Самолёт Boeing 737-800 авиакомпании Pegasus Airlines, архивное фото

Фавти мусофирзани тоҷик дар дохили ҳавопаймо

3157
(Таҷдидшуда 17:39 08.07.2019)
Ҳодисаи мазкур рӯзи якшанбе иттифоқ афтода, мусофири ҳалокшуда шаҳрванди Тоҷикистон будаст

ДУШАНБЕ, 8 июл — Sputnik. Ҳавопаймои S7, ки тариқи хатсайри Новосибирск-Якутск парвоз мекард, бинобар фавти як мусофираш, нишасти изтирорӣ анҷом дод.

Бар хабари сомонаи РИА Новости, ҳайати сарнишинони ҳавопаймои S7 баъди дарёфт намудани хабари ҳалокати мусофир дар дохили тайёра маҷбур шуданд,то дар фурудгоҳи шаҳри Братск оҷилан фуруд оянд.

Гуфта мешавад, ҳодисаи мазкур рӯзи якшанбе иттифоқ афтода, мусофири ҳалокшуда шаҳрванди Тоҷикистон будаст.

"Мусофирзан ҳангоми парвози ҳавопаймо аз якбора бад шудани вазъи саломатияш шикоят намудаст. Мутаассифона марҳум қабл аз фуруд омадани ҳавопаймо ба ҳалокат расид. Ҳайати сарнишинон тасмим гирифтанд, ки дар робита ба ҳодисаи нохушоянд, нишасти изтирорӣ анҷом диҳанд,- омадааст дар иттилоия.

Хабари фавти мусофири ҳавопайморо додситонии Братск низ тасдиқ намуда, қайд карданд, ки ин мусофир аз бемории қалб ба ҳалокат расида буд.

Суқути ҳавопаймо дар Русия: ду сарнишин ба ҳалокат расидаанд

Зикр мегардад, ки ҷасади ӯро аллакай ҳамсараш аз сардхонаи ин шаҳр гирифтааст.

3157
Барчаспҳо:
ҳавопаймо, тоҷик, шаҳрвандӣ, фавт, шаҳри Братск
Вакцина от COVID-19 во время тестирования в исследовательском центре вакцин

Русия эълон кард, кай ваксинаи зидди COVID-19 миёни кӯдакон санҷида мешавад

28
(Таҷдидшуда 17:14 05.08.2020)
Русия тасмим дорад дар моҳҳои январ ва феврал ваксинаи зидди вируси коронаро миёни кӯдакон имтиҳон кунад

ДУШАНБЕ, 5 авг — Sputnik.  Маркази тадқиқоти миллии ба номи Гамалеи тасмим гирифтааст, санҷиши ваксинаи зидди вируси коронаро дар моҳҳои январ-феврали соли 2021 миёни кӯдакону наврасон имтиҳон кунанд, иттилоъ додааст  ба хабаргузории РИА Новости роҳбари марказ Александр Гинсбург.

“Мо ҳоло санадҳои дахлдорро омода дорем, чун қаблан ҳеҷ гоҳ пажуҳишгоҳи мо санҷишҳои ваксинаро дар кӯдак имтиҳон накарда буд. Пизишкони кӯдакон хусусияти инро медонад ва мо дар якҷоягӣ бо онҳо санадҳои дахлдорро омода дорем, ки ба вазорати тандурустӣ пешниҳод хоҳем кард. Санадҳои мазкур барои он лазим ҳастанд, ки мо тавонем санҷишҳоро миёни кӯдакон идома диҳем, танҳо пас аз анҷоми санҷишҳои миёни калонсолон”, - гуфт Гинсбург

Ба гуфтаи вай, санҷишҳо зимистон оғоз мешаванд, чунки марҳилаи севуми санҷишҳои ваксинаи зидди вируси корона миёни калонсолон ҳудуди панҷ моҳ тӯл мекашад. Дар он беш аз ду ҳазор довталабон иштирок хоҳанд кард.

Санҷиши ваксина бар зидди вируси корона сохти Русия

Қаблан вазири тандурустии Русия Михаил Мурашко дар бораи анҷоми санҷишҳои ваксинаи зидди вируси коронаи истеҳсоли Маркази миллии пажуҳиши эпидемиологӣ ва микробиологии ба номи Гамалеи эълон карда буд.

