Офицер полиции в Афганистане, архивное фото

Мушовири нахуствазири Афғонистон кушта шуд

562
(Таҷдидшуда 15:05 27.05.2019)
Нафароне, ки ба мушовири нахуствазири Афғонистон Нур Муҳаммад Араб дар вилояти Қундуз ҳамла карданд, тавонистанд аз ҷои ҳодиса фирор кунанд

ДУШАНБЕ, 27 мая — Sputnik. Аз тарафи шахсони номаълум дар вилояти Қундуз мушовири нахуствазири Афғонистон Нур Муҳаммад Араб кушта шуд, иттилоъ додааст шабакаи телевизионии ообщает Ariana News дар истинод ба мансабдорони маҳалӣ.

​Тибқи иттилои манбаъ, ҳамлаи шахсони номаълум ба мушовири нахуствазир рӯзи якшанбе сурат гирифтааст. Зимни сӯиқасд ба ҷони мушовир як муҳофизи дигар низ захмӣ шудааст.

Дар ҳоли ҳозир, мақомоти Афғонистон нисбати ҳодисаи мазкур иттилои бештаре надодааст.   

562
Барчаспҳо:
шахсони номаълум, нахуствазир, кушта шуд, сӯиқасд, Афғонистон

СҶБ ҳаҷми хисороти коронавирус ба иқтисоди ҷаҳонро эълон кард

123
Раҳбари Созмони ҷаҳонии беҳдошт ҳаҷми умумии хисороти коронавирус ба иқтисодиёти ҷаҳонро эълон намуда, изҳор дошт, ки боз 100 миллиард доллар дигар масраф мешавад

ДУШАНБЕ, 15 авг — Sputnik. Ба гузориши СҶБ зарари умумии коронавирус ба иқтисодиёти ҷаҳон дар ду сол аз 12 триллион доллар зиёдтар хоҳад шуд.

Роҳбари Созмони ҷаҳонии беҳдошт Тедрос Аданом рӯзи панҷшанбе дар ҷараёни брифинге дар Женева ба масоили истеҳсоли ваксина алайҳи коронавирус таъкид карда гуфт, ки  барои коркард ва истеҳсоли ваксинаи муассири зидди коронавирус, ҷаҳон бояд на камтар аз 100 миллиард доллар харҷ кунад.

Эълони омори тозаи сироят, фавт ва шифоёбӣ аз коронавирус дар Тоҷикистон

Ба гуфтаи ӯ, пандемия ба иқтисоди ҷаҳонӣ дар як моҳ 375 миллиард доллар зарар мерасонад.

Тедрос Аданом Гебрейесус гуфтааст, "ҷаҳон аллакай триллионҳо долларро барои мубориза бо оқибатҳои кӯтоҳмуддати пандемия сарф кардааст".

"Ҳоло ҳама савол медиҳанд, ки чӣ тавр мо ба зиндагии муқаррарӣ баргардем? Ман боварӣ дорам, ки набояд дар бораи он бигӯем, ки чӣ тавр ба қафо бозгардем, балки дар бораи он бигӯем, ки чӣ гуна ба пеш хоҳем рафт. Ва барои ба пеш ҳаракат кардан мо бояд якҷоя кор кунем", - афзудаст роҳбари СҶБ.

Мувофиқи гуфтаҳои роҳбари СҶБ, ҷаҳон бояд якчанд намуд ваксинаҳои мухталиф эҷод кунад, то имкони таҳияи доруи муносибро зиёд намоянд. Вақте як ваксинаи муассир ва универсалӣ таҳия мешавад, таъкид кард ӯ, талабот ба он аз пешниҳод дида, ба маротиб зиёд хоҳад буд.

 

123
Барчаспҳо:
иқтисод, хисорот, ҳаҷм, СҶБ
Мавзуҳо:
Пайомадҳои COVID-19 дар Тоҷикистон ва ҷаҳон
На заседании Совета Безопасности ООН

Қатъномаи зидди эронии Амрико дар Шӯрои амният шикаст хурд

97
(Таҷдидшуда 10:48 15.08.2020)
Қатъномаи пешниҳодии Амрико барои тамдиди мамнуъияти силоҳии Эрон дар Шӯрои амнияти Созмони миллали муттаҳид шикаст хӯрд

ДУШАНБЕ, 15 авг — Sputnik. Амрико, ки дар мухолифат бо поён ёфтани таҳримҳои таслиҳотии Эрон қатъномае ба Шӯрои амнияти Созмони миллали муттаҳид ироа карда буданд, натавонистанд аъзои ин шӯроро бо худ ҳамроҳ кунанд, иттилоъ додааст хабаргузории “Парстудей”.

Ба мӯҷиби қатъномаи 2231, ки дар пайи тавофуқи ҳастаӣ ба тасвиби Шӯрои Амният расид, мамнуъияти таслиҳотии Эрон пас аз 13 сол дар октябри имсол ба поён мерасад; аз ин рӯ амрикоиҳо ибтидо қатъномаи бисёр сахтгиронае шомили 15 банди муқаддамотӣ ва 35 банди амалиётӣ ироа доданд.

