Намозгузории зан. акс аз бойгонӣ

Рӯза барои нерӯмандон: дар Рамазон чӣ корҳо раво асту чӣ нораво

297
(Таҷдидшуда 11:47 18.05.2018)
Ҳаёти фаъол дар моҳи мубораки Рамазон аз замони равшании рӯз ба шом ва шаб мегузарад, ҳангоме ки тақводорон рӯзаашонро ба як муддати кӯтоҳи муайян мекушоянд ва боз мебанданд

ДУШАНБЕ, 18 май — Sputnik. Рамазон — моҳии муқаддас барои ҳар як мусулмон аст. Тақводорон бар онанд, ки дар айёми ин моҳи шариф осмонҳо кушода мешаванду, Худованди бузург дуоҳои онҳоро мешунавад.

Бояд зикр кард, ки мусулмонон дар айёми моҳи мубораки Рамазон аз суҳур то ифтор на об менӯшанду, на хӯрок мехӯранд, то ин ки хости Худоро иҷро намоянд, зеро Рамазон яке аз панҷ рукнҳои ислом ба ҳисоб меравад. Онҳо инчунин аз имтиноъ худдорӣ мекунанд то эҳсос намоянд, ки бори зиндагӣ барои камбағалон чӣ қадар мушкил аст, зеро эшон аксари вақт на ғизои хуб доранду на оби ошомидании тоза.

Дар бораи дастуроти моҳи мубораки Рамазон, хусусиятҳои он дар ҷаҳони муосир, роҷеъ ба намозгузорони Масҷиди ҷомеъи Маскав ва таърихи риояи ин моҳи мубораку наҷиб, зани масеҳии православӣ дар суҳбат бо РИА Новости нақл мекунад.

Рамазон - рӯза барои нерӯмандон

Рамазон — моҳи мубораки рӯза мувофиқи тақвими қамарӣ — 30 рӯз давом мекунад. Он дар моҳҳои гуногуни тақвими григорианӣ (тибқи он тамоми ҷаҳони дунявӣ зиндагӣ мекунад) рост меояд ва метавонад дар фасли баҳор, мисли имсол, ва шояд — дар тобистон, тирамоҳ ё зимистон ояд. Моҳи Рамазон ("ас-саум" — ба арабӣ) тағйирёбандаи замон аст. Маънии он асосан худдорӣ аз ғизо ва машрубот, канорагирӣ аз муносибатҳои шаҳвонӣ дар давоми рӯз иборат аст. Доштани рӯза барои ҳар фарди мусулмон аз лаҳзаи балоғат воҷиб аст.

"Аз рӯи хулосаи илмии олимони диншиноси Мудирияти рӯҳонии мусулмонон ва Шӯрои муфтиёни Русия, моҳи Рамазон имсол бо ғуруби офтоб аз 15 май шурӯъ шуд. Рӯзи аввали он 16 май буд, вақте ки тақводорон аз хӯрдан ва нӯшидан то лаҳзаи ғуруби офтоб худдорӣ мекунанд. Рӯзи охираш бошад, 14 июн буда, пас аз он Фитр — иди тамомшавии рӯза сар мешавад. Иди Фитрро мусулмонон 15-уми июн ҷашн мегиранд", — шарҳ медиҳад муфтӣ,  имом-хатиби Масҷиди ҷомеи Маскав Илдар Аляутдинов.

Ба гуфти ӯ, барои муайян кардани ибтидои моҳи Рамазон чанд услуб вуҷуд дорад. Яке аз омилҳои муҳими ин кор, пайдо шудани моҳи нав дар осмони кадом як кунҷи дунё аст. Тибқи услуби дигар — зоҳир шудани моҳи нав дар осмони маҳалли худ мебошад. Ё ин ки ҳисобҳои астрологӣ ҳамчун асос гирифта мешаванд. Аз ин сабаб, дар баъзе минтақаҳо рӯзаро метавонанд бо фарқияти як рӯз оғоз кунанд. Барои пешгирӣ кардани ихтилофот, тақводорон дар ин масъала аксаран ба мудирияти динии маҳаллӣ ё ба имоми худ муроҷиат мекунанд.

