Президент Украины Владимир Зеленский

Зеленский гуфт, ки мулоқоташро бо Путин чӣ гуна оғоз хоҳад кард

700
(Таҷдидшуда 18:07 18.06.2019)
Раисҷумҳури Украина Владимир Зеленский гуфт, ки аввалин мулоқоташ бо раисҷумҳури Русия Владимир Путин чӣ гуна оғоз хоҳад шуд

ДУШАНБЕ, 18 июня — Sputnik. Президенти Украина Владимир Зеленский гуфт, ки дар аввалин мулоқоташ бо Владимир Путин, раисҷумҳури Русия сӯҳбаташро аз чӣ оғоз хоҳад кард.

"Дар аввалин мулоқотатон бо Путин чӣ мегӯед?", - пурсиданд рӯзноманигорон аз президенти Украина.

"Аз он оғоз мекунам, ки Донбасс ва Қрим - ҳудудҳои Украина ҳастанд", - гуфт раисҷумҳур.

Вай афзудааст, ки барояш Қрим то абад Украина мемонад.

Ҳамчунин Зеленский гуфтааст, ки "мақсад - ба даст овардани сулҳ бо роҳи дипломатӣ дар Украина аст".

"Феълан мо ба протоколи Минск эътимод дорем. Умед дорем, ки ин қарори қатъист. Мо аз нав онро фаъол месозем, то дар бораи ваҳдат ва озод кардани маҳбусон ба тавофуқ оем. Аммо наметавонем, 5 соли дигар интизор шавем. Зеро украиниҳо ҳар рӯз ҳалок мешаванд", - таъкид дошт вай.

Ёдрас мешавем, муносибатҳои Русияву Украина пас аз табаддулоти соли 2014 дар кишвар муташанниҷ шуд.

Шонздаҳуми март дар Қрим референдуми ҳамроҳшавии минтақа ба Русия баргузор шуд. Дар натиҷа 97 дар сади сокинон ҷонибдори ҳамроҳшавӣ ба Русия шуданд.

Пас аз ин Ғарб Русияро ба дахолати корҳои Украина муттаҳам кард ва таҳримҳо ҷорӣ намуд. Маскав ин иттиҳомотро рад мекунад.

Пештар раисҷумҳури Русия Владимир Путин дар мусоҳиба бо телевизиони "Мир" изҳори умедворӣ карда буд, ки муносибатҳои Укринаву Русия барқарор мешаванд. Дар ҳамин ҳол, ба гуфтаи котиби Кремл Дмитрий Песков, Путин феълан нақшаи мулоқот бо Зеленскийро надорад.

700
Пассажирский самолет вылетает из аэропорта города Красноярска

Санаи барқароршавии парвозҳои байналмилалӣ дар Русия дақиқ шуд

290
(Таҷдидшуда 09:24 11.07.2020)
Муовини сарвазири Русия Татяна Голикова дубора барқарор шудани парвозҳои байналмилалии ҳавоӣ дар Русияро эълом кард

ДУШАНБЕ, 11 июл – Sputnik. Иҷозати парвозҳои байнулмилалӣ дар Русия 15 июл оғоз хоҳад шуд, гуфт муовини сарвазири ин кишвар Татяна Голикова.

Барои барқарор кардани парвозҳо бо кишвар се омил муҳим аст: бемории COVID-19 бояд ба 100 ҳазор нафар аҳолӣ тақрибан 40 нафар бошад, афзоиши миёнаи шабонарӯзии сироятҳо набояд аз 1% зиёд бошад ва паҳншавии вирус набояд аз 1 зиёд бошад.

Фаврӣ: 13 парвози дигар аз Русия ба Тоҷикистон дар моҳи июл - ҷадвали парвозҳо

Ин меъёрҳоро гурӯҳи машваратии эпидемиологҳо таҳия намуданд.

Фаъолияти дубора ба роҳ мондани парвозҳои байналмилалии ҳавоӣ ба туфайли коҳиши дарозмуддати бемории коронавирус дар Русия имконпазир гардид, гуфт муовини сарвазир.

