Хабиб Нурмагомедов и Конор Макгрегор

Нурмуҳаммадов гуфт Макгрегор бояд пушти панҷара равад

787
(Таҷдидшуда 17:36 16.08.2019)
Қаҳрамони муҳорибаҳои омехта Ҳабиб Нурмуҳаммадов бар ин аст, ки варзишкори ирландӣ Макгрегор бояд барои авбошиаш муҷозот шавад

ДУШАНБЕ, 16 авг — Sputnik. Варзишкори русиягӣ ва қаҳрамони UFC Ҳабиб Нурмуҳаммадов, муштзании Макгрегорро шарҳ дод.

Дар мусоҳиба бо TMZ Sports Нурмуҳаммадов изҳор дошт, ки барои чунин рафтор бояд Конорро равонаи зиндон кунанд, чун рафтори бади ӯ натанҳо ба варзиш балки ба мардуми атрофи ӯ низ таъсири манфӣ дорад.

"Чунин одамон бояд пушти панҷара бошанд. Ӯ ҳурмат гуфтани гап надорад. Ин барои варзиш бисёр бад аст. Баъзе аз рафтораш барои варзиш хуб аст, вале на ҳамин. Ӯ девона шуда истодааст. Ин девонагӣ аст. Имрӯз ӯ мӯйсафедро латукӯб мекунад, пагоҳ чӣ мешавад?", - гуфт Ҳабиб.

Ёдовар мешавем, ки чанде пеш Макгрегор - варзишкори ирландӣ мӯйсафедеро, ки нахост шароби пешниҳодкардаи Конорро нӯшад, мушт зад.

Қазия аз ҷое сар мешавад, ки варзишкор ба бар ворид шуда ба ҳамаи меҳмонон, вискии истеҳсоли худро пешниҳод мекунад. Вале марди бузургсол аз нӯшидани шароб худдорӣ менамояд.

Варзишкор бори дуввум дар пеши ӯ шароб мегузорад, вале мард боз рад мекунад.

Пас аз чанд лаҳза, Макгрегор бо сабабҳои номаълум мӯйсафедро мушт мезанад.

Аҷибаш ин, ки мард ба мушти варзишкор ба ҳеҷ ваҷҳ вокуниш накарду ҳатто аз ҷояш наҷунбид. Дар ҳамон лаҳза, посбонон ба назди Макгрегор давида ӯро аз тарабхона берун мекашанд.

Мақомоти қудратии Дублин иттилоъ доданд, ки дар паи ин ҳодиса, парванда боз шудааст.

Макгрегор тафсилоти ҷанҷоли калон бо Нурмуҳаммедовро гуфт

Ёдрас мешавем, ки моҳи майи ҳамин сол, варзишкори ирландиро дар Майами - Бич ба гумони дуздӣ боздошт карда буданд.

Пешбинии Ҳабиб рост баромад: Конор гуфт, ки бармегардад

Он замон пулис хабар дода буд, ки ҳаводори Конор хост бо ӯ акс гирад, вале варзишкор телефонро аз дасташ гирифта бо пояш зер кард ва пасон бо худ бурд.

787
Барчаспҳо:
шароб, муштзанӣ, ҷанҷол, Макгрегор, Ҳабиб Нурмуҳаммадов, варзиш, Ҷаҳон

Коршинос: барои сироятёфтагони COVID-19 тирамоҳ метавонад душвортар бошад  

297
(Таҷдидшуда 18:03 10.08.2020)
Эҳтимол, дар тирамоҳ ҷараёни беморӣ дар одамоне, ки қаблан ба коронавирус сироят нашуда буданд, назар ба онҳое, ки дар баҳору тобистон бемор буданд, шадидтар хоҳад буд.

ДУШАНБЕ, 10 авг — Sputnik.  Академики Академияи Илмҳои Русия, Директори Пажӯҳишгоҳи Эпидемиология ва Микробиологияи Пастер, Саримунологи Санкт Петербург Арег Тотолян пешнгӯӣ кардааст, ки COVID-19 дар тирамоҳ нисбат ба баҳор мушкилтар хоҳад шуд, хабар медиҳад “Известия”.

Ба гуфтаи вай, тасаввур кардан душвор аст, ки чӣ гуна одамоне, ки ҳанӯз бемор нашудаанд, дар тирамоҳ сирояти коронавирусро аз сар мегузаронанд. Шояд бемории онҳо назар ба онҳое, ки дар баҳор ва тобистон сироят ёфтаанд, шадидтар хоҳад буд.

"Ман метарсам, ки дар тирамоҳ нисбат ба баҳор ба раванди шадидтари COVID-19 дучор шавем ва мо бояд ба он аз ҷиҳати психологӣ омода бошем”,- гуфт Тотолян.

Ба гуфтаи коршинос, инчунин маълум нест, ки омезиши тирамоҳи SARS-CoV-2, ки онро бисёр коршиносон пешгӯӣ кардаанд, чӣ гуна хоҳад буд.

Олимон сабаби фавти зиёд аз коронавирусро муайян ва роҳи пешгирӣ аз маргу мирро гуфтанд

Сардори Роспотребнадзор Анна Попова ҳушдор дод, ки дар ин мавсими эпидемиологӣ гардиши навъҳо зуком дар назар дошта мешавад, ки дар муқоиса бо солҳои пешин мушоҳида мешавад. Русиягиҳо ҳанӯз бар зидди онҳо эм карда нашудаанд.