Дар бораи моҳияти рӯза мулоҳизаронӣ намуда, муфтӣ аз Қуръони маҷид иқтибос меорад: «Эй, ононе, ки имон овардаед! Рӯза барои шумо чунин дастури ҳатмиест, ки ба пешомадагон аз шумо низ дода шуда буд. Шояд, ки шумо худотарс шавед.

Рӯза чанд рӯз давом мекунад. Ва ҳар кадоме аз шумо, ки бемор аст, ё дар роҳ бошад, пас бигзор рӯзаи худро ба дигар айём гузаронад. Он касоне, ки наметавонанд рӯзаи худро аз ҳисоби рӯзҳои дигар ҷуброн кунанд (бо сабаби нотавонии пиронсолӣ ё бемории табобатнашаванда), бояд шахсони камбизоатро таъом диҳанд. Агар касе аз ин зиёдтар (аз таъом додании бенаво) харҷ кунад, пас ин барои худи вай беҳтар аст. Аммо агар шумо рӯза гиред (масалан, мусофире, ки доштани рӯза дар роҳ барояш вазнинӣ намекунад) — ин барои худи шумо беҳтар аст, агар донед!" (Қуръони карим, 2:183-184).

Рӯза, тибқи суханони ҳамсӯҳбати оҷонсӣ, ин ҳамчунин "тоза кардани бадан, ки пас  аз он таъсирҳои дигари мусбӣ ба амал меоянд, ба монанди харобшавӣ, сиҳатёбӣ, халосӣ аз маризиҳои муайян ва ҷавоншавӣ, аст".

На танҳо ҷиҳати рӯҳонӣ ва саломатӣ, балки нақши иҷтимоии рӯза низ хеле муҳим аст. "Дар ин замон, вақте ки одам гуруснагӣ ва ташнагиро ҳис мекунад, ӯ ба ҳолати он нафароне, ки ба ғизо ва об дастрасӣ надоранд, меафтад. <…> Рӯза маҷбур месозад, ки одамон нисбати якдигар меҳрубонтар шаванд, худро ба ҷои онҳо гузоранд, зиёдтар садақа диҳанд. "Сарват, боигарии шахс аз он ки ӯ садақа медиҳад, камтар намешавад, балки танҳо афзоиш меёбад", — қайд мекунад роҳнамои Масҷиди ҷомеи Маскав Вера Репина.

Тағйирнаёбии дастурот

Мусулмонҳо бояд тамоми аҳкоми динро дар моҳи мубораки Рамазон ба ҷо оранд. Мувофиқи таълимоти исломӣ, агар шахсе, ки ҳатто як рӯзро дар моҳи шарифи Рамазон сарфи назар кунаду, дигар рӯзҳо ба таври шадид рӯза гирад, ӯ наметавонад он мукофотеро ҷуброн кунад, ки аз ҷониби Худованд барои риояи аҳкоми динӣ дода мешавад.

Айни замон, бо дарназардошти воқеиятҳои замони "истеъмолии" имрӯза, дар таҷрибаи гирифтани рӯзаи исломӣ ҳеҷ гуна сабукӣ ва ё тағйироте вуҷуд дошта наметавонад.

"Дар ислом, — шарҳ медиҳад муфтӣ Илдар Аляутдинов, — тамоми дастурот барои фоида овардан ба инсон равона шудааст, чӣ рӯҳонӣ ва чӣ ҷисмонӣ. Рӯза ҳамчун аз ҷиҳати иҷтимоӣ ва тиббӣ низ ба нафъи шахс равона карда шудааст… Худованди бузург ба бандааш на аз қадри имкони ӯ зиёдтар фарз мегузорад, ки ин на як бору ду бор дар Қуръон ва Суннат омадааст".

Дар воқеъ, бо суръати тунди ҳаёти муосир, рӯза, дар назари аввал, шояд душвор намояд. Яке аз тарсҳои умумӣ — рӯзи равшани дароз дар тобистон аст, вақте ки рӯза 20 соат давом мекунад ва танҳо се-чор соат барои гирифтани қувваҳои ҳаётан муҳим, сарф мешавад.