Вай қайд кард, ки мақомот ваксинатсияи сартосариро моҳи октябри соли равон шурӯъ хоҳад кард. Дар марҳилаи аввал ваксинатсия дар  “гуруҳҳои вижа” ба хусус пизишкон ва муаллимон сурат мегирад.  

Ин ваксина дар якҷоягӣ бо мутахассисони ин марказ ва вазорати дифои Русия ба даст омадааст. Дар авохири моҳи июли соли равон аз беморхонаи вазорати дифоъ  гурӯҳи дуюми 20 довталабро ҷавоб доданд. Зимни ин санҷишҳо дар бадани ҳар як довталаб иммунитет дар муқобили вируси корона пайдо шуд  ва ҳеҷ аломате манфӣ мушоҳида нашуд.

Ҳамчунин санҷишҳо дар маркази “Вектор” низ анҷом шудааст. Ин марказ тасмим дорад ба истеҳсоли ваксина моҳи ноябри соли равон оғоз намояд.  

28
Барчаспҳо:
имтиҳон, санҷиш, кӯдакон, вирус, Русия
Самолет компании Сомон Эйр, архивное фото

Тоҷикистон бо як кишвари хориҷ парвозҳои байналмилалиро барқарор кард

216
(Таҷдидшуда 16:07 05.08.2020)
Парвозҳо бо АМА қисман барқарор шуда буданд, аммо танҳо ширкати арабӣ онҳоро анҷом медод. "Сомон Эйр" низ аввалин парвозашро ба масири "Душанбе-Дубай-Душанбе" оғоз кард

ДУШАНБЕ, 5 авг — Sputnik. Парвозҳои муназам дар масири Душанбе - Дубай - Душанбе аз сар гирифта шуд, гузориш медиҳад "Парс тудэй" дар истинод ба расонаҳои маҳаллӣ.

Гуфта мешавад, қарор аст ҳавопаймое аз ширкати َФлой Дубайи Аморот имрӯз аз Дубай ба Душанбе парвоз кунад ва фардо 6 август ҳам ширкати Сомон Эйри Тоҷикистон аввалин парвози худро ба Аморот анҷом хоҳад дод.

Ҷамила Ҳусайнова- сухангӯи фурудгоҳи байналмиллалии Душанбе гуфтааст, ҳавопаймоии Аморот парвозро ба Душанбе аз 21 июл оғоз кард ва парвози имрӯз севумини онҳо хоҳад буд. Қабл аз шуйюи вируси корона ин ширкат ҳадди аксар се парвоз дар ҳафтаро анҷом медод.

Вай хотирнишон кард, ки Сомон Эир низ ба Дубай парвоз хоҳад дошт. 

"Ҳануз иттилооти мувассақе дар бораи азсаргирии иртибототи ҳавоӣ бо дигар кишварҳо нест", - гуфтааст вай дар посух ба суоли он ки кай парвозщои байналмилаль барцарор мешаванд.

ВКХ Русия мӯҳлати барқарор шудани тамоми парвозҳоро гуфт

Дар ҳамин ҳол ширкати Сомон Эйр таъкид кардааст, ки пазириши мусофир барои парвоз дар ҳавопаймоҳои ин ширкат таҳти тадбирҳои шадиди беҳдоштӣ сурат хоҳад гирифт.

216
Сотрудники КЧС Таджикистана проводят профилактические мероприятия против коронавируса

То шурӯъи дарс 12 рӯз монд: масъулин аз таъсири COVID-19 ба соҳаи маориф гуфтанд

0
(Таҷдидшуда 17:36 05.08.2020)
Рӯзи 17 уми август, таҳсил дар макотибҳои кишвар шурӯъ мешавад. Масъулони соҳаи маориф мегуянд, машғулиятҳои мактабии соли хониши қаблӣ, ки ба сабаби доман паҳн кардани пандемияи COVID-19 иҷро ношуда монда буд то 1 уми сентябр пурра ба иҷро расонида хоҳад шуд

 ДУШАНБЕ, 5 авг – Sputnik. Осим Каримзода, сардори Раёсати маорифи вилояти Суғд дар нишасти матбуотӣ дар бораи таъсири бемории каронавирус ба раванди таҳсил дар муассисаҳои таълимӣ таъкид варзид.

