Рабочий визит президента РФ В. Путина во Францию

Путин мулоқоташро бо Трамп дар Париж тавзеҳ дод

266
(Таҷдидшуда 13:51 12.11.2018)
Владимир Путин ва Доналд Трамп дар ҷараёни чорабиниҳои бахшида ба 100-умин солгарди анҷомёбии Ҷанги якуми ҷаҳон мулоқоти кӯтоҳе анҷом додаанд

ДУШАНБЕ, 12 ноя — Sputnik. Раисҷумҳури Русия Владимир Путин хабар дод, ки ӯ бо президенти Амрико Доналд Трамп дар Париж мулоқоти кӯтоҳе анҷом додааст.

Тавре РИА Новости хабар медиҳад, раисҷумҳур дар посух ба суоли рӯзноманигорон, ки оё бо Трамп мулоқот кардааст, гуфтааст, "бале" ва ба суоли "мулоқот чигуна сурат гирифт?", гуфтааст, "хуб".

Дар баромадгоҳи дарвозаи Қасри Елитсей Владимир Путин дубора ангушти калонашро дар ишора ба Трамп боло кард. Пештар Путин ҳангоми дидор бо Трамп дар назди Арки пирӯзӣ ҳамин ишораро карда буд. Путин баъди дастфишорӣ бо Трамп ангушти калонашро боло кард, Трамп бошад дар посух ба китфони Путин дастафшонӣ кард.

Путин, низ дар ҷавоб ба китфи Трамп даст афшонда, ба ҷояш гузашт.

Бояд зикр кард, ки раҳбарони даҳҳо кишвар рӯзи 11-уми ноябр барои ширкат дар маросими 100-умин солгарди оташбаси Ҷанги якуми ҷаҳон дар Париж ҷамъ омаданд. Дар ин маросим,  70 роҳбари кишварҳои ҷаҳон, аз ҷумла Владимир Путин, Доналд Трамп, Раҷаб Тайиб Эрдуғон, Пётр Порошенко ҳузур доштанд.

Эммануэл Макрон, раисҷумҳури Фаронса баромад кард ва гуфт, "сулҳи бадастомадаро бояд эҳтиёт кард".

“Баъзе аз мо дар он ҷанг дар ҷониби муқобил будем. Имрӯз ҳама якҷо ҳастем, ки ин беҳтарин эҳтиром ба сарбозони ҷонбохта аст”, - гуфт Макрон.  

Ёдовар мешавем, ки сад сол пеш,  11-уми ноябри соли 1918 ҷанги якуми ҷаҳон - ҷанги чаҳорсолае тамом шуд, ки дар ҷараёни он 10 миллион сарбоз ва миллионҳо нафари ғайринизомӣ кушта шуданд.

 

266
Барчаспҳо:
вохурӣ, Париж, Трамп, Путин
Зал со зрителями на Fight Nights Global Global 71, архивное фото

Размикори ММА бо усули ғайримаъмулӣ рақибашро аз пой зад - видео

179
(Таҷдидшуда 14:53 09.08.2020)
Ин рақобат дар бахши дуюм хотима ёфт. Пас аз чандин зарбаи сангин бар пой, варзишкори амрикоӣ натавонист рақобатро идома диҳад

ДУШАНБЕ, 9 авг — Sputnik. Варзишкори муҳорибаҳои омехта Чарли Кэмпбелл аз ИМА, дар мусобиқаи Bellator 243 бо усули ғайримаъмулӣ бар варзишкори ҳамшаҳрияш Найндоа Данг пирӯз шуд.

Навори лаҳзаи нокаeт дар саҳифаи баргузоркунандагони рақобат дар Twitter нашр шудааст.

Ин рақобат дар бахши дуюм хотима ёфт.

Муин Ғафуров: ба ҷои UFC, размикор метавонад ба Ҷопон биравад

Кэмпбелл бар пойи рақибаш пай дар пай шалллоқҳои сангин равон мекард. Дар натиҷа Данг тавони идомаи рақобатро аз даст дод.

Рефери дар ин росто, рақобатро бо хулосаи нокаути техникӣ хотима бахшид.

