Учения спасательного отряда в водоеме, архивное фото

Шаҳрванди Тоҷикистон дар вилояти Саратов ғарқ шуд

216
(Таҷдидшуда 17:59 08.07.2019)
Бар асари чаппа шудани мотосикли обӣ дар вилояти Саратов як нафар шаҳрванди Тоҷикистон бо ҳамроҳони худ дар об ғарқ гардид. Дар ин ҳодиса танҳо як нафар ҷон ба саломат бурд

ДУШАНБЕ, 8 июл — Sputnik. Дар вилояти Саратови Русия шаҳрванди 33-солаи Тоҷикистон аснои шиноварӣ бо мотосикли обӣ дар об ғарқ шудаст, хабар медиҳад "Комсомольская правда".

Бар хабари манбаъ, ҳодисаи мазкур 7- уми июл тақрибан соати 20:00 - и ба вақти маҳаллӣ дар дарёи Иргизи калон, деҳаи Журавлиха рух додааст.

Ба маълумоти дарёфтӣ, шаҳрванди Тоҷикистон бо ҳамроҳони худ аснои чаппа шудани мотосикли обӣ дар рӯдхона ғарқ шуданд. Дар ин ҳодиса танҳо ба як нафар даст омад, то зиндаву саломат аз об берун барояд. Айни замон наҷотбахшон аз пайи дарёфт намудани ҷасади шаҳрванди Тоҷикистон дар рӯдхонаи мазкур корҳои кофтукобӣ гузаронида истодаанд.

Ғарқ шудани 55 тан дар пайи риоя накардани қоидаҳои бехатарӣ дар Тоҷикистон

Маврид ба зикр аст, ки сар аз 1-уми июл дар рӯдхонаҳои Саратов дасти кам 24 нафар ғарқ шудаанд.

Зимнан дар шаҳри Дубни вилояти Маскав чанде пеш хонандагони мактаб тавонистанд шаҳрванди тоҷики дар ҳоли ғарқшавиро наҷот диҳанд. Он замон расонаҳо навишта буданд, ки муҳоҷирони аз Осиёи Марказӣ байни худ баҳсе оростанд, ки кадоме аз онҳо аз ӯҳдаи убури рӯдхона мебароянд.

КҲФ: аз 55 нафар ғарқшуда дар Тоҷикистон 23 нафарашро кӯдакон ташкил додааст

Аммо дар нимароҳ яке аз онҳо дигар қувваи шиноварӣ намуданро гум мекунад ва батадриҷ дар об ғутта мезанад. Ба кумаки вай хонандаи 14-солаи маҳаллӣ шитобида, ӯро аз об зинда берун баровард.

216
Барчаспҳо:
ғарқ, тоҷик, дарё, шаҳрванд, вилояти Саратови Русия

10 миллион нафар дар Афғонистон мубталои коронавирус шуданд

122
(Таҷдидшуда 21:39 06.08.2020)
Вазири тандурустии Афғонистон изҳор доштаст, ки сеяки аҳолии ин кишвар ба маризии сироятии коронавирус мубтало гардидаанд

ДУШАНБЕ, 6 авг — Sputnik. Вазорати тандурустии Афғонистон бо нашри гузорише гуфт, ки дар ин кишвар ҳудуди даҳ миллион, яъне аз се як ҳиссаи аҳолии Афғонистон ба коронавирус гирифтор шудаанд.

Аҳмад Ҷавод Усмонӣ, вазири тандурустии Афғонистон дар нишасти матбуотӣ гуфт, ки ин омор пас аз баррасии натиҷаҳои тести 2500 нафар дар саросари кишвар ба даст омадааст.

Дар лоиҳаи буҷаи Тоҷикистон барои соли 2021 пандемияи коронавирус ба назар гирифта мешавад

Ин тестҳо ва баррасиҳо, ки бо кӯмаки Созмони Ҷаҳонии Тандурустӣ анҷом шудааст, таъмин мезанад, ки акнун 31,5 дарсад аз аҳолии Афғонистон ба ин вирус гирифта шудаанд ва бештарин ҳолатҳои гирифторӣ дар Кобул будааст.

Коронавирус дар моҳи феврали соли ҷорӣ бо бозгашти ҳазорон муҳоҷири афғон аз Эрон ба кишварашон ворид шуд.

Дар ҳоли ҳозир таҳқиқоте дар мавриди шумораи ҷонбохтагон ва гирифторон ба ин беморӣ дар Афғонистон идома дорад.

122
Барчаспҳо:
маризӣ, Афғонистон
Мавзуҳо:
Пайомадҳои COVID-19 дар Тоҷикистон ва ҷаҳон

Теъдоди қурбониёни таракиши Бейрут ба 135 нафар расид: 5 ҳазор ҷароҳатдор шуданд

125
(Таҷдидшуда 16:44 06.08.2020)
Теъдоди ҷонбохтагони таркиши мудҳиш дар Бейрут ҳамоно рӯ ба афзоиш аст. Ҳоло расман фавти 135 нафар тасдиқ шудааст

ДУШАНБЕ, 6 авг — Sputnik. Шумораи ҷонбохтагони  таркиш  дар пойтахти Лубнон – шаҳри Бейрут ба 135 нафар расид, хабар медиҳад "Al Jazeera.

Ба иттилои манбаъ, дар ин таркиш ҳадди аққал 135  кас  ҷон бохта,  тахминан  5 ҳазор  нафари дигар  захмӣ шудаанд.