Бино ба гуфти ин масъули соҳаи маориф бо сабаби доман густурдани пандемияи COVID - 19, 16 % и дарсу машғулиятҳои мактабӣ иҷро ношуда боқи мондаанд.

“Таҳсил аз санаи 17 уми август тасодуфӣ интихоб карда нашудааст. Чи хеле, ки ба ҳамагон маълум аст, моҳи март дарсҳои мактабӣ ҷамъбаст шуданд, аммо бинобар сабаби паҳни бемории каронавирус мо барои ҷамбаст кардани чоряки сеюми соли хониш вақтамон нарасид.

Баҳои вазири маориф ба сифати таҳсил дар донишгоҳҳои кишвар: аз минтақа камие надорем

Чунки тибқи қарори Ситод оид ба пешгирӣ ва мубориза бо COVID-19, дар мактабҳо таътили муваққатӣ эълон карда шуд. Бинобар ҳамин соатҳои дарсие, ки бояд тибқи Барномаи таълим гузаронида мешуд, ҳамагӣ 84 % иҷро расонида шуд”, гуфт Каримзода.

Сардори Раёсати маорифи Суғд афзуд, имсол дарс дар мактабҳо тибқи тавсияҳои Ситоди муқобила бо COVID-19 аз санаи 17 уми август сурат мегирад ва то санаи 1 сентябр машғулиятҳои ба таъхиргузошташудаи соли хониши қаблӣ ба иҷро расонида мешавад.

Осим Каримзода иброз намуд, ки дар пайи хуруҷи бемории каронавирус дар кишвар, имтиҳонсупории толибилмон дар макотиб баргузор нагардид.

“Дар охирҳои моҳи март эълон шуда буд, ки дар ҳоли ба эътидол омадани вазъ имтиҳонҳои давлатӣ супорида мешаванд. Аммо вазъият мураккаб шуд ва ба ин делел имтиҳонсупории хонандагон доир ношуда монду дар асоси чоряки сеюм, чоряки чорум ва ҳаминтариқ баҳои имтиҳони солонаро гузоштем”, гуфт Каримзода.

Дар рӯзи 26 уми апрел, вазорати маориф ва илми Ҷумҳурии Тоҷикистон бо дастури Ситоди ҷумҳуриявии пешгирӣ аз пандемияи маризии вируси корона ё COVID – 19 эълон кард, ки аз 27 апрел то 10 майи соли 2020 муваққатан дар муассисаҳои таълимӣ - кӯдакистону боғча, мактабҳо, литсейҳои касбӣ – техникӣ, коллеҷҳо - таътил эълон карда шавад.

Аммо дар пайи доман паҳн кардани бемории вируси корона Вазорати маориф ва илми Тоҷикистон аз тамдиди таътил дар муассисаҳои таҳсилоти томактабӣ ва миёнаи умумӣ хабар дода, рӯзи 5 уми май эълон кард, ки хонандагон ва омӯзгорони муассисаҳои таҳсилоти умумӣ дар кишвар то 16 август ба таътили тобистона мераванд ва соли таҳсили 2020 – 2021 аз 17 август оғоз мешавад.

“Ин фоҷиа аст”: нигаронии Дабири кулли Созмони Милали Муттаҳид аз таътили мактабҳо

Тибқи иттилои расмӣ, дар Тоҷикистон 662 боғча бо 102 ҳазору 175 кӯдак ва 9 ҳазору 766 омӯзгор, 3884 мактаби миёна бо 2 миллиону 033 ҳазору 900 хонанда ва 124 ҳазору 593 омӯзгор, 63 муассисаи таҳсилоти ибтидоии касбӣ бо 21 ҳазору 890 хонанда ва 2 ҳазору 305 омӯзгор ва 75 муассисаи таҳсилоти миёнаи касбӣ бо 87 ҳазору 696 донишҷӯ ва 6 ҳазору 381 омӯзгор фаъолият мекунанд, ки ҷамъ 4686 муассиса, 2 миллиону 245 ҳазору 661 муҳассил ва 143 ҳазору 045 омӯзгорро ташкил медиҳад.

0