Бо вуҷуди ин, чӣ тавре ки таҷриба нишон медиҳад, ба тақводорон муяссар мегардад, ки бомуваффақиятона садди равонӣ ва ҷисмониро бартараф созанд. "Рӯза дар ин замони бобаракат ниҳоят осон аст", — қайд мекунад муфтӣ.

Муваққатан сабукии рӯза дар ислом барои мусофирон, касалмандон, занони ҳомила ва ширдеҳ, мӯйсафедон ва кӯдакон пешбинӣ шудааст. Агар мушкилоти саломатӣ ё таҳдиди воқеӣ ба ҳаёт вуҷуд дошта бошад, рӯза тавассути фидйа-садақа ҷуброн карда мешавад.

Ин миқдори муайяншудаи хӯроки якрӯза дар шакли пули нақд ё маводи ғизоӣ мебошад. Дар соли 2018 Шӯрои олимони МРМ Русия тасмим гирифт, ки фидйа-садақа на камтар аз 250 рубл бояд бошад, ва ин ҳам дар робита ба ҳисси рӯзонаи инсон зиёд мешавад. Маблағи ҳар рӯзи сиём, ки бо сабаби узрнок гирифта нашудааст, ба афроди ниёзманд шахсан ё тавассути ташкилотҳои дахлдор супурда мешавад.

"Гап дар сари он, ки дастурҳои Худованди бузург хирадмандонаву тағйирнаёбанда буда, дар ҳама давру замон яканд. Вале роҳу равиши ҳаёти мусулмонон пас аз доштани рӯза тақрибан ба куллӣ дигар мешавад. Ин ҳам фаъолии ҷисмонӣ ва ҳам таҷрибаи даврии рӯза, варзиш, ғизои солим, ва албатта, рад кардани одатҳои бад мебошад. Он замон рӯза осон, форам ва роҳат мегардад, ки бо табъи хӯш онро мусулмонон мегузаронанд ва аз ҳама муҳимаш, — ризоияти Худовандро ба даст меоранд", — илова мекунад муфтии Маскав.

"Некбин будан ва нур овардан"

"Вақте, ки одам рӯза медорад, намози ӯ аз ҷониби Худованд қабул мешавад. Барои ҳамин ин вақти мӯъҷизавӣ аст. Рамазон — моҳи бахшоиш ва саховатмандӣ аст. Мо ҳар сол онро бесаброна ва хурсандона интизорем. Ин тозагии рӯҳӣ аз гуноҳ ва корҳои ношоям аст",  - мегӯяд Айгули 29-сола, қадамгузори Масҷиди ҷомеи Маскав.

Мо бидуни кафш дар болои қолини кабуд дар бахши занонаи масҷид нишастаем ва сӯҳбати хонумонаи мо маҳрамона ва боваринокона мегузарад.

"Дар ин давра одамон кӯшиш мекунанд, ки ба саломатии ҷисмонӣ ва ғизои ҳаррӯзаи худ бештар аҳамият диҳанд. Ин бисёр муҳим аст, зеро ҷисму рӯҳ ба ҳам пайвастагӣ доранд. Дар ифтор об, мева, сабзавот, салат ва чормағз тавсия дода мешавад. Ғизои гӯштиву хамирӣ вазнинанд, ба рагҳои ҳозима фишору зарар меоваранд. Бинобар ин, бояд диққати махсус ба ғизои мӯътадили сабук дода шавад", — шарҳ медиҳад Айгул.

Дар замони рӯза мусулмонон кӯшиш мекунанд, ки бештар намоз гузоранду, Қуръон хонанд, Офаридгорро ситоиш кунанд.

"Намоз бояд аз самими қалб бошад, бо ашк барояд. Ноумед набояд шуд — ин гуноҳ аст.  Ҳаёт гуногун аст: дар он рӯзҳои неку бад, лаҳзаҳои сафеду сиёҳ мешаванд, вале аз ин дарсҳои мушкили зиндагӣ гузашта, боз ҳам бақувваттар, хирадмандтар ва боэҳтиёттар мегардем.  Худованд аз санҷишу имтиҳонҳо моро гузаронида, донотар мекунад. Бино бар ин, мо бояд Худованди бузургро ҳамду сано гуфта, аз ӯ розӣ бошем ва ниятҳои нек дошта, ба ҳаёт нур пошем", — давом медиҳад ҳамсӯҳбати мо.

