Президент Украины Владимир Зеленский

Дастури Зеленский барои додани шаҳрвандии Украина ба шаҳрвандони Русия

514
(Таҷдидшуда 16:14 13.08.2019)
Ҳукумати Украина мехоҳад низоми додани шаҳрвандиро барои шаҳрвандони Русия, ки дар ватанашон ба сабабҳои сиёсӣ таъқиб мешаванд, осон кунад

ДУШАНБЕ, 13 авг — Sputnik. Президенти Украина, Владимир Зеленский ба ҳукумати кишвар дастур додааст, тарҳи ба таври содда гирифтани шаҳрвандии Украинаро барои шаҳрвандолни Русия, омода кунанд.

Қарори мазкур дар саҳифаи расмии кишвардор нашр шудааст.

Ин барнома ба касоне дахл дорад, ки ба сабаби аъмоли сиёсиашон дар Русия, таъқиб шудаанд.

Тибқи қарори президент, ҳамчунин ба шаҳрвандони хориҷӣ ва шахсони бешаҳрванд, ки амнияти милли Украинаро дифоъ кардаанд, ба таври содда шаҳрвандӣ дода мешавад.

Ёдрас мешавем, ки моҳи июл, президенти Русия ҳам бо имзои як қарор, тарзи гирифтани шаҳрвандии Русияро барои сокинони Донбасс ва баъдтар барои ноҳияҳои алоҳидаи Луганск ва Донетск осон кард.

Владимир Путин ин қарори худро шарҳ дода гуфт, Русия ба ҳеҷ ваҷҳ намехоҳад барои Киев мушкил эҷод кунад, вале вазъ дар Донбасс аз ҳад гузаштааст.

514
Барчаспҳо:
шаҳрвандӣ, Ҷаҳон, Украина
Жители Тегерана идут по одной из центральных улиц в медицинских масках.

Шифо ёфтани 105 ҳазор мубталои коронавирус дар Эрон

55
(Таҷдидшуда 16:57 24.05.2020)
Мақомоти Эрон ҳамчунин аз фавти 58 бемори коронавирус дар 24 соати гузашта дар кишвар хабар додаанд.

ДУШАНБЕ, 24 мая — Sputnik. Вазорати беҳдошт, дармон ва омӯзиши пизишкии Эрон эълом кард, ки то кунун 105 ҳазору 801 нафар аз мубталоён ба коронавирус дар кишвар беҳбуд ёфта ва аз бемористонҳо мураххас шудаанд.

Киёнуши Ҷаҳонпур, раиси маркази равобити умумӣ ва иттилоърасонии Вазорати беҳдошти Эрон, рӯзи якшанбе, дар гуфтугӯ бо хабарнигорон дар бороаи охирин омори мубталоён ба коронавирус дар Эрон гузориш додааст.

Ба қавли ӯ, дар 24 соати гузашта 2180 бемори ҷадид ошкор шуданд.

"Аз байни мубталоёни ҷадид, 364 маврид бистарӣ ва 1816 маврид сарпоӣ ва аз афроди дар тамос бо мубталоён буданд, ки шиносоӣ шуданд ва маҷмӯи беморони коронавирус дар Эрон ба 135 701 нафар расид", - афзудааст Киёнуши Ҷаҳонпур.

Эрон худкифо шуд: тамоми ниёзҳои ин кишвар дар муқобила бо вируси корона таъмин аст

Ӯ ҳамчунин аз фавти 58 бемор дар як шабонарӯз хабар додааст. Шумораи умумии ҳалокатёфтагон7 417 нафарро ташкил медиҳад.

55
Мавзуҳо:
Пайомадҳои COVID-19 дар Тоҷикистон ва ҷаҳон

Баъди карантини 108 миллион кас: ошкоршавии чанд гирифтори коронавирус дар Чин

391
(Таҷдидшуда 16:12 24.05.2020)
Комиссияи миллии тандурустии Чин дар бораи гирифтор шудани чанд нафар аз сокинони кишвар ба вируси корона хабар дод

ДУШАНБЕ, 25 мая — Sputnik. Дар Чин бақайдгирии гирифторони коронавируси COVID-19 идома дорад, хабар медиҳад Комиссияи миллии тандурустии кишвар.

Бино бар иттилои комиссия, дар як шабонарӯзи гузашта 3 нафар гирифтори ин вирус пайдо шуданд.

Ба иттилои манбаъ, ду нафари бемор ба наздикӣ аз хориҷа баргашта буданд. Нафари севум бевосита дар дохили кишвар мубтало шудааст.

Бино бар маълумоти ахир, аз аввали пандемия дар Чин ҳудуди 83 ҳазор кас ба коронавирус гирифтор шуданд. Қурбониён 4,6 ҳазор тан гуфта мешавад.

Бурузи коронавирус маҳз ба Чин иртибот дорад. Нахустин шуда, дар ин кишвар дар охири соли 2019 аз пайдо шудани мубталоён ба вируси корона хабар доданд. Вирус зуд дар дигар кишварҳо ҳам паҳн гардид.