Дана Уайт 4 размикори беҳтарини UFC - ро ном бурд: миёнашон як зан - Ҳабиб нест

Ин пирӯзии дуввуми Чарли Кэмпбелл дар фаъолияти варзишиаш мебошад.

Ӯ ҳамагӣ як маротиба мағлуб шудааст.

179
Барчаспҳо:
Ҷаҳон, нокаут, варзишкор, размикор
Голосование по поправкам в конституцию РФ в Таджикистане

Дар Тоҷикистон интихоботи президентии Белорус баргузор нашуд

145
(Таҷдидшуда 11:34 09.08.2020)
 Сафорати Белорус дар Тоҷикистон мегӯяд, интихоботи президентии ин кишвар дар Тоҷикистон баргузор намешавад

 ДУШАНБЕ, 9 авг — Sputnik. Дар иттилоияе, ки сафорат дар сафҳаи расмии худ ҷой додааст, омадааст, теъдоди шаҳрвандоне, ки ҳаққи ширкат дар интихоботро доранд ва дар Ҷумҳурии Тоҷикистон зиндагӣ мекунанд, ба 20 нафар намерасад, аз ин хотир, маркази раъйгирӣ дар сафорати Белорус дар Тоҷикистон эҷод нашудааст.

Таъйини интихобот ба рӯзи 13 сентябри соли 2020

Имрӯз, 9 августи соли 2020, интихоботи раисҷумҳури Белорус баргузор мешавад. Шаҳрвандони Белорус метавонанд дар ин интихобот ширкат кунанд ва дар яке аз марокизи раъйгирии ташкилшуда дар хоки ин кишвар ва ҳамчунин теъдоде дигар аз кишварҳо раъйи худро диҳанд.

Мутобиқи кодекси интихоботи Белорус, афроде, ки ба синни 18-солагӣ расида ва дорои шиносномаи мӯътабари шаҳрванди ин кишварро доранд, метавонанд дар интихобот ширкат кунанд.

145

Афзоиши маризони COVID - 19 дар Ӯзбекистон: аз 30 ҳазор гузашт

0
(Таҷдидшуда 15:45 09.08.2020)
Вазорати тандурустии Ӯзбекистон омори дақиқи гирифторӣ, шифо ва фавт аз коронавируси COVID - 19 - ро нашр кард

ДУШАНБЕ, 9 авг — Sputnik. Дар Ӯзбекистон беш аз 30 ҳазор кас гирифтори маризии COVID - 19 шудаанд, хабар медиҳад хадамоти матбуотии Вазорати беҳдошти Ӯзбекистон.

Бино ба гузориши ин ниҳод дар давоми 24 соати гузашта дар кишвар 738 ҳолати нави гирифторӣ ба COVID - 19 сабт шудааст.

"То 9 август дар ҳудуди Ӯзбекистон 30 197 кас мубталои коронавируси COVID - 19 шудаанд", - омадааст дар хабарнома.

Вазорати беҳдошти Ӯзбекистон афзуда, ки давоми шабонарӯзи гузашта дар кишвар 5 кас қурбони ин вабои аср шудааст. Шумораи умумии фавтидагон аз коронавирус ба 190 нафар расид.

Афзоиши рекордии гирифторони COVID - 19 дар Ӯзбекистон: аз 25 ҳазор гузашт

Дар баробари ин дар Ӯзбекистон беш аз 21,3 ҳазор кас аз маризии коронавирус шифо ёфтанд.

 

Ёдрас мешавем, ки нахустин ҳолати гирифторӣ ба коронавируси COVID - 19 дар бадани як мусофир, ки аз Фаронса омада буд, дарёфт гардид.

Пас аз гирифторӣ ба коронавирус кадом витаминҳоро бояд истеъмол кард?: посухи табиб

Дар Ӯзбекистон то 15 август карантин ҷорӣ гардидааст.

0
Барчаспҳо:
маризон, беморон, вируси нав, Ӯзбекистон
Мавзуҳо:
Пайомадҳои COVID-19 дар Тоҷикистон ва ҷаҳон