Боз як қадамгузори масҷид, Фотимаи 21-сола, таъкид мекунад, ки ислом — ин на танҳо маҳрумият аст.

"Зарур аст, ки усули либоспӯшӣ (аврат)-ро риоя кунӣ (пӯшонидани қисмҳои муайяни бадан — оринҷу пойҳо — идора), аммо машқҳои ҷисмонӣ, рақс, оббозӣ иҷоза дода мешавад, ки онҳо ҳаракати хун дар мағзи сарро таъмин мекунад. Ба зан имкониятҳои зиёд дода мешавад, ки фаъоли иҷтимоӣ, ҳадафманд, мустақил ва аз ҷиҳати молӣ озод бошад", — илова мекунад Фотима.

Ба мавзӯи хайрия гузашта, духтарон суханони Қуръонро истинод меоранд: «Дар корҳои нек мусобиқа кунед».

«Мо кӯшиш ба харҷ медиҳем то шафқат ва хайрхоҳии худро нисбат ба он афроде кунем, ки ба кумаки мо ниёз доранд, саъй менамоем то хешу ақраборо дастгирӣ кунем. Дар Сурия алъон ҷанг рафта истодааст, кӯдакон дар макотиб хонда наметавонанд. Ташаккури бениҳоят ба бунёди "Закот" (сандуқи хайриявӣ дар назди Масҷиди ҷомеи Маскав — идора), онҳо мунтазам ба Сурия кӯмаки башардӯстона мефиристанд.

Мусулмонони Русия талош мекунанд то кӯмаке ба онҳо расонанд. Қадамгузорони масҷид то ҳадди имкон хайрияҳои пулӣ ва молӣ мекунанд. Ин чизест, ки ба мо ислом меомӯзонад. Ислом — дини сулҳдӯсту адолатпарвар ва хушбахтиовар аст, ҳамдардиро нисбат ба наздикон меомӯзонад. Одам пайрави кадом дине, ки набошад — хоҳ масеҳӣ, яҳудӣ ё ислом — бояд хайрхоҳии худро нисбат ба ҳама зоҳир намояд", — фикр мекунад Айгул.

Дар бунёди "Закот" ихтиёриён зиёданд. Дар он ҷо ба ниёзмандон ҷои зист пешниҳод мекунанду, арзиши амалиётҳои ҷарроҳияшонро пардохт менамоянд.

Дар назди масҷиди "Поклонная гора"-и Маскав, ки он ба хотираи ҷанговарон-мусалмонони фавтида дар ҶБВ сохта шудааст, ҳар сол "Хаймаи Рамазон" барпо мегардад.

Дар он тамоми хоҳишмандонро ғизо медиҳанд: ҳам мусулмонони рӯзадору, ҳам нафарони аз кӯча омадаро. Ҳар шом он ҷо дар доираи барномаи маърифатӣ оид ба манотиқе сухан меронанд, ки сокинони онҳо асосан пайравони дини мубини исломанд, аз ҷумла — дар Русия ва хориҷ аз он. Аз ин рӯ, шумо метавонед дар шомҳои Чеченистон, Тотористон, Узбакистон, Тоҷикистон, Туркия ва ғайра ширкат кунед.  

"Биёед дуо кунем ва аз Худованд илтиҷо намоем, ки ба касе шавҳар диҳаду, ба касе саломатӣ ва хушбахтӣ. Инсонҳо намоз мегузоранд, мунтазиранд ва умед ба бахшиши Худованд доранд", — хулосагирӣ мекунад Айгул.

297
Барчаспҳо:
Рамазон, моҳи муборак, Русия, Ҷаҳон, Тоҷикистон
Индийская модель и актриса Айшвария Рай Баччан на красной дорожке в рамках 71-го Каннского международного фестиваля.