Авҷи беморӣ дар Чин ба моҳҳои январу феврал рост омада, моҳҳои марту апрел коҳиши паҳншавии он ба назар мерасид. Дар пайи ин коҳиш, кишвар маҳдудиятҳо ва карантинро бекор кард.

Олимони рус як шарти пирӯзӣ бар коронавирусро гуфтанд

Аммо ду ҳафтаи ахир дар се шаҳри Чин 46 ҳолати нави сироятёбӣ ошкор шуд. Дар натиҷа дар шимолу шарқии Чин бештар аз 108 миллион шаҳрванд ба карантин фаро гирифта шуданд.

 

391
Мавзуҳо:
Пайомадҳои COVID-19 дар Тоҷикистон ва ҷаҳон
Главный корпус больницы Истиклол

Поёнравӣ ё оромии қабл аз тӯфон: дар шифохонаҳои Тоҷикистон чӣ хабар аст?

150
(Таҷдидшуда 02:25 25.05.2020)
Маҷмӯаи иттилооти дасти аввал аз шифохонаҳо нишон медиҳад, ки шуюъи “вируси корона” дар Тоҷикистон сайри нузулӣ дорад. Аммо мутахассисин мегӯянд, барои кафкӯбӣ кардан ҳанӯз вақт ҳаст

ДУШАНБЕ, 24 май — Sputnik. Масъулини дасти кам 10 шифохонаи шаҳру навоҳӣ ва вилоят ба Sputnik Тоҷикистон таъйид карданд, ки теъдоди маризон рӯ ба коҳиш оварда, утоқҳои табобатӣ холӣ мешаванд.

Эмомалии Мирзо, сухангӯи вазорати тандурустӣ ва ҳифзи иҷтимоии Тоҷикистон гуфт, 23 май, вазири тандурустӣ ба вилояти Хатлон сафар дошт, то бо вазъ дар маҳалҳо ошно шавад.

Вай афзуд, бино ба иттилое, ки сардухтурон дар ихтиёри вазир гузоштанд, тайи рӯзҳои ахир теъдоди назарраси маризон шифо ёфта, ба хонаҳои худ рухсат шудаанд.

“Масалан, дар шифохонаи марказии ноҳияи Ёвон ҳамагӣ чор мариз бистарӣ буданд. Ҳамин гуна вазъ дар Шифохонаи марказии шаҳри Бохтар, маркази вилоят низ мушоҳида шуд. Дар умум аз садҳо нафаре, ки тайи 20 рӯзи ахир дар шифохонаҳои ин вилоят таҳти тадовии табибон буданд, ҳудуди 200 нафар боқӣ мондаанд. Инҳо ҳам ба зудӣ рухсат хоҳанд шуд”, - гуфт Эмомалии Мирзо.

Бистарӣ шудани собиқ ноиби раиси парлумон дар шуъбаи эҳёи бемористони сироятӣ-акс

Ба гуфтаи сухангӯи вазорати тандурустӣ, дирӯз аз шифохонаҳои шаҳри Душанбе дар умум 500 нафар, ки бо маризиҳои мухталиф, аз ҷумла “вируси корона” ва “пневмония” бистарӣ буданд, ба хонаҳои худ рухсат шудаанд.

Бино ба иттилои дарёфтӣ, то лаҳзае, ки ин гузориш омода мешуд, дар корпуси 2 – и Маркази миллии тиббии Тоҷикистон - "Шифобахш", маъруф ба Шифохонаи Қарияи Боло, ҳамагӣ 4 мариз бистарӣ буданд ва дар корпусҳои 4, 6, 8 ва кардиологияи ин марказ, ки тақрибан 500 нафар табобат мегирифтанд, се рӯз ба ин сӯ касе бистарӣ нашуда, теъдоди онҳое, ки таҳти назоратанд, аз 100 поён шудааст.

Бино ба манобеъи мо, бештари маризон ба Маҷмааи тандурустии “Истиқлол” муроҷиат мекунанд ва он ҷо низ теъдоди муроҷеин аз садҳо нафари даҳаҳои аввалу дуюми моҳи равон ба 20 – 30 нафар коҳиш ёфта, рӯзщои ахир то 30 - 40 нафар аз шифохона рухсат мешаванд.

Омори мудҳиш: шумори гирифторини COVID-19 дар ҷаҳон аз 5 миллион нафар гузашт

Вазъи ҳамсон дар Шифохонаи маризиҳои сироятӣ ва ҳам Маркази гастроэнтрологияи Душанбе низ мушоҳида мешавад. Сухангӯи вазорати тандурустӣ ва ҳифзи иҷтимоии Тоҷикистон вазъи Вилояти Мухтори Кӯҳистони Бадахшон ва Навоҳии тобеъи ҷумҳуриро низ рӯ ба беҳбудӣ арзёбӣ кард.

“Хушбахтона, Вилояти Мухтори Кӯҳистони Бадахшон дар қиёс бо дигар вилоёт садамаи камтар расида, ҳоло теъдоди маризон бамаротиб коҳиш ёфтааст. Иттилое, ки аз Навоҳии тобеъи ҷумҳурӣ дар ихтиёри мо гузошта мешавад, низ аз поёни омадани мавориди сироят ва фавт ривоят мекунад”, - гуфт Эмомалии Мирзо.

