Лавров ва Зариф вазъияти Сурияро баррась намуданд, акс аз бойгонӣ

Лавров ва Зариф масъалаи танзими вазъи Сурияро баррасӣ карданд

71
(Таҷдидшуда 16:19 03.07.2018)
Мулоқот дар ҳошияи задухурдҳои нерӯҳои Ҳукумати Сурия ва ҷангҷӯён дар наздикии сарҳади Исроилу Урдун сурат гирифт

ДУШАНБЕ, 3 июл — Sputnik. Вазири корҳои хориҷаи Русия Сергей Лавров бо вазири умури хориҷаи Эрон Муҳаммад Ҷавод Зариф мулоқот кард, хабар медиҳад дафтари матбуотии Вазорати умури хориҷаи Русия.

Бино бар иттилои манбаъ, ҷонибҳо зимни мулоқот масоили ҳамкориҳои дуҷонибаи Русия ва Эрон ва роҳҳои ҷустуҷӯи ҳалли мушкилии  Сурияро баррасӣ намуданд.

"Вазири корҳои хориҷа масоили ҳамкориҳои дуҷониба, нишасти панҷуми кишварҳои ҳошияи Хазар ва танзими вазъи Сурияро баррасӣ карданд", — афзудааст манбаъ.

Мулоқот замоне баргузор шуд, ки нирӯҳои ҳукуматии Сурия дар марзи Исроил ва Урдун  зидди ҷангҷӯён амалиёт мегузаронанд. Ҳамчунин вазъият дар минтақаҳои Ҳалаб ва атрофи он дар Сурия муташанниҷ мешавад.

71
Барчаспҳо:
Ҳалаб, вазъият, Лавров, Сурия, ҷангҷӯён, Русия, Эрон, Эрон, Русия

Тавсифи Зеленский аз Раҳмон: сазоворед

124
(Таҷдидшуда 19:04 22.10.2020)
Раисҷумҳури Украина Владимир Зеленский ба унвони раисҷумҳури Тоҷикистон Эмомалӣ Раҳмон ба муносибати интихоб шуданаш ба мансаби президентӣ барқияи шодбошӣ ирсол кардааст

ДУШАНБЕ, 21 окт — Sputnik. Тавре котиботи раисҷумҳури Тоҷикистон менависад, раисҷумҳури Украина кишвардори Тоҷикистон Эмомалӣ Раҳмонро ба муносибати пирӯзӣ дар интихобот муборакбод гуфта, ба Эмомалӣ Раҳмон муваффақият таманно кардааст ва ӯро чун роҳбари сазовор ба боварии мардуми Тоҷикистон тавсиф кардааст.

Президент Республики Таджикистан Эмомали Рахмон
© Официальная страница пресс-службы президента РТ в Facebook

"Ғалабаи Шумо дар интихоботи кунунӣ далели боварии мардуми тоҷик ба Шумо ва дастгирии васеи роҳи интихобкардаи сиёсиву иҷтимоии рушди Ҷумҳурии Тоҷикистон мебошад,-  таъкид кардааст вай.

Раисҷумҳури Украина афзудааст, "аз номи мардуми Украина ва шахсан аз номи худам Шуморо ба муносибати аз нав интихоб шуданатон ба мақоми Президенти Ҷумҳурии Тоҷикистон самимона табрик менамоям".

Зеленский изҳори умедворӣ кардааст, ки минбаъд, муносибатҳои Тоҷикистону Украина ба сатҳи нав мебароянд.

Раҳмон ба Зеленский: мо ба ояндаи муносибатҳои дӯстӣ назари нек дорем

"Аз ин фурсати хурсандибахш истифода бурда, ба Шумо, Ҷаноби Олӣ сиҳатии комил ва дар фаъоляти пурмасъулиятатон минбаъд ҳам муваффақият, ба мардуми дӯсти тоҷик бошад, сулҳ, ризоият ва шукуфоӣ орзумандам", - гуфтааст дар анҷом вай.

Ба иттилои котиботи президент ҳамчунин аз номи резиденти Венгрия Янош Адер ва Президенти Ҷумҳурии Федеративии Бразилия Ҷейр Месиас Болсона ба Эмомалӣ Раҳмон барқияи шодбошӣ расидааст.

124
Вакцинация против COVID-19 в Москве

Марги табиби 28 - сола пас аз иштирок дар озмоиши ваксинаи бритонӣ алайҳи коронавирус

1201
(Таҷдидшуда 14:21 22.10.2020)
Дар Британия яке аз иштирокчиёни озмоиши ваксинаи алайҳи коронавирус ба ҳалокат расид. Марҳум ҳамагӣ 28 сол дошта, ба ҳайси табиб кор мекард

ДУШАНБЕ, 22 окт – Sputnik. Дар Бразилия иштирокчии озмоиши ваксинаи алайҳи коронавирус, ки аз ҷониби ширкати дорусозии AstraZeneca ва Донишгоҳи Оксфорд таҳия шудааст, даргузашт, менависад рӯзномаи бритониёии Globo бо истинод ба Агентии назорати тандурустии Бразилия.

Манбаъ меафзояд, ин мард рӯзи 15 октябр аз маризии сироятии COVID-19 ҷон бохт.

"Марҳум табиби 28 - сола буда, дар клиникаи хусусии Рио - де - Жанейра дар шӯъбаи эҳёгарӣ бо маризони мубталои коронавирус кор мекард. Ӯ бемориҳои музмин надошт".

Пизишки ҷавон моҳи июл тасмим гирифтааст, ки дар озмоиши ваксинаи сохти бритонӣ иштирок кунад, аммо моҳи сентябр худ мубталои ин дард шуд.

Феълан дақиқ мешавад, ки оё табиб дар асл ҳам ваксинаи алайҳи коронавирус гирифта буд ва ё танҳо бо платсебои муқаррарӣ ӯро сӯзандору намуданд.

Тибқи маълумоти Пажӯҳишгоҳи "ДОр", ки озмоишро дар Рио-де-Жанейро мегузаронад, дар Бразилия ҷамъан 8000 ихтиёриён дар барномаи байналмилалии таҳқиқоти ваксинаи AstraZeneca иштирок мекунанд. Аммо, танҳо нисфи онҳо ваксинаи воқеӣ гирифтанду халос.

Дар ҳамин ҳол, моҳи сентябр ширкати AstraZeneca дар бораи боздоштани озмоиши ваксина алайҳи коронавирус хабар дод. Иллати боздоштани озмоиш, ба вокуниши як иштирокчӣ аз таъсири манфии ваксина рабт дода мешавад.

Амрико аз уҳдаи сохти ваксина намебарояд ва дар бохташ Русияро айбдор мекунад - навор

Зимнан, озмоишҳои ваксинаи коронавирус инчунин аз ҷониби Johnson & Johnson, Inovio Pharmaceuticals ва Eli Lilly низ боздошта шуданд.

Бояд зикр намуд, ки Русия то ҳол се ваксинаи коронавирусро бомуваффақият таҳия кард.

1201
Барчаспҳо:
даргузашт, табиб, дору, Бритония
Мавзуҳо:
Пайомадҳои COVID-19 дар Тоҷикистон ва ҷаҳон