Абхишек Баччан вазъи Айшвария ва фарзандашро шарҳ доду барои дуогӯии мардум сипос гуфт

1217
(Таҷдидшуда 17:00 13.07.2020)
Нахуст мубталошавии ҳунарманди машҳури Болливуд Айшвария Рай ва духтарчаи ӯ ба маризии сироятии коронавирусро вазири тандурустии Махараштра нашр намуд

ДУШАНБЕ, 13 июл – Sputnik. Посте, ки вазири тандурустии иёлати Махараштра Раҷеш Топе дар Твиттер нашр намуд, бо гузашти андак вақт тоза карда шуд.

Сипас ҳамсари Айшвария, ҳунарманди номии Ҳиндустон Абхишек Баччан низ дар сафҳаи худ дар Твиттер олуда шудани завҷа ва духтарчаи худ ба вируси COVID -19 - ро тасдик кард, хабар медиҳад РИА Новости.

Омори ҷадиди як рӯз: фавти 5 000 ва сироятшавии 237 ҳазор нафар ба коронавирус дар ҷаҳон

Ба гуфтаи Абхишек, ташхиси Айшвария ва фарзанди онҳо аз коронавирус мусбат баромад.

"Маризии онҳо дар шакли сабук ҷараён дорад ва онҳо ба қарантини хонагӣ гирифта шуданд. Ба ҳамаи онҳое, ки дуоҳои самимӣ унвонии ману хонаводаам мефиристанд, изҳори миннатдорӣ мекунам", - навиштааст дар сафҳаи худ Баччан.

Қаблан аз мубтало шудани Амитабх Баччан ва Абхишек Баччан хабар дода шуд. Вазъи саломатии падару писар ҳам мӯътадил буда, дар шароити хона ба табобат фаро гирифта шудаанд.

Айшвария Рай Баччан ғолиби озмуни "Мисс ҷаҳон" -и соли 1994 ва ҳунарпешаи маъруф дар Ҳиндустон аст, ки дар филмҳои зиёд нақш бозидааст. Вай дорандаи ду ҷоизаи Filmfare Awards аст, ки қадимтарин ва бонуфузтарин ҷоизаи филм дар Болливуд дониста мешавад.

1217
Барчаспҳо:
маризӣ, Ҳинд, ҳунарманд
Мавзуҳо:
Пайомадҳои COVID-19 дар Тоҷикистон ва ҷаҳон
Президент России Владимир Путин

Муносибати Владимир Путин ба танқиди тунд: ӯ гуфт кадом нақд хуб аст

555
(Таҷдидшуда 18:53 12.07.2020)
Президенти Русия Владимир Путин гуфт, ба танқид чӣ гуна муносибат мекунад. Ӯ гуфт танқид набояд фақат ба хотири танқид бошад

ДУШАНБЕ, 12 июл — Sputnik. Президенти Федератсияи Русия Владимир Путин гуфт, гӯш кардан ба пешниҳодҳоро аз вазифаи худ медонад.

Дар баробари ин президент қайд кард, ки танқид бояд конструктивӣ бошад.

"Агар аҷоиб намояд, ман ба пешниҳодҳо гӯш медиҳам. Агар дар баробари танқид чизе пешниҳод шавад. Чунки агар  танқид танҳо ба хотири танқид бошад, пас аҷоиб нест", - гуфт Владимир Путин дар мусоҳиба бо шабакаи "Россия 1".

Ба гуфти Путин дар дунё доим ҳастанд одамоне, ки дигар фикр доранд.

"Онҳо фикр мекунанд, ки роҳи ҳалле, ки онҳо пешниҳод доранд аз оне, ки мақомоти давлатӣ аз ҷумла преизедент пешниҳод мекунад, беҳтар аст", - шарҳ дод раисиҷумҳури Русия.

Путин иқрор шуд, ки ба танқиди ба ҷо ва пешниҳодҳои хуб "бо хушнудӣ гӯш медиҳад".

"Ҳама зид буданд": Путин дар бораи боздид аз Коммунарка

Дар баробари ин ӯ қайд кард, ки амалӣ кардани он чандон муҳим нест.

"Донистани ҳамагуна фиркҳо, пешниҳодҳо ва арзёбиҳо, фоида дорад", - хулоса кард президент.

