Ежегодное послание президента РФ В. Путина Федеральному Собранию

Путин самтҳои афзалиятноки сиёсати хориҷии Русияро шарҳ дод

170
Владимир Путин, раисҷумҳури Русия дар паёмаш ба иҷлоси муштараки парлумон шарҳ дод, ки Русия бо кадом кишварҳо ҳамкориҳояшро тақвият мебахшад

ДУШАНБЕ, 20 фев — Sputnik.  Владимир Путин, раисҷумҳури Русия дар паёмаш ба иҷлоси муштараки парлумон самтҳои афзалиятноки сиёсати хориҷии Русияро тавзеҳ дод.

Ҳангоми суханронӣ Владимир Путин таъкид намуд, ки самти афзалиятноки сиёсати хориҷии Русия, ин боло бурдани боварӣ ва тавсеаи ҳамкориҳо дар соҳаҳои гуногун бо дигар кишварҳо хоҳад буд.

Ба гуфтаи Путин Русия бояд ҳамкориҳояш бо Белорус тақвият бахшида, ба густариши ҳамкориҳо дар соҳаҳои гуногун бо Чин ва Ҳиндустон аҳамият диҳад.

Вай таъкид кард, ки Русия ва Ҷопон роҳҳои мутақобил судманд барои имзои шартномаи сулҳро низ ҷустуҷӯ хоҳанд кард.

“Бо шариконамон дар доираи ҳамкориҳои иқтисодии АвруОсиё барои тавсеаи ҳамкориҳо идома хоҳем дод”, - таъкид намуд Владимир Путин.

Путин таъкид намуд, ки Русия ҳавасманди мухолифат бо Амрико нест.

170
Барчаспҳо:
Ҳиндустон, Чин, тавсеаи ҳамкориҳо, ҳамкориҳо, Русия
Российский миротворец на блокпосту №6 на въезде в город Шуши на дороге из Степанакерта в Лачин

Ин ғайри қобили қабул аст: Қарабоғи Кӯҳӣ аз ҳамроҳ шудан бо Озарбойҷон сарпечӣ кард

34
Мақомоти Қарабоғи Кӯҳӣ дар бораи вазъи кунунии ҷумҳурии эътирофнашуда шадидан сухан гуфтанд

ДУШАНБЕ, 26 январ - Sputnik. Президенти Қарабоғи Кӯҳӣ Араик Арутунян дар мулоқот бо ҳайати шахсии Вазорати корҳои дохилии минтақа дар бораи сарнавишти минбаъдаи ҷумҳурии эътирофнашуда ҳарф зад.

Вай изҳор дошт, ки мавҷудияти Қарабоғ дар дохили Озарбойҷон ғайриимкон ва ғайри қобили қабул аст.

"Роҳи душвор ва тӯлоние моро барои барқарорсозӣ ва тақвияти кишвар интизор аст, ки дар он тамоми мардуми Артсах имкони зистан ва эҷод карданро доранд", - таъкид кард Арутунян.

Ба гуфтаи раҳбари минтақа, бо вуҷуди шароити душвор, Қарабоғи Кӯҳӣ муборизаро барои эътирофи байналмилалии истиқлолият идома хоҳад дод.

Ин масъала, ба гуфтаи Арутунян, бояд дар Гурӯҳи Минскии САҲА матраҳ шавад. Ҳамзамон, президенти Қарабоғи Кӯҳӣ гуфт, ки кишварҳои миёнарав дар ин созмон мавқеи ӯро ҳамроҳӣ мекунанд.

Арманистон сабаби шикасташ дар Қарабоғи Кӯҳиро гуфт

Дар ҷараёни мулоқот Арутунян сардори нави департамент Карен Саркисянро ба кормандони Вазорати корҳои хориҷӣ муаррифӣ кард, ки қаблан вазифаи сардори Хадамоти давлатии фавқулодаи минтақаро ба ӯҳда дошт, 

Низоъ дар Қарабоғи Кӯҳӣ

Амалиёти мусаллаҳона дар Қарабоғи Кӯҳӣ аз соли 1987 инҷониб сар мезанад. Ин муноқишаи сиёсию қавмӣ байни озарбойҷониҳо ва арманиҳо мебошад.

Бори охир он 27 сентябри 2020 дигарбора сар зад. Ҳанӯз маълум нест, ки кадом кишвар аввалин шуда тиркушоиро оғоз кардааст, дар ҳоле ки Арманистон ва Озарбойҷон дар тирборон ҳамдигарро айбдор карданд.

Муноқиша беш аз як моҳ давом кард ва бо дахолати президенти Русия Владимир Путин боздошта шуд.

Тадбири асосии оташбас имзои созишномае буд, ки баргардонидани қаламравҳои ишғолкардаи Арманистон ба Озарбойҷонро пешбинӣ мекунад.

