макгрегор, маблағ, рақобат, АМА
Значок немецкого концерна Мерседес на автомобиле,

Дучархадуздӣ рафту мошинро дуздид-видеои ВУД

0
(Таҷдидшуда 17:40 24.01.2021)
Вазорати умури дохилии Тоҷикистон аз ошкор шудани як ҳолати мошиндуздӣ дар ноҳияи Рӯдакӣ хабар додааст

ДУШАНБЕ, 24 янв— Sputnik. Тибқи иттилои Вазорати умури дохилии Тоҷикистон, ба идораи милиса дар ноҳияи Рӯдакӣ Абдулманит Ҷӯраев муроҷиат карда, аз дуздии мошинаш хабар додааст.

Муроҷиаткунанда, сокини деҳаи Алачабофи ноҳияи Рӯдакӣ арз доштааст, ки шаби 16 декабр шахсони номаълум вориди манзили истиқоматияш шуда, мошини “Мерседес бенз”-ашро дуздидаанд.

Маъмурини милиса дар пайи чорабиниҳои оперативӣ-ҷустуҷӯӣ Алиев Ҳасан, сокини ноҳияи Исмоили Сомониро боздошт кардаанд. ВУД мегӯяд, ин ҷавони соли таваллудаш 2002 қаблан низ суд шудааст.

Муттаҳам дар гузориши ВУД изҳор медорад, ки бо ҳадафи дуздии дучарха вориди манзили истиқоматӣ шуд, ки калидҳоро даруни мошин дид ва онро ҳай карда бурдааст.

Ба гузориши ВУД, феълан алайҳи Алиев парвандаи ҷиноӣ оғоз карда шуда, ӯ дар ҳабси пешакӣ қарор дорад. Таъкид шудааст, ки мошин ба соҳибаш баргардонда шуд.

Назари бевоситаи муттаҳам ва ё ҷониби ҳимояаш дар бораи ин қазия маълум нест.

0
Барчаспҳо:
боздошт, дуздӣ, мошин, Тоҷикистон