Мансабдоре бо портфел, акс аз бойгонӣ

Намояндаи Тоҷикистон роҳбари Ташкилоти минтақавии зиддитерористии СҲШ таъин шуд

124
(Таҷдидшуда 17:38 13.06.2018)
Ҷумъахон Ғиёсов то ба мақоми роҳбари сохтори байналмилалӣ таъин шуданаш, мақоми нахустмуовини раиси Кумитаи дин ва танзими анъанаи Тоҷикитонро бар ӯҳда дошт

ДУШАНБЕ, 13 июн — Sputnik. Ҷумъахон Ғиёсов  муовини якуми раиси Кумитаи дин ва танзими анъанаи Тоҷикистон роҳбари Ташкилоти минтақавии зиддитерористии Созмони Ҳамкории Шанхай интихоб шуд. Дар ин бора вебгоҳи хадамот иттилоъ медиҳад.

"Дар Созмони ҳамкориҳои Шанхай роҳбари нави Ташкилоти минтақавии зеддитерористиро таъин карданд — намояндаи Тоҷикистон Ҷумъахон Ғиёсов ба ин мақом интихоб гардид", — гуфта мешавад дар иттилои манбаъ.

Ҷумъахон Ғиёсов то ба вазифаи роҳбари сохтори байналмилалӣ таъин шуданаш, мақоми нахустмуовини раиси Кумитаи дин ва танзими анъанаи Тоҷикитонро бар ӯҳда доштааст.

Намояндаи Тоҷикистон аз 1 январи соли 2019 ба иҷрои вазифаи худ дар ташкилоти СҲШ шурӯъ мекунад.

Ташкилоти минтақавии зиддитерористии СҲШ доимиамлкунанда буда, қароргоҳи созмон дар Тошканд аст. Вазифаи асосии ташкилот мубориза бо терроризм дар ҳудуди кишварҳои узви СҲШ аст.

Ёдрас мешавем, нишасти сарони кишварҳои узви СҲШ 9-10 июн дар Чин баргузор шуд.

124
Барчаспҳо:
таъинот, Кумитаи дин, СҲШ, Тоҷикистон

Лукашенко Лукашенкоро аз мансабаш барканор кард

1413
(Таҷдидшуда 18:55 26.02.2021)
Александр Лукашенко тасмим гирифтааст, ки дар дастгоҳи президенти Беларус тағйироти кадрӣ анҷом диҳад ва писарашро аз вазифа сабукдӯш кунад

ДУШАНБЕ, 26 фев - Sputnik. Писари калонии президенти Беларус, Виктор Лукашенко роҳбари Кумитаи миллии олимпии кишвар таъйин шуд, хабар медиҳад БелТА.

Бояд қайд кард, ки Виктор Александрович вазифаи ёвари президент оид ба амнияти миллиро ба ӯҳда дорад.

Тибқи изҳороти президенти Беларус, дар робита ба таъйиноти нав, писари калониаш аз вазифаи ёрдамчии президент барканор карда мешавад.

"Имрӯз вай бо тамоми оқибатҳои минбаъда аз вазифаи ёвари президент оид ба амнияти миллӣ озод карда мешавад", - гуфт президенти Беларус.

Писари калони Александр Лукашенко Виктор 28 ноябри соли 1975 таваллуд шудааст. Вай дар қисми махсуси нерӯҳои марзбонӣ хидмат кардааст.

Ӯ қаблан дар Вазорати корҳои хориҷӣ, аз соли 2005 ба ҳайси ёвари президент оид ба амнияти миллӣ корро оғоз карда, пас аз ду сол ба Шӯрои амнияти Беларус таъйин шуд. Аз соли 2019, ӯ ноиби президенти КМО буд ва ҳамакнун раҳбари он гардид.

Лукашенко дар бораи ояндаи писаронаш: ҳеҷ яке аз онҳо президенти Беларус нахоҳанд шуд

Бародари ӯ, Дмитрий Лукашенко, мансаби раиси шӯрои марказии иттиҳодияи ҷумҳуриявии ҷамъиятии "Клуби варзишии президентӣ" -ро дорад ва узви КМО Беларус мебошад.

Писари хурдии Лукашенко Николай 31 августи соли 2004 бидуни никоҳ таваллуд шудааст.

