Низомиёни Узбакистон, акс аз бойгонӣ

Ҳамсояҳо хавотир нашавед: бо супориши Мирзиёев дар Узбакистон бонги хатар зада шуд

555
(Таҷдидшуда 11:46 26.11.2018)
Субҳи имрӯз барои нахустин бор бо супориши раисиҷумҳур Шавкат Мирзиёев тамоми қувваҳои мусаллаҳи Узбакистон бо бонги хатари санҷишӣ ба по хезонда шуданд

ДУШАНБЕ, 26 ноя — Sputnik. Вазорати дифои Узбакистон мегӯяд, санҷиши сартосарии омодагии қувваҳои мусаллаҳ 5 рӯз дар 4 марҳила давом хоҳад кард. 

Тибқи иттилои РИА Новости ҳадафи ин машқҳо санҷиши омодагии дастгоҳи марказии Вазорати дифоъ барои идораи нерӯҳои мусаллаҳ дар ҳолатҳои ҷангӣ ва сатҳи омодагии низомиён мебошад.

Вазорати дифои Узбакистон таъкид намудааст, ки чунин санҷиши сартосарии омодагии ҷангии нерӯҳои мусаллаҳ бори аввал дар кишвар гузаронда мешавад.

Ахиран Узбакистон ҳамсояҳоро аз нияташ барои санҷиши сартосарӣ огоҳ карда, изҳор дошт, ки ин иқдом алайҳи ҳеч давлате равона нашудааст.

Вазорати умури хориҷии Узбакистон дар нотааш ба ҳамсоякишварҳо таъкид намудааст, пойбанди уҳдадориҳои қаблияш дар назди кишварҳои дигар буда, санҷиши омодагии ҷангии артиш алайҳи ҳеч кишваре равона нашудааст.

“Ҳадафи санҷиш баҳогузории омодагии ҷангии қувваҳои мусаллаҳи Узбакистон мебошад”, - омадааст дар нотаи Вазорати умури хориҷии ин кишвар.

 

 

 

555
Барчаспҳо:
ҳарбӣ, омӯзиш, низомиён, Узбакистон

10 миллион нафар дар Афғонистон мубталои коронавирус шуданд

94
(Таҷдидшуда 21:39 06.08.2020)
Вазири тандурустии Афғонистон изҳор доштаст, ки сеяки аҳолии ин кишвар ба маризии сироятии коронавирус мубтало гардидаанд

ДУШАНБЕ, 6 авг — Sputnik. Вазорати тандурустии Афғонистон бо нашри гузорише гуфт, ки дар ин кишвар ҳудуди даҳ миллион, яъне аз се як ҳиссаи аҳолии Афғонистон ба коронавирус гирифтор шудаанд.

Аҳмад Ҷавод Усмонӣ, вазири тандурустии Афғонистон дар нишасти матбуотӣ гуфт, ки ин омор пас аз баррасии натиҷаҳои тести 2500 нафар дар саросари кишвар ба даст омадааст.

Дар лоиҳаи буҷаи Тоҷикистон барои соли 2021 пандемияи коронавирус ба назар гирифта мешавад

Ин тестҳо ва баррасиҳо, ки бо кӯмаки Созмони Ҷаҳонии Тандурустӣ анҷом шудааст, таъмин мезанад, ки акнун 31,5 дарсад аз аҳолии Афғонистон ба ин вирус гирифта шудаанд ва бештарин ҳолатҳои гирифторӣ дар Кобул будааст.

Коронавирус дар моҳи феврали соли ҷорӣ бо бозгашти ҳазорон муҳоҷири афғон аз Эрон ба кишварашон ворид шуд.

Дар ҳоли ҳозир таҳқиқоте дар мавриди шумораи ҷонбохтагон ва гирифторон ба ин беморӣ дар Афғонистон идома дорад.

94
Барчаспҳо:
маризӣ, Афғонистон
Мавзуҳо:
Пайомадҳои COVID-19 дар Тоҷикистон ва ҷаҳон

Теъдоди қурбониёни таракиши Бейрут ба 135 нафар расид: 5 ҳазор ҷароҳатдор шуданд

120
(Таҷдидшуда 16:44 06.08.2020)
Теъдоди ҷонбохтагони таркиши мудҳиш дар Бейрут ҳамоно рӯ ба афзоиш аст. Ҳоло расман фавти 135 нафар тасдиқ шудааст

ДУШАНБЕ, 6 авг — Sputnik. Шумораи ҷонбохтагони  таркиш  дар пойтахти Лубнон – шаҳри Бейрут ба 135 нафар расид, хабар медиҳад "Al Jazeera.

Ба иттилои манбаъ, дар ин таркиш ҳадди аққал 135  кас  ҷон бохта,  тахминан  5 ҳазор  нафари дигар  захмӣ шудаанд.

Мақомоти расмӣ иброз доштааст, ки  эҳтимоли зиёд гардидани шумораи ҷонбохтагон вуҷуд дорад, чунки наҷотдиҳандагон ҷустуҷӯйи одамони зиндамонадаро дар зери биноҳои валангор идома медиҳанд.

Таркиши шадид дар Бейрут: даҳҳо нафар ҳалоку маҷрӯҳ шуда, биноҳои зиёд хароб гаштанд-навор

Губернатори Бейрут Марван Аббуд гуфт, ки дар шаҳр то 300,000 нафар бесарпаноҳ мондаанд. Мақомот барои бо ғизо, об ва манзил таъмин намудани онҳо кӯшиш мекунад.

Таркиш дар бандари Бейрут шоми 4 август рух дод. Мақомоти маҳаллӣ сабаби ин ҳодисаро таркиши 2,7 ҳазор тонна нитрати аммиак, ки дар анбори бандар нигоҳдорӣ мешуд, арзёбӣ намуданд.

Ин маводро соли 2015 хадамоти гумрук мусодира намуда, онро  дар бандари мазкур нигоҳдорӣ мекардааст. Дар Бейрут барои ду ҳафта  вазъияти фавқулода эълон шудааст.

120