Мақомоти расмӣ иброз доштааст, ки  эҳтимоли зиёд гардидани шумораи ҷонбохтагон вуҷуд дорад, чунки наҷотдиҳандагон ҷустуҷӯйи одамони зиндамонадаро дар зери биноҳои валангор идома медиҳанд.

Таркиши шадид дар Бейрут: даҳҳо нафар ҳалоку маҷрӯҳ шуда, биноҳои зиёд хароб гаштанд-навор

Губернатори Бейрут Марван Аббуд гуфт, ки дар шаҳр то 300,000 нафар бесарпаноҳ мондаанд. Мақомот барои бо ғизо, об ва манзил таъмин намудани онҳо кӯшиш мекунад.

Таркиш дар бандари Бейрут шоми 4 август рух дод. Мақомоти маҳаллӣ сабаби ин ҳодисаро таркиши 2,7 ҳазор тонна нитрати аммиак, ки дар анбори бандар нигоҳдорӣ мешуд, арзёбӣ намуданд.

Ин маводро соли 2015 хадамоти гумрук мусодира намуда, онро  дар бандари мазкур нигоҳдорӣ мекардааст. Дар Бейрут барои ду ҳафта  вазъияти фавқулода эълон шудааст.

125

Ҷашнҳои рӯзи 7 август дар Тоҷикистон ва ҷаҳон

0
(Таҷдидшуда 22:32 06.08.2020)
Рӯзи ҳафтуми август аз Рӯзи байналмилалии мубориза бо маҳкум намудани истифодаи силоҳи ядроӣ ҷашн гирифта мешавад

Рӯзи 7 август дар ҷаҳон чӣ рух дод

Соли 1889 дар ИМА охирин маротиба муҳорибаи бокс бидуни дастпӯш баргузор гашт.

© Sputnik / Стас Этвеш / Вишнякова Мария

Соли 1914  Чин нисбат ба ҷанги якуми ҷаҳон бетарафии худро эълон кард.

Соли 1945  амрикоиҳо ба шаҳри Хиросимаи Япония бомбаи атомӣ партофтанд.

Ҷашнҳои рӯзи 3 август дар Тоҷикистон ва ҷаҳон

Соли 1991 Бангладеш аз шакли идоракунии президентӣ даст кашида, ба шакли идоракунии парламентӣ гузашт.

Соли 2000 истгоҳи байналмилалии ҳавонавардӣ киштии кайҳонии борбарандаи "Прогресс"-ро ба кайҳон сар дод.

Соли 1889 дар Лондон меҳмонхонаи "Савой" кушода шуд, ки аввалин маротиба дар таърихи ҷаҳон ҳамчун меҳмонхонаи ҳамаи ҳуҷраҳояш дорои ҳаммом ном баровард.

Соли 1929 аввалин маротиба дар Британияи Кабир курсҳои омӯзиши ронандагӣ роҳандозӣ гардиданд.

Рӯзи 7 август дар Тоҷикистон чӣ рух дод 

Соли 2014 аз номи Федератсияи байналмилалии таэквондо (ITF) ба Президенти Ҷумҳурии Тоҷикистон Эмомалӣ Раҳмон ҳамчун нишони эҳтиром камарбанди сиёҳи дани 9-ум бо сертификати он ва кимоно супорида шуд.

© Sputnik / Стас Этвеш / Вишнякова Мария

Соли 2009 дар шаҳри Душанбе раисҷумҳури Тоҷикистон Эмомалӣ Раҳмон ва Вазири корҳои хориҷии Ҷумҳурии Қирғизистон Қадирбек Сарбаев масоили ҳамкории дуҷонибаи Тоҷикистону Қирғизистонро баррасӣ карданд.

Соли 2011  дар шаҳри Хуҷанд бо иштироки Эмомалӣ Раҳмон маҷмааи варзишии обӣ мавриди баҳрабардорӣ қарор гирифт.

Соли 2016  Эмомалӣ Раҳмон дар ноҳияи Варзоб аз иншооти Маҷмааи лижаронию сайёҳии "Сафеддара" боздид ба амал оварда, бо шароити ин мавзеи  варзишию  сайёҳӣ шинос шуда, аз ҷумла аз меҳмонхонаи 4-ошёнаи барҳавою замонавӣ, нуқтаи нигоҳдории барфгардҳо, тарабхонаю  марказҳои савдо ва  мавзеъҳои  лижаронию  барфгардӣ  дидан  карда, ба шароити муҳайёгардидаи ин маҷмаа баҳои баланд доданд.

 

Президент Таджикистана Эмомали Рахмон с супругой на горнолыжном курорте Сафед-Дара
Президент Таджикистана Эмомали Рахмон с супругой на горнолыжном курорте "Сафед-Дара"

 

Ҷашнҳои рӯзи 7 август

  • Рӯзи байналмилалии мубориза бо маҳкум намудани истифодаи яроқи ядроӣ.
  • Рӯзи байналхалқии "табибон барои сулҳ".
  • Дар Русия – Рӯзи неруҳои роҳи оҳан.

Рӯзи 7 август дар Тоҷикистон кӣ ба дунё омадааст

Солҳои (1924-1984) – шоир Муҳиддин Фарҳод.

Соли 1935 – ҳунарманди кино ва рассом Шавкат Абдусаломов.

Соли 1947 - ҳунарманди театр ва кино Раҷабгуг Қосимова.

0
Барчаспҳо:
ҷашн, ҷаҳон, Тоҷикистон