Ваъдаи Лукашенко ба мардумаш: ором шавед, тибқи Сарқонуни нав президент нахоҳам буд

Вай дар литсейи Донишгоҳи давлатии Беларус таҳсил карда, пас аз нооромиҳо дар кишвар ба муассисаи таълимии Маскав интиқол дода шудааст.

1413
Барчаспҳо:
КМО, мансаб, Александр Лукашенко, Беларус
Президент Белоруссии Александр Лукашенко (справа) со своими сыновьями Виктором, Николаем и Дмитрием (слева направо)

Лукашенко дар бораи ояндаи писаронаш: ҳеҷ яке аз онҳо президенти Беларус нахоҳанд шуд

915
(Таҷдидшуда 17:43 26.02.2021)
Президенти Беларус Александр Лукашенко ба мавзӯи ҳассоси интиқоли қудрат дар кишвар ва ба яке аз писаронаш додани вазифаи сарвари давлат дахл кард

ДУШАНБЕ, 26 фев - Sputnik. Пас аз он ки писари Лукашенко вазифаи нав гирифт, дар саросари кишвар овозаҳо паҳн карданд, ки Александр Лукашенко қасд дорад қудратро дар кишвар ба ихтиёри яке аз наздиконаш гузорад.

Александр Лукашенко ин гуна тахминҳоро ба таври дағалона шарҳ дод.

"Ман бисёр вақт мегуфтам, ки ин ҳеҷ гоҳ дар оилаи мо баррасӣ нашудааст ва онро муҳокима кардан мумкин нест. Азбаски пас аз ман ҳеҷ яке аз фарзандони ман дар Беларус президент нахоҳанд шуд", - гуфт Лукашенко пеш аз интихоби роҳбарияти Кумитаи милии олимпӣ, хабар медиҳад БЕЛТА.

Ёдовар мешавем, ки писари калонии президент Виктор Лукашенко ба ҳайси ёвари сарвари давлат ва аз 26 феврал раҳбари Кумитаи миллии олимпии Беларус аст.

Бисёриҳо бар онанд, ки номзади беҳтарин барои мақоми президенти оянда писари хурдии Лукашенко аст.

Николай дар байни занони Беларус маҳбуб аст.
Ғайр аз ин, Александр Лукашенко дар синни 12-солагӣ сар карда карда писарро бо худ ба ҳама чорабиниҳои муҳим мебарад.

Лукашенко: каме дар курсии раисҷумҳури Беларус зиёдтар нишастам

Хотиррасон мекунем, ки президенти Беларус дар мусоҳиба бо шабакаи телевизионии "Россия-1" эътироф кард, ки шояд ӯ ҳамчун сарвари давлат "каме бештар нишаста" бошад.

Аммо, Лукашенко илова кард, ки ӯ наметавонад ҳоло курсии президентиро тарк кунад.

915
Барчаспҳо:
президент, Александр Лукашенко, Беларус

Норозигии мухлисон баъди эълони шикасти Ғаффоров ва ваъдаи президенти "Ахмат" - видео

0
(Таҷдидшуда 15:19 27.02.2021)
Дар зӯрозмоии Absolute Championship Akhmat (ACA) 118 дар Маскав дар пайи сабқати Азам Ғаффоров, размикори тоҷик ва рақиби бразилиягияш Чарз Энрике моҷаро бархест

Доварони сабқат пирӯзиро ба размикори бразилиягӣ доданд, ки ин боиси норозигии мухлисони  Азам Ғаффоров шуд.

Нахуст низомиёни “Росгвардия” талош карданд, норозиёнро ором созанд ва сипас ба назди онҳо Абузайд Висмурадов, президенти бошгоҳи “Ахмат” омад. Ӯ ваъда дод, ки қазияро ҳал мекунанд.

Худи Азам Ғаффоров дар пайи сабқат дар суҳбат бо хабарнигорон аз тасмими доварон изҳори норозигӣ кард. Ӯ бо ишора ба рақибаш, ки ба зӯр аз майдон берун омада ҳаракат мекард, изҳор дошт, ки ин ҷо маълум буд, кӣ пирӯз гардид.

Ғаффоров таъкид кард, ки худро пирӯзи ин сабқат медонаду омода буд даври дигар ҳам зӯрозмоӣ кунад.

Феълан Ғаффорови 27-сола 11 пирӯзӣ ва ду бохт дорад.  Ҳар ду шикаст ҳам бо қарори доварон дода шудааст.

0
Барчаспҳо:
сабқат, мухлисон, Тоҷикистон