Русия омода аст парвозҳоро ба 13 кишвар барқарор кунад 

Ёдовар мешавем, ки бар асари пандемияи коронавирус, Русия парвозҳои байналмилалии нақшавӣ ва чартериро 27 март ба таъхир андохт.

 

290
День 11 июля

Ҷашнҳои рӯзи 11 июл дар Тоҷикистон ва ҷаҳон

36
(Таҷдидшуда 19:26 10.07.2020)
Рӯзи ёздаҳуми июл Рӯзи умумиҷаҳонии нуфузи аҳолӣ ва рӯзи байналмилалии шоколад мебошад. Дар ин рӯз дар Тоҷикистон, Султон Усмонов (1958) – коргардони театр, Ҳунарпешаи шоистаи Тоҷикистон ба дунё омадааст

Рӯзи 11 июл дар ҷаҳон чӣ рух дод

Соли 1700 дар Берлин Академияи илмҳои Германия таъсис дода шуд.

Соли 1890 аввалин маротиба дар таърихи Ҷопон интихоботи сиёсӣ баргузор гардид.

День 10 июля
© Sputnik / Стас Этвеш / Вишнякова Мария

Ссоли 1933 дар Женева Конвенсияи байналмилалӣ оид ба назорати маводи мухаддир созмон дода шуд.

Соли 1950 дар Англия аввалин  барномаи машҳури кӯдаконаи телевизиони ББС «Andy Pandy» пахш шуд.

Соли 1982  Италия маротибаи сеюм Чемпиони ҷаҳон оид ба футбол шуд. Он дар даври финалӣ дастаи Германияро бо ҳисоби 3:1 мағлуб кард.

Соли 2006 дар натиҷаи таркиш дар истгоҳи роҳи оҳани шаҳри Мумбайи Ҳиндустон 190 нафар ба ҳалокат расиданд.

 

Рӯзи 11 июл дар Тоҷикистон чӣ рух дод

Соли 2003 дар асоси Созишномаи байни Ҳукумати Ҷумҳурии Тоҷикистон ва Барномаи Рушди Созмони Милали Муттаҳид дар Ҷумҳурии Тоҷикистон Марказ оид ба масъалаҳои минаҳои Тоҷикистон ифтитоҳ ёфт.

Соли 2003 дар шаҳри Душанбе Созишнома байни Ҳукумати Ҷумҳурии Тоҷикистон ва Бонки ҷаҳонӣ, ҷиҳати ҷудо намудани 20 миллион доллар барои дастгирӣ ва ислоҳоти соҳаи маориф дар Тоҷикистон ба имзо расид.

День 9 июля
© Sputnik / Стас Этвеш / Вишнякова Мария

Соли 2007 дар Душанбе мағозаи нахустини бренди “Адидас” кушода шуд.

Соли 2009 дар Ҷумҳурии Тоҷикистон озмоишгоҳи омӯзишии фурӯзонакҳои каммасраф сохта шуд.

Соли 2009 дар шаҳри Душанбе зимни мулоқоти Президенти Ҷумҳурии Тоҷикистон Эмомалӣ Раҳмон ва Президенти вақти Ҷумҳурии Латвия Валдис Затлерс масоили густариши ҳамкории гуногунҷанбаи Тоҷикистону Латвия мавриди баррасӣ қарор гирифт.

Соли 2009 Президенти вақти Ҷумҳурии Латвия Валдис Затлерс Президенти Ҷумҳурии Тоҷикистон   Эмомалӣ Раҳмонро бо Ордени «Сеситорагии дараҷаи 1» бо занҷираи заррин ва Сарвари давлати Тоҷикистон Эмомалӣ Раҳмон Валдис Затлерсро бо Ордени «Исмоили Сомонӣ дараҷаи 1» сарфароз гардониданд.

Соли 2009 Мирзо Зиёев, собиқ вазири ҳолатҳои фавқулодаи Тоҷикистон, зимни як амалиёти махсус оид ба безараргардонии гуруҳҳои мусаллаҳи ғайриқонунӣ дар ноҳияи Тавилдара кушта шуд.

Соли 2010 Сарвари давлат Эмомалӣ Раҳмон дар шаҳри Қайроққум бо роҳбарият ва фаъолони вилояти Суғд машварати корӣ доир намуда, натиҷаҳои рушди иҷтимоӣ-иқтисодии вилоят дар шашмоҳаи якуми соли 2010-ро мавриди таҳлилу баррасӣ қарор доданд.

