Грузовые контейнеры, архивное фото

Афғонистон пештар аз Тоҷикистон аз имкониятҳои бандари Чобаҳор истифода кард

198
(Таҷдидшуда 12:51 06.09.2019)
Мақомоти Афғонистон эълон намудааст, ки аввалин маҳмулаи меваи Афғонистон тариқи бандари Чобаҳор содир шуд

ДУШАНБЕ, 6 сен — Sputnik. Вазорати санъат ва тиҷорати Афғонистон ахиран эълом кард, ки Афғонистон барои аввалин бор аз масири бандари Чобаҳор – Кобул ба Ҳинд мева содир кардааст ва интизор меравад, ки содирот аз ин масир афзоиш ёбад, иттилоъ додааст хабаргузории Parstoday.

Вазорати санъат ва тиҷорати Афғонистон таъкид намудааст, ки ирсоли ин маҳмула, ки бо убур аз чандин вилояти ин кишвар, аз масири Нимрӯз ба бандари Чобаҳори Эрон мунтақил ва аз он ҷо ба шаҳри Бомбаии Ҳинд содир шуда, озмоишӣ будааст.

Самир Расо, сухангӯи Вазорати санъат ва тиҷорати Афғонистон содирот аз ин масирро як таҷрибаи хуб унвон кард ва афзуд, ки Афғонистон дар оянда аз ин масир содироти бештаре хоҳад дошт.

Вазири тоҷик бандари Чобаҳори Эронро ояндадор хонд

Аҷмал Аҳмадӣ, вазири санъат ва тиҷорати Афғонистон дар сафҳаи Твиттер навишт, қарор аст, ки мизони содирот аз масири бандари Чобаҳор дар се ҳафтаи оянда ба 100 тон афзоиш ёбад.

Вай бо ишора ба ин ки мизони содироти Афғонистон аз масири Чобаҳор то кунун ба 700 тон расидааст, гуфт, ба зудӣ Афғонистон содироти анору себро низ аз масири Чобаҳор ба Ҳинд оғоз хоҳад кард.

Ёдрас мешавем, ки Сироҷиддин Муҳриддин, вазири умури хориҷии Тоҷикистон пешниҳоди ҷониби Эронро барои истифода аз бандари Чобаҳор тасдиқ карда, изҳор дошт, ки феълан Ҳукумат тасмими дақиқ дар бораи ин бандарро қабул накардааст.

Ҳасани Руҳонӣ, раисиҷумҳури Эрон ва Ҳасани Руҳонӣ, раисиҷумҳури Тоҷикистон
дафтари матбуоти раисиҷумҳури Тоҷикистон

Муҳриддин зимни нишасти матбуотӣ дар Душанбе гуфт, Чобаҳор бандари ояндадор аст ва Ҳукумати Эрон талош дорад, ки кишварҳои минтақа аз он истифода барад.

Вазир таъкид кард, ки дар маҷмуъ Тоҷикистон ҷонибдори ҳар иқдомест, ки ба фоидаи иқтисоди кишвар мебошад, аммо дар мавриди Чобаҳор феълан тасмими мушаххасе қабул нашудааст.

Шералӣ Ганҷалзода, муовини вазири нақлиёти Тоҷикистон, гуфт, моҳи феврали соли равон дар ҷаласаи охирини Созмони ҳамкориҳои иқтисодӣ – “ЭКО” ҳукумати Эрон аз кишварҳои Осиёи Марказӣ, ки роҳ ба баҳр надоранд ва бо роҳҳои заминӣ маҳдуд шудаанд, хостааст, ба ин бандар оянд ва ройгон барои худ ҷой иҷора гиранд. Вай афзуд, Тоҷикистон ҳоло аз тариқи вазорати корҳои хориҷии Тоҷикистон ин мавзӯъро пайгирӣ мекунад.