 Бо мушаххас шудани мухолифати ҷиддии кишварҳо бо ин қатънома, ки ба навъе эъломи ҷанг бо Эрон маҳсуб мешуд, амрикоиҳо рӯзи сешанбе қатъномаи худро ислоҳ ва онро ба ду банди муқаддамотӣ ва ду банди амалиётӣ маҳдуд карданд.

 Бо ин ҳол дар раъйгирӣ ба қатъномаи пешниҳодии Амрико, ки аз соати 17:30 панҷшанбе ба муддати 24 соат оғоз шуд, Русия ва Чин ошкоро бо он мухолифат карданд, Аврупоииҳо ва ғайримуттаъаҳидҳо ҳам ба он раъйи  бетарафона доданд ва ба ин тартиб  Амрико таъми талхи шикасти дипломатӣ дар баробари Эронро бори дигар чашид.

 Қатъномаи зиддиэронии Амрико бо 11 раъйи бетарафона, ду мухолиф ва ду мувофиқ, ки яке Амрико буд, шикаст хӯрд.

 82 рӯз монда ба интихоботи раёсатҷумҳурии Амрико, Трамп, ки ду сол қабл кишварашро аз тавофуқи ҳастаӣ хориҷ кард, акнун мехоҳад бо тамдиди таҳрими таслиҳотии Эрон бахти худро барои пирӯзӣ дар интихоботи моҳи ноябр афзоиш диҳад.

97
Барчаспҳо:
шикаст, Шӯрои амният, қатънома, Амрико, СММ, Эрон
Следственный изолятор, архивное фото

Узви гурӯҳи нашъаҷаллобон маҳкум ба зиндон шуд: 13 сол гирифт

0
(Таҷдидшуда 13:15 15.08.2020)
Ширинов ва чанд тан аз ҳаммаслакони ӯ, ки ба хариду фурӯши маводи мухаддир машғул буданд, соли 2016 дастгир гардиданд. Аммо Ширинов тавонист аз кормандони пулис паноҳ барад ва соли ҷорӣ ӯ низ боздошт шуд

ДУШАНБЕ, 15 авг — Sputnik. Суди ҳарбии гарнизони Душанбе ҳукми охирин аъзои гурӯҳи нашъаҷаллобонро содир намуд.

Номбурда Ширинов Қурбоналӣ мебошад, ки бо маслиҳати пешакӣ бо Носиров Ҷ.Н. ва дигарон дар содир намудани ҷиноятҳои махсусан вазнин даст доштанд.

Наҷӯед: 40 ҳазор доллар пора барои халосии саркардаҳои нашъаҷаллобон - видео

Ба иттилои котиботи Прокуратураи Тоҷикистон, миёнаҳои моҳи ноябри соли 2016 Ширинов Қ.А., Носиров Ҷ.Н. ва Сарбозов Д.М. дар назди бозори марказии шаҳри Кӯлоб вохӯрда, барои дарёфт ва интиқоли маводи мухаддир нақшаи ҷинояткорона тарҳрезӣ намуданд.

Ба ин гурӯҳи нашъаҷаллобон мебоист шаҳрванди афғонистон маводи мухаддир дастрас мекард.

"Шаби 2-юм ба 3-юми декабри соли 2016 тахминан соатҳои 02 ба 03 Камолиддин валади Тутӣ дар якҷоягӣ бо аъзоёни гурҳии ҷиноятии худ аз ҳисоби шаҳрвандони ҶИА бо силоҳҳои оташфишон мусаллаҳ гардида, 4 адад борхалтаҳои воситаҳои нашъадори навъҳои "Ҳашиш", "Афюн" ва "Бангдонаи хушконда" доштаро бо худ гирифта, бо роҳи қочоқ ғайриқонунӣ аз сарҳади давлатии Ҷумҳурии Тоҷикистон гузарониданд. Тибқи маслиҳати пешакй воситаҳои нашъадори қабулнамудаашонро ҷинояткорон ба самти ноҳияи Ҳамадонӣ интиқол доданд", - таъкид мешавад дар хабар.

Зимнан, кормандони ҳифзи ҳуқуқ маводи интиқолдодаро аз рӯзи 5 - уми декабри соли 2016 аз болои боми як сокини Ҳамадонӣ дарёфту мусодира карданд.

Дар умум 63 кг 492 грамм воситаи нашъадори "Ҳашиш", 2 кг 640 грамм "афюн" ва 1 кг 520 грамм "Бангдонаи хушконидашуда" будааст.

Суҳбати Шерхон Салимзода: эълони номи саркардаҳои нашъаҷаллобон ва амалиёти бонкии онҳо

Манбаъ меафзояд, Ширинов он замон тавонист фирор кунад ва ӯро ахиран 4 - уми феврали соли 2020 боздошт карданд. 

Бо ҳукми суди ҳарбии гарнизони Душанбе, Ширинов Курбоналӣ Ашурович бо моддаҳои 200 қ. 4 б. "д", 289 қ. 2 ва 335 қ. 2 Кодекси ҷиноятии Тоҷикистон гунаҳгор дониста шуд.

Ширинов ба мӯҳлати 13 сол дар колонияи ислоҳии низомаш сахт равона шуд.

0
Барчаспҳо:
маҳкум, нашъаҷаллобӣ, зиндон