297

Эълони натоиҷи пешакии интихоботи президентӣ дар Белорус: Лукашенко пешсаф

212
(Таҷдидшуда 15:03 10.08.2020)
Ба гуфтаи Лидия Ермошина, шабона аъзои КМИР аз бинои Ҳукумат кӯчонида шуданд ва натиҷаҳои пешакӣ дар арафаи нишасти матбуотӣ ҷамъбаст карда шуданд.

ДУШАНБЕ, 10 авг — Sputnik.  Кумитаи марказии интихоботӣ ва раъйдиҳии Белорус натоиҷи пешакии интихоботи президентии ин кишварро эълон кард, хабар додааст, Sputnik Белорусия.

Бар асоси эълони натоиҷи пешакии интихоботӣ Александр Лукашенко, президенти кунунии ин кишвар бо ба даст овардани бештари овозҳо пешсаф аст.

Тавре ки роҳбари Комиссияи марказии интихоботӣ соати 9-и субҳи имрӯз эълон кард, натиҷаҳо чунинанд:

- Александр Лукашенко 80,23%

- Светлана Тихоновская 9,90%

- Анна Канопатская 1.68%

- Сергей Черечен 1.13%

- Андрей Дмитриев 1.04%

Мувофиқи маълумоти КМИР, 84,23% аҳолии Белорус ширкат карда,  6,02%  муқобили ҳама овоз додаанд.

Ермошина инчунин гуфт, ки навбатҳои тӯлонӣ дар ҳавзаҳои интихоботӣ рӯзи якшанбе ба адолат ва шаффофияти интихобот шубҳа доштан намегузоранд.

Дар пайи интихоботи рӯзи гузашта дар Минск бетартибиҳои зиёде аз суи шаҳрвандон сар зад, мақомоти ин кишвар ба боздошти афрод ва таҳқиқи он пардохтааст.

Раҳбари КМИР низ бо шарҳи ин бетартибиҳо гуфтааст, "эҳтимол ин моро водор мекунад, ки дар оянда ба овоздиҳии электронӣ гузарем, то касе ба ягон таъсир ва фишор дучор нашавад".

212
Неделя моды в Душанбе. архивное фото

Фарзонаи Хуршед дар бораи бегонагӣ бо Фаридун ва "шери нар" - и наваш - видео

1670
(Таҷдидшуда 20:58 10.08.2020)
Сарояндаи машҳури тоҷик Фарзонаи Хуршед дар бораи бегонагӣ бо собиқ ҳамcараш овозхони шинохта Фаридуни Хуршед ва ишқи наваш гуфт

ДУШАНБЕ, 10 авг – Sputnik. Сарояндаи машҳури эстрадаи тоҷик Фарзонаи Хуршед дар барномаи шабакаи "Пешсаф" дар бораи зиндагии шахсияш нақл кард.

Ӯ гуфт бо ҳамсари пешинаш Фаридуни Хуршед чор сол шуд ягон иртиботе надорад ва аз тавлиди фарзанд дар хонаводаи Фаридун хушҳол аст.

"Вақте дар хонае тифл ба дунё меояд дар он хонавода 60 рӯз фариштаҳо фурӯд меояд. Закияҷони азиз ба табрики додараш рафт, ман хушҳол шудам. Хурсандии як банда барои ман хурсандӣ аст. Худованд шоҳид ҳаст, ки ман нисбати Фаридун ғайр аз он кӣ ӯ падари фарзандонам ҳаст, ягон эҳсосоти дигар надорам. Фақат ҳурматаш мекунам ба он хотире кӣ ӯ падари фарзандонам аст", - гуфт Фарзона ва афзуд, ки Закияро худ барои табрикоти падараш равон кард.

Фарзона ба мухлисонаш муроҷиат карда хоҳиш намуд, ки ба ӯ аз Фаридун суол накунанд, чун аллакай барои ӯ инсони бегона аст.

"Шавҳар наздиктарин шахс барои зан аст, вале вақте ҷудо шудӣ бегонатарин инсон барои ту мешавад", - таъкид мекунад Фарзона.

Фарзонаи Хуршед аз камтарин сарояндаҳоест, ки бо дигар ҳунармандон дӯстӣ надорад ва ба қавли аксари мардум бисёр ҳавобаланд аст.

Фарзона мегӯяд аз тарси халалдор кардани ин ё он нафар ӯ бо касе ошноӣ намекунад ва дӯстони наздиктаринаш модару аппаҳояш ҳастанд.

"Вақте касе бо ман аз наздик ошно мешавад, мегӯяд ту чӣ қадар духтари хуб будаӣ, вале ман фикр мекардам, ки ту бисёр ҳавобаланд ҳастӣ".

Фарзонаи Хуршед такаббури худро кори ген гуфт.

"Бобои падариям рус ҳаст ва бибии падарам бошад эронист. Шояд аз ин сабаб виқори баланд дорам, вале дилам соф аст", - мегӯяд Фарзона.

Сароянда дар хотимаи барнома ҳамчунин дар бораи ишқи наваш гуфт ва ҳатто акси марди ҳаёташро ба муҷрии барнома нишон дод.

"Марди воқеъӣ - шери нар интихобатро нигоҳ намекунад. Албатта дар зиндагии ман шери нар ҳаст",- гуфт Фарзона.

1670
Барчаспҳо:
бегона, шавҳар, ҳамсар, Фаридуни Хуршед, Фарзонаи Хуршед