Раддабандии шиносномаҳои "пурқувват": Тоҷикистон чандум аст?

© SputnikЗаграничный биометрический паспорт гражданина РТ
Заграничный биометрический паспорт гражданина РТ - Sputnik Тоҷикистон
Обуна шудан
Шаҳрвандони Тоҷикистон метавонанд бидуни раводид ба 58 кишвари ҷаҳон сафар кунанд. Ин раддабандиро ширкати швейсарии Henley & Partners тартиб додааст

ДУШАНБЕ, 26 мар — Sputnik. Шиноснамаи тоҷикӣ байни пурқувваттарин шиносномаҳои дунё мавқеи 81-умро касб кардааст. Дар ин бора дар раддабандии шиноснамаҳои ширкати швейсарии  Henley & Partners омадааст.

Дар ин раддабандӣ дар бораи сафари озоди шаҳрвандони кишварҳои ҷаҳон дар кишварҳои ҷаҳон маълумот дода мешавад.

Шаҳрвандони Тоҷикистон ба 58 кишвари дунё бидуни раводид сафар карда метавонанд.

Продавец в магазине считает сдачу - Sputnik Тоҷикистон
Тоҷикистон дар раддабандии иқтисоди озод 16 зина поён рафт

Тоҷикистон дар ин раддабандӣ дар як сатр бо Узбакистон ҷой гирифтааст.

Қазоқоситон раддаи 65-умро гирифтааст, ки шаҳрвандони кишвар метавонанд ба 76 кишвари ҷаҳон бидуни раводид сафар кунанд.

Шиносномаи қирғизӣ бо додани имконияти сафари озод ба 64 кишвари ҷаҳон ба шаҳрвандонаш мавқеи 76-умро касб кардааст.

Туркманистон дар ҷойи 86-ум аст, шаҳрвандони кишвар метавонанд бидуни раводид ба 53 кишвари ҷаҳон сафар кунанд.

Шаҳодатномаҳои пурқувватаринро шаҳрвандони Сингапур, Ҷопон, Кореяи Ҷанубӣ соҳиб будаанд. Сокинони ин кишварҳо бидуни раводид метавонанд ба 189 кишвари дунё сафар кунанд.

Олмониҳо метавонанд ба 188 кишвар озод сафар кунанд. Русҳо ба 118 кишвар бидуни раводид сафар карда метавонанд.

Амрико дар ин раддабандӣ ҷойи 6-умро гирифтааст. Амрикоиҳо ба 184 кишвари дунё бидуни раводид сафар карда метавонанд.

Лентаи хабарҳо
0