Бой Макгрегор - Нурмагомедов

Ҳабиб Нурмуҳаммедов: Путин баъд аз пирӯзиам ба ман занг заду табрик гуфт

1845
Ҳабиб Нурмуҳаммедов пас аз пирӯзиаш бар варзишкори ирландӣ Конор Макгрегор дар як нишасти матбуотӣ рафтору занозании худро шарҳ доду гуфт, ӯро Владимир Путин бо занги телефонӣ табрик кард

ДУШАНБЕ, 7 окт — Sputnik.  Владимир Путин, раисҷумҳури Русия дар рӯзи зодрӯзаш субҳи имрӯз ба Амрико занг зада Ҳабиб Нурмуҳаммедовро бо приӯзиаш бар Конор Макгрегор табрик кардааст.

“Ман фахр мекунам, ки бо Путин акс гирифтам. Владимир Путин ба ман занг зад табрик гуфт. Вай аз пирӯзии ман ташаккур кард. Ман аз ӯ барои ҳамин миннатдор ҳастам”.

Баъди пирӯзии варзишгари рус дар байни аъзои гуруҳи ҳарду рақиб ҷанҷолу занозанӣ бархост ва аз ин сабаб мусоҳиба бо ғолиби бозӣ ва маросими супурдани камарбанд дар ҳузури мухлисонро лағв карданд. Ҳарду рақиб баъди хотимаи набард, толорро тарк карданд.

Роҳбарияти UFC таъкид намудааст, ки алайҳи рафтори Ҳабиб тафтишот оғоз шудааст ва то анҷоми он ба тими Ҳабиб маблағ падохта намешавад.

Вай инчунин таъкид намуд, ки се нафар аз тими Ҳабибро пулиси Амрико барои занозани дар дохили майдон дастгир намудааст.

Инчунин роҳбари UFC Дэйн Уайт, таъкид намудааст, ояндаи Ҳабиб зери суол аст ва ӯ метавонад камарбанди чемпиониашро аз даст диҳад.  

“Мо ҳоло ҳамроҳ бо коммисия наворҳоро таҳқиқ дорем. Иштироки Ҳабиб дар рақобатҳои оянда зери суол аст. Ӯ метавонанд аз ин варзиш ронда шавад. Ҳама бад аст. Ҳоло Комиссия атлетикии Невада тафтишотро оғоз кардааст. Тими Ҳабибро таҳримҳову ҷаримаҳои ҷидди интизор аст”, гуфт вай.

Ёдрас мешавем, ки Ҳабиб Нурмуҳаммедов, варзишкори Русия ба Конор Макгрегор, варзишкори ирландӣ пирӯз шуд.

Бозӣ шоми 6 октябр дар Лас-Вегаси Амрико дар ҳошияи мусобиқаҳои UFC 229 баргузор шуд.

Дар анҷом, пирӯзиро бидуни ҳузури ду варзишкор эълон намуданд. Ҳабиб камарбанди қаҳрамониашро ҳифз кард.

Ҳабиб Нурмагомедов барои ин ширкат дар ин мусобиқа 2 миллион доллар ҷоиза мегирифт.

 

1845
Барчаспҳо:
табрикот, Владимир Путин, занозанӣ, Макгрегор, пирӯзӣ, Ҳабиб, Ҳабиб Нурмуҳаммадов
Жители Узбекистана в защитных масках

Афзоиши мубталоёни коронавирус дар Ӯзбекистон: ба чор ҳазор наздик шуд

59
(Таҷдидшуда 17:09 05.06.2020)
Айни замон дар Ӯзбекистон 862 беморони гирифтори COVID-19 табобат мегиранд, нӯҳ нафари онҳо дар ҳолати вазнин ва як нафар дар ҳолати ниҳоят вазнин қарор дорад

ДУШАНБЕ, 5  июн — Sputnik. Дар ин кишвар давоми шабонарӯзи гузашта боз 26 ҳолати ҷадиди мубталошавӣ ба ин маризӣ сабт гардид, хабар медиҳад ситоди фаврии назди ҳукумати Ӯзбекистон.

Бо илова шудани 26 мавориди ҷадид, шумораи умуми дардмандон ба 3 965 нафар баробар шуд.

Гуфта  мешавад, ба қарибӣ дар ҷумҳурӣ 96 ҳолати нави COVID-19 ва снаи 3 июн - 83 нафар бо нишонаҳои ин беморӣ ба қайд гирифта шудааст.

Тибқи иттилои вазорати тандурустӣ, ҳоло дар Ӯзбекистон 862 беморони гирифтори COVID-19 табобат мегиранд, нӯҳ нафари онҳо дар ҳолати вазнин ва як нафар дар ҳолати ниҳоят вазнин қарор дорад

Ёдовар мешавем, ки аввалин ҳолати сироятёбӣ дар Узбакистон 15 март дар зане, ки аз Фаронса ба ватанаш баргашт, расман сабт шуд.

