Межпарламентская ассамблея СНГ

Шукурҷон Зуҳуров бо Сооронбой Жеенбеков мулоқот анҷом дод

147
(Таҷдидшуда 17:03 21.05.2019)
Миёни  Тоҷикистону Қирғизистон зиёда аз 90 санади ҳамкорӣ мавҷуд буда, гурӯҳҳои дӯстии парлумонӣ низ фаъолият доранд

ДУШАНБЕ, 21 май - Sputnik. Раиси Маҷлиси намояндагони Тоҷикистон Шукурҷон Зуҳуров дар доираи иштирок дар кори ҷаласаи  сайёри  Шӯрои Ассамблеяи Парламентии Созмони Аҳдномаи амнияти дастаҷамъӣ, ки 20 май дар шаҳри Бишкек доир гардид,  бо  Президенти Қирғизистон Сооронбой Жеенбеков мулоқот намуд, иттилоъ додааст, дафтари матбуотии Маҷлиси намояндагони кишвар.

“Дар миёни таҳдиду хатарҳои нави ҷаҳонӣ, терроризму экстремизми байналмилалӣ дар минтақаи назорати шартномаи дастаҷамъона яке аз хатарҳои мубрами рӯзро  ба миён овардааст, бинобар ин  Қирғизистон хостори тавсеаи ҳарчи бештари муносибот бо мамлакатҳои узви Ассамблеяи Парламентии СААД дар ҳамаи арсаҳо мебошад”, гуфтааст Президенти Қирғизистон.

Манбаъ афзудааст, ки Сооронбой Жеенбеков ба баргузории  кори ҷаласаи  сайёри  Шӯрои Ассамблеяи Парламентии Созмони аҳдномаи амнияти дастаҷамъӣ баҳои баланд дод.

Президенти Қирғизистон инчунин оид ба  мубориза бар зидди терроризми баӣналмилалӣ ва хавфи хатарҳои он дар доираи таъмини амниятии созмони мазкур сухан карда, зикр намуд, ки ин ҳамоиш метавонад барои пайдо намудани роҳҳои нави  мубориза бар зидди ин зуҳуроти номатлуб замина гузорад.

Ҳамчунин Шукурҷон Зуҳуров дар доираи ин сафараш бо Раиси Маҷлиси Ҷогорку Кенеши Қирғизистон Достон Ҷумабеков Қирғизистон масоили ҳамкории дуҷонибаро баррасӣ намуданд.

Зикр гардид, ки дар шароити кунунӣ ва рушди босуботи ҷаҳон муносибатҳои Тоҷикистону Қирғизистон дар сатҳи хуб ба роҳ монда шуда, барои роҳандозии ҳамкории мутақобилан судманд дар  ҳамаи соҳаҳои барои ҳарду ҷониб афзалиятнок заминаи мусоид фароҳам оварда шудааст.

Ёдовар мешавем, ки миёни Тоҷикистону Қирғизистон зиёда аз 90 санади ҳамкорӣ мавҷуд буда, гурӯҳҳои дӯстии парлумонӣ низ фаъолият доранд.

147
Барчаспҳо:
Шукурҷон Зуҳуров, мулоқот, парлумон, Қирғизистон, Тоҷикистон

Изҳороти тунди Чин дар бораи сиёсати Амрико

77
(Таҷдидшуда 18:33 07.03.2021)
Вазорати корҳои хориҷии Чин сиёсати хориҷии Иёлоти Муттаҳидаи Амрикоро сахт интиқод кард

ДУШАНБЕ, 7 мар — Sputnik. Вазири корҳои хориҷии Чин Ван И дар нишасти матбуотии солона дар ҳошияи иҷлоси Конгресси Умумиҷаҳонии Халқ сиёсати Амрикоро танқид кард.

Пеш аз ҳама, сиёсатмадор ба "демократияшинонӣ"-и Амрико  ишора кард, ки иёлот аз он сӯистифода мекунад.

"Иёлоти Муттаҳида доимо бо баҳонаи демократия ва ҳимояи ҳуқуқи инсон ба корҳои дохилии дигар кишварҳо дахолат мекунад. Ин дар ҷаҳон шумораи зиёди мушкилотро ба вуҷуд меорад ва дар баъзе ҳолатҳо боиси нооромӣ ва муноқишаҳо мегардад", - изҳор дошт Ван И.