198
Барчаспҳо:
мақомот, Эрон, молу коло, содирот, Афғонистон, Тоҷикистон
Президент РФ В. Путин

Путин гуфт, Русия ба кадом гурӯҳи муҳоҷирон ниёз дорад

955
(Таҷдидшуда 17:54 04.07.2020)
Президенти Русия Владимир Путин гуфт Русия ба ҷавонони омодаи таҳсил ё соҳиби касбу маълуоти олӣ ниёз дорад

ДУШАНБЕ, 4 июл — Sputnik. Русия барои рушди иқтисодӣ ба муҳоҷирон ниёз дорад, гуфт президенти Русия Владимир Путин зимни вохӯрӣ бо лоиҳакашони ислоҳоти конститутсионӣ.

"Русия ба воридшавии муҳоҷирон манфиатдор аст, вале ба онҳое, ки ба кишвар лозиманд.<...> Русия ба воридшавии шаҳрвандони ҷадид ниёз дорад.<...> Чизе, ки ба иқтисод вобаста аст, комилан возеҳ аст ва пас аз чанде боз норасоии қувваи корӣ аёнтар хоҳад шуд", - гуфт президент.

Путин нарасидани қувваи кориро барои пешрафти иқтисоди кишвар монеъаи ҷиддӣ хонда аз онро аз мушкилоти мубрам гуфт.

Паспорта РФ в процессе производства
© Sputnik / Владимир Астапкович

Фармони нави Путин дар бораи патенту муҳоҷирон: кадом сабукиҳо мемонанду кадом не?-видео

Президенти Русия Владимир Путин таъкид кард, ки  Русия ба ҷавонони омодаи таҳсил ё соҳиби касбу маълуоти олӣ, ниёз дорад.

Дар баробари ин кишвардор қайд кард, ки дар раванди ҷалби муҳоҷирон набояд ҳуқуқи шаҳрвандони Русия нақз шавад.

Путин афзуд, ки Русия бамаротиб хостори воридшавии донандагони забони русӣ ва фарҳанги ин кишвар аст.

955
Барчаспҳо:
муҳоҷират, баррасии воридшавӣ, муҳоҷирон, Владимир Путин
Президент Кыргызской Республики Сооронбай Жээнбеков

Санаи баргузории интихоботи парлумонӣ дар Қирғизистон маълум шуд

70
(Таҷдидшуда 13:06 04.07.2020)
Раисҷумҳури Қирғизистон бо судури ҳукме, аз замони баргузории интихоботи парлумонӣ дар ин кишвар дар таърихи чаҳоруми октябри соли 2020 хабар дод

ДУШАНБЕ, 4 июл — Sputnik. Бар асоси ҳукми Соронбой Жеенбеков, комиссияи марказии интихобот бояд тибқи қавонини ҷумҳурии Қирғизистон барои иҷрои интихобот омодагӣ дошта бошад, иттилоъ додааст хабаргузории “Форс”.

Бар асоси ин гузориш, давлати Қирғизистон бояд зимни анҷоми иқдомоти лозим барои таъмини амнияти шаҳрвандон дар тарҳи раъйгирӣ, ҳамроҳ бо риояти усули беҳдоштӣ, бо таваҷҷуҳ ба густариши вируси корона дар ин кишвар, ба комиссияи марказии интихобот дар заминаи таъмини амнияти киберии сомонаҳои диҷитали, ироаи каналҳои иртиботии қобили эътимод ва таомул байни дигар ниҳодҳои давлатӣ кумак кунад.

Интихоботи парлумонии пешини Қирғизистон дар соли 2015 баргузор шуд ва дар натиҷаи он намояндагони аҳзоби сотсиал - демократ, республика Отажурт, Қирғизистон ва дигар аҳзоби сиёсӣ вориди маҷлис шуданд.

Парлумони Қирғизистон 120 намоянда дорад ва олитарин ниҳоди тасмимгирӣ дар он кишвар аст. 

