Радиостансия, акс аз бойгонӣ

Роҳандозии шабакаи радиои тоҷикӣ дар Амрико

85
(Таҷдидшуда 11:44 16.06.2018)
Шабакаи радиоӣ бо бо номи "Голос Востока" (Садои Шарқ”) бо ҳадафи пахши барномаҳои тоҷикӣ дар шаҳри Ню-Йорки Амрико, роҳандозӣ шудааст.

ДУШАНБЕ, 16 июн — Sputnik. Ин шабакаи радиоӣ аз рӯзи 18 июн шурӯъ ба пахши барномаҳои вижаи тоҷикӣ мекунад.

Аввалин барномаи тоҷикии ин радио, мусоҳибаи ихтисосӣ бо хонанда ва бастакори машҳури тоҷик Неъмат Асрорӣ ва хонандаи тоҷик Замираи Файзълӣ аст, ки ба тозагӣ ба Амрико кӯчидаанд.

"Голос Востока", нахустин радио дар амрикост, ки ба чанд забони барои атбои Осиёи Марказӣ, барнома таҳия мекунад.

Барномаҳои ин шабака бо истифода аз Интернет пахш мешаванд ва дар ҳар гӯшаи дунё, қобили дарёфт ва шунидан аст.

Ашраф Зикиров, тоҷири самарқандии муқими Амрико, ин шабакаи радиоиро роҳандозӣ карда ва ин шабака бахше аз  ҳолдинги бузурги матбуотисти вай аст, ки интишори як рӯзномаро ҳам бар ӯҳда дорад.

Масъулияти бурдани таҳияи барномаҳои тоҷикии шабакаи "Голос Востока"- ро ҳам Умедҷон Аҳмадзода, як журнолисти тоҷики муқими Амрико бар ӯҳда дорад. Умедҷон Аҳмадзода қаблан дар телевизиони Тоҷикистон кор мекард ва ду сол пеш барои таҳсил ба Амрико рафт.

Аҳмадзода бо ишора ба пахши аввалин барномаи ин шабака дар рӯзи 18 июн гуфтааст, ҳадафи мо аз роҳандозии ин шабака радиоӣ, муаррифии арзанда ва шоистаи миллати бузурги тоҷик ва ошиносохтани ҷаҳониён бо одобу русум ва дастовардҳои кишвари Тоҷикистон аст.

85
Барчаспҳо:
радио, тоҷикон, Амрико, Тоҷикистон

Нигаронии СММ аз авҷи хушунатҳои бесобиқа дар Афғонистон

34
(Таҷдидшуда 19:28 22.09.2020)
Созмони Милали Муттаҳид аз ташдиди ҳамалот ва афзоиши кушторҳо дар Афғонистон ибрози нигаронӣ кард

ДУШАНБЕ, 22 сен — Sputnik. Миссияи кӯмаки Созмони Милал дар Афғонистон (UNAMA) ахиран дар як изҳорот гуфт, афзоиши куштор ва хушунат дар Афғонистон дар панҷ ҳафтаи охир дар панҷ соли охир бесобиқа буд, иттилоъ додааст хабаргузории “Парстудей”.

Афзоиши хушунатҳо дар Афғонистон дар ҳоле аст, ки гуфтугӯҳои сулҳи байни афғонҳо дар Қатар идома дорад.

Намояндагии Созмони Милал дар Афғонистон таъкид кардааст, ки бояд иқдомоти фаврӣ барои муҳофизат аз ғайринизомиён ва эҷоди фазои мусоид барои гуфтугӯҳои сулҳ дар Дуҳа фароҳам шавад.

Ин баёния аз тарафҳои дахил дар раванди сулҳи Афғонистон хостааст ба хушунатҳо ва ҷанг поён диҳанд ва барои барқарории оташбас талош кунанд.

Бо афзоиши хушунатҳо дар саросари Афғонистон ҳар рӯз даҳҳо нафар кушта ва захмӣ мешванд.

34
Барчаспҳо:
ҳамалоти террористӣ, афзоиш, нигаронӣ, куштор, СММ, хушунат, Афғонистон
Человек пишет в блокноте, архивное фото

Бори нахуст дар Колумбия шеъри тоҷикӣ садо дод

91
(Таҷдидшуда 18:03 22.09.2020)
Дар озмуне дар ин кишвар бори аввал аз Тоҷикистон шоири тоҷик, журналист ва мутарҷим Абдуқаҳҳори Қосим иштирок намуда, бо забони тоҷикӣ шеърҳои худро қироат намуд

ДУШАНБЕ, 22 сен — Sputnik. Бори нахуст дар Фестивали адабии байналмилалии Меделин шеъри тоҷикӣ садо дод, гузориш медиҳад Вазорати фарҳанги Тоҷикистон.

Бино бар иттилои манбаъ, дар 30-юмин солгарди Фестивали адабии байналмилалии Меделин, ки ба таври онлайн дар шаҳри Меделини Колумбия баргузор гардид ва дар он 40-умин солгарди таъсиси мукофоти алтернативии Нобел низ ҷашн гирифта мешавад, бори аввал аз Тоҷикистон шоири тоҷик, журналист ва мутарҷим Абдуқаҳҳори Қосим иштирок намуда, бо забони тоҷикӣ шеърҳои худро қироат намуд. 

Имсол дар Фестивал 180 нафар шоирону олимони маъруф ва 20 дорандаи мукофоти алтернативии Нобел аз 103 давлати дунё ширкат намуданд.

Фестивали мазкур соли 1991 аз ҷониби шоир, файласуф ва арбоби ҷамъиятӣ Фернандо Рендон таъсис дода шуда, соли 2006 ба Ҷоизаи алтернативии Нобел – “Барои ҳақиқат,  сулҳ ва адолати иҷтимоӣ” сазовор гаштааст.

Инчунин Фестивали адабии байналмилалии Меделин аз ҷониби ЮНЕСКО ҳамчун мероси фарҳангии Колумбия эътироф гардидааст.

Абдуқаҳҳори Қосим дар суҳбат бо "Ховар" иброз намуд, ки “фестивал аз  моҳи октябри соли 2019 оғоз гардида, шоирону нависандагон маҳсули эҷоди худро тавассути сабти видеоӣ пешниҳод намуданд. Ман 15 шеъри худро, ки тараннумгари сарзамини Тоҷикистон, модар, ишқу муҳаббат ва Ватан буданд, қироат намудам”.

Сабти қироати муаллиф бо забони тоҷикӣ ва бо тарҷума ба забони испанӣ тӯли як соат дар ин фестивал тариқи сомонаҳои Ютуб, Зум, Фейсбук ва ғайра намоиш дода шуд. Инчунин аз ҷониби тарҷумонҳо маълумот дар бораи сарзамини Тоҷикистон  ва аксҳои табиати дилрабои мамлакатамон бо забони испанӣ пешниҳод гардиданд.

Эрдуғон дар маросими кушоиши масҷиди Аёсофия ба забони форсӣ шеър хонд- видео

Хусусияти дигари ҳамоиш он аст, ки намояндаи ҳар миллат бо забони худ суханронӣ ва шеър қироат мекунад.

Фестивали адабии байналмилалии Меделин то 10 октябр идома меёбад. То имрӯз дар ин фестивал зиёда аз 1800 шоир аз 170 давлати панҷ қитъаи рӯи дунё ва 165 миллат ширкат варзидаанд. Имсол ҳамоишро дар сомонаҳои иҷтимоӣ зиёда аз 350 ҳазор нафар тамошо кардаанд.

91