Ду – се рӯз пас

Вилояти Суғд, ки дар баробари пойтахт – Душанбе дуввумин нуқтаи доғи шуюъи “вируси корона” ба ҳисоб мерафт, низ ҳоло шоҳиди беҳбуди вазъ аст.

Ҳанӯз 20 май хабаргузории “Ховар” аз коҳиши муроҷиати маризон ва тадриҷан холӣ шудани шифохонаҳо дар ин вилоят хабар дода буд. Яке аз минтақаҳои доғ ноҳияи Бобоҷон Ғафуров буд, ки бино ба иттилои дарёфтӣ, дирӯз 24 май, охирин гирифторонро рухсат намудааст.

Вазъ дар Хуҷанду Истаравшан, шаҳрҳое, ки мавориди бештари гирифторӣ ба “вируси корона” ва “пневмония” – ро таҷриба кардаанд, низ аз ҳамин қарор аст.

Як манбаъ дар Шифохонаи маризиҳои сироятии шаҳри Хуҷанд, ки бори аслии табобати маризони вазнинро мекашид, ба Sputnik Тоҷикистон гуфт, агар вазъ ба ҳамин минвол идома пайдо кунад, то чанд рӯзи дигар ин шифохона холӣ хоҳад шуд.

Нишонаҳои коронавирус мушоҳида намешуд: сабаби марги раиси Тоҷикобод муйаян шуд

Нигора Наимҷонова, муовини раиси Истаравшан як рӯзи қабл, 24 май, ба Sputnik Тоҷикистон гуфт, ҳоло дар Шифохонаи марказии шаҳр ҳудуди 30 нафар табобат мегиранд.

“Муроҷеъин кам шудаанд ва умедворем, ки то ду – се рӯзи дигар тамоми маризон рухсат шаванд. Аз сӯи дигар, онҳоеро, ки ҳолати сабуку миёна доранд, тариқи гаштҳои хонагӣ ошкор намуда, духтуронро масъули нигоҳубини онҳо кардаем”, - гуфт Нигора Наимҷонова.

Иттилоъе аз ин қабилро дар Шифохонаи марказӣ ва Маркази физиотерпевтии воқеъ дар ноҳияи Ҷаббор Расулов, ки шоҳиди аввалин мавориди расонаишудаи маргумирҳо аз “пневмония” буданд, низ дар ихтиёри мо гузоштанд. Маъруф Ҳоҷибоев, муовини сардори Раёсати тандурустии вилояти Суғд, гуфт, дар ҳоли ҳозир дар 18 ноҳияи вилоят ҳудуди 400 нафар таҳти муроқибати табибон қарор доранд.

“Ҳолати аксарияти кул рӯ ба беҳбудӣ оварда, мавориди вазнин хеле кам шудаанд. Теъдоди фавт низ сахт коҳиш ёфта, ин умедворӣ ба вуҷуд омадааст, ки ба ҳамин қарибӣ вилоят аз ин вабо озод шавад”, - гуфт Маъруф Ҳоҷибоев.

“Мавҷи дуюм”

Дар ҳамин ҳол, ҳамсӯҳбатони мо коҳиши муроҷиати маризон ба шифохонаҳои Тоҷикистонро ҳанӯз анҷоми ин набарди пур аз талафот бо “вируси корона” намебинанд.

Ба қавли онҳо, таҷрибаи кишварҳои дигар нишон медиҳад, ки сайри нузулӣ ё коҳиши мавориди гирифторӣ ҳанӯз комилан аз миён рафтани “вируси корона” буда наметавонад. “Эҳтимол дорад, ки ба истилоҳ, “мавҷи дуюм” моро дар пеш бошад.

Аз ин хотир, мардум набояд фирефтаи ахбори хуш шаванд, балки ҳамоно аз эҳтиёт кор гиранд, пойбанди қавонини беҳдоштиву гигиенаи шахсӣ ва дар хона бимонанд.

Агар вазъ ба ҳамин минвол идома пайдо кунад, тақрибан 20 рӯзи дигар зарур аст, то бигӯем, ки кор тамом шуд ва итминони хотир пайдо кунем”, - гуфт яке аз онҳо.

Дар ҳамин ҳол, оморе, ки вазорати тандурустии Тоҷикистон рӯзи 24 май нашр кард, ҳикоят аз коҳиши ками мавориди гирифторӣ ба “вируси корона” мекунад.

Роҳандозии озмоишгоҳи вирусологӣ дар Хуҷанд барои муайян кардани коронавирус

Бино ба ин манбаъ, аз соати 17 – и рӯзи 22 ба ҳамин соати 23 май дар кишвар 191 (рӯзи қабл 187) ҳолати нави гирифторӣ ба ин маризӣ сабт шуда, теъдоди умумии ибтило ба 2929 маврид расидааст. Масъулин мегӯянд, ин натиҷаи санҷиш ё тестҳоест, ки як ҳафтаи қабл гирифта, ҳоло таъйид шудаанд ва ин бозгӯи вазъи рӯзҳои ахир нест.

150