Аввал муйсафед баъд кампир: зани 72-сола ҳам ба донишгоҳ ҳуҷҷат супорид

© Sputnik / Артем ЖитеневНа экзамене
На экзамене - Sputnik Тоҷикистон
Обуна шудан
Дар Узбакистон имсол мамониятҳои синну солӣ барои супоридани ҳуҷҷатҳо ба донишгоҳҳои кишвар аз байн бардошта шудаст

ДУШАНБЕ, 5 июл — Sputnik. Дар Ӯзбакистон як зани 72-сола ҳуҷҷатҳояшро ба сифати довталаб ба Донишгоҳи давлатии Фарғона супоридааст.  Дар  ин бора ба расонаҳои Узбакистон Барно Раҷабова, сардори раёсати маркази давлатии тестӣ иттлоъ додааст.

Подпись документов - Sputnik Тоҷикистон
Марди 72-сола ҳуҷҷатҳояшро барои донишҷӯ шудан ба коммисия қабул пешниҳод кардааст

Ба иттилои вай, маъмурияти донишгоҳ синну соли ин зани куҳансолро сарфи назар намуда, ҳуҷҷатҳояшро барои дохил шудан дар донишгоҳ пазируфт.

Ба изҳори Барно Раҷабова имсол мамониятҳои сину солӣ барои қабул шудан ба донишгоҳҳои олии кишвар дар Узбакистон аз байн бардошта шуд.

Гуфта мешавад, то имрӯз беш аз 70 ҳазор довталабон ба донишгоҳ ва донишкадаҳои Узбакистон ҳуҷҷат супоридаанд.

Хоҳишмандон зиёданд: Маркази тестӣ аз тамдиди мӯҳлати бақайдгирии довталабон хабар дод

Бар асоси қароре, ки ҳукумати Узбакистон 7-уми июни сори ҷорӣ қабул намуда буд, фарзандони кормандони ниҳодҳои низомӣ ва корҳои дохилӣ, ғолибони олимпиадаҳои ҷумҳуриявию байналмилалӣ, маъюбон ва афроди хизмати ҳарбӣ тамомкарда, барои дохил шудани ба муассисоти таълимоти олӣ имтиёз доранд.

Диктант - Sputnik Тоҷикистон
Довталаб омодаӣ? дар Тоҷикистон даври имтиҳонсупорӣ оғоз шуд

Имтиҳоноти дохилшавӣ дар муассисоти таълимоти олии Ӯзбакистон рӯзи 25 июл шурӯъ шуда ва 20 август поён хоҳад ёфт.

Ёдовар мешавем, ки чанде пеш  муйсафеди дигари 72-сола низ орзуи донишҷӯй шуданро намуда, ба 3 донишгоҳи давлатии Фарғона ҳуҷҷат супорида буд.

Дар ҳоле, ки ин муйсафед  алакай соли 1973 техникуми кооперативии Фарғонаро хатм намуда буд ва акнун ҳуҷҷатҳояшро ба Донишкадаи омӯзгории Қуқанд, Донишгоҳи давлатии Фарғона ва Донишгоҳи давлатии Намангон бо ихтисоси "забон ва адабиёти узбак" пешниҳод кардааст.

Лентаи хабарҳо
0