Вазири корҳои хориҷии Чин қайд кард, ки агар ИМА хатогиҳои худро дарк накунад, ҷаҳон дур аз оромӣ  хоҳад монд.

Дипломати чинӣ илова кард, ки Иёлоти Муттаҳида ва Чин ихтилофи зиёде доранд, аммо кишвараш ба муколама омода аст.

"Мо барои амиқтар кардани ҳамкорӣ бо Иёлоти Муттаҳида боз ҳастем" гуфт ӯ.

Аммо, Чин ва Иёлоти Муттаҳида "хати сурх" доранд - ин принсипи "як Чин" ва масъалаи Тайван аст.

Си Ҷинпин ба артиши Чин фармон дод барои ҷанг бо Амрико омода бошанд

Ван И қайд кард, ки Иёлоти Муттаҳида набояд аз ин марз убур кунад. Сиёсатмадор инчунин изҳори умедворӣ кард, ки маъмурияти нави ИМА ба ин масъала диққати бештар хоҳад дод.

Масъалаи дигари сиёсати хориҷӣ, ки дар он мавқеи Чин ва Иёлоти Муттаҳида ба куллӣ ихтилоф доранд, фишор ба Теҳрон аст. Ван И гуфт, Чин ҷонибдори хотима додани фишор ба Теҳрон бо таҳримоти ИМА ва ба эътидол овардани вазъ дар Ховари Миёна аст.

77
Барчаспҳо:
Чин, Дар ҷаҳон
Связка ключей от квартир многоэтажного жилого дома, архивное фото

Дастури Мирзиёев барои арзонкунии нархи манзил: "шаҳрвандон бо нархи имрӯза розӣ нестанд"

51
(Таҷдидшуда 18:33 07.03.2021)
Президент инчунин гуфт, ки ҳар як ҳокими ноҳия, шаҳр ва вилоят бояд арзиши сохтмонро дар минтақаи худ дарк кунад

ДУШАНБЕ, 7 март - Sputnik. Шавкат Мирзиёев ин нуктаро зимни як видеоконференс оид ба сохтмони манзил ва рушди бозори ипотека дар Ӯзбекистон гуфтааст, хабар медиҳад хадамоти матбуоти президент.

"Ҳар як ҳокими вилоят бояд шахсан ба масъалаи манзил машғул шавад ва ба мардум ҳисобот пешниҳод кунад. Мушкилоти асосӣ ташаккули одилонаи нархи манзил аст. Шаҳрвандон бо нархи имрӯзаи манзил розӣ нестанд", - гуфт Мирзиёев.

Дар ҷараёни ин чорабинӣ сарвари давлат супориш дод, ки барои то 4 миллион сӯм кам кардани нархи ҳар метри мураббаи манзил чораҳои зарурӣ андешанд.

Президент инчунин гуфт, ки ҳар як ҳокими ноҳия, шаҳр ва вилоят бояд арзиши сохтмонро дар маҳалли худ донад.

Ба гуфтаи вай, масъулин бояд донанд, ки кадом масолеҳи сохтмониро арзонтар харидан мумкин аст, чӣ гуна арзиши семент ва металлро коҳиш бояд дод.

Ёдовар мешавем, баҳори соли гузашта Шавкат Мирзиев қонунеро дар бораи тағйиру иловаҳо ба қонун "Дар бораи боҷи давлатӣ" имзо кард, ки сабукӣ дар хариди хонаро пешбинӣ мекард.

Афзоиши бунёди манзил дар Тоҷикистон дар замони пандемия

Қаблан шаҳрвандоне, ки дар дигар минтақаҳои ин кишвар зиндагӣ мекарданду дар қайди пойтах ва вилоятҳои Тошканд набуданд, мебоист ҳангоми хариди манзил дар Тошканд ва ё вилояти Тошканд панҷ фоиз аз маблағи шарномаи хариду фуруӯшро ҳамчун андоз ба давлат супоранд.