Ин санад шаби 9 ба 10 ноябр имзо шудааст. Аз ҳамон лаҳза амалиёти ҷангӣ дар Қарабоғи Кӯҳӣ қатъ шуд.

Миёни ҷангу сулҳ: гузориши аксӣ аз Қарабоғи куҳӣ

Шартҳои риояи созишномаҳоро посдорони сулҳи Русия назорат мекунанд. Онҳо инчунин ба гурезагон кӯмак мерасонанд, корҳои тоза кардани минаҳоро анҷом медиҳанд ва инфрасохтори шаҳрҳои маҳаллиро барқарор мекунанд.

34
Барчаспҳо:
ҷанг дар Қарабоғ, Русия, низоми оташбас, ҷанг, Арманистон, Озарбойҷон
Член Совета по правам человека при президенте РФ, исполнительный директор медиагруппы Россия Сегодня Кирилл Вышинский

Эътирози Вишинский ва Бутина алайҳи таъқиби ВАО

20
(Таҷдидшуда 15:58 26.01.2021)
Директори иҷроияи гуруҳи расонаҳои "Россия сегодня" Кирилл Вишинский ва Мария Бутина, ки аз зиндони Амрико озод шуду узви Палатаи ҷамъиятӣ мебошад, дар назди сафорати Латвия дар Маскав алайҳи таъқиби ВАО-и Русия ба эътироз баромаданд

ДУШАНБЕ, 26 январ - Sputnik. Дар дасти Бутина, ба маънои рамзӣ завлонае гирди плакате бо навиштаҷоти "Минтақаи озод сухани низоми сахт" аст. Вишинский дар навбати худ даъват мекунад, ки ба таъқиби журналистон хотима бахшида шавад.

"Мутаассифона, ман маҷбур шудам, ки бори дигар дастбандро ба бар кунам. Ин корест, ки ман намехоҳам бикунам, аммо ман наметавонам бетараф бошам. Ин ҳамбастагӣ бо ҳамватанони мо, бо рӯзноманигорон дар Латвия мебошад, ки ҳоло барои нуқтаи назари алтернативӣ, барои ҳамкорӣ бо ВАО-и Русия таъқиб мешаванд", - гуфт Бутина.

Фаъоли иҷтимоӣ ҳодисаҳои дар Латвия рӯйдодаро таъқиби озодии сухан ва арзишҳои умумиинсонӣ аз ҷониби мақомот номид.

"Дар Латвия на танҳо ҳуқуқҳои ҳамкасбони мо, балки ҳамватанони мо дағалона поймол карда мешаванд ...Онҳо қоидаи асосӣ - ҳуқуқи интихоби идораи таҳрирӣ, ки ба эътиқоди ботинии ӯ мувофиқат мекунад, вайрон мекунанд <. ..> Далели он, ки ин гуна мафҳумҳо дар Латвия дасткорӣ карда мешаванд, на танҳо мо, на фақат Вазорати корҳои хориҷии Русия, балки як созмоне чун "Хабарнигорони бидуни марз" сабт кардааст", -  қайд кард Вишинский.

Муроҷиати Симонян ба президенти Эстония барои бехатарии кормандони Sputnik

Дар моҳи декабр, рӯзноманигорони русзабони Латвия, аз ҷумла онҳое, ки бо порталҳои Baltnews ва Sputnik.Латвия кор мекунанд, тибқи моддаи 84 Қонуни ҷиноии Латвия - "Вайрон кардани режими таҳримоти ИА" айбдор карда шуданд.

Ҷазо аз ҷаримаи пулӣ то ҳабсро дар бар мегирад. Онҳоро кофтукоб карданд ва санади тарк накардани марз доданд. Sputnik.Латвия ва Baltnews бо гурӯҳи хабаргузории "Россия сегодня" робита доранд. Дар айни замон, рӯзноманигорони Латвия, ки барои ин расонаҳо менависанд, на кормандон, балки танҳо ба ҳайси муаллифони озод фаъолият мекунанд.

Вазорати корҳои хориҷии Русия амалкарди мақомоти Латвияро алайҳи рӯзноманигорони русзабон амали ҷазо ва намунаи ошкорои вайрон кардани пояҳои ҷомеаи демократӣ - озодии ВАО ва баён номид.

Ин ниҳод қайд кард, ки таҳримҳо хусусияти шахсӣ доранд ва шахсан ба Директори кулли "Россия Сегодня" Дмитрий Киселев иртибот доранд ва наметавонанд ба ҳар касе, ки бо медиахолдинг ҳамкорӣ мекунад, рабт дошта бошад.

Сармуҳаррири "Россия Сегодня" Маргарита Симонян изҳори умедворӣ кард, ки Русия ба парвандаҳои ҷиноии зидди рӯзноманигорони русзабон посух хоҳад дод.

20
Барчаспҳо:
Русия, Латвия, эътироз, пикет, Кирилл Вишинский