Раисҷумҳури Амрико Доналд Трамп ва кишвардори Русия Владимир Путин, акс аз бойгонӣ

Расонаҳо: Қасри сафед нақшаи дидори Трамп ва Путинро тарҳрезӣ мекунад

150
(Таҷдидшуда 16:30 02.06.2018)
Тавре як манбаъ аз Қасри сафед хабар додааст, ҳоло сафири ИМА дар Русия Ҷон Хантсман дар Амрико аст, то дар ташкили мулоқот кӯмак кунад

ДУШАНБЕ, 2 июн — Sputnik. Қасри сафед барои баргузарии мулоқоти эҳтимолии раисҷумҳури Амрико Доналд Трамп ва кишвардори Русия Владимир Путин гуфтушунидҳои пешакӣ мекунад, хабар медиҳад рӯзномаи Wall Street Journal дар истинод ба манбаи худ.

Тавре як намояндаи Трамп гуфтааст, ҳоло сафири ИМА дар Русия Ҷон Хантсман дар Амрико аст, то дар ташкили мулоқот мусоидат кунад. Омодагиҳои дидори эҳтимолӣ дар марҳилаҳои аввал аст.

Тавре рӯзнома афзудааст, рӯз ва макони дидори эҳтимолиро ҷонибҳоро муайян накардаанд.

"Нақшаи мулоқоти расмии Путин ва Трампро сафир Ханстман дар чанд марҳила дида мебарояд, ки он чанд моҳро дар бар хоҳад гирифт", — гуфта мешавад дар иттилои манбаъ.

Афзун бар ин, нашрия хабар додааст, ки дар назар аст, пеш аз дидори эҳтимолии раисҷумҳурон роҳбарони штабҳои олии Амрико ва Русия Джозеф Данфорд ва Валерий Герасимов мулоқот кунанд.

"Яке аз масоили баррасишавандаи дидор вазъи ноороми Сурия хоҳад шуд" — менависад рӯзномаи Wall Street Journal.

150
Барчаспҳо:
дидор, Доналд Трамп, Владимир Путин, Тоҷикистон, ИМА, Русия

Марги марди амрикоӣ пас аз чанд соати гирифтани ваксина

104
(Таҷдидшуда 15:28 24.01.2021)
То ҳол маълум нест, ин мард бо кадом навъи ваксина - Moderna ё Pfizer эм карда шудааст. Феълан дар сатҳи маҳаллӣ ва федеролӣ ин қазия тафтиш мешавад

ДУШАНБЕ, 24 январ - Sputnik. Дар ИМА як мард пас аз чанд соати гирифтани ваксина алайҳи коронавирус вафот кард, хабар медиҳад РИА Новости.

Як милисаи минтақаи Плейсер дар саҳифааш дар Facebook хабар дод, ки мард моҳи пеш гирифтори коронавирус шуда буд.

"Хадамоти тандурустии Плейсер округ ва шӯъбаи коронавируси дафтари округи Шериф дар бораи марг огоҳнома дарёфт карданд. Дар авохири моҳи декабр дар бадани ин мард бемории COVID-19 дарёфт шуд... Рӯзи 21 январ ин мард алайҳи коронавирус эм карда шуд ва пас аз чанд соат даргузашт", - омадааст дар хабарнома.

Қайд карда мешавад, ки фавтида, на дар идораи тандурустии шаҳр, балки дар дигар ҷой эм карда шудааст. Тафтишот дар чанд сатҳ -  маҳаллӣ ва федеролӣ гузаронида мешаванд.

Марги 55 нафар дар Амрико пас аз гирифтани ваксина

Ҳанӯз маълум нест, ки шахси фавтида кадом ваксинаро гирифтааст - Moderna ё Pfizer.

104
Барчаспҳо:
мард, марг, эмгузаронӣ, вируси корона, ИМА

Сарфи назар аз бохт: Конор аз Поре дида бештар маблағ мегирад

667
(Таҷдидшуда 14:28 24.01.2021)
Дар рақобати асосӣ дар доираи мусобиқаи UFC 257 Дастин Поре ғайриинтизор рақиби арландиаш Конор Макгрегорро аз пой афтонд

ДУШАНБЕ, 24 январ - Sputnik. Қаҳрамони собиқи UFC Конор Макгрегор сарфи назар аз бохт аз Дастин Поре  бештар маблағ мегирад.

Бино ба ҳисоботи нашриёти бритонии The Independent Конор Макгрегор барои ин рақобати худ 5 миллион доллар мегирад. Бо назардошти пахшҳо (pay-per-view) гонарари ӯ метавонад то 30 миллион расад.

Дар баробари ин ба пирӯзӣ нигоҳ накарда Дастин Поре дар ин рақобати худ ҳамагӣ 1 миллион доллар кор кард. Ин бузургтарин гонорар дар фаъолияти варзишии Поре мебошад.

Қайд мешавад, ки ин ҳисоботи тахминии нашриёт аст, чун расман пуле, ки варзишкорон дар ин сабқатҳо ба даст меоранд, ошкор карда намешавад.

Мубориза байни ду ситораи UFC имрӯз, 24 январ дар "Fight Island" дар Абу-Даби баргузор шуд. Ҷанговари амрикоӣ дар даври дуввум рақиби ирландиашро аз пой афтонда, пирӯзиро аз худ кард.

Нурмуҳаммадов гуфт, барои рақобат бо Поре боз мегардад ё не?

Макгрегор бори аввал дар карйераи худ ба нокаут фиристода шуд. Ин мубориза реванш буд. Аз рӯи натиҷаҳои набарди аввал, ки соли 2014 баргузор шуда буд, Поре бо нокаути техникӣ мағлуб шуда буд.

667
Барчаспҳо:
Макгрегор, маблағ, рақобат, АМА
Сотрудницы в физико-химической лаборатории, архивное фото

Эълони омори фавт, гирифторӣ ва шифо аз COVID - 19 дар Русия

0
(Таҷдидшуда 16:07 24.01.2021)
Дар давоми шабонарӯзи гузашта дар қаламрави Федератсияи Русия 21 127 ҳолати нави гирифторӣ ба коронавирус сабт шудааст

ДУШАНБЕ, 24 январ - Sputnik. Бино ба гузориши ситоди фаврӣ дар 24 соати гузашта дар қаламрави Федератсияи Русия 21 127 ҳолати нави гирифторӣ ба COVID - 19 ба қайд гирифта шудааст.

Қариб дар ҳамаи манотиқи кишвар ҳолатҳои нави гирифторӣ ба қайд гирифта шудааст. 10,9 дарсад бидуни нишона аст.

Ҳамин тавр, шумораи умумии гирифторони коронавирус дар Русия ба 3 719 400 расид.

Манбаъ афзуда, ки дар давоми шабонарӯзи гузашта дар Русия 22 445 мариз шифо ёфта, теъдоди умумии шифоёфтагон ба 3 131 760 баробар шуд.

Туркия ба истеҳсоли ваксинаи "Спутник V" шурӯъ мекунад

Дар давоми 24 соати гузашта дар кишвар 491 кас қурбони COVID-19 шуд. Ин нишондод дар Маскав — 74, Санкт-Петербург — 61, вилояти Маскав — 37 кас.

Аз аввали ҳамагирии коронавирус то кунун дар Русия 69 462 кас аз ин беморӣ ҷон аз даст дод.

0
Барчаспҳо:
гирифторони беморӣ, омор, Русия, вируси корона
Мавзуҳо:
Пайомадҳои COVID-19 дар Тоҷикистон ва ҷаҳон