Мард бо ноутбук, акс аз бойгонӣ

Ҳамоиши байналмилалӣ барои ҷилавгирӣ аз ифротгароӣ дар Осиёи Марказӣ

63
(Таҷдидшуда 15:59 15.08.2019)
Анҷумани байналмилалӣ зери унвони “Нақши расонаҳо дар пешгирии ифротгароии хушунатомез” дар шаҳри Алмато ҷараён дорад

ДУШАНБЕ, 15 авг — Sputnik. Ҳамоиши мазкур дар заминаи лоиҳаи "Мусоидат ба сулҳу субот дар Осиёи Марказӣ" дар шаҳри Алмато аз 14 то 16 август рӯзноманигорон ва фаъолони ҷомеаи шаҳрвандии кишварҳои гуногунро ба ҳам овард.

Бар асоси иттилоияи баргузоркунандагон, дар анҷуман ба талошҳои миллию минтақавӣ барои ҷилавгирӣ аз ифротгароӣ дар Осиёи Марказӣ тариқи густариши имконоти рӯзноманигорону фаъолони ҷомеаи шаҳрвандӣ диққати махсус дода мешавад.

“Ҳадаф аз анҷуман – баррасии нақши расонаҳо дар пешгирии ифротгароӣ дар кишварҳои минтақа, табодули таҷрибаҳои муваффақи маҳаллию ҷаҳонӣ ва муаррифии ҳолатҳое мебошад, ки расонаҳои мустақил метавонанд иртибот бо ҷомеа, махсусан ҷавонон, занон, ақаллиятҳои миллию динӣ ва ғайраро таҳким бахшанду ҳамкорӣ кунанд”, - омадааст дар иттилоия.

Ҳамкории минтақавӣ ва роҳандозии муколамаи сатҳи миллию минтақавӣ заминаи хубе барои ҷустуҷи роҳҳалҳо дар ин бахш хоҳад буд, муътақиданд дастандаркорони ин Анҷуман, ки аз бо дастгирии "Интернюз" ташкил шудааст.

Михаил Мункин, президенти Ассотсиатсияи равоншиносон ва равондармонҳои Қирғизистон зимни баррасии нақши иттилоъ ва мушкили ифротгароӣ гуфт, ҳама дар рӯ ба рӯи хабар осебпазир ҳастанд.

“Агар иттилоъ надорем, мағзи мо боз аст. Касе хоҳад шуморо барои коре муътақоид созад, шумо наметавонад дар муқобилаш истодагарӣ намоед. Бинобар ин, дер ё зуд шумо ҳамсуҳбатро бовар мекунед”, - изҳор дошт Мункин.

Баргузории ин ҳамоиш дар ҳолест, ки ҷалби ҷавонони зодаи Осиёи Марказӣ ба ҳаракатҳои тундраву террористӣ ба як мушкили мубрам мубаддал шуда, мақомот мегӯянд, ба далели адами донишҳои динию дунявӣ садҳо ҷавон шомили ҳаракатҳои тундраву террористӣ шудаанд.

63

Нигаронии СММ аз авҷи хушунатҳои бесобиқа дар Афғонистон

34
(Таҷдидшуда 19:28 22.09.2020)
Созмони Милали Муттаҳид аз ташдиди ҳамалот ва афзоиши кушторҳо дар Афғонистон ибрози нигаронӣ кард

ДУШАНБЕ, 22 сен — Sputnik. Миссияи кӯмаки Созмони Милал дар Афғонистон (UNAMA) ахиран дар як изҳорот гуфт, афзоиши куштор ва хушунат дар Афғонистон дар панҷ ҳафтаи охир дар панҷ соли охир бесобиқа буд, иттилоъ додааст хабаргузории “Парстудей”.

Афзоиши хушунатҳо дар Афғонистон дар ҳоле аст, ки гуфтугӯҳои сулҳи байни афғонҳо дар Қатар идома дорад.

Намояндагии Созмони Милал дар Афғонистон таъкид кардааст, ки бояд иқдомоти фаврӣ барои муҳофизат аз ғайринизомиён ва эҷоди фазои мусоид барои гуфтугӯҳои сулҳ дар Дуҳа фароҳам шавад.

Ин баёния аз тарафҳои дахил дар раванди сулҳи Афғонистон хостааст ба хушунатҳо ва ҷанг поён диҳанд ва барои барқарории оташбас талош кунанд.

Бо афзоиши хушунатҳо дар саросари Афғонистон ҳар рӯз даҳҳо нафар кушта ва захмӣ мешванд.

34
Барчаспҳо:
ҳамалоти террористӣ, афзоиш, нигаронӣ, куштор, СММ, хушунат, Афғонистон
Человек пишет в блокноте, архивное фото

Бори нахуст дар Колумбия шеъри тоҷикӣ садо дод

91
(Таҷдидшуда 18:03 22.09.2020)
Дар озмуне дар ин кишвар бори аввал аз Тоҷикистон шоири тоҷик, журналист ва мутарҷим Абдуқаҳҳори Қосим иштирок намуда, бо забони тоҷикӣ шеърҳои худро қироат намуд

ДУШАНБЕ, 22 сен — Sputnik. Бори нахуст дар Фестивали адабии байналмилалии Меделин шеъри тоҷикӣ садо дод, гузориш медиҳад Вазорати фарҳанги Тоҷикистон.

