Боевики ИГ в Сирии, архивное фото

Мақомоти Ироқ гуфт фармондеҳони ДОИШ ба куҷо гурехтанд

736
(Таҷдидшуда 10:12 22.09.2019)
Мудири кулли иттилоот ва мубориза бо терроризм дар Вазорати кишвари Ироқ эълом кард, ки фармондеҳони гурӯҳи террористии ДОИШ ба дастури мустақими Абубакр Албағдодӣ, ба Туркия, Судон ва шимоли Африқо фирор кардаанд

ДУШАНБЕ, 22 сен — Sputnik. Ба нақл аз хабаргузории Parstoday, Абӯалӣ Албасрӣ, мудири кулли иттилоот ва мубориза бо терроризм дар Вазорати кишвари Ироқ гуфт, ки Иброҳим Авод Ассомироӣ, мулаққаб ба Абубакр Албағдодӣ ҳамакнун дар яке аз манотиқи ғарбии Сурия ҳузур дорад.

Ин мақоми ироқӣ тасреҳ кар: Дар ҳоле, ки хонаводаҳои аносири ДОИШ ва шуморе аз нерӯҳои ин гурӯҳ дар урдугоҳи "Алҳавл" дар устони Алҳасака (шимоли шарқи Сурия) мустақар ҳастанд, фармондеҳони гурӯҳи террористии ДОИШ бо дастури мустақими Албағдодӣ, ба самти Туркия, Судон ва шимоли Африқо фирор кардаанд.

СММ: дар ҳафт сол ба узвияти ДОИШ 1,5 ҳазор шаҳрванди Тоҷикистон шомил шудаст

Албасрӣ афзуд, ки бархе аз террористҳои хориҷӣ низ аз манотиқи озодшуда, ба кишварҳои худ бозгаштаанд ва метавонанд худро дар қолабҳои нав созмондиҳӣ кунанд.

Ёдрас мешавем, ки Созмони иттилоотии низомии Ироқ маълумотҳои ахир дар бораи роҳбари гурӯҳи террористии ДОИШ (мамнӯъ дар Тоҷикистон) Абӯбакр Бағдодиро нашр карда буд.

Бино бар маълумоти созмон, Бағдодӣ ба минтақаҳои марзии байни Ироқу Сурия, ба музофоти Ҳомс, ба минтақаҳои биёбонии Ироқ ва ба минтақаҳои ҳаммарз бо Туркия, ки дар он қувваҳои мусаллаҳ нестанд, интиқол ёфтааст. Дар ин бора роҳбари созмони иттилооти низоми Ироқ Саъд Музҳар хабар додааст.

Номи аслии ал-Бағдодӣ Иброҳим Авад Иброҳим ал-Бадрӣ буда, ӯ  соли 2014 дар масҷиди Мосул дар бораи ташкилёбии "Халифати исломӣ" эълон кард.

Пештар хабари кушта шудани Бағдодӣ борҳо расонаӣ мегашт, аммо боре тасдиқи худро наёфта буд.

736
Барчаспҳо:
фармондеҳон, Сурия, фирор, ҷангҷӯён, ДОИШ, Ироқ, Тоҷикистон
День 21 января

Аз Рӯзи оғӯш то ниҳолшинонии Эмомалӣ Раҳмон дар боғи "Наврӯзгоҳ": имрӯзи таърих

23
(Таҷдидшуда 19:37 20.01.2021)
Рӯзи бисту якуми январ дар Лаҳистон – Рӯзи бибиҳо, дар Беларус — Рӯзи қӯшунҳои муҳандисӣ. Рӯзи байналмилалии оғӯш мебошад

Рӯзи 21 январ дар ҷаҳон чӣ рух дод

Соли 1862 Адам Опел дар шаҳри Рюсселхайми Олмон корхонаи истеҳсоли мошинаҳои дӯзандагӣ ифтитоҳ намуд. Соли 1886 ширкати "Опел" истеҳсоли дучарха ва соли 1899 истеҳсоли мошинро сар кард ва  ҳоло яке аз ширкатҳои машҳуртарин дар ҷаҳон мебошад.

Соли 1932 дар Остона аввалин шумораи рӯзномаи "Ҳақиқати Қазоқистон" («Казахстанская правда») нашр шуд.

Соли 1954 дар ҷаҳон нахустин маротиба бомбаи атомии зери обӣ сар дода шуд.

Соли 2011 дар Остона, дар  Донишгоҳи миллии санъати Қазоқистон ҷаласаи дуюми Шӯрои ректорони консерваторияҳои Иттиҳоди Давлатҳои Мустақил баргузор гардид.

Соли 2014 дар пойтахти Чин- шаҳри Пекин ҷаласаи якуми раёсати Шӯрои расмии Созмони ҳамкории Шанхай доир гардид. Дар ҷаласа роҳбарони қисмҳои миллии Шӯрои расмии кишварҳои иштирокчии СҲШ- Тоҷикистон, Русия, Чин, Қирғизистон, Қазоқистон ва Узбакистон ширкат варзиданд.

Соли 2016 ВАО хабар доданд, ки дастаҳои футболи Испания — "Реал" ва "Барселона", инчунин "Манчестер Юнайтед"-и Англия дар соли 2015 беш аз 500 миллион евро ба даст овардаанд.

Рӯзи 21 январ дар Тоҷикистон чӣ рух дод

Соли 2000 нахустин шумораи ҳафтаномаи "Азия-Плюс" аз чоп баромад.

Соли 2004 Парлумони Тоҷикистон ба қонун “Дар бораи уҳдадории умумии ҳарбӣ ва хизмати ҳарбӣ” тағйирот ворид кард, ки мувофиқи он муҳлати хизмати ҳатмии ҳарбӣ барои хатмкунандагони донишгоҳҳо аз 18 ба 12 моҳ поин оварда шуд.