51
Барчаспҳо:
манзил, дастур, Мирзиёев, Ӯзбекистон
Президент Таджикистана поздравил женщин с Днем матери

Табрикоти Эмомалӣ Раҳмон ба муносибати Рӯзи Модар

0
(Таҷдидшуда 19:17 07.03.2021)
Президенти Тоҷикистон Эмомалӣ Раҳмон занони кишварро ба муносибати фаро расидани ҷашни Рӯзи Модар табрику таҳният гуфт

ДУШАНБЕ, 7 мар — Sputnik. Дар паёми раисҷумҳур, ки котиботаш нашр кардааст, зикр мегардад, ба ифтихори Рӯзи модар, ки дар оғози фасли зебои баҳор фаро мерасад, тамоми модарону бонувони муҳтарам ва хоҳарону духтарони азизро самимона табрик мегӯям ва ба ҳар яки онҳо, пеш аз ҳама, саломатӣ, хушбахтӣ ва рӯзгори осуда орзу менамоям.

Раисиҷумҳури кишвар аз бузургиву ҷойгоҳи модар муфасал зикр карда, ҳамзамон гуфтааст, ки модари тоҷик дар тӯли таърихи чандинҳазорсолаи халқамон садҳо ва ҳазорон фарзандони фарзонаву донишманд, ҷоннисору қаҳрамон, далеру ҷасур, ҷавонмарду диловар ва ватандӯсту ватанпарварро ба дунё овардааст, онҳоро тарбия карда, ба камол расонидааст ва барои хизмат ба мардум ва ҷомеаи башарӣ дуои нек додааст.

Мо ҳамеша ба нерӯи созандаи занону бонувони ватандӯсту ободгари кишвар такя мекунем ва нақши онҳоро дар устувор гардонидани оила, тарбияи шоистаи фарзандони баодобу соҳибмаърифат, инчунин, заҳмату талошҳои пайгиронаи онҳоро дар рушди мамлакат басо арзишманд мешуморем, таъкид мекунад раисиҷумҳур.

Президент гуфтааст, имрӯз мо бо қаноатмандӣ метавонем гӯем, ки тайи сӣ соли истиқлоли давлатӣ занону бонувони мо дар ҳамаи соҳаҳо баробари мардон хизмат карда истодаанд.

Ҳамчунин, бояд гуфт, ки саҳми бонувону занон дар тарбияи насли солим, танзими расму ойинҳо ва муқовимат ба ифротгароиву хурофотпарастӣ басо арзишманд мебошад.

Ҳакимзода аз номи Президент як модари ниёзмандро табрик намуда, ба ӯ хона тақдим кард

Эмомалӣ Раҳмон гуфтааст, дар таълиму тарбияи наврасону ҷавонон, аз ҷумла ҷавондухтарони мо имрӯз дар баробари соҳиби касбу ҳунар намудани онҳо ба ҳаёти мустақилона омода кардан, омӯзонидани ахлоқи ҳамида, маърифати оиладорӣ ва ҳунари кадбонугӣ масъалаҳои муҳимтарин ба шумор мераванд.

"Бо эътимоди комил изҳор медорам, ки модарону бонувони азизи мо рисолати худро дар ин самт низ бо камоли масъулият иҷро мекунанд",- таъкид кардааст раисиҷумҳур.

Президент ба ҳар фарди бонангу номус, махсусан, ба наврасону ҷавонон хитоб кардааст, ки падару модарон ва бонувону хоҳаронро дар ҳама ҳолат эҳтиром намоянд, нисбат ба онҳо ҳамеша меҳрубону дилсӯз бошанд, иззату ҳурмати калонсолонро ба ҷой оваранд ва дуои неки онҳоро гиранд.

Хотирнишон месозам, ки ин меъёр, яъне масъулияти фарзандон барои нигоҳубин ва таъминоти иҷтимоии падару модар дар Конститутсияи мамлакат дарҷ гардидааст.

Мо бояд аҳли ҷомеа ва фарзандони худро ҳамеша ба роҳи рост ва барои ҳифзи истиқлолу озодӣ, амнияти давлат ва ҷомеа, ҳимояи сулҳу оромӣ, суботи сиёсӣ, ваҳдати миллӣ ва таҳкими пояҳои давлатдории миллиамон ҳидоят намоем, тахкид кардааст, раисиҷумҳур.

Қадрдонии поккорони пойтахт аз ҷониби Рустами Эмомалӣ: беш аз 3,5 миллион сомонӣ дод

Кишвардори Тоҷикистон гуфтааст, бовар дорад, ки модарону занони муҳтарам ва бонувону хоҳарони азизи мо минбаъд низ барои тарбияи наслҳои ояндасозу ободгари халқамон, таҳкими оила, ба хотири рушди давлат ва ободии Ватан заҳмат мекашанд.

0