Бино бар иттилои манбаъ, дар 30-юмин солгарди Фестивали адабии байналмилалии Меделин, ки ба таври онлайн дар шаҳри Меделини Колумбия баргузор гардид ва дар он 40-умин солгарди таъсиси мукофоти алтернативии Нобел низ ҷашн гирифта мешавад, бори аввал аз Тоҷикистон шоири тоҷик, журналист ва мутарҷим Абдуқаҳҳори Қосим иштирок намуда, бо забони тоҷикӣ шеърҳои худро қироат намуд. 

Имсол дар Фестивал 180 нафар шоирону олимони маъруф ва 20 дорандаи мукофоти алтернативии Нобел аз 103 давлати дунё ширкат намуданд.

Фестивали мазкур соли 1991 аз ҷониби шоир, файласуф ва арбоби ҷамъиятӣ Фернандо Рендон таъсис дода шуда, соли 2006 ба Ҷоизаи алтернативии Нобел – “Барои ҳақиқат,  сулҳ ва адолати иҷтимоӣ” сазовор гаштааст.

Инчунин Фестивали адабии байналмилалии Меделин аз ҷониби ЮНЕСКО ҳамчун мероси фарҳангии Колумбия эътироф гардидааст.

Абдуқаҳҳори Қосим дар суҳбат бо "Ховар" иброз намуд, ки “фестивал аз  моҳи октябри соли 2019 оғоз гардида, шоирону нависандагон маҳсули эҷоди худро тавассути сабти видеоӣ пешниҳод намуданд. Ман 15 шеъри худро, ки тараннумгари сарзамини Тоҷикистон, модар, ишқу муҳаббат ва Ватан буданд, қироат намудам”.

Сабти қироати муаллиф бо забони тоҷикӣ ва бо тарҷума ба забони испанӣ тӯли як соат дар ин фестивал тариқи сомонаҳои Ютуб, Зум, Фейсбук ва ғайра намоиш дода шуд. Инчунин аз ҷониби тарҷумонҳо маълумот дар бораи сарзамини Тоҷикистон  ва аксҳои табиати дилрабои мамлакатамон бо забони испанӣ пешниҳод гардиданд.

Эрдуғон дар маросими кушоиши масҷиди Аёсофия ба забони форсӣ шеър хонд- видео

Хусусияти дигари ҳамоиш он аст, ки намояндаи ҳар миллат бо забони худ суханронӣ ва шеър қироат мекунад.

Фестивали адабии байналмилалии Меделин то 10 октябр идома меёбад. То имрӯз дар ин фестивал зиёда аз 1800 шоир аз 170 давлати панҷ қитъаи рӯи дунё ва 165 миллат ширкат варзидаанд. Имсол ҳамоишро дар сомонаҳои иҷтимоӣ зиёда аз 350 ҳазор нафар тамошо кардаанд.

91

Оғози машқҳои низомии “Қафқоз-2020”

0
(Таҷдидшуда 01:15 23.09.2020)
Машқҳои байналмилалии низомӣ “Қафқоз-2020” дар вилояти Астрахани Русия оғоз ёфтанд. Дар ин машқҳои низомӣ бе аз 80 ҳазор аскару афсар, инчунин 250 тонк, 450 худрави ҷангии пиёданизом, 200 тӯпу рокетандоз иштирок хоҳанд кард

Машқҳои низомӣ санаи 21 сентябри соли равон оғоз ёфтанд. Таи ҳафтаи ахир  низомиён таҷҳихзоту аслиҳаро барои иштирок дар машқҳои низомӣ омода карданд. 

Аз ҷумла пеш аз оғози машқҳои байналмилалӣ тамоми низомиён аз санҷиши вируси корона гузаронида шуданд.

Дар машқҳо беш аз 80 ҳазор нафар аскару афсар, инчунин 250 тонк, 450 худрави ҷангии пиёданизом, 200 тӯпу рокетандоз иштирок доранд.

Русия барои иштирок дар ин машқҳо ҳамчунин низомиёни Арманистон, Мянма, Покистон ва Эронро низ даъват кардааст.

Низомиёни Тоҷикистон ба ин машқҳои низомӣ ба ҳайси нозир даъват шудаанд.  

Ҳамчунин дар феҳристи кишварҳои даъватшуда Озарбойҷон ва Ҳиндустон низ буд, аммо мақомоти ин кишварҳо имсол аз иштирок дар ин машқҳои низомӣ “Қафқоз-2020”худдорӣ карданд.

0
Барчаспҳо:
Афсар, аскар, Астрахан, артиш, тамрин, машқи низомӣ, машқ, Русия