Соли 2013 маркази нави ҷумҳуриявии ташхиси тиббии судӣ ба фаъолият оғоз кард.

Ҷашнҳои рӯзи 11 июл

  • Рӯзи умумиҷаҳонии нуфузи аҳолӣ.
  • Рӯзи байналмилалии шоколад.

Рӯзи 11 июл кӣ ба дунё омадааст

Соли 1920 — Юл Бриннер (соли даргузашт 1985), ҳунарманди амрикоӣ - зодаи Русия.

Соли 1934 - Джорджио Армани, мудели арманӣ, асосгузори ширкати Armani.

Соли 1976 — Эдгард Запашний, артист, ҳунарманди халқии Русия.

Рӯзи 11 июл дар Тоҷикистон кӣ ба дунё омадааст

Борис Баршаковский (1916- 1987)- арбоби фарҳангӣ, Корманди шоистаи маданияти Тоҷикистон.

Валентина Бикова (1936) – Журналисти шоистаи Тоҷикистон.

Александр Денисов (1938) – сарояндаи опера, Ҳунарпешаи шоистаи Тоҷикистон.

Павел Евтеев (1914-1989)- журналист, Корманди шоистаи маданияти Тоҷикистон.

Сироҷиддин Комилов (1950) – доктори илми иқтисод, профессор.

Александр Осипов (1906- 1986)- журналист, Корманди шоистаи маданияти Тоҷикистон.

Пир Садиров (1911 – 1993) – Ҳофизи халқи Тоҷикистон.

Мақсуд Умаров (1954) – доктори илмҳои физикаю математика, профессор.

Султон Усмонов (1958) – коргардони театр, Ҳунарпешаи шоистаи Тоҷикистон.

Шери Дўст (1958)- шоир.

36
Барчаспҳо:
ҷашн, Тоҷикистон, Ҷаҳон
Мавзуъ
Ҷашнҳои рӯзи 10 июл дар Тоҷикистон ва ҷаҳон
Ҷашнҳои рӯзи 9 июл дар Тоҷикистон ва ҷаҳон
Ҷашнҳои рӯзи 8 июл дар Тоҷикистон ва ҷаҳон
Ҷашнҳои рӯзи 7 июл дар Тоҷикистон ва ҷаҳон
Ҷашнҳои рӯзи 6 июл дар Тоҷикистон ва ҷаҳон
Ҷашнҳои рӯзи 5 июл дар Тоҷикистон ва ҷаҳон
Казы Бишкека, муфтий Садриддин Маджитов

Даргузашти қозии зодаи Тоҷикистон дар Бишкек дар синни 48-солагӣ

0
(Таҷдидшуда 10:32 11.07.2020)
Садриддин Маҷидов, қозии шаҳри Бишкек ва яке аз руҳониёни шинохтаи Қирғизистон, ки зодаи ноҳияи Ёвони Тоҷикистон буд, даргузашт

ДУШАНБЕ, 11 июл — Sputnik. Раёсати мусалмонони Қирғизистон аз даргузашти Садриддин Маҷидов, қозии шаҳри Бишкек хабар дода, муфтии кишвар Мақсад Токтомушев ба наздиконаш таслият гуфтааст.

Ба иттилои раёсати мусалмонҳои Қирғизистон, Маҷидов 22 июни соли 1972 дар деҳаи Қирғизободи ноҳияи Ёвони Тоҷикистон таваллуд шудааст.

“Ӯ хеле инсони бомасъулият, донишманд ва меҳрубон буд. Дар паҳнсозии арзишҳои аслии Ислом саҳми бузург гузошта, шогирдони зиёд тарбия кард”, - омадааст дар таслиятнома.

Манбаъ зикр кард, ки марҳум бемории қанд дошт, аммо дақиқ сабаби марг гуфта нашудааст.

Дар назар аст, ки Маҷидовро 11 июл дар ноҳияи Қадамҷой, деҳаи Орукзар ба хок супоранд.

0
Барчаспҳо:
даргузашт, беморӣ, Қирғизистон