70
Барчаспҳо:
Сооронбой Жээнбеков, Раисҷумҳур, таърих, интихобот, парлумон, Қирғизистон

Бозорҳои Тоҷикистон дар давраи ҳамагирии COVID - 19: гузориши аксӣ

0
(Таҷдидшуда 20:08 04.07.2020)
  • Посбон дар бозори Меҳргон ҳарорати бадани муштариёнро месанҷад
  • Аробакашон дар бозори Меҳргон
  • Бозори Меҳргон
  • Фурӯшанда дар бозори Меҳргон
  • Кормандони мақомот ҳарорати бадани муштариёнро месанҷанд.
  • Меваҳо дар бозори Меҳргон
  • Меваҳои қоқ дар бозори Меҳргон
  • Фурӯшанда дар бозори Меҳргон
  • Муштариён дар бозори Меҳргон
  • Фурӯшандаи бозори Меҳргон
  • Фурӯшандаи бозори Меҳргон
Зиндагии мардуми Тоҷикистон бо тадриҷ ба шакли маъмулӣ бозмегардад. Фаъолияти бозорҳои кишварро дар замони ҳамагирии COVID - 19 дар гузориши Sputnik Тоҷикистон тамошо кунед

Бозорҳои Тоҷикистон имрӯзҳо бо риояи ҳамаи қоидаҳои беҳдоштӣ ба фаъолият оғоз карданд. 

Дар дари даромади бозор ҳарорати бадани ҳар як муштарӣ санҷида мешавад.

Маъмулан дар назди даромади бозорҳо "кунҷи беҳдоштӣ" ташкил шудааст.

Бидуни ниқоб ба бозор ворид шудан мумкин нест, танҳо барои кӯдакон ин қоида истисно мешавад.

“Корвон” боз баста мешавад? – шарҳи мақомот

Ҳамаи фурӯшандагон низ бо ниқоб ҳастанд. Ҳамаи рафҳои савдо ҳамарӯза безарар гардонида мешаванд.

Зиёда аз ин ҳамаи бозорҳои бузурги кишварро кормандони мақомот ҳамарӯза тафтиш мекунанд.

0
  • Посбон дар бозори Меҳргон ҳарорати бадани муштариёнро месанҷад
    © Sputnik / Амир Исаев

    Посбон дар бозори Меҳргон ҳарорати бадани муштариёнро месанҷад.

  • Аробакашон дар бозори Меҳргон
    © Sputnik / Амир Исаев

    Аробакашон дар бозори Меҳргон.

  • Бозори Меҳргон
    © Sputnik / Амир Исаев

    Бозори Меҳргон имрӯзҳо боз пур аз муштарӣ аст.

  • Фурӯшанда дар бозори Меҳргон
    © Sputnik / Амир Исаев

    Фурӯшанда дар бозори Меҳргон. Ҳамаи фурӯшандагон низ бо ниқоб ҳастанд.

  • Кормандони мақомот ҳарорати бадани муштариёнро месанҷанд.
    © Sputnik / Амир Исаев

    Кормандони мақомот ҳарорати бадани муштариёнро месанҷанд. Ҳамаи рафҳои савдо ҳамарӯза безарар гардонида мешаванд.

  • Меваҳо дар бозори Меҳргон
    © Sputnik / Амир Исаев

    Меваҳо дар бозори Меҳргон. Рафъҳо аз меваҳои мавсимӣ пур шудааст.

  • Меваҳои қоқ дар бозори Меҳргон
    © Sputnik / Амир Исаев

    Меваҳои қоқ дар бозори Меҳргон.

  • Фурӯшанда дар бозори Меҳргон
    © Sputnik / Амир Исаев

    Фурӯшанда дар бозори Меҳргон. Бозорҳои Тоҷикистон имрӯзҳо бо риояи ҳамаи қоидаҳои беҳдоштӣ ба фаъолият оғоз карданд. 

  • Муштариён дар бозори Меҳргон
    © Sputnik / Амир Исаев

    Муштариён дар бозори Меҳргон. Бидуни ниқоб ба бозор ворид шудан мумкин нест, танҳо барои кӯдакон ин қоида истисно мешавад.

  • Фурӯшандаи бозори Меҳргон
    © Sputnik / Амир Исаев

    Фурӯшандаи бозори Меҳргон. Фурӯшандагон низ ҳатман ниқоб мепӯшанд.

  • Фурӯшандаи бозори Меҳргон
    © Sputnik / Амир Исаев

    Фурӯшандаи бозори Меҳргон. Барои фурӯшандагон низ пӯшидани ниқоб ҳатмӣ мебошад.

Барчаспҳо:
вируси нав, фаъолият, бозор, Тоҷикистон
Мавзуҳо:
Пайомадҳои COVID-19 дар Тоҷикистон ва ҷаҳон