Ҳукумати Ӯзбекистон сар аз пайдоиши ин беморӣ дар ин кишвар чораҳи қатъӣ аз ҷумла қарантинаро роҳандозӣ кард.

Мубориза бо КОВИД-19: дар Бӯстон маҳлули хлор тақсим мекунанд

Ба наздикӣ мақомоти Узбакистон қарантинро дар ҷумҳурӣ то 15 июн тамдид карданд, аммо дар минтақаҳое шуюи коронавирус паст гаштанд аз 1 июн ба нуқтаҳои маишӣ ва гузаронидани тую маъракаҳо иҷозат дода шуд.

Ҳамчунин, аз 18 май инҷониб равуои нақлиёти мусофирбар байни Тошканд ва дигар минтақаҳои Узбакистон барқарор карда шуданд.

Аз 8 июн, дари мосоҷид ва дигар ибодатгоҳҳо ба рӯйи сокинон кушода хоҳад шуд.

59
Солдаты спецназа США (зеленые береты) в Афганистане. Архивное фото

Коронавирус низомиёни Олмонро аз хоки Афғонистон берун кашид

165
(Таҷдидшуда 03:37 05.06.2020)
Шуморе аз низомиёни олмонии мустақар дар Афғонистон ба далели гирифторӣ ба коронавирус, хоки ин кишварро тарк карданд

ДУШАНБЕ, 5 июн – Sputnik.  Чаҳор низомии олмоние, ки дар фурудгоҳи Кобул карантин буданд шаҳри Мазори Шариф- маркази вилояти Балх  дар шимоли Афғонистонро ба мақсади Колон (Cologne) тарк карданд, радиои Садои Хуросон.

Дар ҳоле теъдоде аз низомиёни олмонӣ ба далели гирифторӣ ба корона аз хоки Афғонистон хориҷ шуданд, ки пеш аз ин неруи ҳавоии ин кишвар аз гирифтории бархе аз низомиёнаш ба корона хабар дода буд.

Пештар гуфта шуда буд, ки садҳо нафар аз низомиёни хориҷӣ ба фармондеҳии Амрико мустақар дар Афғонистон ба корона мубтало шуданд, ки ҳамин масъала боиси нигаронии мардум, мақомот ва низомиёни ин кишвар шуда буд.

Ёдрас мешавем, ки ахиран созмони ҷаҳонии беҳдошт мегӯяд, вазъи паҳншавии коронавирус дар ҷаҳон то ҳол дар ҳамон сатҳест, ки аввали сол буд.

Ханс Клюге, мудири бахши аврупоии Созмони ҷаҳонии тандурустӣ мегӯяд, бурузи дубораи коронавируси навъи нав ба тамоми ҷаҳон таҳдид мекунад.

Ба гуфтаи вай, мавҷи дувум агар пешгирӣ нашавад, мудҳиштар хоҳад буд.

Коронавируси навъи нав бори нахуст моҳи декабри соли 2019 дар Вуҳани Чин ошкор шуд. Уфунат зуд аз шаҳр ва кишвар паҳн гардид. 

То имрӯз дар ҷаҳон шумораи гирифторони навъи нави коронавируси COVID-19 ба бештар аз 6 миллиону 263 ҳазор расид.

Ҳамзамон, аз ин теъдод то имрӯз 2 миллиону 846 ҳазору 813 кас шифо ёфтаанд ва 373 ҳазору 899 тан вафот кардаанд.

165
Барчаспҳо:
мустақар, тарк, Олмон, вирус, Афғонистон

Омори тозаи гирифторони COVID - 19 дар Тоҷикистон

0
То 4 июн дар Тоҷикистон 4370 нафар бо ташхиси сирояти коронавируси нави COVID-19 ошкор гардида, аз ин беморӣ то кунун дар мамлакат 2491 (57%) нафар шифо ёфтаанд

ДУШАНБЕ, 5 июн – Sputnik. Вазорати тандурустии Тоҷикистон омори нави гирифторони коронавирусро нашр кард.

Шабонарӯзи гузашта 81 нафар бо ташхиси сирояти коронавируси нави COVID-19 ошкор шуда, ягон ҳолати фавт ба қайд гирифта нашуд. То имрӯз дар мамлакат аз ин беморӣ 48 нафар фавтидаанд.

Вазорати тандурустӣ ва ҳифзи иҷтимоии аҳолии Ҷумҳурии Тоҷикистон иттилоъ медиҳад, ки то 5 июн дар мамлакат 1355 нафар зери назорати табибон қарор дошта, дар як шабонарӯзи охир 219 нафар пас аз шифо ёфтан ба хонаҳояшон рухсат дода шудаанд.

0
Барчаспҳо:
бемориҳои сироятӣ, сироят, вируси нав, Тоҷикистон