555
Барчаспҳо:
президент, посух, вокуниш, Владимир Путин
День 14 июля

Ҷашнҳои рӯзи 14 июл дар Тоҷикистон ва ҷаҳон

0
(Таҷдидшуда 23:55 13.07.2020)
Рӯзи чордаҳуми июл дар Осетияи Ҷанубӣ аз Рӯзи сулҳофарон ҷашн мегиранд. Ҳамчунин дар Фаронса Рӯзи ба даст овардани Бастилия қайд мешавад

Рӯзи 14 июл дар ҷаҳон чӣ рух дод

Соли 2017 дар Китобхонаи миллии Тоҷикистон нахустин Бизнес-форуми соҳибкорони Тоҷикистон ва  Иёлоти Муттаҳидаи  Амрико баргузор гардид.

День 13 июля
© Sputnik / Стас Этвеш / Вишнякова Мария

Соли 1976 дар Канада ҳукми қатл бекор карда шуд.

Соли 1976 дар Англия барои аз ҳад зиёд истифода кардани об ҷарима муайян карда шуд.

Соли 1952 ширкати америкоии "Ҷенерал моторз" эълон намуд, ки аввалин маротиба дар ҷаҳон дар мошинҳо ҳавополо (кондиционер) насб кард.

Рӯзи 14 июл дар Тоҷикистон чӣ рух дод

Соли 2000 дар шаҳри Душанбе ҷаласаи байниҳукуматии Шӯрои сарони давлатҳои Иттиҳоди иқтисодии Осиёи Марказӣ баргузор  гардид.

Соли 2009 дар варзишгоҳи "Металлург" чемпионати  дуюми назоратӣ-нақшавии Тоҷикистон оид ба футбол миёни дастаҳои Лигаи олии "Регар-ТадАЗ" бо клуби "Энергетик"- и Душанбе баргузор гардид.

День 12 июля
© Sputnik / Стас Этвеш / Вишнякова Мария

Соли 2014 китоби нави рўзноманигор ва сиёсатшинос, номзади илми фалсафа, мушовири калони бахши Ёрдамчии Президенти Тоҷикистон Зафар Сайидзода бо номи "Густариши ахлоқи миллӣ — посух ба пайомадҳои манфии ҷаҳонишавӣ" аз чоп баромад.

Соли 2008 дар мулоқоти Президенти Ҷумҳурии Тоҷикистон Эмомалӣ Раҳмон ва намояндаи махсуси Иттиҳоди Аврупо оид ба Осиёи Марказӣ Пйер Морел масоили ҷорӣ ва дурнамои муносибатҳои Тоҷикистону Иттиҳоди Аврупо баррасӣ гардиданд.

Ҷашнҳои рӯзи 11 июл дар Тоҷикистон ва ҷаҳон

Соли 2014 Президенти мамлакат Эмомалӣ Раҳмон ва мушовири калони ширкати "Ҷунтай-Шоҳроҳи нави абрешим"-и Ҷумҳурии Мардумии Чин Ли Ян Ҷе ҳамкории дуҷонибаи минбаъдаро муҳокима намуданд.

Соли 2016 дар Қасри миллат Сарвари давлат Эмомалӣ Раҳмон ва иҷрокунандаи вазифаи Директори минтақавии Бонки ҷаҳонӣ оид ба Осиёи Марказӣ хонум Мариам Шерман вазъи вақт ва дурнамои муносибатҳои дуҷонибаи Тоҷикистон ва Бонки ҷаҳониро мавриди муҳокима қарор дода, масъалаҳои тадқиқоти асосноккунии иқтисодию техникии барқарорсозии НБО-и "Норак", дарёфт намудани маблағҳои иловагӣ барои Лоиҳаи таҷдиду барқаросозии неругоҳи "Норак", лоиҳаҳои барқарорсозӣ ва соҳилмустаҳкамкунии дарёҳоро баррасӣ карданд

Ҷашнҳои рӯзи 14 июл

  • Дар Осетияи Ҷанубӣ – Рӯзи сулҳофарон.
  • Дар Франсия иди асосии миллӣ– Рӯзи ба даст овардани Бастилия.
0
Барчаспҳо:
ҷашн, ҷаҳон, Тоҷикистон