Шоми фарҳангии тоҷикон дар Париж бо ташаббуси Ҷамолиддин Убайдулло

© сомонаи Вазорати умури хориҷии ТоҷикистонНамоишгоҳ бахшида ба соли сайёҳии Тоҷикистон дар Париж
Намоишгоҳ бахшида ба соли сайёҳии Тоҷикистон дар Париж - Sputnik Тоҷикистон
Обуна шудан
Дар он намояндагони вазорату идораҳои Фаронса, ҳайати дипломатии кишвари иқомат, гурӯҳҳои тиҷоратӣ, доираҳои илмӣ-фарҳангӣ, инчунин тоҷикони муқими Фаронса ва дӯстони Тоҷикистон ширкат варзиданд

ДУШАНБЕ, 29 мар - Sputnik. Дар шаҳри Париж бо ташаббуси Сафорати Тоҷикистон дар Фаронса ва дар ҳамкорӣ бо ҷамъияти фарҳангии тоҷикони муқими Фаронса “Равзана” шоми фарҳангӣ зери унвони “Навои Наврӯз” ба муносибати иди байналмилалии Наврӯз баргузор гардид. Дар ин бора Вазорати корҳои хориҷии Ҷумҳурии Тоҷикистон хабар медиҳад.

Дар чорабинӣ Ҳунарпешаи халқии Тоҷикистон, роҳбари Академияи "Мақом"-и Тоҷикистон– Абдувалӣ Абдурашидов ва шашмақомсаройи маъруфи Тоҷикистон Озодахон Ашӯрова ҳунарнамоӣ карда, намояндагони вазорату идораҳои Фаронса, ҳайати дипломатии кишвари иқомат, гурӯҳҳои тиҷоратӣ, доираҳои илмӣ-фарҳангӣ, инчунин тоҷикони муқими Фаронса ва дӯстони Тоҷикистон ширкат варзиданд. 

Ночь Идей в посольстве Франции в Душанбе - Sputnik Тоҷикистон
Нахустин “Шаби афкор” дар сафорати Фаронса

Дар ифтитоҳи шоми фарҳангӣ Сафири Тоҷикистон дар Фаронса Ҷамолиддин Убайдулло бо сухани шодбошӣ аҳли толорро бо фарорасии ҷашни фархундапайи Наврӯзи оламафрӯз табрику таҳният гуфта, бо ёдрасӣ аз таърих, мазмуну моҳият ва арзишҳои муқаддаси ин ҷашни ниёгон ба меҳмонони маҳфил шоми фораму гуворо таманно намуд. 

Дар фазои идона аҳли толор ва ҳаводорони фарҳангу санъати волои тоҷик имкон доштанд, ки аз навои дилчаспи суруду таронаҳо ва рақси миллӣ бо як дунё нишоту фараҳ баҳра гиранд.

Лентаи хабарҳо
0