Соли 2011 бо Фармони Президенти Тоҷикистон Хадамоти муҳоҷирати назди Ҳукумати Ҷумҳурии Тоҷикистон таъсис дода шуд.

Соли 2014 сарвазир Қоҳир Расулзода бо ҷараёни корҳои соҳилмустаҳкамкунӣ дар минтақаҳои наздисоҳилии  шаҳри Кӯлоб ва ноҳияи Восеи вилояти Хатлон шинос шуд.

Соли 2017  Эмомалӣ Раҳмон дар робита ба хабари ҳузнангези ба ҳалокат расидан ва ҷароҳат бардоштани шаҳрвандони Венгрия, аз ҷумла, кӯдакону наврасон бар асари садамаи воситаи нақлиётӣ дар Италия ба Президенти Венгрия Янош Адер барқияи тасаллият ирсол намуд.

Соли 2018 Эмомалӣ Раҳмон бо  раиси шаҳри Душанбе Рустами Эмомалӣ дар Боғи Наврӯзгоҳи пойтахт дарахтони нодири сояафкану ороишӣ шинонида, ба маъракаи ниҳолшинонӣ ва вусъати корҳои ободонию сабзазоркунӣ ва сабзу хуррам гардонидани муҳити атроф ҳусни оғоз бахшиданд.

Ҷашнҳои рӯзи 21 январ

  • Дар Лаҳистон – Рӯзи бибӣ (модаркалон).
  • Дар Беларус — Рӯзи қӯшунҳои муҳандисӣ.
  • Рӯзи байналмилалии оғӯш.

Рӯзи 21 январ кӣ ба дунё омадааст

Анвар Абдурасулов (1947)- физикдон, профессор.

Аҷамӣ Муҳаммадалӣ (1954) – шоир.

Бандишоева Савсан (1922 – 2003) – актрисаи театр, Ҳунарпешаи мардумии Тоҷикистон.

Гулов Тағоймурод (1945) – доктори илми кишоварзӣ.

Ғаниев Комилҷон (1950) – сароянда, Ҳунарпешаи мардумии Тоҷикистон.

Кандинов Лев (1932) – нависанда.

Каримова Аза (1925 – 2000) – доктори илми филологӣ.

Қаландарбеков Имомёрбек (1955)- доктори илми техникӣ, профессор.

Мастонгулов Мирзо (1939-2008)- доктори илми иқтисод, аввалин лётчики касбии тоҷик.

Маҳкамов Файз (1941) – дойрадаст, Ҳунарпешаи шоистаи Тоҷикистон.

Мирзоев Кароматулло (1941) – Нависандаи Халқии Тоҷикистон, дорандаи Ҷойизаи давлатии ба номи Рӯдакӣ.

Мусулмонкулов Раҳим (1938) – доктори илми филологӣ, профессор.

Собиров Султон ( 1933 – 1998) – доктори илми химия, профессор, Ходими шоистаи илми Тоҷикистон.

23
Барчаспҳо:
Ҷаҳон, Тоҷикистон, ҷашн
Мавзуъ
Аз ифтитоҳи радиои "Садои Душанбе" то марги 5 ҳазор нафар дар Чин: имрӯзи таърих
Аз зодрӯзи Аҳмад Бобоқулов то таҷдиди сохтори Дастгоҳи президент: имрӯзи таърих
Таъсиси "ЦРУ" ва тасдиқи лоиҳаи "CASA-1000" аз ҷониби Тоҷикистон: имрӯзи таърих
Рӯзи ҳамсар, таъсиси ноҳияҳои Хуҷанду Қумсангир ва зодрӯзи Дастин Поре: имрӯзи таърих

Пеш аз рақобат бо Поре: Макгрегор дар рейтинги UFC мавқеашро аз даст дод

188
(Таҷдидшуда 20:28 20.01.2021)
Дорандаи ду камарбанди қаҳрамониро дар рейтинги навшудаи UFC муборизи австралиягӣ Роберт Уиттакер пеш гузашт

ДУШАНБЕ, 20 янв — Sputnik. Ситораи ирландӣ Конор Макгрегор дар рейтинги ҷанговарони беҳтарини UFC (новобаста аз вазн) мавқеашро аз даст дод, гуфта мешавад дар торномаи расмии ин ширкат.

Ин пеш аз задухурди Макгрегор бо Дастин Пореи амрикоӣ, ки шаби 23 ба 24 январ дар Файт Айленд дар Абу-Дабӣ баргузор мешавад, рух дод.

Макгрегор ҷои Нурмуҳаммадовро дар рейтинги беҳтарин муборизони UFC гирифт

Дорандаи собиқи камарбанди UFC дар вазни сабук тибқи рейтинги навшуда аз ҷои 12-ум ба 13-ум фаромадааст. Ӯро дар ин феҳрист, варзишкори австралиягӣ Роберт Уиттакер пеш гузашт.

Ҳабиб Нурмуҳаммадов, қаҳрамони феълӣ дар вазни сабук, дар рейтинги ҷанговарони беҳтарини UFC ҳамоно дар мақоми аввал аст.

Аз миёни занон то ҳол варзишкори бразилиягӣ Аманда Нунес дар ҷои аввал меистад. Ӯ қаҳраомни UFC дар вазни сабук мебошад. Валентина Шевченко, размикори қирғизистонӣ, дар рейтинг (новобаста аз категорияҳои вазн) ҷои дуюмро ишғол мекунад.

188
Барчаспҳо:
қаҳрамони UFC, рейтинг, мавқеъ, мавқеъ, Макгрегор